الهروب من الواقع
البارت الثاني
رؤى ألجبوري
طائر بلا تغريد
،💓💓💓💓💓💓💓
من بعد الآن لن اضعف لكَ ..واستكين.
سأكون..الاقوى..لنفسي وكرامتي التي بعثرتُها ومن بعد اليوم لأُهين.
كنت تصبو دوما لوصلي..وقلت لي ان حبي اليكِ لن ينضب كوني على يقين .
اين الوعود والعهود ..لم اجني منها غير..الألامٍ..وأوصلتني حد الجنون
...................................
توجهنه للطبيب الأكبر أبا عبدالله الحسين عليه السلام
وگفت السيارة بلكراج
يلله خيتي نزلي
نزلت بدون ما احجي
لازمه أيدي وصلنه مقابيل الصحن اني شفته وعيوني جرن بعد ما أگدر اسكت
ابجي خيتي ابجي طلعي الي بگلبج ارتاحي ماكو راحه غير يمهم همه الي يشافون الأرواح مو بس الاجساد
دخلنه للضريح فدوه لأسمه
گابلت الشباك وگعدت فردوس راحت تزور
احجي ويه ضريح الحسين وادعي وعيوني تجري
انتبة اكو مريه مبين عليه جنوبيه من عصابته وشيلته والدكه الي بلحنج
تباوع عليه شويه تقربت عليه گعدت گبالي
شلونج يمه
باوعت عليه والدمع بعيني
الحمد لله خاله زينه
عساج دومج زينه
يمه شمري حمولج على شيال الحمول هوه الي يسهله والمسهل الله
ثقي يمه ماكو شي بلدنيه يستاهل دموعج غير صحتج
لا ولد ولا رجل ولا اخ ولا فلوس
بس صحتج وبس تستاهل الدموع والقهر
دنگت وگتله
اي خاله صدك الصحه وبس
شوفي بنيتي أنا مره من ال عامر عشنه بكربلا من زمن جدي خذاله ابيت هنا وگعدنه بعده اج اخوه هم اخذله أبيت حذا وعاشو
يشتغلون بصيد السمج بلثرثار والرزازه عايشين على صيد السمج
كبرنه وخذت ابن عمي وهم نفس عيشت جدي وابوي
صار عندي ست ويلاد وبنيه
الرجال يروح للصيد كل شهر عشرين يوم يمر بينه ويمين (يومين)
يطينه هل الله قاسمه ويرد
المصيبه كل ولد يصير عدي بيه صرع
اضل افتر بيه من طبيب الطبيب ومستشفى المستشفى هذا الليل كله أنا ما أنامه خاف تجيه الحاله وانا نايمه
ماخليت عليهم وحيدتي
لمن يكبر الولد ويصير زين لمن عيوني خضر كفيلج الله
خطيه يعني من يكبر يروح منه المرض
هوه مايروح كلش بس يخف
المهم كل الي يكبر ازوجه
ياخذله سنه ياخذ مريته ويطلع
افترك على الولد الثاني هم اطيبه وزوجه وهم ياخذله سنه ياخذ مرته ويطلع
المهم تزوجوا كلهم وحتى البت هم تزوجة
الرجال عطاج عمره
الله يرحمه
