اغتصاب شرعي

البارت الثامن

مساء الخير
شخباركم🌺⁦💗
الأمور تمام👍👍
رجائي لكم بالقراءة الممتعه⁦❤️⁩🌸
___________$$$$$$$$$$__________
رجعت نورس خابرت كالت الحك حلا فاقدة الوعي
رجعت للبيت بسرعه لان جنت ما مبتعد هواي
شفت امي ونورس يحاولن يصحنها
اجيت اريد ارفعها
كامت تصيح امي
شفنا دم بمكانها
لفيتها بالجرجف ونقلناها للمستشفى
بعد الفحوصات والتحاليل ..
كالت الدكتورة لازم ندخلها لغرفة العمليات
جانت حامل واكثر من شهرين والجنين مات بطنها
من أثر الضربة
ولازم نزله ....
رغم كل الي صار بينا بس ما هان عليه منظرهاوهي فاقدة الوعي وتنزف ولا هان عليه افقد ابني حتى لو بعده جنين
بعد ما طمنت عليها
عفت المستشفى وطلعت..

حلا... بعدما صحيت من اثر البنج ...شفت اهلي كلهم يمي ملتمين عليه
بس عيوني دور على عمر
ما شفته موجود حز بكلبي هذا الشي

بعدين عرفت اني اجهضت تعبت نفسيتي
حسيت هذا عقاب على الي سويته بعمر ووسن
بس عمر هو كان السبب فقدت طفلي
ظليت بس دموع تجري بدون ما طلع صوت
ماما ... عمر جان موجود اطمن عليج وراح.
من طلعوني ما رجعت لبيتنا رجعت لبيت اهلي
يومين بالمستشفى يجي يسأل ويروح
ام اسامه ... حبيبتي حلا انتي براحتج بس ليش ما ترجعين خطية رجلج تعبانه نفسيته.
ام حلا .. تعرفين هي خطية تعبانه خليها تغير جو كم يوم وترجع
بس عمر شبي؟!
ام اسامه ... والله عين وصابتهم جانو مثل الورد
اشو صارلهم مدة ميبطلون مشاكل.
ام حلا ... هسه تعبانه خلي اخذها وبعدين نحجي بهالتفاصيل.
وصلنا لبيتنا ... دخلت لغرفتي اريد بس انام وارتاح وانسى الوجع ..
جنت احس بأحتسار وقهر ..
نمت ما ادري شكد بس كعدت دنيا المغرب على صوت عمر
اي صوت عمر اميزة من بين مية صوت
جان عصبي ويصيح
وره شوية الباب اندفع بقوة وانفتح
دخل عمر
عمر ... شجابج لهنا ؟؟!!
حلا ...جنت تعبانه.
عمر ... كومي جهزي نفسج نرجع لبيتنا
حلا ... ما جاوبت ضليت صافنه بوجهه
عمر دنك عليه وصارن عيونه بعيوني
ولزمني حيل من ادية
حجاية وحدة ما اعيدها كومي بسرعه انزلي
منتظرج جوة
حسيت بخوف وألم ما كدرت اجادله
كمت واحس بدوخه
لبست صاية فوك تراكي ونزلت
حسيت بابا ضايج رحت بسته وطيبت خاطرة
وكتله لا تخاف عليه عمر يداريني
لكيته منتظرني بالسيارة صعدت
وداني للبيت عافني وطلع
تلكتني مرت خالي ونورس
صعدني فوك للغرفه نمت ما اعرف شكد
بس احس واحد يكعد بيه
منو ؟؟!!
عمر  يلا كافي نوم كومي
بعدني مريضة ما اكدر
راح اطلع بيج غضب الدنيا كومي
حلا ... ما اكوم ما اكدر
عمر ... جاوبي بطريقة لائقه لا اعلمج.
حلا ... ليش اشفت مني
عمر ... الي شفته منج كافي لو تريدين اذكرج
كومي سويلي عشه
حلا ... نزلت كوة امشي رحت للمطبخ شافتني مرت خالي
ام اسامه .. ليش كمتي يمه ارجعي نامي مو زين عليج
اذا جوعانه ما صحتيلي اني اسويلج
حلا ... مو الي عمر جوعان
ام اسامه ... ما كالي جان سويتله.
عمر .. يمه اكعدي انتي اريد حلا تسويلي
ام اسامه... يمه عمر على كيفك وياهه خطية
ترة الاسقاط اصعب من الولادة
عمر .. عوفيها ما يصير بيها شي خليها بيناتنا

واستمرت سلسلة من الاهانات والاعمال الشاقة والرزايل ..
على ابسط الامور ميحترمني ابد
وكام يتقربلي من ورة خشمه وبانزعاج
احيانا بعنف
وبابتعاد
بحسسني مسالة رغبة رجل يفرغها بأي وحدة
هذا جان اصعب عذاباتي
كملت الثالث كلية كوة
معدلي نزل
ارجع من الكلية انظف واسوي غدة وعشه الا اني ومراقبني
واغسل واكوي حتى ملابس البيت ومسح وتعقيم
ووووووو الشغل ما يخلص
معدلي نزل بشكل مو طبيعي كوة طلعت من الثالث
هذا غير صحتي ووزني الي بالناقص
نزول مو طبيعي
الى ان كملنا سنتين من زواجنا
واجه اليوم عمر ... وجانت المفاجئة
يتبع ...
للقصة بقيه...
الكاتبة شيماء الجابري
مع خالص تحياتي لكم💗🌸
شاركوني ارآكم شنو تتوقعون راح يصير بينهم
فضلاً وليس امراً تصويت +تعليق للبارت
حتى استمر
تشجيعكم غلاي 💗🌺