اغتصاب شرعي

البارت الرابع⁦

مدخل⁦❤️⁩
"لا تحاول انت تكون انسان لايخطئ
فهذا مستحيل✋"
"بل حاول انت تكون انسان يتعلم من اخطائه فهذا عظيم✨🎀⁦"
_________$$$$$$$$$$__________
حلا...لازم هسه انام وارتاح وافكر بسالفتي شلون احلها..
نمت الصبح ما حسيت على نفسي الا لمن كعدتني امي ب5 العصر.
عمر متصل عليه 15 مرة ونورس كذالك ..
اني ما ردت اجاوبهم حتى اضغط على عمر ..
عمر...هاي دكتي الناقصه بحلا خسرتني الاول والتالي خسرتني حبيبتي وزواجي واحتمال اذا ما احل السالفه اخسر حتى اهلي ..
الى الأن ما مقتنع شلون هيج سويت ويامن؟؟
ويه عرضي وشرفي ..
ما اذكر هاي الليلة فقط صورة مشوشه
اني لازم اشوف حلا ونحجي شصار ويانه واشوف حل للموضوع هذا.
رحت على امي .
عمر...يوم حبيبتي جهزي نفسج انتي ونورس حتى نروح لبيت عمتي ..
نشوف حلا شنو وضعها..
ايي ماما لازم نروح خطية البنيه البارحه زعلت بسبب الي صار بالحفلة واليوم الصبح وجهه اصفر ومريضه ..
نورس...ماما اني اتصل عليها ما تجاوبني.

رحنه لبيت عمتي سلمنا عليهم بس عيوني تباوع على حلا ..اريد بس اشوفها شنو وضعها؟؟شلون صارت؟؟
ليش مختفيه ما تنزل يمنا ؟؟
لا وفوكاها اسأل نفسي بعد هاي الدكه الناقصه اكيد خلقتي كلها ما تريد تشوفها .
ام عمر...حلا وين؟ شو ما شفناها شلون صارت !
ام حلا...والله مريضه ونايمه من الصبح لسه!

حلا...اني ما ردت انزل يمهم حتى اضغط على عمر واحسسه بالذنب ما ردت اكل ولا اشرب سويت روحي نايمه وما نزلت..

عمر...راح نروح وبعدني ما شايف حلا شلون احجي وياها .. يلا حصل خير اتصل عليها واتفق وياها نلتقي بشي مكان.

حلا... اتصل عليه عمر تقريبا الساعة ب12 باليل.
عمر...الو حلا شلونج
حلا...يعني شلوني.
عمر...لازم اشوفج راح اجي باجر اخذج
حلا...شلون تاخذني تدري اهلي ما يقبلون.
عمر...ماعليج اني ادبرها .
حلا...نفرض اقتنعو وطلعنا لازم يروح واحد ويانه.
عمر...كتلج اني احلها ماعليج.
جهزي نفسج باجر راح اجي العصر اخذج .
عمر....رحت استأذنت من اهلها  بحجه تروح ويه نورس للمول وهم علمود حلا تغير جو .
اهلها وافقو
اخذتها ورحت للمطعم.
عمر...حلا الله يوفقج سولفيلي شصار بيناتنا الله يخليج والله عقلي ما يستوعب الي صار وكلشي ما اذكر ..
حلا...يعني شسولفلك ليش تسألني😞
عمر...لازم نشوف حل لهذا الموضوع💔
حلا...انت روح كمل زواجك لا تهتم
عمر...لج انتي شدتحجين شنو شنو كمل زواجك وانتي؟؟؟
حلا...اني هم اكمل دراستي ومن اتخرج عود الله كريم
عمر...انتي مخبله شنو الله كريم اني دمرت حياتج اذا عفتج اول وتالي راح ينكشف الموضوع
حلا...عمر انسى الموضوع روح اتزوج حبيبتك وعيش حياتك
الله يخليك دتأذيني من تحجي وتذكرني بذيج الليلة واني ادري حل ماكو.
عمر...فوك الي سويته بيج بعدج تفكرين لمستقبلي ونسيتي نفسج حياتج ادمرت لازم نشوف حل.
حلا...ماكو بس حل واحد.
عمر...شنو؟؟
حلا...اتزوجني كم شهر وطلكني وبعدها كلمن يشوف حياته وانت روح اتزوج وسن .
عمر...بس شلون اقنعها؟
حلا...اتفق وياهه على الزواج واذا تحبك تنتظرك.
