البارت 21
الهروب من الواقع
#رؤى ألجبوري
طائر بلا تغريد
مسائكم خير وبركه
...................................
اندك الباب حيل عبالي احت اسمهان
طلع سجاد فتح الباب وجان اسمع صوت
اخويه وأبويه
لك سجاد امك وين
جوه بلبيت
والله عال تالي وكت بناتنه يسجنن ازواجهن بعد شيسوي بينه الوكت
جدو تره ماما ماله دخل
انجب لك انجب مره صايرلي رجال وخر عن خلقتي لا اسحكك بلقندره
ابتعد عنه لان ما أريد اتواجه ويه خالي
أي ست شمس الضاهر ابوي ما أدبج مو
تشتكين على رجلج مو
خويه بس افهمني
ماريد افهم تمشين گدامي تتنازلين عن الدعوه
وتبوسين راس رجلج وتنجبين وتگعدين
يابه ارجوك اوكف وياي
معليج بأبوج انتِ لو تخافين عليه جا ما سويتي سوايتج
خويه تره هوه ضربني وحبسني بلغرفه
ويكسر راسج هم لعد شتردين يسويلج بعد ما تردين تطلگين ها يبوس على راسج
أي أريد اتطلك وما اتنازل أذا ما يطلگني
ركض عليه خالي وكمشه من شعره جره للگاع وصار يظرب بيه
أني تخبلت أريد ارفع خالو عن ماما ماگدرت
خالو ضخم وطويل وأني ضعيف صرت مثل العصفور بأيد نسر
رفعني وشمرني بعيد عنه ورجع يضرب ماما
اباوع جدو واگف ماعرف شنو من گلب عنده
زينب خانسه بين الطبله والكرسي حسيت بنفسي عاجز
صار لازم أتصرف
صحت بصوت عالي
خالوووو آني الي خبرت على بابا مو ماما
التفت عليه جدو
شنو ولك تحجي صدك
أي جدو اني اتصلت بلشرطه
وليش ولك
بابا أذاه الماما هواي وظربه وحبسه بلغرفه
حاولت افتح الباب مقبل وراد يظربني اني هم
رحت اتصلت على الشرطه
لا ياناقص عقل تحبس ابوك ياحقير
ضربني راشدي وگعت بلگاع
خالي تقرب عليه راد يضربني
جرته ماما وكعت عليه
زينب صارت تعيط
شافونه كول احنه نصيح
كافي يلله امشنه بويه مادام كلهم متفقين بعد احنه شلنه غرض
بس يابه لازم تتنازل عنه
ماعلينه خليهم بس اسمعو بعد لا تجونه ولا توصلون النه
وانتو بيناتكم ناركم تاكل حطبكم
