اغتصاب شرعي

البارت الخامس

مدخل⁦❤️⁩
اذا اردت ان تكون مختلف عن الأخرين..
كن على طبيعتك⁦☝️⁩⁦🌺
الكاتبة شيماء الجابري
اتمنى لكم قراءة ممتعه
_______________$$$$$_____________
حلا...رحت اشتريت رصيد ابو50 ودبرت 50 الف
بعد ساعتين اتصلت سعاد
حلا...الوو
سعاد...ها دبرتيهن ما اريد اعذار .
حلا...دبرت الرصيد و50 الف ما عندي بعد منين اجيب
سعاد...اخذي من رجلج عنده فلوس الدنيا اصلا ما تأثر بي ال100 الف.
حلا...واذا سألني شسوين بيهن
ولج ما اكدر افهميني
ما عندي بس هذني.
سعاد...اوك ادبر أمري بيهن .
راح ادزلج امير ياخذهن
حلا...ولج منو امير ؟؟تريدين تفضحيني
سعاد...واحد ساقط يلملي الفلوس من البنات
حلا...الله لا يوفقج لج اذبحج والله اذا دزيتي
سعاد...هههههه يمه خوفتيني اوك ما ادزه راح اجي اني اخذهن .
حلا...اوك. يلا باي
سعاد...باي
حلا...الحمد لله همزين خلصت منها .
(بعد مرور نصف ساعة)
اجتني نورس دكت باب غرفتي..
حلا...تفضلي.
نورس...فديتج مرت اخوية.
حلا...يابعد مرت اخوج تعالي ادخلي وبعد لا تكولين مرت اخوية ما احب الرسميات صيحيلي حلا.
نورس....هههه اوك حلا يلا تعالي انزلي
صديتقج يمنا تريد  تسلم عليج
حلا...منو يا صديقتي.
نورس...منو غيرها سعاد
اسمعي حلا ابتعدي عنها هاي ملعبة الكل يعرفها
حلا...لا توصيني بعد منا ورايح مستحيل احجي وياهه حرف.
نزلت للهول شفتها كاعده ع التخم
كامت سلمت عليه
سلمت عليها وانطيتها الفلوس من جوه العباية
وره ربع ساعة راحت وخلصت منها.
وحذفت الصور والتسجيلات كدامي
واخيراً قفلت هذا الموضوع وخلصت منه.
رحت صعدت لغرفتي اجه عمر يدور على قميصه
يريد يبدل ويطلع ويه اصدقائة.
حلا...عمر شدتسوي لا تخرب الملابس هسه رتبتهن.
عمر...اريد قميصي الاسود وينه؟
حلا...اوكف ثواني هسه انطيك لا تلعب بالملابس
عمر...وانتي ليش عصبية يعني راح تبقين هيج كلما اريد شغله تهجمين عليه.
حلا...حسيت من كلام عمر الأمل يعني يريدنا نبقى سوه كلش فرحت.
حلا...لا حبيبي مو عصبية بس من تريد شغله لا تعب نفسك اني انطيك
واني اريد ادور بالملابس اجه حضني من وره
عمر...منو حبيبج؟؟!ما سمعتج عيدي
حلا بدلع ...انت حبيبي.
عمر...ومن شوكت اني حبيبج.
حلا...من زمان من جانت بنت عمك مريم تتغزل بيك
اني جنت اموت قهر اتمنى اخنكها.
عمر وكف وراي وصفن عليه ورافع تك حاجب
عمر...هاا جنتي تغارين ست حلا؟؟!
حلا...لا ما اغار وخر عني لا تباوعلي هيج.
عمر...ههههه اعترفي جنتي تغارين.
حلا...اففف ما جنت اغار جنت اموت اموت قهر اريد ارتكب جريمه بيها وخصوصا من شفتها تدلع يمك .
عمر...بس اني حاسبها حالها من حال نورس مو بس هي كل بنات عمي .
