.
.............
انتهت حور من افطارها وقام معتز بتوصيلها الي الشركةة
...لاكنها نسيت كابها في سيارة معتز...
-دخلت حور الي المكتب...
سليم بسخرية: ياا مرحب بجلابة المصايب الي متعرفش تقعد خمس دقايق من غير متجر شكل حد
حور بابتسامة: ياهلااا وياغلي
سليم بسخرية: انتي مالك منشكحةة كدا لية كإني بشكر فيكي
حور باستغراب: اي دا هوا انت كدا بتشم
سليم بسخرية: اها
حور : يقطعني مخدتش بالي
سليم باستغراب: حور انتي شاربة حاجة علي الصبح
حور بسخرية: اسكوت هوا انا مقولتلكش مش انا شاربة ماية بصابون علي الصبح ومدوخاني
سليم باستغراب: لاء بقولك اي انا بدءت اقلق منك اظبطي كداا في اي
حور وهيا تنظر للسماء: يارب يارب انت عارف ان انا جوايا ست مؤدبة يارب بس هما الي بيجرجروني للمشاكل و انا الصراحةة بحبها
سليم بسخرية: جواكي اي ياختي
حور بغضب: جوايا رز بالبن و شاي بالجانزبيل ملكش دعوة اخلص وقول عايز اي
سليم بسخرية: طب جايةة متأخر لية بقا ان شاء الله الفرخةة اعترضت ومرضيتش تبيض
حور ببرود: عادي اجي متأخر براحتشي
سليم بسخرية: لية بقا ان شاء الله دا كان مكتب الي خلفوكي وانا مش واخد بالي
حور ببرود: اديك خدت بالك ها خلصني
سليم: رخمةة اوي
حور: براحتي بردو
مازن بتدخل :سليم باشا المودرن و
قاطعة سليم بتذكر : اايواا صح ادخلي جهزي التصميمات المودرن زمانهم جاين
اكمل مازن : ايوا مهم
قاطعتة حور بثقة: كل حاجة جاهزة من امبارح اصلاا
سليم بسخرية: كويس طلعتي بتعرفي تعملي حاجة صح
حور ببرود: اها الحمد للة انت بقا بتعرف تعمل اي صح
سليم بسخرية: انا لو قررت اعمل حاجة صح هيبقا اني اطردك من هنا اصلاا
حور بسخرية: يابني انت من غيري تتشردو انت لية مش مقتنع
مازن بزعيق : يااستاذ سليم انت ياكابتن
سليم بسخرية: اقعد في جمب دلوقتي ثم وجةة كلامة لحور : نتشرد لية خير ان شاء اللة بتجيبلنا زباين ولا بتعمليلنا سندوتشات
حور بسخرية: بغيرلك البامبرز
سليم بسخرية: انتي بتجهجني صح قولي ان انتي مش لاقية حاجة تشاكلي عليها فابتهبدي
حور ببرود : عاجبني وبعدين انت الي بادئ الاؤل مش انا
سليم بابتسامة: بس مش عاجبني بقا
حور بابتسامة: بيك وعلي اقرب بحر واشرب منوا
سليم: بس انا مش عطشان
مازن بغضب: هوا اناا اسف علي المقاطعة بس العارضات واقفين من ساعتها وانا لو استنيتكوا تخلصوا شكل هتودونا ف داهية
حور بغضب: وانت بتزعق لي
سليم بصدمة: مين
مازن بتكرار:العارضاات
سليم: هما فين
مازن مشير الي بعض الفتيات : وراك
- سليم بهمس: حلاوة هما هنا من امتة
مازن بابتسامة:حاجة بسيطة من ايام البانبرز
سليم: وانت مبتقولتش لية ياغبي
مازن بسخرية: ياجدع دا انا كان ناقص اضربك قلمين عشان ترد عليا
سليم بغضب: دك ضربة في معاميعك يا بعيد شكلي بقا خرا
حور بسخرية: دا علي اساس الولا كان امور اوي
سليم: اقعدي في جمب دا انتي فساد
حور :لاء ماشاء الله وانت وزير الاصلاح
سليم وهوا يبتعد عنها: روحي منك للي كلت دراع جوزها
احد الفتيات وتدعا راندا: هااي سيموو
