عشقت عنادها...!💛

- البارت الثامن والعشرون -

    
.
في صباح يوم جديد استيقظت حور وهيا تشعر بألم في رأسها....
حور بصداع:ااه دماغي هوا حد ضربني ولا اي
حنين بابتسامة: صباح الخير يا عمري
حور بابتسامة: صباح الورد بس اي الي حصل انا جيت هنا ازاي
حنين بابتسامة: انتي نمتي وسليم وصلك لهنا
حور بصدمة:ااايوا افتكرت بس!!!
حنين: بس اي يارورو
حور في نفسها: يخربيت كداا انا عكيت امبارح ولا اي انا مش فاكرة حجات بسيطة
حنين باستغراب: بتفكري ف اي
حور محاولة تغير الموضوع : اسماعيل رجع تاني
حنين ببهوت: انا عرفت
حور باستغراب: سليم الي قالك
حنين بنفي: لاء
حور: اومال عرفتي ازاي
حنين: هوا الي جالي هناا
سليم بصدمة: لاء دي هبت منوا علي الاخر انااا هو...
حنين بهدوء: حور اهدي في الاؤل والاخر دا جدك وانا حاسة انة ندمان بجد صدقيني انا شوفت نظرت الحزن الي في عنية مين كان يصدق ان اسماعيل الشافعي بجبروتة يبقا مكسور كدا انا حاسة انوا ندمان بجد
حور  بحزن: نينوا انا حاولت اسمامحوا بس مقدرتش حاولت الاقيلوا مبرر حاولت اغفرلو بسبب حاجة حلوة عاملها ملقتلوش حسنة وحيدة اسامحة عشانها
حنين بحب: تمام ياروحي انا معاكي بس دا
حور بحزن:متحاوليش
حنين:براحتك بس انا بقول ان ربنا عاقبوا واخد منوا كل حاجة وهوا مش عايزا غير كلمة مسمحاك بس ومش صعبة علي قلبك الرقيق دا
حور متجاهلة كلامها:انا مااكلتش حاجة من امبارح عندكو فطار اي
حنين بتذكر : ايواا من الحق سليم تحت كان جاي يطمن عليكي البسي وانزلي عشان نفطر كلنا سوا
حور بصدمة: سليم تحت
حنين بابتسامة وهيا تغادر: ايواا ومن امبارح كل شوية يتصل يطمن عليكي ومستنيكي تحت من بدري علي فكرا
حور ببلاهة : حلااوة
حور وهيا تتذكر ماحدث بالامس وماقالتة: هاار اسود ياتري هيقول علياا اي دلوقتي ااخ طب انا هعمل نفسي مش فاكرة حاجة ولا هيقفشني هوا اي الي جابوا ساعتها خلاص انا قررت هعمل نفسي مش فاكرة امبارح كنت سكرانة ايوا انا كنت سكرانة
دخلت حور الي الحمام وخرجت ارتدت ملابسها ونزلت الي الصالون.....
حور بابتسامة: السلام عليكم
سليم بلهفةة:وعليكم السلام عامله ايه دلوقتي ياحور طمنيني
حور في نفسها:ودا حد ضربوا علي دماغوا ولا اي
حور مصطنعة البرود: حلوة
شهاب بتأنيب: انتي روحتي لوحدك امبارح لية يارورو خالتك قلقت عليكي جداا وروحت مع سليم قبل ماالحفلة تخلص عشان تشوفك دا ينفع
حور باعتذار: احم انا اسفة
شهاب بضحكة: علي اي ياروحي انا بس قلقت عليكي فكرتك تعبتي ولا حاجة
حور بابتسامة: لاء عادي مفيش حاجة
حنين: فين معتز معقول مشمش ريحت الاكل
حور بسخرية: انتي بتسألي عن كلب
اتي صوت معتز من علي السلالم بثقة: مش معقول متقدروش تقعدو من غيري وديما بتسألوا عليا حب الناس دا نعمةة واللة
حور بسخرية: لاء احنا خايفين تكون في المطبخ من ورانا وبتاكل البيض
تجاهل معتز كلامها بغمزة: لاء بس اي الحلاوة بتاعت امبارح دي مكنةة الماني ياولاد
حور بسخرية: مكنةة لما تفرمت معاميعك يااخويا قرب عشان ناكل هموت من الجوع
شهاب بابتسامة: ايتا ايتا انتي اتعديتي جوع مننا
حور بضحكة: من عاشر القوم اربعين يوم بقا
سليم بتبرير: لاء بس هيا مكلتش امبارح حاجة اصلاا
..نظرت لة حور باستغراب تم جلست...