عمر...افكر بالموضوع وادبر خطه وتنحل ان شاء الله انتي لا تهتمين.
حلا...رجعت للبيت وفكرت لازم اضغط على عمر حتى ما يستسلم لعواطفه بهاي الفترة صار عندي مغص وتوتر واعصابي تلفانه وخايفه حتى اكل ما اكدر اكل شهيتي مسدودة وصلت الى درجه معدتي ما تستقبل حتى المي .
مر 3 ايام بصعوبة عمر يتصل عليه ما اجاوب نورس ما اتواصل وياهه للدوام ما اروح
منعزله بغرفتي ..
بيت خالي ابو اسامه عزمونه ع العشه
لبست احلى ملابس عندي ورتبت نفسي ورحت بس التعب مبين بوجهي كاعدين ع العشه دناكل
عمر غمزلي كالي كومي للمطبخ احجي وياج ردت اكوم من يمهم ما حسيت الا الدنيا افترت بيه كأنما شخص دفعني من جبل صار عندي خفقان بالقلب ودوران طحت بحظن امي
شالوني نمت ع التخم من صحيت شفت الكل فوك راسي خايفين ويسألون على وضعي
اسامه شادلي مغذي وكانونه واني ما ادري
صار عندي هبوط بالضغط بسبب التوتر
وصار فترة ما اكل.
بقينه الليلة يم بيت خالي .
كعدت باليل اريد اطلع اغسل وجهي بلكي اصحه شوية كعدت وحاولت اوكف على حيلي ماكدرت حسيت بدوار ودوخه بقيت كاعده شوية لمن يستقر وضعي.
كمت امشي وسانده نفسي ع الحايط طلعت من الغرفه رحت للمطبخ عثرت بالطريق مالحكت اتمسك بشي حتي ما اوكع .
ماحسيت الا شخص ساندني منو؟؟
عمر!!
اخذني كعدني بالهول ع التخم وجابلي مي
عمر...ليش هيج تسوين بنفسج والله ما ناسيج والليل ما انامه وافكر بيج وشلون احل سالفتنا بس انطيني مجال واكيد راح احل الموضوع وعد مني
بس اريدج توعديني تحافضين على صحتج.
حلا...وعد من اليوم ورايح انتبه لنفسي.
عمر...عفيه بالوردة تسمع الكلمة يلا هسه روحي نامي وارتاحي.
حلا...احس كلبي طاير من الفرح حسيت بأهتمام وحب عمر واخيراً راح يصير الاريده.
عمر...ياربي ساعدني دليني على الطريق الصح شسوي بهذا الوضع شلون اعوف وسن واكسر كلبها واتزوج حلا الي حاسبها حالها من حال اختي نورس
واذا اتزوج وسن شلون ضميري يسمحلي اكسر بهاي الانسانه فوك ما دمرت مستقبلها كاعد افكر بنفسي .
كمت ادقق على وسن بأي كلمة تحجيها وكمت اخلق مشاكل حتى اعوفها واستر على بنت عمتي.
رن التليفون.
منو المتصل؟؟
وسن.
عمر...الو وسن شتريدين
وسن...هلو حبيبي ليش عصبي
عمر...مو عصبي بس مالي خلك فضيها شتريدين
وسن...سلامتك بس اريد اروح لبيت عمي اهلي راح يروحون هسه.
عمر...ماكو روحه
وسن...ليش هيج عمر انت من قبل ما تمنعني من اي شي ليش من تزوجنا تغيرت تصرفاتك وياي
عمر...بيت عمج عدهم ولد.
وسن...هاا عيني عود صرت تخاف من الولد لعد والدوام مو اني بنص الولد باجر عكبه حتى تعيين ما تقبل اتعين.
عمر...طبعاً اكيد ما اقبل.
وسن...لا بربك اني دارسة وتعبانه على نفسي سنين وراح اتخرج مهندسة وتريدني اكعد بالبيت وانظف واطبخ واهتم بالجهال ؟؟؟
عمر... من هسه كتلج خاف تكولين ماكتلي وتسويلي مشاكل بعد الزواج
وظيفه ماكو تتخرجين وتكعدين انتهى الموضوع.
وسن...والله مو بكيفك تقرر مستقبلي .
عمر...اسمعي وسن اني ما جبرتج عليه واذا تحبين تبقين وياي تسمعين الكلام وتعيين ماكو
وسدي الموضوع لان دوختيني.
وسن ... شتقصد؟؟!!!
عمر ...والله كلامي واضح.