سليم بابتسامة : هاي
راندا : وحشني موت مشوفتكش من ايام حفلةة باريس
سليم بابتسامة : انتي اكتر اكيد
حور بهمس: وحش لما يمصمص عضمك يااختي
خبطها سليم في كتفها "الي هوا هتفضحينا"
حور بغضب: اي
سليم بابتسامة للفتيات: طب اتفضلوا علي المكتب وانا هحصلكوا
حور لمازن : مين الولية الملزقة دي
مازن: دي ياستي راندا اهم عارضات الازياء هنا في الشركةة
حور بسخرية:هيا تقريبا نسيت تلبس بنطالون بس الغريبة ان هيا مش حاسة بطراوة
مازن بضحكة: لاء هيا الجيبةة نظامها كدا بس حتت بسكوتةة في نفسها كدا يارورو
حور بسخرية: بسكوتةة اي دي شبةة السردينة المنتنة
سليم بسخرية: هيا بردو الي شبة السردينة
حور ببرود: امال انت
سليم بابتسامة: انا مالي انا كنت بحاول ارجعلك ضميرك
حور: يعني انت الي عندك ضمير اوي يااخويا هيا فعلاا شبةة السردينة بس سردينة قليلة الأدب نسيت تكمل لبس
سليم بسخرية: حقودة
حور بسخرية: بس يابابا وهيا الست لاندا دي عايزا اي واي الي جايبها اصلا
مازن بضحكة: اسمها راندا مش لاندا
حور بسخرية: لاندا مريندا اهي كلها مشروبات جاية لية يعني
مازن : هنختار منهم 3 بنات عشان الحفلةة
حور باستغراب: حفلةة اي
مازن: في اجتماع هيتم في الشركة بكراا لو عدي علي خير هيبقا في حفلة ازياء كبيرة هنا يوم الاربع
حور بتفهم : ايواا
سليم:لو خلصتوا لك تعالوا ورايا
حور: جاين
-داخل مكتب سليم
سليم بجدية : طبعاا انتوا عارفين اني جايبكوا هنا عشان نختار منكم مجموعةة هيبقوا هما المودرن الاساسين في حفلةة الاربع
البنات: اكيد
سليم: مازن هيسجل بيانتكم وهوا الي هيختار العارضات الأساسية
راندا بدلع: انا اكيد معاك ياسيمو مش كداا ولا اي
سليم بابتسامة: انتي معانا ف كل حفلة ياروني اصلا
حور بهمس: لية جاية هديةة مع النجف
همس مازن بضحكة: عشان لاندا وكدا ههه لاء حلوة
حور بسخرية: اتكتم هتفضحنا يغبي
راندا بدلع: قلبييي اوي
همست حور بغضب :دك داء في قلبك وانتي شبةة السلعوة كدا
-سمعها سليم فقرر أن يستفزها اكثر
سليم بابتسامة: احم رانود
رندا بدلع : قلبهاا
حور بعصبية: متقعدي علي بعضك ياسحلية انتي بدل ما اجي الزقك في االكرسي
راندا بدلع: انتي مين ياحبيبتي وبعدين انا اعمل الي انا عايزاة ولا اي ياسيمو
سليم بابتسامة: حصل
حور بغضب:طب لمي اشيائك ياحبيبتي واعدلي هدومك بدل ما اقوم اعملك عملية مستعجلة دلوقتي
قاطعهم سليم: نخلينا في المهم
راندا بدلع اكثر لاغاظة حور : مفيش اهم منك يا روحي
ضحك سليم علي شكل حور : احم تمام في تصميم مش مقتنع بية اوي فاانا بقول تجربية عشان نشوف هناخدو ولا لاء
راندا: من عيوني بس كداا وطالما انا هلبسة يبقا اكيد هيعجبك
نظرت لها حور باشمئزاز : قال يعني هيفاء وهبي قاعدة معانا
راندا بسخرية: مش المفروض مساعدتك هيا الي تجرب التصميمات دي ولا اي
سليم مصطنعاا الحزن: ااه بس للاسف مساعدتي مبتلبسش الحجات دي
راندا: عندك حق تزعل ياسيمو دي بنت بيئة اوي بس انا موريش شغل اليومين دول ممكن اجي اساعدك بدل دي
