اغتصاب شرعي

البارت الثالث

حلا ...راسلت عمر كتبتله مساء الخير.
عمر جاوب مساء النور
منو حضرتج؟؟!
حلا...وحدة تعرفك بس انت ما تعرفها.
عمر...وشلون حصلتيني ومن وين تعرفيني؟!!
حلا...اني صديقة لأختك وبنت عمتك.
عمر...وهنه انطنج رقمي؟!
حلا...لا محد انطاني اني عرفته بطريقتي الخاصه
عمر...اعتذر اني ما عندي وقت للعب.
حلا...ومنو كلك اني العب. اني بس اريد احد يفهمني
عمر...ومنو كلج اني افهمج باباتي عموفي هاي السوالف واهتمي بدراستج احسلج.
حلا...ها مو كتلك تفهمني.
ماجاوبني وره 5 ساعات جاوب..
عمر...اوك تمام بس صداقة.
حلا...تمام اتفقنه.
ضليت كل يوم اراسله ونتخابر وطبعاً غيرت نبرة صوتي..حتى ما يعرفني.
ضلينه تقريباً شهر على هذا الوضع ..
سعاد نصحتني كالت غيبي عنه كم يوم خلي نشوفه يفتقدج لو لا؟؟!
اني هم سويت مثل ما كالت عفته ما راسلته ولا خابرته يومين ..
هو صدك باليوم الثالث خابرني..
عمر...الو حلا شلونج؟
حلا...الحمد لله.
عمر...وينج شو ماكو ضل بالي يمج تعودت كل يوم احجي وياج خير صاير شي!!؟
حلا...شوية مريضه افلاونزه بالعظام ..وراسي يوجعني.
عمر...سلامتج محتاجه شي.؟؟
حلا...الله يسلمك لا ما محتاجه شكراً لسؤالك.
خلصنا اتصال وسديت الخط بس ميته فرح حسيت بأهتمام وحب.
كعدت ثاني يوم الصبح شفت اهلي مخبوصين علمود الخطبة مال عمر وحبيبته وسن
اني انصدمت عبالك واحد ودخل سجينه بكلبي بس ما حاولت ابين هذا الشي ضليت هادئة.
صارت الحفلة اني لبست فستان بيج حصر وطويل وبي فتحه فوك الركبه ومن صدره مفتوح.
ما لبست هواي اكسسوارات اكتفيت بس بكلادة ذهبيه ناعمه واسوار هادئ ومرتب ومكياج خفيف ورفعت شعري كعكه ..
صرت اخبل ..
رحنا للحفله شفت عمر كاعد بصف وسن متت قهر حبيبي وابن خالي وربينه سوه مو سهله اشوفه يم وحدة غريبة ويضحك وياها بطوله الحلو ..
ما اتحمل بداخلي نار بس ما حاولت الفت انظار عليه .
الحفلة كلها ضليت اركص يم عمر وكاعده بصفه ونصور سلفي
حسيت بيها انقهرت وشاورت اختها..
واني داركص مرت من يمي وكلبت العصير عليه الكل انتبهلي من صحت
هي عبالها تحرك كلبي بهالحركات ماتدري جذبت الانظار الي..
بس انقهر هسه هي لو عدها نص جمالي تستاهل عمر بس تلعب النفس وما ادري شنو شايف عمر بيها..
نورس ساعدتني حتى انظف فستاني..
وكالت ماعليج تغار منج لان احلى منها اني احجي ويه عمر اخلي يرزلها
خلصت الحفله جانت عبارة عن حفلة خطوبة وعقد شيخ بس.
رحت بدلت ملابسي اني ما البس حجاب يمهم عادي لبست دشداشة قصيرة وفتحت شعري وتعطرت وكفت بالمطبخ اسوي كاكاو ..
نزل عمر للمطبخ ياكل باليل سألني شعندج لسه كاعده؟؟!
حلا...اني مثلك.
عمر...شنو يعني مثلي؟!!
حلا...انت شدتسوي اني هم اسوي مثلك.
اتقرب عمر عليه وحط عيونه بعيوني ولوه ايدي وراي حيل شنو يعني مثلي؟؟اني خاطب وداحجي وية خطيبتي انتي شنو موضوعج!!!
حلا...لا ما قصدت شي واتقربت منه اكثر بحيث صرت اسمع صوت انفاسه ..
جنت افكر بيك..
هو تركني وفز وخر عني وراح صعد لغرفته..
اني سويت الكاكاو وجانت هاي بداية الخطة
خليت بالكاكاو حب منوم اخذته من غرفت اسامه.
وصعدت لغرفة عمر دكيت الباب وطبيت للغرفه هو جان يغير ملابسه ستوه نزع التيشيرت لابس الفانيلا حاول يرجع يلبس
كتله لا كمل تبديلك اني طالعه بس اجيت اعتذر منك على الي صار جوه
هو لبس ع السريع واكل من الكاكاو وكالي عاشت ايدج طيب ..
اعتذارج مقبول ..
واني هم اعتذر منج على الي صار بالحفلة لا تزعلين من وسن ما جانت تقصد..
بكلبي كتله اي خطية ماجانت تقصد.
كعدنه ع الجرباية ناكل اني بردت شوية وجسمي صار يرجف هو لفني بالجرجف وكالي اتغطي زين
