عشقت عنادها...!💛

- البارت الثامن عشر -

.
           
..........
توقفت السيارةة بعد مرور بعض الوقت..
سليم: خليكي في العربيةة متنزليش هدخل اجيب شوية حجات من المركت مش هتأخر
حور ببرود: تمام
خرج سليم من السيارةة وجلست حور تستمع الي الموسيقي..
وفجأة سمعت صوت شاب يصرخ من الخارج
الشاب بعصبية وهوا بيخبط علي الشباك : انتو واقفين في نص الطريق كدا لية اتحركي
خرجت حور من السيارة
حور بعصبية: جراا اي ياجدع انت بتزعق لية
الشاب بعصبية: بقالي نص ساعة بزمر مبتدرديش لية اية اتصنجتي
   " اوبااااا انت الي جبتوا لنفسك "
حور بعصبية: الصنجةة جاتلك في بين حواجبك ياخوياا متهدي كدا وتصطبح بدل مااساوي وشك بالأسفلت
الشاب بعصبية: تساوي وش مين ياما دا انا اساويكي انتي وعيلتك
حور بضحكة: يجدع قول وغير
الشاب بثقة وهوا يبعدها: لا مش مغير واهوا دا الي عندي
حور بابتسامة:طب ايدك طيب
الشاب:يبنتي ابعدي بدل ما ازعلك
حور بغضب: طب جرب كداا
واعطتةة بوكس في وشوو
الشاب بعصبية:اااه يابنت ال  طب تعالي ولسة رايح يضربها سمع صوت من خلفةة
الظابط بعصبية: اي الي بيحصل ده
حور ببرود: مين حضرتك وبعدين انت جاي علي اهم لحظة كان نفسي اشوفوا وهوا بيضربني
الظابط بسخرية: كلنا هنضربك دلوقتي متقلقيش 
حور بابتسامة: لا انت ولا اهلك تعرفوا علي فكرة
الظابط بعصبية: انتي ازاي تتكلميني كدا متعرفيش انا مين
حور بزهق: ياربي علي كمية متعرفيش انا مين الي بسمعها دا انا لو عايشة ف عصر التنانين المجنحة مش هيبقا كدا ها ياحبيبي قولي مين
الظابط بفخر: انا الظابط احمد فوزي
حور بضحكة: ظابط اي يابني دا انت اخرك ظابط ايقاع بمنظرك داا
احمد بصدمة: ايقااع !! انا يتقالي إيقاع طب اتفضلي معايا بقا عشان نظبط اللحن بقا!
حور بابتسامة: اتفضل معاك لية بقا
احمد : واللة انا كنت جاي عشان اثارة الشغب والبلبلة وطلعنا باهانةة ظابط اثناء تأدية عملة ولو فضلنا خمس دقايق هنطلع بتهمة جديدة
حور ببرود: اثارة شغب وزعبلة اي ياباشا لاء دا احنا جامدين اوي وملناش في المشي البطال
احمد بصدمة: يخربيتك مشي بطال اي!!! انتي كل ما بتفتحي بوئك بتلبسي قضية انتي تخرسي خالص دا انتي بلاء
الشاب بعصبية: وضربتها صاعبة اوي ياباشا
احمد بصدمة : انتي كمان ضربتي الولا دا انتي ليلتك مش معديةة
حور بسخرية : هوا الي قليل الادب مش متربي
احمد : طب اتفضلي معايا بقا
حور باستغراب: اتفضل معاك علي فين
احمد بسخرية: بقولك ظابط اكيد مش هاخدك افسحك
حور ببرود:  يعني هنروح السجن
احمد بسخرية : اسماللة عليكي وعلي نباهتك هتيجي معايا بقا ولا مش فاضية
حور ببرود: لاء عادي انا كنت مروحةة اصلا
احمد : طب اتفضلي قدامي
حور باستغراب: اي دا احنا هناخدها مشي ولا اية فين العربية
احمد : هوا دا كل الي شاغلك مش همك انك هتروحي في داهية
حور: هشش متقطعش بس فين العربية عشان نخلص
احمد باستغراب :هناك اهي
حور بأمر:وراياا
احمد بصدمة : انتي لية محسساني انك راحةة تفسحيني
وانطلقت السيارة
.....خرج سليم من الماركت ....