حور بضحكة: دي!!!! سمعتها وهيا بتقول دي
سليم بابتسامة: اه هيا فعلا قالت دي
حور بابتسامة: واكيد سمعتها وهيا بتقول بيئة
سليم بامائة : بصراحةة يعني انتي اتهزقتي خالص
راندا بدلع: انا مش عارفة انت جايب البنت دي منين ياسيموا دي مش من مستواك خالص
مازن بسخرية: نهارك اسود
حور غضب: جراا اي يابيبي مش نهدي بقا ولاا ايةانا لغاية دلوقتي ماسكة نفسي عنك انا اول مرة اشوف انثي ماعز بتتكلم
راندا بصدمة: اي دا يااااي انتي ازاي تكلميني كدا انا ممكن دلوقتي اضربك علي فكرا
حور بسخرية: وانتي بتستئذني ولا بتهدديني وبعدين هتضربيني بالسميت ياحيلتها
راندا : اوميجد بنت انتي لمي لسانك بدل ما ازعلك
حور بسخرية: هتزعليني يابيضة يابت دا انتي مش عارفه تتلمي علي نفسك من ساعة مدخلتي
راندا بزعل : شوفت ياسيموو البنت دي بتكلمني ازاي لاء لاء انا اتبهدلت خالص في مكتبك
سليم بضحكة: معلش تعيشي وتاخدي غيرها
نظرت لة راندا بصدمة
سليم مصطنعا الغضب : قصدي حوور انتي ازاي تكلمي لاندا قصدي راندا هانم كدا
حور بسخرية: دا الي عندي
سليم لراندا : دا الي عندها
راندا باستغراب: ايواا انا عارفة ان دا الي عندها فين الاكشن واحترمي نفسك وانتي بتكلميها والحجات دي😳
سليم بتذكر: ايواا صح نسيت
سليم بغضب: احترمي نفسك وانتي بتكلميها يا حور ميصحش كدا😕
حور بغضب: بقولك اي انت لتتشاكل مرة واحدة لتقعد في جمب انا مش فاضيالك
راندا بعصبية: انتي واحدة مش محترمة وقليلة الادب كمان انت ازاي تقولي كدا
حور ببرود: وبقول كدا كمان وراحت جايبة كوباية الماية ورزعاها في وشها
حور بغضب: وبعمل كدا كمان وراحت جايباها من شعرها
راندا بصدمة: ااه اي داا سيبيني يامتوحشة هتقطعي شعري سليم انت بتضحك علي اي الحقني يخربيتكو
سليم بغضب وهوا يحاول افلات شعر راندا من يدها: حور انتي اي الي بتعملية دا سيبي شعرها
حور: اتاخر كدا بس واللة لاربيكي يامتمحنةة انتي
راندا بصراخ : اااه شعري
حاول مازن مساعدة سليم في ابعاد حور
مازن بسخرية: يخربيتك دا انتي قاطعتي شعرها
حور بسخرية: عشان ترتي لنفسها وتتهد
سليم بغضب: مسمعش صوتك لحد مانخلص
سليم بغضب: تمام انا هعرفك ثم وجهة كلامة لمازن : ها خلصت
مازن : ايواا انا اخترت راندا وشهد و ريما دول الاساسين وهند وسمر للاحتياط
راندا بعصبية: انا مستحيل عدت اكمل معاكوا مستحيل
سليم باعتذار: هكلمك باليل انا بجد اسف
راندا وهيا تغادر: اسفك مش هيرجعلي شعري ولا كرمتي يادكتور سليم
سليم بغضب: تمام الميتنج خلص اتفضلوا
خرج الجميع وكادت حور ان تخرج ولاكن جذبهاةسليم من يدها وثبتها علي الحائط
سليم بغضب: انتي اي الي عملتية دة دا
حور ببرود وهي تحاول ان تفلت يدها : عملت اية سيب ايدي كداا
سليم بغضب: انتي عارفة انتي عملتي اي كويس
نظرت لة حور بتحدي: لاء معرفش
-نزلت بعض خصلات شعرها اثناء حركتها الغير منظمةة لتزين شكل عينيها العسليتينن الذي اكسبهما التحدي لمعاناا جميل
.. تااة سليم في حضرت عينيها...
