Chasing The Hero

Chapter 9

PIERCE

Nagkatinginan lamang kami ni Levii habang nararamdaman namin ang nabubuong tensyon kila Paige at Thalia.

Nakita ko si Levii na ngumisi habang pinagmamasdan ang dalawa at napasapo naman ako sa noo ko. Parang mga isip bata!

Tumingin naman ako sa lalaking kinakandarapa ng dalawang tangang babae at nakita ko lamang itong tahimik na kumakain.

Inikutan ko siya ng aking mga mata. Hindi niya ba nahahalata na may interes ang dalawang ito sakaniya? Manhid ba siya?

"Nate, eto oh. Binili ko talaga 'to para sa' yo." Napahinto ako sa pag-nguya sa pagkain ko nang makita ko si Paige na binigyan si Nate ng Dutch Mill.

Kumurap-kurap pa talaga ang tanga at nagpa-cute sa harap ni Nate habang inilalahad ang Dutch Mill na binili—Teka!

Tumingin ako sa gilid ko at nakita na nawawala ang Dutch Mill na binili ko kasabay ng pagkain ko. Hindi ko pa naman iyon nabubuksan.

Kinurot ko si Paige sa tagiliran dahil nagawa niyang nakawin ang binili ko kaya napatingin naman ito at pasimpleng nagmakaawa.

"Pierce, sorry talaga. Kasi naman, in order to win a war with this girl, I need to come up with a great strategy to get Nate's attention. Bibilhan na lang kita ng isang dosenang Dutch Mill." Mahinang bulong ni Paige at ipinagdikit ang dalawa niyang kamay sabay pikit pa upang patawarin ko.

"Kunin mo," utos ko sakaniya at tinuro 'yong binigay niya kay Nate.

She pouted her lips and intertwined her fingers and looked at me with a begging look. As if!

"Hey, Paige." Nabaling ang atensiyon ni Paige kay Levii na tinawag siya.

Nakita kong pinandilatan ni Paige si Levii at umigting pa ang bagang nito nang tumingin ito kay Levii. Minsan ay hindi ko nga maintindihan kung bakit kumukulo talaga ang dugo ni Paige kay Levii.

"May partner ka na ba sa Physics na activity?" tanong ni Levii.

Una akong tiningnan ni Paige at tinaasan ko lamang ito ng kilay.

"Mayroon na 'ko. Tulog ka kasi kanina kaya una akong inalok ni Ivy. Peace!" Inemphasize ko talaga' yong word na 'peace' sabay pakita sakaniya ng peace sign ko sabay ngiti.

Nang tingnan ko naman ito, napabuntonghininga siya at tumingin sa akin at ngumuso pa na hindi ko siya pinili bilang kapartner.

Duh! Malay ko ba, baka ayaw din naman niya akong maka-partner kasi baka gusto nito si Nate ang partner niya 'no!

"Si Levii, available." Sabi ko at tinaas-baba pa ang kilay ko habang nakangiti kay Paige.

Tumingin ako kay Nate at nakita itong pinopokus lamang ang atensiyon niya sa cellphone niya pero halatang nakikinig ito sa discussion naming tatlo.

Panandalian kasi itong tumingin sa direksiyon namin at kaagad namang binalik ang atensiyon sa cellphone niya nang hindi nagpapahalata.

As if!

Ako pa niloko niya, eh sobrang observant ko sa paligid at alam na alam ko ang mga ganiyan-ganiyan 'no.