سليم وهوا يدخل الي السيارة: معلش بس الماركت كان زحمةة اي داا هياا راحت فين 😳
خرج من السيارة فوجد احد الرجال
سليم: لو سمحت مشوفتش البنت الي كانت في العربية هنا
الرجل بسخرية: بنت !! ايوا ايوا كان في مشروع بنت بس باين كدا فشل وخدوها علي المركز
سليم بصدمة: مركز لية اي الي حصل يمكن مش هيا
الراجل: لاء كلها حجات بسيطة ضربت راجل وشتمت الظابط بس
سليم بنفاذ صبر: ياادين امي هيا وهوا في غيرها يعمل كدا حسبي اللة
.
ركب سليم سيارتة ليلحق بها
.
في المركز
احمد بغضب: خلاااص خلااص اسكتي عرفت انوا مترباش ولا شاف رباية عشان كلمك طب اقولك علي سر اناا كمان مشوفتش رباية لإني جبتك هناا انا اسف
حور ببرود: متقولش علي نفسك كدا
احمد بعصبية: لاء انا كدا واللة انا كدا
حور: طيب خلاص انت تعرف اكتر مني أكيد
دخل احد ا العساكر : في حد براا عايز يقابل سعدتك
احمد باسراع: دخلوه دخلو شاللة يكون حد جاي يخدك ويريحني
حور ببراءة: انا مش عارفة انا عملتلك اية
احمد بصدمة: مش عارفة داانتي من ساعة مدخلتي ومبطلتيش لك دا الولا خاف منك دا انا بدءت اخاف منك يامفترية
الشاب بهدوء: انا مش ساكت عشان انا خايف علي فكرة لاء انا عارف ان القانون هيجيبلي حقي
حور بغضب: دك كسر حوئك يااخويا واللة ان مسكت لقايمة جيباك من شعرك دا
أحمد بعصبية:متتكتم يبني بقا العملية مش ناقصاك
الشاب وهوا يضع يدة علي فمة: سكت اهوة
دخل سليم الي المكتب
سليم بهدوء: السلام عليكم
احمد : وعليكم السلام
سليم بهدوء: انا كنت عايز اعرف الانسة حور عملت اية
احمد بنفي : معملتش اي حاجة وهيا النسمةة دي بتغلط خدها وروح الهي تنستر
سليم باستغراب: دا الي هوا ازاي
احمد : خد مني بس خدها ومشي الهي تنستر عندي عيال عايز اربيهم
الشاب بصدمة : بس انا مش متنازل عن المحضر بتاعي
احمد بعصبية : ولاا واللة ان مسكت لاخليها تقوملك تنفخك دا غير اني هلبسك قضية تعدي واشهد معاها كمان
الشاب بصدمة: تعدي اي ياباشا دا انا وشي يشهد وهيا دي حد يقدر يعدي من قدمها عشان يتعدي
حور ببرود : لخص في الكلام بدل مانشهد بقيت اعضائك ياصغنن
الشاب بدموع : ابو اليوم الي شوفتك في علي ابو اليوم الي ركبت فية عربية ياشيخة منك للة
حور : انجزز بس انا جعانة وعايزا اروح
سليم بصدمة: اي الي بيحصل هنا ياجدعان انا توهت منكوا
احمد : مش لازم تفهم خدها وهيا تفهمك واحنا هنخلص كل حاجة
ثم وجةة كلامةة لحور: فرصة سعيدة ياانسة حور ياريت متتكررهاش
حور بمصطنعةة البراءة: لية كدا دا انا حبيتك خالص
احمد بكذب : وانا كمان بس انا مش عايزلك البهدلة عارفة انا من كتر حبي ليكي لو شوفتك مطلعة مصارين واحد في الشارع مش سألك بتعملي كدا لية حتي!
حور ببرود: ع العموم انت الي خسران
احمد بابتسامة : لو الخسارة جاية من نحيتك فاانا قابلها وعهد اللة
حور بثقة: براحتك افتكر اني عرضت عليك
سليم: طب نستأذن احنا
احمد: ياريت واللة
خرج سليم وحور من المركز
سليم بعصبية: انا اسيبك عشر دقايق في العربية ارجع اجيبك من المركز ياولية انتي بتعبدي اي
حور بسخرية:ولولو عليك ساعة واتفضوا ياعنيا وبعدين انت اي الي جابك اصلاا انا كنت هاجي لوحدي
سليم بسخرية: حصل وابصم بالعشرة كمان انك هتيجي دا انتي اتطردتي من السجن ياقادرة الظابط طردك من السجن ياافرحت امك بيكي بجد
حور بسخرية: وانت كنت عايزني ابات ولا اي ان شاء الله..