حنين: طيب يلاا الاكل جاهز تعالوا بسرعة
معتز بسعادة : يااحلي عيلة ع الصبح متعرفوش انا واقع من الجوع اد اية
حور بسخرية: انا عمري ماشوفتك لا انت ولا ابوك مش جعانين لامؤخذة ياكبير
شهاب بابتسامة: لاء ياروحي والله ما كذبت
سليم: طيب يلاا عشان انا كماان جعان فحت
حنين: يلاا
- التف الجميع حول السفرة
شهاب: انتي قررتي اي دلوقتي يارورو
حور: قررت اي ف اي
شهاب بهدوء:في موضوع جدك
حور بهدوء: مش عارفة انا فكرت في الموضوع بس حاسة اني محتاجة وقت عشان اعرف اخد قرار مندمش علية
شهاب بابتسامة: تمام ياروحي براحتك
سليم بمرح: طب مش هنااكل ولا اي اناا بطني بتهوهو
حور بضحكة: لاء هناكل انا اصلا جعاانة ومش قادرة
حنين بابتسامة: بالهنا والشفا
هم الجميع لبدأ الأكل ولاكن قاطعهم صوت الجرس
معتز وهوا ينهض: انا هفتح
شهاب: تمام
ذهب معتز ليفتح الباب...
معتز: اهلاا
اسماعيل بهدوء: اهلاا انت ابن حنين مش كداا
معتز باستغراب: ايواا مين حضرتك
اسماعيل بهدوء: انا عايز اقابل حور
معتز: ايواا انت مين طيب
اسماعيل: انا اسمي اسماعيل في مقام جدك كدا
شهاب بصوت عالي: مين يامعتز
معتز: واحد  اسموا اسماعيل عايز يقابل حور
حنين بصدمة: اسماعيل!!!
شهاب باستغراب: ياتري اي الي جابوا دلوقتي
توترت حور عندما سمعت الإسم فامسك سليم يدها ونظرلها بمعني ان تهداء
دخل معتز وإسماعيل الي الصالون ولما رئي اسماعيل حور صارت دموع الاشتياق عالقة بين اهدابة
حنين بهدوء: اتفضل
اسماعيل: شكراا جداا انا كنت جاي عشان اتكلم مع حور
حنين بهدوء: هوا حور لسة مقررتش
اسماعيل وهوا يتجة الي حور ببكاء: ليية يبنتي ارجوكي سامحيني انا عارف ان قلبك طيب ومستحيل تكرهي حد زي امك والنبي سامحيني انا نفسي اموت وانا حاسس اني صلحت على القليل حاجة من اخطائي يابنتي انا خلاص صدقيني لو سامحتيني مش هتندمي مش هتلحقي تندمي انا بموت ياحور واللة يشهد اني بموت كل يوم بسبب اخطائي وبسبب الكانسر الي بيجري في دمي انا بقيت ماشي مش عارف امتي هروح ومش عايزا اقابل ربنا الا وانتي مسامحاني ياحبيبتي باللة عليكي
ابعدت حور يدها بصدمة
حور بانهيار: انا مش عارفة مش عارفة اعمل اي معدتش عارفة اي حاجة خالص انا تعبت لية كداا حاسة انك صادق بس خايفة خليتني ميبقاش عندي ثقة في حد وفجأة تطلع عايزني اثق فيك ازاي فهمني ازاي يا.. ياجدي
اسماعيل: حوور انا جاي عشان كدا عايزك تنسي عايزك تعيشي حياتك براحتك انا ندمان ندمان على كل حاجة قولتها كل حاجة عملتها صدقيني ندماان اووي
كادت حور ان ترد ولاكنها احست بالدوار وكادت تسقط علي الأرض لولا يد سليم
سليم بخضة: حوور حوور فوقي اي الي حصل
حنين بصدمة: ااه اي دا
معتز وهوا يتجة الي الخارج: انا هجهز العربية هاتها وتعالي ورايا
شهاب مهدئا حنين: اهدي ياروحي دا اكيد هبوط عشان ما اكلتش حاجة
جلست حنين ببكاء: امتي بقاا هنخلص من وجع القلب دا
اسماعيل بانهيار: كلوو بسببي انا لو كنت موت من زمان مكنش دا كلوا حصل مكنتش حد تعب بسببي ولا كان ابني مات  ولا اي حاجه من دي حصلت مكنش حد هيموت بسبي...
