................
في صباح يوم جديد
استعد كل من ابطالنا للذهاب الي عمله
عند حور دخلت الي المحل بثيابها المعتادة تحاول بكل الإمكان انت تكون هادئة وان ترسم البسمه علي وجهها
حور لاحد العاملين : لو سمحت
العامل : نعم
حور: ممكن اقابل صاحب المكان دا
العامل : ايوا طبعا اتفضلي في المكتب الي هناك دا
واشار الي احد المكاتب.....
حور : تمام شكرا
العامل: العفو
دقت حور الباب حتي اذن لها ودخلت
دخلت حور لاكنها لم تعرف ماذا ستقول:.....
احمد بهدوء : انتي مين يابنتي
" احمد مش سليم ""عمو ابراهيم هيعرف سليم منين بذمتكو"
حور معرفه عن نفسها : انا حور
احمد بتذكر : ايوا ايوا انتي من طرف ابراهيم
حور: ايوا
احمد : وانتي عايزا تشتغلي اي ياحور
حور : ممكن اشتغل جارسون وممكن اساعد ف المطبخ
احمد بدون مقدمات : بصي ياحور انتي زي بنتي وانا مش بقلل منك بس يعني عمك ابراهيم قالي انك مش بتحبي تظهري زي البنات وانك عنيفةة حبتين بس احنا محتاجين الشخص الي هيشتغل معانا يكون واجهه يعني البنت تبان رقيقه والولد ولد انتي فاهمني
حور متصنعه عدم الفهم : والمطلوب
احمد : لو وفقتي ع الشروط هتبقي جارسون معانا عشان طقم المطبخ حاليا كامل تمام
.
حور : تمام واي هيا الشروط
احمد بابتسامة حنون: ممنوع الشكل مع الزباين حتي لو هما الي غلطنين ثانيا في يونيفورم للجرسونات بتلتزمي بيه دا غير ان الكاب الي انتي لابساه دا مينفعش لو سمحتي فكي شعرك
لم ترد حور بطريقةة فظة كعادتها لانها احست الين في صوت احمد : ها واي كمان
احمد : بعد ساعات العمل ممكن ترجعي لطبيعتك عادي
حور وهي تعرف انها لن تجد فرصه افضل من هذا: هنبدء امتي
احمد بسعادة لأنه سيخدم صديق عمره: لو معندكيش مانع يبقا دلوقتي
حور وقد شعرت بالاطمئنان لذلك الرجل : شكرا جدا وانا معنديش مانع
احمد : سمر هتيجي دلوقتي توريكي الاوضه الي هتغيري فيها انا مفهمها كل حاجه
حور :تمام
دقائق وحضرت سمر وذهبو لغرفة الملابس وطلبت سمر منها الانتهاء سريعا
وبعد قليل من الوقت كانت حور قد بدلت ملابسها
استعدت لتخرج من الغرفه ولاكن جذب انتباهها مرءاه موضوعه علي الحائط فاقتربت منها
حور في نفسها بسخريه: مرايا انا مش فاكره امتي كانت اخر مره بصيت لنفسي فيها ياتري كان يوم ظهور نتيجة الثانويه بعد ما جدي ضربني عشان مجبتش طب ذي ادم مع اني مش باخد دروس ولا ف اولي كليه لما كنت بجرب اول فستان صممتو ثم اردفت وهيا تتحسس وجنتها وشعرها : بس انا ملحظتش ابدا ان شكلي اتغير وبقيت شبه البنات.
وعند هذه الجملة ولم تتمالك نفسها من الضحك: ههه انا نسيت اني بنات
.....
يجلس سليم في مكتبه يدرس بعض التصاميم بجد
وفجأة يدخل معتز باندفاع : صاااحبيييي ياصاحبيي
سليم بغضب: اطلع بره يلااا
معتز باستغراب: نعم
سليم ببرود:بقول اطلع بره
معتز :ليي
سليم: داخل من غير استئذان
معتز: متهزرش ياعم وانا امتي استئذنت
سليم ببرود : عشان بعد كدا تتعلم النظام
معتز بطفوله : اخر مره والنبي اخر مره
سليم : تؤ تؤ بره
معتز وهوا يغادر : داانت سمج
سليم : انت لوحدك
خرج معتز ودق الباب ودخل.....