سليم: تباتي اي دا انا لو مكنتش جيت كان الظابط وصلك للبيت
حور بثقة: حب الناس نعمة
سليم بسخرية: حب الناس!!! انتي مقتنعةة بالي بتقولية دا بأمانة
حور بثقة: أكيد
سليم: اهم حاجه وانت بتهبد فعلا هيا الثقة امشي ياحور قدامي امشي دا انتي هتشليني
حور : امتي
سليم: قريب ياقلبي قريب جدا
-وركبوا السيارة....
امام الفيلاا...!!
سليم بعضب: ابقي قابليني لو ركبتك معايا تاني غلطة وندمان عليهاا
حور ببرود: فين
سليم باستغراب: هوا اي الي فين
حور: اقابلك فين
سليم بغضب:عند ام ترتر
حور ببرود: طيب اكيد هنتقابل هناك
ودخلت الي المنزل
حنين بابتسامة: اي الي اخرك يا حبيبتي الدنيا ضلمت
حور : كنت في المركز ياحبيبتي
حنين بصدمة: مركز مركز اية ولية
حور بابتسامة: اهدي مفيش حاجة هطلع اغير وانزل احكيلك كل حاجة
حنين بابتسامة: تمام متتأخريش عشان تتعشي
حور : من عيوني
.
صعدت حور الي غرفتها وبدلت ملابسها ونزلت اليهم وظلوا يتحدثون حتي ذهب كلاا الي غرفتةة وانتهي اليوم...
..........
في صباح يوم جديد استيقظت حور في وقت مبكر عن عادتها ونزلت لكي تعد الإفطار وبعد ان انتهت وضعتة علي السفرة وقررت أن تذهب لتوقظ الباقي..
صعدت حور لتوقظ حنين وشهاب....
..... في ذلك الوقت نزل معتز...
معتز بصدمة: ايتا ايتا مين الجامد الي مجهز الفطار دا ياصلاة النبي احسن انا هدوق بس..
ايقظت حور حنين وشهاب وذهبت لتوقظ معتز
حور باستغراب: هوا دا راح فين ع الصبح ع العموم اهو وفرر شاللة مااكل
نزلت حور الي الاسفل ولاكن كانت الصاعقةة....
حور بصدمة: اي دا فين الاكل
معتز: اي مفيش صباح الخير
حور بغضب:صباح الخرا فين الاكل الي كان هنا
معتز  بسعادة: كنت بدوقة بس بصراحه الي عامل الاكل دا فنان اول مرة اعرف ان امي بتطبخ حلو كدا اللة عليكي يانينوا ياجامدة
حور وهيا تقترب منة: عيد تاني كدا الاكل فين ياعنيا
معتز بقلق : في اي ياحور مالك كنت بدوقة
حور وهي تمسك السكينة : كنت بتدوق 5 واجبات حواوشي و12 بيضة و9 ارغفة عيش لية جموسة بتدوق
معتز وهوا يبتعد : اي في اي كنت جعاان
حور باقتراب : انا هشبعك وحياة امك لاطلعهم من بطنك رغيف رغيف بيضة بيضة يامفجوع ياحلوفة
ركض معتز ليقف علي الجهةة المقابلة من السفرة
سليم بخوف: حور اهدي وانا افهمك
حور بغضب: تفهمني تعالي بس وانا الي هفهمك تعالي متخفش هموتك براحةة دا انا هشفيك
معتز بخوف: استهدي باللة ياحور السلاح يطول وانا لسة ف عز شبابي وعايز أتجوز
حور بعصبية : طيب قرب بس وانا هجوزك
معتز بسخرية: في الجنة صح
حور بغضب : وانت هتورد علي جنة ولا نار ياحرامي الأكل انت دا انت هتتعلق ع الصراط يلاا
في ذلك الوقت دخل سليم الي الصالون....
