اغتصاب شرعي

البارت السادس

مدخل💜
كبرياىي يا سيدي له حكاية لا تستطيع فهمها⁦☝️⁩
وكلما حاولت بها ازدادت الأمور تعقيداً😊✨

__________&&&&&&__________
عمر صاح بوجهي صوت فززني ...لج احجي اكلج.
حلا...هسه شلون اذا نكرت رقمي موجود..
عمر بس خليني افهمك هذا كذب
ولچج كذبيش اغلب الكلام صاير هنا ..
وكل الاحداث مرينا بيها
لج وعزة الخالق اذا ما حجيتي
موتج يصير حلال..
لا والم العائلتين واكعدج تحجيلهم كل الصار
وهمه يصرفون وياج..
عمر ليش هيج تسوي حرام عليك شفت مني شي مو زين .. يعني من اول موقف تتخلى عني؟
...ولج شتخله عنج تعرفين هذا شيريد
يريد يفضحج ..جاي يهدد بيج يا خانم..
حلا...منو هذا..تره هاي بنيه..ماحسيت الا اجاني راجدي فر راسي
لا ارادياً خليت ايدي على خدي
حسيت اكو رطوبه على شفتي باوعت لأيدي شفت دم .. ايده ما اجت عدل على خدي انشكت شفتي ..
هاا يعني كلامها صح
معتبرتني سطل وتلعبين علية .. لج تحجيلي هسه كل الي صار لا وحق الخلقج هنا ادفنج ..
هذا اخر تحذير الج.
راح جاب باكيت كلينس من الميز وشمره عليه
كعد ع الجرباية وعيونه تجدح نار ..
يلا ست حلا احجيلي كل الي صار وبالتفصيل
اني اخذت الكلينس وخليته على شفتي
واني ميته خوف ما توقعت توصل الامور لهدرجه
وخصوصا من اباوع بوجهه جسمي يرجف لا ارادياً
اي عمر راح احجيلك كل الي صار وبالتفصيل
بس ما اريد الكلام يوصل لبابا
انت شتريد تسوي بيه سوي
بس بابا ما اريدة يعرف
بخطوة وصل لعندي .. جرني من شعري .. لجچ وفوكاها تتشرطين .. اني ما اوصل الحجي لأهلج .. مو لاجلج .. بس اهلج خوش ناس ما يستاهلون هيج بنت .. وثاني شغلة انتي عرضي ما افضحج
يلا احجي..
عمر دتاذيني .. انطيني مجال احجي ..بس عوفني

وخر عني ورجع كعد بمكانه
اني جنت عطشانه وماكو يمي مي بس كلاص العصير اخذته وشربت ..
ورحت كعدت ع الكرسي ..
حلا خلص صبري ..
حقج تحتفلين وانتي اتزوجتيني..
لجچ يلا احجي..
اني بلشت احجي .. وعمر مبينه على وجهه الصدمه
جان كاعد مثل النمر ويريد ينقض على فريسته .. كاعد على نار مو فراش..
وطول ما اني  احجيله جان صافن عليه والصدمه وعدم التصديق بعيونه..
وطبعاً جان يسألني على هواي شغلات بأثناء كلامي
واني اجاوبه..
من خلصت ..
ردت فعله غريبة .. ضل كاعد وساكت ومنزل راسة.
واني ما كدرت احجي بعد اي كلمة خفت جان هدوئه رعب بالنسبة الي..
حلا تدرين عقلي ما مستوعب ليش هيج
جنت مفكرج بزونه مغمضه لجچ شنو كل هذا المكر
لج شلون ضحكتي علي فهميني شلون..
عمر والله لان احبك .. ردتك الي
كام من مكانه وجرني من ايدي حيل ولجچ حبيش الي يحب ما يغش حبيبه ما يكذب ما يزعل حبيبه
لجچ انتي شخليتي للحب ..
اصلاً منو يكول انتي جنتي بنيه يجوز واحد ضاحك عليج..
اني بهاي حجايته انتفضت كلشي اسمحلك تحجي
بس الا هاي .. يشهد الله ما لمسني رجال غيرك .. وانت تعرف ترباتنا.
ما حسيت الا راجدي اجاني ..
ترباتنا هاا ترباتنا ولجچ انتي سوالفج بنات شارع
ما يسونها .. ونزل بيه ضرب اني ابد ما طلعت صوت خاف يسمعوني ..
ضل يضرب بيه لمن تعب كام كعد على الجرباية وخله ايده على راسه ..
اني جريت روحي كوه وخليت راسي على الميز جان قريب عليه ..كلش أذاني
جسمي كله يون ودموعي ما توكف ..
لج طلعتيني من طوري بس اني اعلمج الا اربيج
بس خلي اخلص من هاي السالفه..
ثاني يوم جسمي مزورك
لبست ردن طويله ومن سئلوني گالهم عمر مشكله بينه لا تدخلون ..
امي ضغطت عليه كتلها مشكلة خاصه ..
عمر جان ما يبتعد عن التليفون ليل ونهار
واصلا ما موجود بالبيت يجي بس وقت النومه
وينزل فراشة بالكاع ..
متجاوزني هاي الفترة كلش ..وتليفوني ساحبه مني
اني متت قهر بس افكر شراح يصير ..

عمر متت بس كلي شصار بسالفة سعاد..
سالفة سعاد انتهت مو علمودج علمود ابوج ما اريدة ينكسر..
عمر الله يخليك سامحني بعد ما اكررها والله
انشالله الله لا يخليني حتى ما اشوفج
ولج شتكرريها اصلا انتي سويتي الي تريدي
الف مبروك عليج ..
عمر ان.....
ماخلاني اكمل خنكني على الحايط وخله ايده على حلكي ..
لج حلا اسمعي اذا تعرفين مصلحتج لا تحجين
وياي ابد..
وشمرني ع الجرباية
جاب تليفون وشمره بحضني وسيم كارت جديد
لج شوفي لو يبقى عليه ما انطيج
بس شكول لأهلج..
وطلعة بعد ماكو على كد دوام الجامعة اني اوديج واجيبج ..
ما اريد اكسر عوائلنا ..
كلها مسألة وقت وينتهي كلشي..
يتبع .. للقصة بقية ..
مع خالص تحياتي ..
الكاتبة شيماء الجابري

________________&&&&&_____________
شاركوني ارآئكم شنو توقعاتكم شراح يصير ..