اوك باي.
بعد يومين وصلتنا بعض القرارات من اهل وسن
تريد بيت وحدها وبعد ما تتخرج تتعين
والزواج يصير خلال اسبوع لان اهلها يردون يسافرون لازم نخلص العرس بأسبوع.
طبعاً اني مو ضد التعين واصلا متفق وياهه من قبل تكمل دراستها وتمارس وظيفتها وبيت وحدها اكدر اشتريلها بيت والعرس اصلاً اني اتمنى يصير اليوم .
بس الانسان اذا دقق بموضوع
راح يكتشف ثغرات واشياء جان يغض النظر عنها لخاطر شريك حياته
لان الحياة تخرب ويختفي معناها اذا دققنا بكلشي وحاولنا نمشي الكل على مرامنه
التسامح صفه حلوة ولازم نتخلى عن بعض الاشياء الي نتمناها لخاطر الشخص الي نحبه.
لهذا السبب اني بلشت اكتشف اشياء ما جنت
اعرفها بوسن.
اني ما حاولت اتصل بيها اصلاً اني اريد نوصل
لهاي النقطه بس بداخلي تمنيت لو تتنازل عن عنادها وكبريائها لخاطري حتى احس هي شاريتني
وما تتخلى عني.
بس هي بالعكس من اول مشكلة تخلت عني
يا ماا مرت مشاكل بينه بس دائماً اني ابادر واصالحها واتخلى عن اشياء احبها لخاطرها.
بس هي ابد ما حسستني بحبها
علمود تعيين قررت تتركني.
اني هم ما اتصلت عليها عفتها
اهلها اتصلو بأهلي اما نسوي العرس خلال اسبوع وانفذ طلباتهم لو اطلكها.
اجتني هاي الفرصة من الله
كلت لأهلي راح اطلكها
بابا عارض هذا الشي وطلب مني افكر بالموضوع
عمر...بابا افهمني هي عارضتني وتريد تمشي كلمتها عليه تريد كلشي على مرامها اني ما اقبل بهذا الشي.
بابا...يا ابني فكر بالموضوع ولا تنسى هاي البنيه حبيبتك وشكد تعبت يلا خطبتها ليش راح تعوفها بسهولة.
عمر...بابا اني قررت خلص راح اطلكها.
اهلي بين معارض وبين موافق عفتهم وصعدت لغرفتي .
ثاني يوم رحت على وسن طلكتها وانتهى الموضوع
صارت بعض المشاكل واهلها ما قبلو يرجعون النيشان باعتبارة هدية للعروس فما قبلو يرجعو
اني هم عفتهم وطلعت ..
رجعت للبيت.
اتصلت على حلا.
كتلها خلص انتهى موضوع وسن.
باليل اهل حلا اجو يسلمون علينه لان طلكت وسن.
شفت حلا صايره حلوة مدري ليش نظرتي تغيرت تجاهه صرت افكر بيها ليل مع نهار حاولت اسولف واضحك وياهه حتى اهلنا ينتبهون
واكدر اخطبها .
حلا...اني رحت اخذت حساب الفيس مال وسن من الفيس مال عمر..
من سمعت صارت مشاكل بينهم كلت لازم ادخل قبل ما يتصالحون .
اتصلت عليها بالماسنجر .
حلا...الووو
وسن...الو منو وياي.
حلا...وحدة ما تعرفيها راح انصحج نصيحه تبتعدين عن عمر احسن الج
عمر حبيبي وراح نتزوج واتفقنه يطلكج وديحاول يزيحج من طريقة ما تشوفي يخلق مشاكل بينكم حتى تطلكين منه
الووو .. الووو .. وينج
ماكو ما جاوبت
وسن غلقت التليفون وره نص ساعة الحساب اختفى من الفيس حذفته .
بعد ما كدرت اتواصل وياهه وكلبي نار خاف تروح تحجي لعمر عني.
وره يومين سمعت عمر طلكها اففف متت فرح واخيراً خلصت منها
خلصت الخطوة الثانية
لازم ابلش بالخوة الثالثة واتزوج عمر.
راح نروحلهم باليل لبست بنطرون جينز ممزق وبدي قصير وفتحت شعري ومكياج خفيف
والعطر واصل لأخر العالم..
رحت يمهم سلمت على عمر هو ضحكلي
كعدت بصفه وضليت اسولف ويا ونضحك
اهلنا انتبهو علينا مندمجين.