-وسقط مغشياا علية
شهاب بخضة: اسماعيل بية اي الي حصل
وقفت حنين بصدمة: هات عربيتك بسرعة لازم ننقلوا المستشفي بسرعة ياشهاب
شهاب وهوا يغادر باسراع: دا كلوا كان مستخبلنا فين جيب العواقب سليمة يارب
اتجةة الجميع في سيارة معتز وشهاب الي المستشفي...
سليم بغضب وهوا يدخل: ابعدووو فين دكتور المستشفي دي اخلصوو نادولي الدكتور
حضر الدكتور باسراع: اتفضل ياسليم باشا حجزتلك غرفتين زي ماشهاب بية قال
سليم بعصبية: مش وقت كلام دلوقتي حور لازم تفووق دلوقتي وعايز اعرف اي الي حصلها
الدكتور بتوتر:حاضر حاضر اتفضل حطها في الاؤضة دي
-دخل معتز وسليم الذي يحمل حور الي الغرفة ووضعها علي السرير
سليم بغضب: اديني حطيتها مالها بقاا
الدكتور بخوف: انا لسة مكشفتش بس هكشف واقولك
معتز بسخرية: اهدي ياباا الدكتور ملحقش يدخل الاؤضة
سليم مصطنعا الهدوء: تمام اي دا ثانية هوا حجز غرفتين لية انت تعبان
معتز: مش انا واللة انا فكرت ان انت
سليم بلامبالاة: يمكن امك حامل ولا حاجة
سليم بسخرية: هاهاها
اتي صوت الطبيب: سليم باشا المريضة بخير الحمد لله بس هيا كان جالها انهيار عصبي دا غير ان في هبوط بسبب قلة الأكل اعطتلها محلول ودقايق وهتبقا فايقة
سليم باطمئنان: يعني هتبقا كويسة
معتز بسخرية: ياجدع انت اصنج
سليم وهوا يضربة : يعم هوا انت الي احول انا بسأل الدكتور دا انت رزل
الدكتور: ايوا هيا لو متعرضتش لاي انفعال الفترة دي هتبقا كويسة هستأذن انا عشان اشوف باقي المرضة
معتز بابتسامة: اتفضل
سليم باعتذار: وانا اسف علي الطريقة الي كلمتك بيها بس كنت قلقان عليها
الدكتور بابتسامة: لاء ولا يهمك ياسليم باشا داانت خيرك مغرقنا
سليم بابتسامة: تسلم
سمع سليم صوت هاتفة
سليم باستغراب: اي دا امك بتتصل الا هيا فين انا فكرتهم جاين ورانا
معتز: مش عارف انا فعلا شوفت عربيت البرنس ورايا
سليم وهوا يجيب:الوو
حنين بتوتر: الوو ياسليم
سليم باستغراب: ايوا يانينو مالك قلقانة كدا لية
حنين: فين حور
سليم: هيا حلوة الحمد لله بس لسه شوية وهتفوق
معتز بفرحة: هيا بدءت تفوق اهي
حنين : سليم
سليم باستماع: نعم
حنين: افتح الاسبيكر
سليم باستغراب: لية
حنين بحدة: افتح بس وهتعرف
فتح سليم الاسبيكر....