ركض معتز ليختبئ خلفة
معتز : الحقني ياعم دي هبت منها علي الاخر بتقولي تعالي وهموتك براحةة اي شايفاني فرخةة
سليم باستغراب: هتقتلك براحةة !!! دا الي هوا ازاي
معتز : اسالها ياعم انا مالي
سليم باستغراب:هتموتية براحة ازاي معلش
خبئت حور السكين خلف ظهرها ونظرت للسقف ببراءة..
سليم بسخرية: ياربنااا البراءة هتبظ من عنيكي
القت حور السكين من يدها بغضب
حور بعصبية: بقولك اي خلي الولا دا يرجع البيض الي كلوا بدل ما ارجعوا بطريقتي
سليم بسخرية: بتتحولي ف ثانية  وبعدين هترجعية ازاي اي هتخلية يبيض
حور بغضب : ومالوا يبيض ويرقد علية لغاية مايفقس كمان هوا كان قاصر
معتز بخوف: طب اهدي بس والنبي وانا هجهز فطار بدل الي كلتوا واللة
حور بسخرية: وانت بتعرف تسلق بيضة اصلا يامفجوع
معتز : هطلع الوصفة من علي النت وهسلقوا واللة
سليم باستغراب: وصفة لسلق البيض
حور بغضب: خمس دقايق علي ماالبس يكون الفطار جاهز لو ملقتهوش هفنيخك
معتز بسخرية: هتفنيخيني اي هوا انا عرابية
حور وهيا تصعد: اتراخم كمان
سليم بتساؤل : فين امك ياتافه
معتز بزهق : والنبي سيبني في الي انا فية متعرفش طريقة سلق البيض يازميل
سليم بسخرية: انت هتسلقوا بجد ولا اية
معتز: اي الي بجد دا انا داخل اغسل المواعين البت دي شرانية دي لو كانت مسكتني كانت حطيتني بدل الحواوشي انت بتتكلم في اي
سليم بسخرية: ياخسارة الرجالة
معتز بانكار: لاء اوعوا تفهمني صح انا داخل اطبخ مش عشان خايف لاء انا هطبخ حق الي اكلتوا بس
سليم بسخرية: لاء والواد حقاني اوي
معتز : ملكش دعوه انت جاي لية
سليم: خد يااخويا اعطي الحجات دي لأمك كانت طلباها امبارح
معتز: حطها هناك وابعد كدا عشان اخلص قبل ماتنزل
سليم بصدمة: يخربيتك ياسماعيل بوظت الواد
نزل كلا من حنين وشهاب...
حنين بترحيب : صباح الخير ياسيمو
سليم بابتسامة: صباح الورد يانينو صبااحوو ياشيبوو
شهاب بضحكة: صباحوو
حنين: جبت الطلبات الي قولتلك عليها
سليم بابتسامة: ايوا هناك اهية
حنين: متحرمش اقعد بقا افطر معانا
سليم بسخرية: افطر اي دا معتز الي بيطبخ
حنين بصدمة: معتز بيعمل اية
سليم بابتسامة: بيطبخ
شهاب باستغراب: غريبة دي دا عمرو مجاب لنفسوا يشرب
سليم بسخرية: بركات الست حور
حنين باستغراب: وهيا حور عملت اية
سليم: قولي معملتش اي دي قالتلو خمس دقايق والاقيك مخلص طبخ الولا ياعين اموا بيتنطط في المطبخ زي الدبور من ساعتها
حنين بضحكة:احسن خلية يتربي بس لية حور عملت كدا
سليم بسخرية: معرفش اساليها انا دخلت لاقيتها بتجري وراة بالسكينة وعايزاة يبيض
حنين بصدمة: يبيض!!!
سليم: ايواا
شهاب بضحكة: يخرب عقلك ياحور جننتي الولا
حنين بضحكة: ناس يخافوا ميختشوش صحيح ههه
...دقائق ونزلت حور....