راح عمر اخذ امه على جهة وضل يحجي وياهه
وره فترة اجت ام اسامه تحجي ويه امي
اني فرحت كلت بلكي ديحجون بخطوبتنا
اني وعمر.
والله صدك وره شوية ابو اسامه طلبني من بابا
اني اخذت نورس وطلعت
والله ضعت بالكاع الكل صار يباوعلي .
بابا وافق وكالهم نشوف حلا
القرار يمها
ما نضغط عليها بأي موضوع وخصوصا بالزواج
اجت امي وام اسامه ردت اكلهم ايي موافقه بس صبرت لمن سألوني
كتلهم اكيد موافقه ..
طرت من الفرح ما صدكت شوكت نخطب رسمي
ثاني يوم اجو لبيتنا وصارت خطبه رسميه لبسنا الحلقات وسوينه عقد شيخ وحفله
اني لبست بالحفله فستان قصير حد الركبة
حصر ومفتوح من صدره كلش حلو عليه
وخصوصاً اني جسمي مفصل تفصال
طولي 165 وزني 60 بشرتي بيضه ناعمه شعري اشكر وطويل حد الخصر واصل
عيوني كبار
ولونهن اخضر فاتح على رصاصي هيج لون
ورموشي طوال شفايفي مليانه
الحفلة كلها كاعدة بصف عمر لازمه ايده ما مصدكه صار الي..
بس هو احسه ضايج ومهموم ما مبين الفرح بوجهه
يتصنع الضحك من اباوعله
يبتسم ابتسامه خفيفه بوجهي.
استمرت فترة الخطوبة اسبوع
بس ابد ما ارتاحيت بيها مو مثل اي خطيبين
اصلا عمر يا دوب متصل عليه مرتين.
شكد اشتاقيتله اسبوع كامل مشايفته
هذا الاسبوع ملتهين نجهز للعرس طلعت اشتريت ملابس ومكياج ومن هالسوالف مال العروس
واهلي جهزو لحفلة الحنه .
واخيراً وصلنا ليوم الزفه صادف يوم خميس
سويناها دمج هو حنه هو زفه ..
بس بوقتها جنت مهمومه وخايفه وكلش متوتره شسوي يربي بهالوضع
وصلت للزفه ما حسبت حساب هاليوم .
شلون بيه.
رحت اتصلت بسعاد .
كتلها ولج راح اتزوج عمر شلون بيه باجر زفتنا
سعاد...الحل عندي لا تخافين.
حلا...ولج شنو ما اخاف اكلج راح نتزوج وبوقتها راح يعرف عمر اني بعدني بنيه وهو ما معتدي عليه ولج راح يخرب كل البنيته..
سعاد...شبيج خايفه راح انطيج حبوب مال كبسله
انطي وحدة راح يطفي علأخير وكلشي ما يدري وتخلص هاي الليلة.
حلا...بس شلون اخلي ياخذها.
سعاد...عابت شكد ثولة احتاريتي بهاي .
خليها بالعصير قبل لا دخلون للغرفه هو لذاك الوقت راح يشتغل مفعول الحبه وتم العملية بنجاح.
حلا...اوك باجر تعالي للحفلة مالتي وجيبيلي الحبوب وياج .
سعاد... بس مو تنسين الحساب.
حلا... تدللين شكد ما تريدين اطيج بس جيبيهن مو تنسين.
سعاد.. اوك ما انسى. يلا باي
حلا...باي.
اني خايفه حيل خاف ما تجيبهن لو يصير شي
يربي شسوي .
الحفلة كلها واني مهمومه ومتوتره .
وصلت للزفه كمت على حيلي ما اكدر اوكف جسمي كله يرجف وخايفه.
اجه عمر للقاعة حتى ياخذني
هو دخل للقاعة واني من شفته متت
هو ضخم طوله180 وزنه 70 صاحب عضلات وجسم.
بشرته حنطاوية شعرة اسود عيونه كبار وسود
حواجبه طبك وصاحب نظرة قوية
من باوعلي اني جمدت بمكاني اجه كعد بصفي
واني خايفه اتخيل شكلة من يعرف بالموضوع
باوعلي وابتسم ابتسامه خفيفه اني شوية هدئت
اقترب مني وهمسلي شبيج ليش خايفه
لونج مخطوف اضحكي شوية يالعروس
بس لا خايفه مني وضحك.
كوة حبست ضحكتي حتى ما اضحك
العالم كلها تباوعلي .
اخذني عمر وصعدنا بسيارة الزفه افترينه هواي بس ابد ما حسيت بالفرحه ..