حنين بحب: حوور
حور وهيا تحاول استجماع نفسها : نعم
حنين: انتي سامعاني حلوو ياروحي
حور بانتباه: ايواا
حنين بدموع: انا عايزا اطلب منك طلب وعشان خاطري متكسفنيش انا اول مرة اطلب منك حاجه بس انا معتش قادرة
حور بخوف: في اي قلقتيني انتي كويسة
حنين ببكاء: انا كويسة بس بس اسماعيل الي مش كويس خالص عشان خاطري لو كان ليا عندك خاطر تعاليلوا تعاليلوا ولو لمرة وحدة ياحور انا زيك مكنتش قابلاه في حياتناا بس حالتوا تصعب علي الكافر ياحوور تعالي جدك بيموت
حور بصدمة: انتي بتقولي اي
حنين ببكاء: الي سمعتية جدك في اخر مرحلة والدكاترة معدوش عارفين يعملولو حاجة
حور بانهيار: ودوني ليية سليم هوا فين
سليم بغضب: حنين هيا لسة تعبانة مش هتعرف تطلع
حور بصراخ: ياسلييم عايزااا اشوفوا عايزاا اشوفووة
رزع سليم هاتفة بغضب:حور ميفعش ف حالتك دي
معتز محاولا تدارك الأمر: حور امشي معايا انا هوديكي
سليم  بغضب :معتز
معتز بغضب:في اي يجدع بتقولك الراجل بيموت
حاول سليم الهدوء وامسك يدها ليجذبها خلفة: تعالوا بس لو حسيت انك تعبتي هرجعك
حور ببكاء: اناا مش لسة صغيرة
توقف سليم عن المشي فجأة وضمهاا الي قلبة
سليم بحب: حور
حور وشهقاتها في علوا:نعم
سليم: انتي عارفة ان جدك مريض سرطان وان الكيماوي صعب والمنظر هناك مش هتقدري تستحمليةة دا غير ان هوااا هيم..... قصدي عارفة ان معدش امل
حور ببكاء: انا عايزا اساعدو بااي طريقة مش عايزا اعاملوا زي معاملني انا فقدت ناس كتيير مش عايزاا اخلية يفقد كل حاجة في اخر حياتوااا احساس صعب اوي ياسليم
سليم وهوا يبعدها برفق : حاولي تمسكي نفسك يا حور
حور وهيا تمسح دموعها:هحاول
- دخلت حور الي غرفة العمليات
فوجدت جثة هامدةة بلا حيااة يملؤهاا التجاعيد بسبب المرض والهرم مع تساقط شعرة بسبب الكيماويات غير قادر علي حرااك شيئ الا شفتيةة لتهمس باسم من عذبهاا لتصبح سبب في راحتة نوعا ما
اقتربت حور منة بدموع: انت سامعني
نظر لها اسماعيل بألم: حوور
حور بدموع: نعم
اسماعيل ببكاء: سامحيني يا روحي سامحيني
حور ببكاء وهيا تمسك يدة: مسمحااك مسمحااك من قلبي مسمحااك بس قوم متروحش انا مصدقت حنيتلي
اسماعيل ببكاء: حتي دي مش هقدر احققهالك اد ايه انا منفعش في حاجة بس انتي تقدري..
حور بدموع: اقدر اعمل اي
اسماعيل ببكاء وه:قوليلي ياجدي نفسي اسمعهاا منك ينن عيني
حور وهيا تحضنة ببكاء:مسمحااك ياجدي واللة مسامحاك عشان خاطري متمشيش
اسماعيل براحة: كان نفسي افضل معاكي  هتوحشيني اووي ياحبيبتي
- في هذا الوقت اعلنت الأجهزة عن انتهاء حياتة
حور بانهيار: لاا لاء مش هينفع لاء انا مصدقت انك رجعت مينفعش تروووح سامعني يااسماعيل سامعني انا مش كل اما هحب حد هيمووت مينفعش كداااا اناا عندي قلب وهوا دلوقتي بيوجعنيي اوي ياجدي بيوجعني اوي
-دخل سليم الي الغرفة
سليم بدموع وهوا يحتضنها: حوور اهدي
حور بانهيار: انا تعبانة اوي ياسليم اوي
سليم: اهدي ياروحي اهدي
حور ببكاء: كنت سامحتوا ياسليم واللة سامحتوا من قلبي داا
وظلت تضرب بيدها مكان قلبها
سليم وهوا يكبل يدها: هشش اهدي اهدي كل حاجة هتبقا تمام
حور بانكسار: مفيش حاجة هتبقا تماام مفيش
الطبيب بجدية: هيا حالياا جالها انهيار عصبي ودا شيئ خطير عليها امسكها حلوا عشان اعطيلها حقنة مهدئة
حور بغضب: انا مش مجنونة ابعد عني
-ضمهاا سليم اكثر وهمس في اذنها: انتي مش مجنونة ياروحي انتي احلي واطيب قلب انا عرفتوا انتي مش لوحدك ياحور انا هبقا معاكي دايما
حور وهيا تهب في نوم عميق: كلهم قالوا كداا ومبقوش ياسليم
سليم وهوا يحملهاا بحب: انا مش كلهم يااحور انا بحبك بجد
.
- ياتري اي الي هيحصل بعد كدااا....!💛
بقلم : #اسماءـصبري