مدخل ❤️
اكون كل شـــيِء عدى ان اكون امرأة مهزومه 🖤💫
----------------****************----------------
حلا .. نزلت للكاع وخليت راسي بين رجلية واني ابجي ..
عمر .. طلعت مِــטּ يمهم سقت السيارة بــس مــا اعرف وين اتجاهي لكيت نفسـي يـم بيتنـا
مِــטּ دخلـت شفت امي بالمطبخ باوعتلي وهزت راسها..
صعدت لغرفتي فتحت باب الغرفه هب عطرها بعده بالغرفه .. كعدت ؏ـلى الجرباية و ٲنـــيہ عقلي متوقف عن التفكير بــس هَـــسه طلقت العنان لهُ
ليش ضايج ومقهور .. شتريد .. تريد تقنع نفسك انـت تخليها تدفع ثمن الصار .. چَـــذابَ .. ليش جنت تهدد تخبر اهلها لان تكرها وتريد تحرك كلبها ..
هم چَـــذابَ ..
مقهور ومجلب بيها وتهدد لان تحبها
فعلا ..
رغم كلشي ٲنـــيہ حبيتها وانقهرت مِــטּ عرفت السوته ويعتبر اهانه للكرامه والرجوله
ومن هالصراع انعكست مشاعري ؏ـلى تصرفاتي سلبيه ضدها
صح جنت اذيها بــس جنت اذي نفسي اكثر جانت تقابل كل افعالي بطيب خاطر وما تحجي صح مرات جانت تجادل بــس كلشي بهدوء
كلما اكول انسى وابدي وياهه بــس الافكار مــا تعوفني واني اذكر السوته وشلون غشتني
وحتى مرات تجي بالي فكرة انو هيه مـــوُ بنية ورادت تخلص مِــטּ مشكلتها
ايي اشكال الافكار تجيني ردت ابتعد وارتاح
وبنفسي احرك كلبها مثل مــا كــلبي مشتعله ناره وما تطفى مثل مــا ٲنـــيہ تعبان وما اعرف شلون ارتاح
قررت اتزوج بيوم زفتي جنت ابدل
واشوفها تعدل بالفراش بــس انتبهت لأديها ترجف
كــلبي جان يرجف اكثر
خلال اسبوع مامريت عليها اشتاقيتلها حيل ومن رجعت وشفتها حسيت بعيونها نظرة عتب
قهرتني
بــس بمرور الوقت كمت اشوف مـــوُ حلا الشجاعه شـــيِء انطفه بيها وصارت تتقبل كلشي بدون. معارضه مِــטּ بداية زواجي بـ مي عرفت ٲنـــيہ غلطت ماكو مقارنه بدلال حلا ..
صـدُڪ اذا حبت المرأة تفنى للتحبه لذلك اغلب وقتي اقضي يم حلا بحجه مي حامل وما تكدر
ارغب لحلا اكثر
وياهه احس بالأكتفاء قد يكون لان احبها بــس هي تغيرت مـــوُ نفس التفاعل وياي مـــوُ ذيج حلا الي تذوب بمجرد لمسها لذلك زدت عليها ردت اشوف ردت فعل يحسسني بيها مثل قبل
لحد يوم مِــטּ كلت لحلا تشيل الزغير
مــا جنت ناوي اصغرها
ע
جنت اريدها تتقرب مِــטּ ابني لان مِــטּ يوم اجه للدنيا مــا تقربتله
حسيت بيها انقهرت يجوز ذكرتها بطفلها الي فقدته
بــس
ابوي مــا خلاني اكمل حجايتي لذلك انفهمت هيج
طلعت و ٲنـــيہ مقهور لان شفت نظرة منها اول مرة اشوفها حسيت بالنذالة.
ومن خابرو كالو راحت اجيت ركض جنت خايف بتصرفي دفعتها تعوفني
ارجع اكول لعد شنو اريد ??!!!
مــا اريدها تبتعد اريدها تطفي ناري
اريدها تخليني انسى الي صار
اريد ارجع اثق بيها
خليت ايدي ؏ـلى راسي غلط يجر غلط
بــس لوين راح توصل
خلي ترتاح فترة واني هم بعد
بلكت اوصل لحل يريح الكل ..