سليم بهمس: حور
نظرت لة حور ببطأ ودق قلبها بانفعال عندما نطق اسمها بتلك النبرة نعم فهذة اول مرة تتحدث لةة بذالك القرب
- لم تقدر حور علي الحركة حور بهمس: ابعد شوية مش قادرة اتنفس
اقترب سليم اكثر ثم همس: بعد كداا معدتيش تلبسي الكاب شكلك كدا احلي
حور بصدمة: هاا
سليم بتكرار: حور انتي معايا
حور بعد ان استعادت نفسها : ايواا اكيد بس سرحت شوية
سليم بغمزة : سرحتي في جمالي اكيد
احمرت خدود حور من الخجل: لاء طبعاا انا كنت بس بفكر هنعمل اي في اجتماع بكراا
سليم بضحكة: يخربيتك وانتي بقيتي طماطماية كدا اي دا انتي طلعتي شبة البنات وبتكسفي وكدا
حور بغضب : بقولك اي انت خدتني علي خوانة ابعد كدا ونتكلم راجل لراجل
سليم بهدوء: انا كنت عايز اقولك انوا مينفعش الي عملتية دا انا مرضيتش ازعقلك قدم حد ومسكت نفسي بس انتي زودتيها اوي ياحور
حور ببرود: طب ابعد كداا انا حرة اعمل الي اعملوا😒
سليم بعند: تؤ تؤ مش هبعد غير لما توعديني معتيش تتشاكلي مع حد من الموظفين او العملا
حور بابتسامة : انت ان مبعدتش هخبطك في بطنك
سليم بابتسامة: وانتي ان خبطيني في بطني هرجعك مكتبك
حور بنفاذ صبر: اووف انت عايز اي دلوقتي
سليم: يلا اوعديني
نفخت حور بطفولة : خلاص وعد
اراد سليم ان يبعد خصلاتها عن وجهها ولاكنةة فاق من احلامةة.. الحمد لله
سليم بابتسامة : شاطورة حبيبت ماما
حور بعصبية: ابعد بقا ايديا وجعتني ومش عايزا ازعلك
سليم وهوا يبتعد : بعدت اهوة عشان مش عايز ازعل
حور بتبرير وهيا تغادر: انا اصلا مبحبش اتشاكل مع حد
سليم بسخرية: صادقة يااختي
خرجت حور من المكتب وجلست علي احد الكراسي
حور في نفسها وهي تضع يدها مكان قلبها: خير يابوا الفصوص انت هنجت ولا اي لية اول ما اتكلم نبضاتك زادت انت تعبان
وفجأة سمعت صوت هاتفهاا
حور بزهق : هوا دا وقتك مش شايفني بفكر
واجابت علي الهاتف
حور : الوو
حنين بابتسامة : ياهلااا وياغلاا
حور بابتسامة: ايش الي فكرك بياا لو معتز زعلك تاني قوليلي
حنين بضحكة: لاء هوا لسة مرجعش كنت عايزا اقولك متتأخريش النهاردة
حور باستغراب: اشمعنا
اتي مازن من خلفها: ياااحووور
حور ببرود: استني يامتخلف بتكلم في الفون
مازن باسف: اسفينلك ياعاقلة
حنين بفضول:دا مازن الي كنتي بتقولي علية
حور ببرود: ايوا هوا
حنين برجاء : والنبي تجبية وانتي جاية نفسي اتعرف علية اوي
حور ببرود: هشوف لو فاضي
حنين بابتسامة: تمام بس متتأخروش
حور وهي تغلق: تمام
اغلقت حور الخط
حور ببرود: كنت عايز اي يلاا
مازن بقرف : يلاا انا مش عارف هتحترميني امتي
حور بسخرية: انت عمرك حد احترمك
مازن: لاء
حور ببرود: يعني هوا انا علي راسي ختم الملك منا اكيد مش هحترمك زيهم
مازن بسخرية : دايماا بتفحميني بإجابات الصراحة
حور: اخلص بقا عايز اي
مازن بابتسامة : لاء مش عايز حاجة انا لقيت نفسي فاضي جيت ارخم عليكي
حور بسخرية: طول عمرك رخم اصلا
مازن: حصل
حور: بقولك اي انت فاضي النهارده
مازن باستغراب: اشمعنا
حور: عادي نينو كانت عايزا تتعرف عليك
مازن: نينو دي الي هيا المفروض خالتك صح
حور: ايواا هيا
مازن باستفسار :بتطبخ حلوا
حور بابتسامة: جداا
مازن بهزار: ياسطا انا لو مش فاضي افضي عشانك
..خرج سليم من المكتب
سليم بسخرية: بما انك فاضي كدا ياحبيبي في ملفات جواا عايزا تتعمل
مازن بكذب : يااخبر انا نسيت ان امي بتولد ولازم اروحلها
سليم بسخرية: ايوا ايوا والدكتور قايل مش فاتح غير في وجود مازن
مازن: سبحان الله نفس الي قالوا الدكتور سبحان اللة
سليم بسخرية: طيب يااخويا احنا خلصنا شغل النهاردة بس بكرا تيجوا بدري عشان الاجتماع
مازن بابتسامة: انت تؤمر ياكبير
حور ببرود لمازن: معاك العربيةة ولا لاء
مازن:للأسف خلصت بنزين وكسلت افولها فاسبتها في البيت
حور ببرود: تمام نبقا نركب اي مواصلة
سليم باستغراب: وهوا مازن بية مبيعرفش يروح لوحدو ولا بيتوة
حور ببرود: مازن جاي معايا اصلا
سليم باستغراب: جاي معاكي فين
حور ببرود: رايحين الملاهي
سليم بصدمة: ملااهي اي!!! دلوقتي
حور بسخرية: ذكيي اوي
مازن متدخلا: انا رايح مع حور عند خالتها عشان كانت عايزا تتعرف عليا
سليم بسخرية: عايزا تتعرف عليك انت!