حور بابتسامة: صباح الخير
حنين: صباح النور
شهاب: اهلا ياحبيبتي
سليم بسخرية: صباح السكاكين
حور ببرود: اقعد دك سكينة في معاميعك اقعد
حنين بضحكة: هوا معتز عمل اي عشان تعملي فية كدا
حور بغضب: دا الطماع صاحية من الساعة 6 بحضر الفطار اطلع ربع ساعه اصحيكوا انزل الاقية ماسح الاطباق
شهاب بصدمة: كل الاكل لوحدة ابن الجزمة ومسبليش
حور بسخرية: دا علي اساس انوا سابلي انا بقولك مسح الاطباق مسحها
حنين بضحكة: لاء بصراحةة يستاهل يضرب
سليم بسخرية: اديكي قولتي يضرب مش يتقتل
حور بنصف عين: هواا اشتكالك ولا انت بتدافع وخلاص
سليم: هوا انا لو كنت اتأخرت دقيقة كمان كان هيلحق يشتكي اصلا
حور ببرود: ابن خالتي وانا حرة فية
سليم بسخرية: طب مهوا ابن عمي وبعدين عشان ابن خالتك تخلية يبيض
حور ببراءة: اكيد مكنتش هخلية يبيض علي فكرا انا بس كنت هقعدو جمب الفرخة علي ماتبيض!
سليم باستهزاء: ياحنينة
وفجأة اتاهم صوت معتز
معتز بفرحة :انااا جيت
نظر لة الجميع وف ثانية انفجر الجميع من الضحك علي منظرة  كان معتز يرتدي المريول ووجةة وشعرة مليانين ضقيق وحاطط المعلقة ورا ودنوا والسكينة في جيب المريلة وشاكلوا قذر بصراحةة
حنين بضحكة: اي دا يازيزو دا انت اتمرمت خالص هه
معتز بابتسامة : منها للة الي كانت السبب بس تصدقي الطبخ طلع ممتع اوي
حور بسخرية: ااه مهو واضح عشان كدا خليت المتعةة كلها ف شكلك
شهاب بسخرية: انت حاطط البيض في شعرك لية مش المفروض يتحط غي الطبق
معتز بثقة : لاء يابرنس دا بتاع البروفة امال البيض الي هيتاكل اهوة
سليم بسخرية: فين البيض دا انا مش شايف غير بتنجان ومحروق
معتز بابتسامة: تؤ تؤ دا البيض
شهاب لحور: ياريتك قتلتية قبل ما نشوف اللحظة دي
حور بسخرية: قول للاخ الي عاملي فيها فاندام ده
سليم باعتذار : انا اسف واللة مكنتش اعرف انوا كدا
حور ببرود: خلاص راحت عليكوا هيا بتيجي مرة واحدة
حنين : تعالي اقعد يالي فاضحني ومجرسني وسط الخلايق ومشمت فينا الي ميسواش والي ميسواش
معتز : واللة ياجدعان كبرتوا الموضوع ما البيض حلوا اهوة بس متحمر شوية
حنين بسخرية: شوية اي يامعفن دا بقا فحم
معتز بصدمة: هوا في اي ياولية انتي مبتجبريش بخاطري لية انتي مش المفروض امي
حنين بسخرية: هيهيهي اجبر بخاطرك دلوقتي يقوم الحماس مقطعك وتدخل تعملنا كشري تحمر الستاير..
معتز بغضب: طب بقا لو سمحتي انا من حقي اطالب بمعرفة اسم معبد اليهود الي انتي لاقياني قداموا عشان اروح اترزع هناك يمكن الاقي حد يقدر روح الطباخ الي جوايا
حور بسخرية: روح طباخ اي يلا انت .. وهي الروح دي مفتكرتهاش الا لما كلت البيض بتاعي
معتز بابتسامة:اوعدك لو نجحت هيبقالك نسبة في الأرباح
سليم بسخرية: لو نجحت بقا
معتز بصدمة: حتي انت بتشكك في قدراتي تشقر ياساحبي اويلي كنت فاكرك ساحبي
سليم وهوا يغادر: لاء ياخويا لا تشككلي ولا اشككلك انا هروح افطر في بيتنا عشان اروح الشغل  سلام🚶
شهاب بزعل: واحنا هنفطر فين بقا
حور: دقايق واعملكوا حاجة تفطرو بيها علي السريع
حنين: لاء ياحبيبتي روحي شغلك انتي عشان متتأخريش وانا هفطرهم
حور: تؤ تؤ انا قررت وبعدين الشغل مش هيطير
.
- ياتري اي الي هيحصل في الشركةة وهل انتهت مشاكل حور ام ان هناك ما سيقلب الموازين....!💛