سليم : اطلع بره
معتز بغضب :ليييه بقاا
سليم : مقولتلكش تدخل انا
معتز بزهق: اااااااه
وخرج مره اخري وجد جميع من في الخارج ينظرون له باستغراب
معتز بصراخ : فييي اييي احنا بنجرب الباب يلاا كل واحد علي شغلو دا اي العالم الرخمة دي
ثم دق الباب مره اخري فلم يرد سليم فاادخل معتز رئسه بطفولة
معتز : متقولي ادخل ياعم
سليم مصطنعاا الدهشهه : اووو مي قااد ميزووو بيخبط ع البااب من امتي الادب دا
معتز مجاريا له : ارئيت ياعزيزي لقد جار علينا الزمن وتعلمنااا
سليم ببرود :ادخل ياحيلتها
معتز : قوم اقف ياعم الحنين
سليم : خير
معتز :الوليه امي عازماك وقالتلي اروح اجيبك
سليم بابتسامة: مكانت تتصل وانا هاجي
معتز بسخريه: هيهيهي بامارت عزومه الجمعه الي فاتت ولا حواوشي الخميس ولا...
سليم ببراءه: نسيت
معتز :طب قوم يااخويا وهيا بقت محسساني ان انت ابنها مش انا
سليم بغرور : ياابني هيا عارفه ان انت ابنها بس هيا بتستنضف
معتز: هاهاها قوم يااخويا الهي ابويا يأفشكو يوم وانتو قاعدين مع بعض
سليم: ركز كدا هتلاقيك بتتكلم علي امك
معتز : انا حر ياسيدي امي وهطلقها ملكش فية هستناك ف العربيه
سليم: ومالو يااخوياا مش عيب
.
..........
مر يومان علي هذة الحالة ولم يتغير شيئ سليم اما في شركتةة واما مع معتز وحور في عملهاا وتحاول قدر الامكان بان لا تتحدث مع الزبائن كي لا تتسبب في المشاكل💙🙆
..........
وفي صباح يوم جديد كعادة حور منذ يومين تستيقظ مبكرا كي تذهب الي عملها وهكذا الحال لدي سليم
وفي صباح اليوم التالي:•
*دخلت حور الي المطبخ -حور:اتنين فراخ وواحد شاورما لطربيزة رقم خامسةة
سمر: 5 دقايق والطلب يجهز هاتي الطلبية التانية علي مااجهز دي
حور: تمام
خرجت حور فوجدت رجل جالس يتصفح الاخبار
حور برسميةة: تطلب اي يافندم
سليم بانتباه تحول الي صدمةة: الصوت دا مش غريب عليا
ثم نظر الي المتحدث
حور مكررة: تطلب اي
سليم بعد ان انتصب واقفا: ثانية واحدة انا شايفك فين قبل كدا
*ثم تذكر الشجار: اوبااااا ايوا انتي مش انتي الي نفختي الراجل بتاع المطعم
حور بزهق: ما تطلب يابني وتخلصنا
سليم باستكار : ابنك!!!! هه ابنك مين ياشاطرة ثم تعالي كدا مش انتي الي زقتيني في البحر والمصحف نفس الصوت داا انتي ليلتك بيضة النهاردة
حور: ياااربيي علي اليوم اللي مش هيعدي دا هتحكيلي قصةة حياتك انا ورايا شغل ياحبيبي
سليم بعدم تصديق : انتي هابلة يبت ولا شكلك كدا
حور: اسماللة علي عبقري زمانو الي واقف معايا
سليم بزعيق : انتي يابنتي مين الي مشغلك هنا انتي اخرك تشتغلي في خناقة
حور بنفاذ صبر: اللهم طولك ياروح
خرج احمد من مكتبة علي صوت صراخ سليم