حلا...افف ريحتني .
عمر...اريدج دوم مرتاحه ما اريدج تغارين عمر الج
لا تنسين هذا الشي
حلا...يعني ما طلكني بعد كم شهر😞
عمر...مخبله انتي شلون اعوف مرتي لج انتي غالية وعزيزة.
حلا...بس انت ما تحبني تحب وسن وحتى البارحه باليل كتلي احبها ما اكدر انساهه 😞
عمر...اني انسان واقعي علاقتي بوسن انتهت وطلكتها وصارت غريبة عني
وانتي حالياً مرتي مو هي
لا تفكرين بيها
حلا...ايي مرتك بس مو حبيبتك.
عمر...اسكتي لج راح اموتج لا تدلعين هسه لازم اطلع منتظريني صاحبي سوه حادث هسه طلع من العمليات راح اروحله احتمال اتأخر بالرجعه واذا احتاجني ابقه يمه خطية ماعنده احد.
حلا...عمر راح اشتاقلك الله يخليك حاول ترجع.
عمر...تدللين احاول
يلا هسه اني رايح.
حلا...عمورتي الاسود حلو عليك .
عمر...عيونج الحلوة.
حلا...باسني من خدي وطلع احس كلبي طلع ويا اريده يبقى يمي بس لازم يروح اقدر ظرفه.
خلص النهار كلمعتاد بقيت سهرانه ل2 باليل انتظر عمر وماكو ما رجع استسلمت للنوم غمضت عيوني
حسيت اكو شي يمشي على وجهي فزيت مخروعه
شفت عمر .
عمر...اسم الله اسم الله شبيج تره اشاقة وياج.
حلا...بربك هو هذا شقه خوفتني.
عمر...ولج هاي ريشه مال الكناري مالتي
المفروض اعاقبج ليش عفتي الكناري بالطرمه
اليوم استشهد
حلا...ههههههه شنو استشهد
عمر...ولج هجمت عليه القوات المسلحه ومات
اكلته البزونه بقت بس هاي الريشة
حلا...ياا خطية ضلت بس صورهم ما نعرف خبرهم ههههههه
عمر...عشت عشت محمد الحلفي.
حلا...ههههههههههه هاي الرومانسية اخر الليل .
عمر...دسكتي عاد ام الرومانسية اذا انتي كاعده تحششين منين تجي الرومانسية ههههههه
حلا...عوف الحب كافي نعسانه اريد انام منتظرتك لسه ما نمت.
عمر...روحي نامي اني راح ارجع للمستشفى اجيت اخذ فلوس علمود عملية صاحبي
الصبح من يطلع من المستشفى
ارجع للبيت .
حلا...صار الصبح تقريباً الساعة ب7:00 تليفوني احترك بالاتصالات كعدت على صوته
الووو منو
_هلو اني سعاد هذا رقمي الجديد ثبتي يمج
حلا...لا تتصلين بيه بعد .
سعاد...اريد 250 هسه مستعجله
حلا...شنو 250 منين اجيبلج ولي منا
احنه اتفقنه البارحه وحذفتي الصور وكلشي .
سعاد...شايفتني زوج كبالج عندي نسخه ثانيه دزيلي هسه لو عمر راح يعرف كل سوالفج التعبانه.
حلا...اسمعي 250 ماعندي ادبرلج 100 وبعد تحلمين ادزلج وتحذفين كل النسخ
وبعدها لا اعرفج ولا تعرفيني
سعاد...اوك اتفقنه.
