اغتصاب شرعي

البارت الثاني

عمر.. مضيعه شي بوجهي؟؟؟
حلا.. لهنا انتبهت لنفسي شكد عيب ..هاا لا
صباح الخير..
عمر..تريدون اوصلكم للمدرسة؟!!!
حلا... لا خاف تتأخر على جامعتك وبعدين المدرسة قريبة نروحلها مشي.
اجت نورس .. طبعاً تصفنين من تشوفين حبيب العمر..
حلا.. لا شنو هالحجي يا حبيب يا خريط ؟؟
دروحي اني ويني وين الحب طالبة سادس..
نورس.. عبالج تخلصين مني اليوم تعترفيلي شعندج ويه عمر..
حلا.... اسكتي نورس عوفينه ما هاي السوالف تأخرنا ع الدوام..
__________
نورس بنت خالي وعمر واسامه بس 3
اسامه طبيب وخاطب حبيبته هم طبيبه مثله
وعمر مرحلة رابعة كلية..
ونورس وياي بالسادس.. اني احب ولد خالي كلش واحسهم مقربين مني اكثر من ولد عمي لان ولد عمي كلهم اكبر مني من جنت زغيرة العب وياهم يكتلوني يجي اسامه وعمر يدافعون عني ..
احنه ربينه سوه وبيتنا بنفس الشارع..
وصلنا للمدرسة استلمتني نورس ليش؟؟؟ وشوكت؟؟؟ وشلون؟؟؟؟حبيتي عمر..
حلا... والله حتى اني ما جنت منتبهه لهذا الشي بس بحفلة الخطوبة مال اسامه من شفت البنات زحفن على عمر حسيت نار وشعلت بكلبي متت قهر بهاي اللحظة انتبهت لنفسي شكد احب عمر حتى تصرفاتي بدت تتغير ويه عمر
وهو انتبه لهذا الشي وسالني ليش متغيرة لهالدرجة ؟؟؟
نورس...حلو!!! بس...
حلا... بس شنووو؟؟؟؟
نورس...حلا ما اريدج تتأملين بعمر لان هو يحب وحدة ويا بالجامعة من 3 سنوات ومنتظرها تتخرج ويتزوجون .
حلا... كلام نورس سجينه ودخل بكلبي .. متت قهر ناري ما اعرف شلون اطفيها بس سكتت..
ما حاولت ابين لنورس..
وهسه شسوي؟؟!!
نورس...والله ما ادري احسنلج انسي لان تعرفين احنه نختار بكيفنه واهلنا ما يضغطون علينه وخصوصاً بموضوع الزواج.
ضليت اسبوع بالي مشغول بهالسالفة شلون اذا صارت صدك وخطبها معقولة يضيع مني..
خالصت امتحانات نصف السنة..
قررت اروح لبنية صديقتي ويانه بس هي شوي ملعبة..
نورس ما تفيدني بشي عفتها
رحت طلبت منها تساعدني..ااسمها سعاد
حلا... هلو سعاد شلونج..
سعاد..اهلين حلا شخبارج اني الحمد لله.
حلا... شرحتلها قصتي من البداية للنهاية.
سعاد...لج لازم تجذبي لصفج .. اجذبي انتباهه
حلا... شلون يعني؟؟!
سعاد..انتي ثولة شبيج يعني البسي دلع وروحي يمه بحجه يقريج وادلعي يمه راح ينجذبلج..
حلا...بس اني عندي مدرسين خصوصي شلون؟؟!
سعاد..بعد احسن كوليله المدرس غينه زايغه ويباوعلي بغير نضرة انت درسني احسن
حلا...بس هو خطية مرحلة رابعة وهم عندة دراسة ومسؤؤلية.
سعاد...لج غبية هي ساعة باليوم ما تأثر بشي.
حلا... اني فكرت بكلام سعاد وقررت اجذب انتباهه واخلي يحبني مستحيل اقبل يروح لغيري..
رجعت من الدوام حظرت واجباتي وخلصت العصر لبست وتعطرت وسويت تسريحه لشعري حلوة
و كلت لأهلي وطلعت رحت لبيت خالي
طلبت من عمر يدرسني رياضيات هو وافق يدرسني
بس ما كدرت اجذبه لصفي لان نورس ضلت كاعدة يمنه هم تدرس وياي..
ضليت احاول واحاول ويا بس هو اصلاً ما معبرني ولا منتبه اني متت قهر بس ما فقدت الامل .
رجعت لسعاد ..
حلا...لج سعاد تعالي هذا ما يأثر بي كلشي ولا ينتبه.
سعاد...بسيطه لا تخافين .عندج رقمه؟؟
حلا...شي اكيد طبعاً عندي.
سعاد..لعد روحي اتصلي عليه على اساس بنيه تريد تتعرف .
حلا...بس هو يعرف رقمي.
سعاد...لا تهتمي اني اجيبلج سيم كارت
ثاني يوم جابتلي سعاد سيم كارت وعلمتني الخطه.
نورس...حلا شعندج ويه سعاد!!
حلا...هيج مجرد صديقة.
نورس... حلا عوفيها هاي عليها علامة من المدرسة وكلها تعرفها مو من ثوبنه لا تتعاطين وياها.
حلا...وانتي شعليج تأمرين وتنهين وتقررين بدالي ترة اني مو زغيرة واعرف من اصادق لا تنرفزيني عوفيني يلا اريد اروح باي.
نورس...حلا شبيج ليش هيج متغيرة؟!!ما جنتي هيج.
حلا...كتلج باي لا تأخريني.
نورس...الله وياج.
حلا...رجعت من الدوام .. غسلت وبدلت وتغديت حظرت لأمتحاني وكملت.
شغلت السيم كارت الجديد..
واني ادية ترجف خاف يعرفني..
اتصلت عليه عن طريق الفايبر بعد ما نزلت الفايبر وسميته قليلة حظ...للقصة بقية.
للكاتبةShaimaa Aljabrey