Kaleidoscope of Emotions

Tam-is na Panamilit

A/N: This is a "Balak." It is said to be a Cebuano Poetry, so it uses the Cebuano language or commonly known as Bisaya/Binisaya. For those who couldn't understand the said language, I'm sorry but I do not have the plan of creating the English or Filipino version of this. You can skip though.

Thank you!☺️
-------------------------------

Gusto gayod nakong isulat ang tanang ipangsulti alang kanimo,
Pero unsaon man nako pagsugod? Wa ko kahibalo!
Sugdan ba ko ni sa usa ka panamilit?
O ang paghanduraw sa kung nganong nagkahinagbo ta sa among dapit?

Anggid ka sa usa ka iring nga among binuhi,
Mikalit ra og abot sa among balay, sa akong kinabuhi.
Ikaw ang nagpasundayag kanako kung unsa kanindot ang kalibutan.
Ikaw ang bugtong iring nga gipamentaha, kay lage, sama sa usa ka manulunda man.

Kahinundum pa ba ka sa kadtong naay misulod sa akong mata?
Nga sa sobrang kadako kay nanghapdos gayod, pagkasakita!
Bisag gauwan og pag-ayo wala ko nimo biya-i
Nisaad pa ka nga naa ra ka sa kiliran nako pirmi.

Milabay ang pila ka tuig og mas ni-lawm pa'ng atong pagkaubanay
Ikaw ang kakuyog sa kasub-anan og kalipay
Gi-trato tika nga sama sa usa ka igsuon
Apan wala ko gadahom nga ang kasadya maputol ra dayon.

Nasayod ba ka?
Sama ka sa usa ka bawod sa aplaya
Mikalit ra og abot usa ka adlaw
Apan sa pagpirok ko ikaw kay nihanaw.

Dako ko'g pagsalig nga di ko nimo biyaan,
Pero nganong miadto ka sa usa ka lugar nga dili tika makit-an?
Dili ka ganahan sa reyalidad kay permi ka lang galuom,
Pero nagpada ka sa imong damgo, grabe jud diay pagkamatahom?

Pasayloa ko kung awahi na ang tanan,
Pero gusto nakong ipahibaw kanimo na gihigugma tika labaw sa uban.
Dili kita magkita pa'g usab na,
Apan kahibaw ko nga malipayon ka dira sa langit, akong higala.