اغتصاب شرعي

البارت السابع

مدخل⁦❤️⁩🌺
اذا كنت تحب اثنين واردت الأختيار بينهما
اختر الثاني لأنك لو فعلاً كنت تحب الأول
ما خضع قلبك للأخر🌸💗
اتمنى لكم قراءة ممتعه
الكاتبة شيماء الجابري
_________&&&&&&&&&&_________
عمر...احس نفسي بحلم حلا عيشتني احلا ايام العمر عشت وياهه احلى الايام حب ودلال قنوعه كل مواصفات الزوجه الصالحه بيها.
حبيتها من كل كلبي حتى اكثر من ما حبيت وسن ..حتى گدرت تنسيني وسن.
جنت احمد الله واشكره عليها .
لحد يوم عيد زواجنا من شفت سكرينات الحجي.
حسيت واحد ضربني على راسي
شكد جنت اكره الرجل الي يضرب مرته وارفض هذا المبدأ بس بيومها
ما عرفت شسوي!!؟
ماتعرفون شعور الرجل من يحس انضحك عليه اشكال التخيلات صارت عندي
بالله زغيرة واتزوجتني؟!
زين شلون أمن بيها بعد
حسيت جرحت كرامتي كرجل
ظليت افكر شسوي بلحظتها
جنت اتمنى اسحلها لأبوها
بس خفت من الي ممكن يصير
خفت على العائلتين خفت على هواي امور
ورغم كلشي هي تبقى عرضي
كلت خلي اخلص من تهديد هاي الجماعة
وبعدين اتفرغ بس ما جان الي نفس
اباوع بوجها
انطيتهم مبلغ واتفقت ويه جماعة تهددهم
اذا حاولو مرة ثانية
وخاصة اني كدرت اوصللهم من ارقام تليفوناتهم
طلعو زعاطيط حركت ارقامهم
وفرمتت تليفوناتهم
وفرغت الها..
والله تندمت على الساعة الي فكرت تسوي بيها هيج

حلا...الخوف من ان تفضحني سعاد بجهة واسلوب عمر بالجهة الثانية
ما توقعته هيج قاسي وردت فعله تكون بهالصورة
جنت اتصور بمرور الوقت
ينسى ويتقبلني كزوجه .
بس تصوري
جان خاطيء جان حيل متجاوزني يتحجج بالصغيرة والكبيرة حتى يهيني ويرزلني ويغلط.
ويجرحني كدام اهله .
طبعاً غير انو طلب اني انام بالگاع وهو ع الجرباية
عمر .... حلا وين القميص الازرك؟؟؟!
حلا .... ما غسلته.
عمر ....ليش؟؟!! اني اريد البسة هسه.
حلا ....البارحه انت ذبيته باليل وبعدين كل القمصان نظيفه ومغسولة ومكوية البس اي واحد.
شمر القميص بوجهي
عمر ....خلال نص ساعة اريد القميص نظيف ومكوي
وما تلاسنين بعد سمعتي؟؟؟؟!!!!!!
حلا .... من غسلته وكويته وكملت لبس غيره وطلع
مرات يجي بتالي الليل ويكعدتي بطرف رجله
كومي سويلي عشه...
طبعاً لازم طلب تعجيزي.
ومن يشوف امه لازمه شغله يرزلني كدامها ويكلي كملي الشغله بدالها.
الشغل ما جان يتعبني.
بس جان يتعبني الاهانه مالته ع الطالع والنازل
اهانه ورزاله على ابسط الامور
كام ما يحترمني كدام اي واحد وهم جنت اسكت.
لحد ما بده اسلوب ثاني كام طول الليل يتراسل ويخابر ولا عبالك اني موجودة اسمع غزلة ويه البنات والمواعده واني احترك
هاي جانت اصعب شي.
عرف شلون يحرك گلبي...

حلا ... عمر... ادري غلطت بحقك واعتذرت منك اكثر من مرة..
وسمعتني هواي اهانات .
بس متوصل تخابر بنات وتراسل تالي الليل.
وتواعدهن كدامي وتتغزل بصاحباتك .
ليش هيج تجرح احساسي ياعمر.

ليش انتي عندج احاسيس حتى تنجرح.
عاشت ايدك ابن خالي ما قصرت اشكرك
بس الله يغفر لعبادة
واني من حبي الك سويت هيج
سامحني
واني بعدني احبك وشاريتك
بس سامحني واني والله انسيك كلشي

شلون تنسيني هم حبايه جديدة...
ولج كلما اذكر بودي اشرب من دمج
وافكر يمكن انتي مو بنية وانغشيت بيج
كلشي اتوقع من امثالج يلا روحي منا .

حلا... لا لهنا وكافي ما اسمحلك
اني سويت هيج لان احبك
وصار سنين اتمناك وتحملت اهاينك صار شهرين
من عرفت لسه واني اتمنى ترجع تفكر بعلاقتنا
بس مال تتهمني بشرفي
لا انت ولا اكبر واحد ... بعدني ما كملت حجايتي
جرني من شعري..
وقرب وجهه على وجهي عيونه صارت بعيوني
اسمعي لج صوتج ما يعلى ... الشريفه ما تسوي سوايتج.
ولا عبالج باقي عليج لا بس لخاطر شيبة ابوج
حلا... اخخ هدني اني بعد ما اريدك ما اريد ابقى وياك
راح اروح لبيت اهلي.
عمر ... ايي وبالله شتكولين الهم
احجي لج لا اموتج
اسمعي ولج اريد وحدة تطلع بره البيت
حتى تشوف...
دفعتها حيل وطلعت..
حلا .... عمر جان يجرني حيل من شعري واني ما متوازنه وبس دفعني وكعت على حافة الجرباية
وصارت الوكعه على بطني حسيت سجينه دخلت بطني ..
صحت بصوت عالي من الالم..

عمر.... صار شهرين من عرفت بس احس بكلبي نار ما تطفى
والي يزيد بعدني ارغبلها واحبها بس كرامتي ما تسمحلي اتقربلها
لذلك جانت تنعكس تصرفاتي بعنف تجاهه
سمعت صيحتها بس كملت طريقي
وضلت بالي خابرت نورس تصعد تشوفها
لان جان دنيا ضهر واهلي نايمين
يتبع...
للقصة بقية..
الكاتبة شيماء الجابري
___________$$$$$$$$$$__________
فضلاً وليس امراً تصويت +تعليق للبارت
اعذروني ع التأخير بالنشر
اني طالبة سادس وجدولي مليان
ماكو وقت فراغ انشر
فديتكم 😘⁦❤️⁩
تفاعلكم يسعدني🌺💗