.....................
هاي الليلة بقت مرافقتني 5 سنوات وهذا الحلم ما كدرت اخلص منه..
اتمنيت لو ما رحت لعمر بذيج الليلة اتمنيت لو ميته قبل ما اسوي هيج..ادمرت حياتي وحياة عمر بسبب
هاي الليلة..
فزيت من الحلم جنت مرعوبه وخايفه حاولت اكعد حسيت شي لازمني من وراي ..
عمر حاظني من وراي حيل ولازم ادية
عمر...شبيج خايفه؟!
حلا...نفس الحلم كل ليلة اشوفه.
عمر...شنو السبب وليش؟؟!
حلا...ما ادري..جنت احس بهوى نفسه يحرك بشعري حسيت بالقوة لان هو ساندي ..
اني من كعدت وشفت عمر حاضني هديت حيلي بحضنه .. ولزمت ادية خليتهن على صدري وبستهن وضليت حاضنه اديه ..
عمر...شكالتلج الدكتورة انطيني التحاليل والفحوصات انطيهن لأسامه يكلي شبيج..
حلا... ما بيه شي وما كالت الدكتورة اي شي والفحوصات ما انطيهن وكلشي ما بيه.
عمر...مو بكيفج ست حلا.
كام واخذ الفحوصات وطلع يراويهن لأسامه من عافني وراح حسيت بالخوف فقدت سندي جنت حاسة بالأمان من حاضني..
وسط الخوف والحزن والتعب غمضت عيوني ورجعت لحلمي الي ما فارقني 5 سنوات..
................
كعد عمر الصبح جان دايخ وراسه يوجعه بعده ما صاحي وجان حاضني بقوة اني حاولت اصحي عمر عمر اكعد لخاطر الله وخر عني لا يجون اهلنا
عمر كعد بس راسه يوجعه ودايخ
شافني بهذا الوضع خاف بالزايد كالي شكو؟؟
حلا...يعني شكو برايك نسيت شسويت باليل.
اتركني اروح الله يوفقك لا يجون اهلي والله بابا يموت من قهره ..
عمر...لج فهميني شكو.؟!
حلا...انطيني المفتاح اريد اطلع انت قافل الغرفه.
عمر...اني قافلها؟؟؟
دور على المفتاح طلعه من جوه المخده وانطاني
عمر...اوكفي فهميني شنو صار..
حلا...اتركني اروح الله يخليك راح اروح لغرفه نورس اغير ملابسي لا يشوفنه واحد والله اهلي يتخبلون وتصير عرك ومشاكل بين الأهل.
حلا...اني طلعت رحت لغرفة نورس غيرت ملابسي ولبست منها وغسلت ومشطت شعري ونزلت يم اهلي.
عمر...جان راسي يوجعني ودايخ وما احس بشي من كعدت وشفت حلا بهذا الوضع انسطرت بالزايد دشداشتها مشكوكه من يم الياخه وشعرها مخربط واديها بيها بقع زركه اتخربطت  حاولت اتذكر شصار بس ما اذكر غير بس اخر مرة لفيتها بالجرجف وحضنتها وبعد ما اذكر شي غير صور مشوشه ..لك معقولة اني حقير لهدرجه وانوب ويه منو ويه بنت عمتي لك عرضي هاي
مقولة اني نذل ما توقعت اني هيج حقير واتعده على عرضي لك هاي الانسانه الي ادافع عنها دائماً من جانت زغيرة معقولة هيج اسوي بيها..
بس وين وصلت والى اي مرحلة ما ادري
لعد وحبيبتي وسن احبها من 3 سنوات ومنتظر اليوم الي تصير بي الي شلون بينه
بعد ما صارت الي وفرحت معقولة تخرب علاقتنا
ضليت حسبه تاخذني وحسبه تجيبني
شسوي يا اللهي ساعدني انوب قافل عليها الغرفه وضام المفتاح لك عمر شسويت بالبنيه دمرت حياتها
حلا...نزلت يم اهلي وجان وجعي اصفر وعندي مغص وجسمي كله يرجف من الخوف.خطوة صعبة وجريئة شلون هيج سويت واتجرئت بس خاف يكشفني شلون بيه..
اهلي جانو يتريكون صاحولي اني جانت نفسيتي مسدودة ما اكدر اكل ولا لكمه
امي انتبهتلي  كالت شبيج كتلها اريد نرجع للبيت وانام تعبانه كلش وما مرتاحه هنا .
رحنه للبيت صعدت كبل لغرفتي قبل ما تستلمني امي ..
رحت اريد بس انام الليل كله ما نمت بس افكر
لازم هسه انام وارتاح وافكر بسالفتي شلون احلها
يتبع...للقصه بقية
________________________________

شنو رأيكم متابعيني شتتوقعون شنو راح يصير بينهم هل يا ترى عمر يتزوج حلا ويستر عليها لو يروح يكمل زواجه من حبيبته وسن؟!!!!
شاركو ارآئكم..

لا تنسون اوقات النشر
الثلاثاء والخميس والأحد🎀💜
مع خالص تحياتي 🤎👍
الكاتبة شيماء الجابري