مازن بغرور :يابني انا مشهور وكل الناس بتتمني بس تشوفني هه
سليم بسخرية: اكيد بيعملوا رجيم وعايزين حاجة تسد نفسهم مش حوار يعني وبعدين اي يابني دي انت هتصاحبني
مازن بتراجع: انت تطول قصدي يعني اناا
سليم بسخرية: تعرف تسكت وتبطل نخع
مازن : اه
سليم لحور: وانتوا هتروحوا مع بعض
حور بسخرية: لاء هربطوا في العربية من وراا
سليم: هاهاها قمر اوي
حور ببرود:طيب
سليم: مع اني مش عارف هستحملكوا انتوا الاتنين ازاي بس انتوا ممكن تيجوا معايا انا كدا كدا رايح هناك
مازن باستغراب: هتوصلنا يعني
سليم بسخرية: عرفتها لوحدك ولا حد قالك
مازن : لاء والله ما حد قالي حاجة انا توقعت
سليم: طيب امشوا قدامي
حور بسخرية: بقولك اي ابقا سلملي علي الواد ترتر واسألوا لو اموا في البيت عسان منروحلهاش وايدنا فاضية
سليم بتذكر : طب امشي ياام لسانين عشان منتأخرش
حور وهيا تغادر: متبقاش تقول كلام منتش قدوا يبرو
سليم بسخرية: مبتصدقي ابو تقل دم امك
......
نزل سليم من الشركةة وفتح باب السيارة لحور
لاكن سبقها مازن ليجلس
حور وهيا بتشدو من قفاه : رايح فين يامعدوم الزوق
مازن : اي في اي انتي ماسكةة صرصار انا رايح اقعد
حور بسخرية: دا علي اساس انوا فاتحلك انت الباب لية مشلول
مازن بسخرية: هوا يعني انتي الي مشلولة
حور: خلاص نسألوا فاتح لمين ووجهت كلامها لسليم الذي ينظر لهم بنفاذ صبر
حور :انت فاتح لمين فينا يا سليم
سليم بعصبية: دا اناا لو واقف مع ولاد اختي مش هيبقوا بالمنظر دا اي حد يترزع خلينا نتنيل
حور باستغراب: انت متعصب لية
سليم بابتسامة: انااا هه فين دا ..ثم اردف بغضب :اخلصوووو
حور بسخريةخط: لاء مهوا واضح انك ريلاكس
مازن:هااا فاتح لمين
حور بسخرية: خلاص ليدر اذ فريست ادخل يا مازن
مازن بصدمة: ليدر اذ فيرست ادخل يامازن !! بنتي انتي وقحة
حور: مش عاجبك طلقني
سحب سليم مازن بنفاذ صبر وقعدو علي الكرسي وفتح الباب الخلفي وزق فية حور
سليم بغضب: اترزعوا دك رزعة ف نفخكوا دا لسة هيتشاكلوة
...
- باتري اي الي هيحصل في بيت حنين وياتري حور هتطلع تعبانةة عنها اي...!😂💛
أنت تقرأ
عشقت عنادها...!💛
Humorتمتلك من الجمال والعناد مايجعلها مميزة لدي كل من يراها لطيفة وباردة كقطعة الثلج البلوري الأبيض رقيقة كاقطرات الندي وحبات الغمام لكن حدة الجو اثر عليها لتصير كصلابة الصخر...!💛 . كانت تؤلمني رؤيتك وأنت تتغير في داخلي لتصبح مثلهم مجرد عابر فقط، كنت أ...