حلا...رحت اتصلت بأمي جابتلي 50 كتلها محتاجتهن ارجعهن بعدين بحجه استحي اطلب من عمر
واني عندي50 جمعتهن ودزيتهن
وره شهرين هم طلبت مني وكامت تتوسل وتبجي انقهرت عليها دزيتلها
بعد مرور شهر تحدد موعد امتحانات الوزاري
واني يادوبني دارسة هاي السنه هامله دراستي
باقيلي شهرين وامتحن
عمر ساعدني كومه ودرسني واني اجتهدت وهاي الفترة مهتمه بس بالدراسة
امتحنت وزاري وجبت معدل 97 انقبلت صيدلة
جنت كلش فرحانه بلش دوام الجامعات
وداومت اني ونورس نورس انقبلت تحليلات مرضيه
عشت احلى ايام حياتي
اساعدهم بالبيت عمتي ما نخليها تمد ايدها على شغله اني ونورس مهتمين بالبيت
نطلع سفرات ونتونس
سوالف وضحك ولمة حلوة
عمر تعلق بيه ويحبني كلش
واني هم تعلقت بي اكثر من قبل مرت الايام مثل الحلم بالنسبة الي .
كعدت الصبح اتصلت عليه سعاد طلبت مني فلوس وبدت تهدد وجان تهديدها قوي تكول مو بس لعمر ادز الصور حتى لأهلج
طلبت مني 250 وتريد كل شهر 250
زين اني كلية واحتاج فلوس وهواي امور
وعمر ينطيني شهرية
كتلها ما اكدر بس 100 انطيج
كالت اليوم تجيبين250 لو تعرفين شيصير اليوم
كمت الوب منين اجيبلها حتى لو اكول لعمر ما يفهمني
كلت خلي انساهه منين تجيب رقم عمر ما تكدر تسوي شي عفتها.
وقررت اليوم اكول لعمر بس ابسط الأمور
صادف اليوم عيد زواجنا
اني رتبت الغرفه خليت طبله بالنص وكيكه وكتبت عليها اسمي واسمه ورد ونفاخ وزينه
وشموع وعصاير
واشتريت فستان قصير دلع وسويت شعري
وشغلت اغنية كل عام وانت حبيبي
اجه عمر فات للغرفه تفاجيء
رحت لعنده
وخليت اديه حول ركبته وكتله كل عام وانت احلى حب بحياتي
عمر...ولج حلا معقولة كل هذا يطلع منج لج شمسوية
كل عام وانتي حبيبتي.
حلا...صدك عمر.
عمر... صدك حلا.
كل عام وانتي حبيبتي وباسني
رحنه احتفلنا وقطعنا الكيكه وركصنا سوه
اني رحت للمراية اعدل شعري
شفت تليفون عمر دك
عمر طلع من الغرفه بدون حجي.
ماكدرت انزل وراه بسبب لبسي
بقيت منتظرته شوية ورجع
دفع باب الغرفه بقوة ودخل وقفله وراه
وعيونه تجدح نار ..هذا ابسط ما يقال
عمر...حلا هاي شنو احجي
حلا...شنو مافهمت.
دفع التليفون بوجهي بكل قوة وهو عصبي نار وشرار شفت المحادثات لقيت نظرة سريعه عرفتها محادثاتي اني وسعاد
انخرست بعد ما كدرت احجي
لج احجي هاي شنو اقترب مني وجرني من شعري لج تحجين لا قسماً بذات الله ما تعرفين شنو يجرالج
حلا...عفية اتركني دتأذيني
عمر...بعدج ما شفتي شي .
تحجين لا هسه اسحلج لأبوج
حلا...عمر عفيه كلشي ولا بابا
اندك الباب ..نورس... الصوت عالي بابا يكول شكو
عمر صاح بيها ...نورس....بس الصوت عالي بابا يكول شصاير وياكم..
صاح بيها عمر انزلي مالج دخل
ولحد يجي
هي نزلت ..
باوع بعيوني بقوة اني خفت ما عرفت شحجي
يتبع...للقصة بقيه
الكاتبة شيماء الجابري

____________$$$$$$$$_____________
شنو توقعاتكم شنو راح يصير ؟؟!!!
شاركو ارآئكم
فضلاً وليس امراً
تصويت للبارت 🌺⁦❤️⁩
فديتكم✨💜