وصلنا لبيت خالي كعدنا بالصاله هم شوية ضلو يدكون ويركصون اني شسوي يربي
شلون انطي الحبه
اني من قبل  كسرت 2 وسويتهم بودرة
من دخلنا للغرفه جان موجود ع الطبلة اكل وفواكه وعصاير
رحت اخذت عصير وخليت البودره بالعصير
وقدمته لعمر هو ما حب يخجلني وشرب منه شوية
حاولت ويا حتى يشربه كله بس ما قبل
طلع من الغرفه يسلم على الاصدقاء والمعازيم الي اجو لبيتهم اني بالي ضل يمه خاف يتأخر هناك
ويبدي مفعول الحبه.
وره ربع ساعة اقل
اجه عمر للغرفه جان راسة يوجعه حيل اني خفت عليه خاف صارله شي..
بده يدوخ وحركاته عبث اني خفت منه حيل
شافني واكفه بصف ميز التواليت
اجه عندي ودفعني حيل ع الحايط خنكني بكل قوته
بحيث ما كدرت اتنفس الى درجه توقعت راح اموت
فكرت بأمي شيصير بيها اذا متت..
بأخر لحظه عافني طحت بالكاع مثل المغمي عليه
بده يضرب بيه ويكلي بسببج بسببج عفتها
جنت احبها ليش هيج سويتي
فرحانه فرحانه بعرسج
دمرتي حياتي ...... لا تتوقعين احبج
لا تتوقعين من عمر الحب
اني خفت عبالي عمر عرف بالسالفه
اريد اتحرك ما اكدر جمدت بمكاني وما اكدر اصيح خاف يسمعونه اهله ويجون ضليت حاطه ايدي على حلكي وحابسه الألم بداخلي هو ضل يضرب بيه جسمي صار ازرك من الضرب وشفتي انشكت شوية وضلت تنزف .. جسمي خدر من الضرب
اني استسلمت ما كدرت اقاومه هو فجأة عافني وكف بعد ما يضربني ..
بده يفرك بعيونه يريد يركز بس ما كدر
شافني بالكاع طايحه انتبه لنفسه شلون ضربني
شاني من الكاع نيمني ع الجربايه
وحضني وضل يبجي ويكول اسف اسف
من قهري لج اني احبها احب وسن هي حبيبتي ما اتحمل غيابها..
هذا كلامه سجينه ودخلت بكلبي
حاولت اهدي عمر بس جسمي مكسر ما اكدر اتحرك
كل قوتي كدرت امسح دموعه وكتله لا تخاف اني اعوضك عنها واخليك تنساها ..
هو صار عصبي واقترب مني حيل صار وجهه بوجهي
وكالي شلون تخليني انسى لج هي وسن بنفسها ما تخليني انساهه ..
اني اقتربت منه اكثر وحاولت اثيره
لازم نخلص من هاي الليلة بعد هاي الفرصة ما تتكرر وخصوصا عمر مو بوعيه يعني كلشي ما يدري
هو عصبي ويصيح عليه اني خليت ايدي على حلكه
هو سكت .. كتله عمر لا تحجي
هو وخر ايدي وراد يصيح عليه
اني رحت بسرعه بسته من شفايفه هو سكت ..
وخرت عنه بس ما ودي اوخر  اريد ابقى بحضنه
هو ضل صافن عليه..
اقترب مني وحضني بكل قوة نام على صدري وضل يسولف وياي
حسيت بحرارة جسمه وصوته الدافي يطخ بركبتي
كتله عمر واخيراً تحقق حلمي
عمر منتظرتك من زمان تمنيتك تصير الي
واخيرا تزوجنا وراح نكمل عمرنا سوه
هو ضل يبوس بيه من ركبتي وشفايفي وحاضني بين ادية بكل قوة..
( بعد مرور 3 ساعات )
حلا... اكتمل كلشي على اكمل وجه
خلصت من هاي الليله وهذا الهم
وصرت زوجته بس كلش تأذيت
لان هو جان مو بوعيه
بس تحملت علموده
شفته نايم بصفي رحت نمت بحضنه شكد جنت نعسانه وتعبانه بس ما كدرت انام
بقيت كاعده وصافنه عليه وهو نايم شكد حلو
مثل الملاك
وبقيت الوم بنفسي ليش هيج سويتي بعمر
انقهرت حيل بس كلشي بسببه
لو يحبني ما صار كل هذا الشي
بس الحمد لله خلصت وعدت الامور على خير..