حلا .. ردت استعيد جزء مِــטּ نفسي بــس احس مثل المتيه مــا يندل طريقه مــا اعرف مِــטּ وين ابدي وشلون بقيت اول ايام بجرحي واني اذكر شلون ضاعت ايام عمري بدون سبب
قررت اقدم اوراق للتعين وفعلا انقبلت باحد المستشفيات ومر شهرين ؏ـلى اخر مرة شفت عمر اشتاقله بــس ادوس ؏ـلى نفسي اول شهر مــا اتصل بــس بعدها بده يتصل ويدز مسجات اغلبها عتب( ليش مِــטּ جنت مــا قدرت و مِــטּ بعدت تريد ترجعلي) ..
بده يجي لبيتنا واهلي يستقبلو ه واني هم
بــس مــا قبلت ارجع
يوم حسيت كتله بصدري خفت وبلغت دكتورة ويانه بالدوام
اصرت اسوي فحص ومن سويت اشعه وسونار طلبت مسحه لصدري
خبرت بابا
بابا اصر عليه اسويها بعيادة خارجيه
وماما بلغت مرة خالي
بيوم الي رحت. ردت اسويها تفاجئت شفت عمر منتظرنا بالسيارة
صعدنا ورحنا اخذنا للعيادة
واليوم جانت نتيجة الفحوصات
هذا كلة تذكرته مِــטּ طلع عمر مِــטּ يمي واني اباوعله مِــטּ الشباك وهو ماخذ التحاليل بيده
نزلت للجوه جان الكل مجتمع بالهول
باوعتلهم
امي اجت حضنتني
ام حلا .. ليش مــا حجيتي
بابا مــا يكدر اصلا يحجي
حلا.. ماما شكو فهموني قابل راح اموت
عمر منهار ؏ الاخير ومبين عليه التعب
اهلي قررو اسافر لبنان اسوي العملية بمستشفى امريكي
ٲنـــيہ مــا وافقت
ماكو داعي للمصاريف
بــس بابا اصر اسافر
اجه عمر جاب مبلغ كلش جبير وانطى لبابا
بابا جان ماخذ موقف منه بــس خالو كال اتركو الخلاف ؏ـلى جهة وخلي تكوم حلا بخير وسلامه ونتفاهم..
استغرقت الاجراءات كم يوم بــس علمود الفيزه
وحجز الدكتور والمستشفى
اسامه كال ٲنـــيہ راح استقبلكم بالمستشفى .
ٲنـــيہ قبل السفر بيوم جنت نايمه او اتصنع النوم حسيت احد دخل للغرفه واقترب مِــטּ السرير جنت اتوقع بابا لان كل ليلة يجي ويفتقدني .
حسيت احد نام بجانبي عرفته مِــטּ عطره عمر
عمر .. نايمه.
حلا .. اي ...ضحك بصوت عالي وضحكته رجت ضهري .. لعد مِــنو هسه جاوبني
تتذكرين مِــטּ جنتي زغيرة وتجين لبيتنا
جنتي مزعجه. دائما تجين الظر وتكعديني مِــטּ النوم انتـي ونورس ومن اصيح بيكم تكولين معبالنا نايم.
حلا .. شمدرينه نايم.
عمر .. ههههه يعني مـــوُ دتكعدوني.
حلا .. عقل اطفال مــا نفهم
عمر .. ياريت نبقى اطفال وما ندخل متاهات الفهم
حلا .. عمر ليش جاي ارجع لعائلتك.
عمر .. انتـي عائلتي وكل اهلي.
حلا .. متوهم .. انـت متعاطف وياي ע اكثر
عمر .. اشش نامي باجر ورانه سفر
ثاني يوم سافرنا ٲنـــيہ وعمر وبابا وماما
وهناك تلكانه اسامه دخلت للمستشفى واخذولي سونار واشعه واخيراً زرع ..
مــا نحجي هاي الفترة جانت نفسياتهم تعبانه اكثر مني ٲنـــيہ كأنما استسلمت لقدري.
الزرع اخذ وكت عمر حاول يطلعني هاي الفترة ويونسني
ومن طلعت النتيجه كانت صادمه ..
يتبع ..
للقصة بقية ..
الكاتبة شـيمـاء الجـابـري
تصويت +تعليق للبارت
وانتظروني باجر ينزل البارت 11 والاخير وراح يكتمل هذا العمل ..
تشجيعكم غلاي فديتكم ❤️😍
شاركوني ارآئكم شنو تتوقعون مرض حلا
خبيث ام حميد
والنهاية حتكون فراق لو وصال 💗👑
أنت تقرأ
اغتصاب شرعي
Romanceالرواية ذات احداث حقيقية وشخصيات حقيقية ذات طابع رومانسي مع بعض الاكشن والغموض بنكهة الحب والعشق الأبدي..
