البارت الرابع
الهروب من الواقع
رؤى ألجبوري
طائر بلا تغريد
بعيون كله حنيه ومحبه يباوع عليه بنضرات تفوق التصور
شمس أني ميت
فزيت گتله
شنو اسم الله عليك
هههه اوگفي شبيج قصدي ميت بيج
شنوو
اي ميت بيج احبج أموت عليج واريد اخطبج
فقدت النطق ضليت بس عيوني تباوع عليه
معقوله
معقوله باسل يحبني
يحبني اني
ها شموسه شتگولين
احجي مو فتتيتي فادي
والله بس تقبلين من الصبح ادز امي تخطبج
ههههه
صدقه لله شلون ظحكه حلوه
يعني موافقه مو
هزيت راسي وطبيت للبيت اركض
سمعت ظحكته وراي دخلت الگلبي قبل سمعي
دخلت للغرفه صارت المرايه گبالي
باوعت عليه عيوني يظحكن قبل حلگي
خدودي حمر
صرت ابتسم ورد اباوع الروحي
وأردد
باسل باسل يحبني
اي باسل يحبني هههه
اول مره احس بنفسي صرت شابه
اول مره احس مشاعري مخربطه
مو حب ابوي لو حب امي لا
حب من نوع ثاني
راح احس بلي يحس بيه راغب علامه
وجورج وسوف
أه أه جانت أحلام ورديه
ليش هلگد فرحتي بحجي باسل ألج يعني هل كنتي غير مرتاحه ويه عائلتج
بلعكس دكتور اهلي ناس طيبين وماعدهم أي أذيه
يحبوني ويخافون عليه
ومنطيني حريتي
بس جنت من أسمع عبد الحليم حافظ يغني
اول مره تحب يئلبي
وأول يوم اتهنى
يم على نار الحب ئلولي
ولأته من الگنه
جنت اگول هم يجي يوم ويصير أول مره احب
هههه يمكن جنت فتاة حالمه زياده
لا بلعكس كل بنيه بعمرج يكون الحب والزواج اهم شي عده
لعد ليش يسمونه عمر مراهقه
يعني تبقين تفكرين بس بلشباب والحب
وكل متشوفين ولد حلو يباوع عليج
تحلمين يكون هو فارس احلامج
صح دكتور اني هيج جنت
تدري. من جنت اباوع على التلفزيون
لو اگلب بلمجلات
وأشوف ولد حلو
ذيج الليله ما انام
بس افكر بيه هههه
يمكن لو ولد غمزلي انتهي هههههه
هذا كله شي عادي انتي بهذا الشي جاي تأكديلي ان حياتج طبيعيه
كملي بعد شنو الي صار
بعد شويه سمعت أصوات اهلي رجعوا
ابويه وأمي وأخويه احمد وفردوس اختي