صار الصبح كعدت عمر
حلا...عمر عمر اكعد صار الصبح اريد اكوم .
عمر...هاا شكو ما تكومين منو لازمج .
حلا...انت لازمني..
عمر...فتحت عيوني شفت حلا بحضني ولازمها بادية وحالتها حالة ما تنوصف
لا يا عمر ما اتوقع تسويها
معقولة هم ضربت حلا
انتبهت الها اكو اثار بجسمها مال ضرب قوي
احس شخص وضربني على راسي واني اصلا من كعدت دايخ وراسي يوجعني
بس شوكت ضربتها وشلون كلشي ما اذكر.
عمر...حلا منو ضربج ؟؟!
حلا...بصوت حزين انت.
عمر...شلون وشوكت اني كلشي ما اذكر.
حلا...عمر شبيك فاقد الذاكرة شو كل مرة تضربني وتعذبني وتكلي ما اذكر لعد منو ضربني جسمي كسرته ما اكدر اتحرك.
عمر...ومنو كلج اتحركي.
حلا...ضحكت ايي ما اريد اتحرك.
عمر...دكومي خلي نسبح راح يجون الاهل
حلا...ايي يلا الساعه صارت ب9 الصبح
عمر...شنووو لعد اني شنو ميت ليش ما كعدتيني.
حلا...انت خالص شحنك ما تكعد شسويلك.
عمر... صايره تقصفين شو ما ادري بيج.
حلا...هههههه ايي اصلاً انت كلشي ما تدري.
حلا...رحت سبحت وبدلت وخليت مكياج واكو اثار بوجهي وركبتي حاولت اخفيها بالمكياج
ولبست ثوب حلو مال صبحه للعروس مستور
حتى اثار الضرب ما تبين .
عمر... راسي يوجعني وكلشي ما اذكر شنو صار وياي البارحه
ليش ما اذكر اووف ياا ربي ليش؟؟؟
اتصنعت الضحك بوجه حلا
من شفتها هيج متأذيه وضاربها
حاولت ما احسسها بشي
شلون هيج سويت بيها
احس نفسي مثل الضايع ومتيه
كلشي ما ادري.
حلا... طلعت سلمت على الاهل وباركولنا
كعدنا اني وعمر يمهم تريكنا.
صعدت للغرفه حتى ارتب المكياج شفت تليفوني بالجنطه يدك ..
اخذته شفته منو المتصل..؟؟؟
سعاد.
الوو سعاد شلونج
سعاد... هلا بالعروس شخبارج شلون مشت الليلة؟!
حلا...تعبت كلش بس الحمد لله عدت على خير
سعاد...اوك ما دام كلشي بخير اني محتاجه رصيد ابو 50 اثير دزيلي.
حلا...مال شنو ومنين اجيبلج هسه.
سعاد...ما ادري دبري امرج واريد 100 الف كلش محتاجتهن
حلا...ولج منين اجيبلج وخري عني .
سعاد... هذا عرس شكبره وزوجج غني وعنده فلوس شكثر ما دزيلي رصيد و100 الف
ولج شكد ساعدتج لو ما اني ما تزوجتي عمر
حلا...ايي مو انتي الي سويتي كل هذا
ولي لج اني بتعبي تزوجته .
سعاد... اذا ما دبريلي الرصيد والفلوس بعد ساعة
المحادثات الي حجينه بيهن اني وياج والاتصاللات كلها تلكيها يم عمر شاهد الله
بسرعه دزيلي
حلا...شنو شدتحجين ما اصدك
سعاد ... لا حبي صدكي هسه ادزلج دليل السكرينات مال المحادثات والاتصال كله محفوظ يمي
حلا...دزتلي الصور والتسجيل انصدمت حاولت اتفاهم وياهه سدت الخط وغلقت التليفون
لك هاي صدك تسويها بيه
خاف تروح لعمر تكله
شسوي يربي منين ادبرلها فلوس ورصيد..
يتبع...للقصه بقية
الكاتبة شيماء الجابري
___________________________
شنو رأيكم غلاي شتتوقعون شنو راح يصير
معقولة عمر راح يعرف واذا عرف شنو راح يسوي
وشلون راح تخلص حلا من التهديد والابتزاز
انتظروني
البارت الخامس يحمل الكثير من التشويق وراح تنكشف الكثير من الحقائق وحلا راح تكشف عمر على حقيقته..
مع خالص حبي وتحياتي
الكاتبة شيماء الجابري