احمد : في اي يافندم اي الي حصل
سليم:انت ازاي تشغل البني ادمة دي معاك
احمد : في اي ياسليم باشا اي الي حصل
سليم: البنت دي تترفد حالا
احمد بهدوء: اتفضل بس ياسليم باشا اكيد هنلاقي حل
حور بصراخ: يرفدو مين ياحبيبي هوا مطعم الي خلفوك
احمد:حور اهدي دلوقتي اتفضل معايا ياسليم باشا
سليم ناظرا لها بتحدي:رخمة
حور: اهو انت
دخل الجميع الي مكتب احمد
احمد بعقلانية: حد يحكي اي الي حصل
سليم وحور في وقت واحد
سليم: دي بني ادمة متخلفة
حور: دا بني ادم براس طور
سليم بزعيق: مين دا الي طور ياانثي البرص انتي
حور: برص لما ياكل مصارينك
احمد بنفاذ صبر: بااااااس خلاص اييي نفورة شتايم شفاف انا هتحكو ولا امشي
سليم: هتكلم انا
حور: اتكلم يعنيا هوا الكلام بفلوس
سليم:البني ادمة دي..
قاطعتة حور: صلي على النبي ف قلبك ياحبيبي اسمي حور
سليم بعصبية: انا بقولك اي انا مش حاكي احمد البنت دي لو مترفدتش انت عارف هعمل اي
حور: اعلي ما ف خيلك اركبو
احمد محدثا حور: نفسي اعرف انتي جايبة الثقة دي منين متقعدي ساكتةة هتشحتينا اللة يخربيتك... ثم نظر الي سليم : دكتور سليم انا اسف علي كل الي حصل خليها عليا المرادي وانا اوعدك مش هيحصل مشاكل تاني علي ضمانتي
سليم بضجر: بس.. اووف تمام يااحمد لولا اني بحترمك وبعتبرك زي والدي مكنتش عديتها
احمد بشكر: متشكر جداا لحضرتك ياسليم باشا
نظر سليم لحور باستفزاز ورحل
حور بغضب بعد رحيلة: انت ازاي تسمحلو يتكلم كدا
احمد :يابنتي اقعدي الله يهديكي كنتي هتودينا ف داهية دا صاحب سلسلة المطاعم دي كلها
حور باستهزاء كاذب: فقير وحقير كمان
نظر لها بقلة حيلة ثم اردف احمد بفضول :احكيلي اي الي حصل
حور بغضب: ابن الهبلةة بيتشاكل معايا عشان ضربت الراجل ليكون ابن خالتةة وانا مش عارفةة اما الرجالة دول بقو فاضين ومش لاقين حاجة يعملوها بشكل
احمد هامسا بسخرية: هما الي مش لاقين حاجة يعملوها ولا انتي اللي مفتريةة بتضربي الراجل
حور ببرود: سمعتك على فكرة
احمد بابتسامة: طب يلا ياحبيبتي روحي شوفي شغلك ومتضربيش حد تاني اعتبريهم زي اولادك
حور : ماشاءالله بتعرف تنكت
احمد: يخربيت لسانك الي هيوديكي ف داهيةة دا
حور بالامبالةة: سلام
.
..............
ياتري اي الي هيحصل وهل حور هتشتغل مع سليم ولو كانت هتشتغل هيبقا امتي وازاي😉💙🐦
أنت تقرأ
عشقت عنادها...!💛
Humorتمتلك من الجمال والعناد مايجعلها مميزة لدي كل من يراها لطيفة وباردة كقطعة الثلج البلوري الأبيض رقيقة كاقطرات الندي وحبات الغمام لكن حدة الجو اثر عليها لتصير كصلابة الصخر...!💛 . كانت تؤلمني رؤيتك وأنت تتغير في داخلي لتصبح مثلهم مجرد عابر فقط، كنت أ...
