*البارت التاسع...!💛
-عشقت عنادها...
-اسماء صبري-
......................
مر الكثير من الوقت وحور ومازن يتناقشون التصميمات حتي انتهوا....
مازن بزهق: واخيراا خلصناا
حور : المفروض نعمل اي دلوقت
مازن: مش عارف بس اناا هموت من الجوع
حور:وانا كمان مكلتش حاجةة من الصبح
-دخل سليم الي المكتب-
سليم: هاا خلصتوا
حور ومازن : اه
سليم: طب وروني اخترتوا اي
حور: تمام
مازن مناولا لة الاوراق: اتفضل
نظر سليم الي الاوراق وبعد ان تصفحها: كدا تمام اختيارتكوا مش بطالة
حور بثقة: دي احلي حاجه عندك اصلا مش هتلاقي فيهم حاجة تنفع غير دول
سليم: انا قولتلك حاجةة ياست انتي
حور ببرود: يعني انا الي قولت
سليم: تقدرو تروحو دلوقتي بس بكراا عندنا شغل كتير متتأخروش
مازن بهمس: استر ياالي بتستر
حور : تمام يلاا سلام
مازن مناديا حور: استني يااحور هوصلك
حور ببرود: هعرف اروح لوحدي
مازن بابتسامةة: بس انا عايز اوصلك يلاا بينا هستناكي تحت وخرج مسرعاا
احس سليم بالغيظ من قرب حور من مازن لاكنةة تجاهل ذلك ثم لحقت حور بمازن....
.
" تعالوو الاؤل نتعرف على مازن دا صديق حور من ايام اعدادي شخص مستهتر لاكنةة طيب القلب جداا وهوا الابن الوحيد لعائلةة الشريف ولاكن والدية دئما مشغولين باعمالهم فوالدة هوا رائد الشريف رجل الاعمال المشهور ووالدتة هيا مرفت سالم من اكبر الصحفيات وعلي الرغم من حالتة المادية الجيدة الي انةة لا يمتلك أي اصدقاء تعرف علي حور في الصف الاؤل الاعدادي بعد ان ابعدت عنة مجموعة من الاؤلاد الذين كانو يضربوة لكي ياخذو حقيبتة ودائما ماكانت تساعدة وتنصحةة كانها اكبر منة عمراا وهوا تعلق بها ف دائما ما كان الصديق الوحيد لحور ومن بعدها تعرف علي ادم نعم ادم مرح الان لاكنةة كان منطوياا علي كتبةة طوال فترات دراستة ولا يحب ان يتعامل مع احد حتي اختةة"
....
توقف مازن امام احد المطاعم
حور بتسأول: وقفت لية
مازن بمرح: عازمك ع العشا بمناسبة الشغل الجديد وبردو عشان اودع ايام الثراء
حور بابتسامة: تودع ايام الثراء لية ابوك طردك من البيت
مازن : انيل ياختي ابويا قرر ياخد الكرديت كارد بتاعتي
حور بضحكةة : تستاهل عشان تتعلم الادب
مازن: بتحبيلي الخير انتي اوي
حور بثقة:اكيد
مازن :طب انزلي بسرعةة هموت م الجوع يارور
حور: هجيب الشنطة واجي
مازن: تومام
ودخلو الي المطعم واكلو ومر يوم اخر من حياة ابطالناا....
...............
في صباح يوم جديد كعادة حور دخلت الي الشركةة مبكراا لاكنها وجدت سليم هناك
حور: صباح الخير
سليم : صباح النور جاهزة للتقديم ولا اي
حور: اه انا تدربت باليل شوية
سليم: تمام ثم اردف :حور
حور: نعم
سليم بابتسامة: هعتمد عليكي الحفلة دي بتاعتنا
حور بثقة: اكيد
في هذة الاثناء دخل مازن وريم
مازن : هلوووو
سليم بسخرية:انت داخل علي يهود في حاجة اسمها السلام عليكم وعليكم السلام
مازن بتراجع:اي يعم مش قصدي السلام عليكم
سليم: وعليكم السلام يااخويا
حور بتفاجأ : ريم انتي بتعملي اي هنا
ريم بابتسامة: انا عرفت امبارح من سليم انك اشتغلتي هنا فقولت اهي فرصة نبقا مع بعض
حور: اها تمام طب وجيتي انتي ومازن ازاي مع بعض
ريم: لاء احنا اتقبلنا تحت وعرفت منوا انو شغال معانا هنا
مازن:طب يلاا يابنوتات نروح نشوف شغلنا ولا اي
سليم بسخرية: واللة وبقيت بتفهم ياسي مازن
مازن بهمس لريم: هوااخوكي ارش ملحتي كدا لية
ريم بضحكةة:ههه لو سمعك هيشلوحك
مازن بسخرية: ولا يسمعني ولا اسمعو يااختي
حور: مازن تعالي معايا عشان اخد رئيك ف حاجة
مازن : تمام
سليم بغضب : انا مديرك ولا مازن خدي رئي انا وانت يامازن ادخل انت وريم شوفو شغلكو
نظر مازن لحور ثم قال:تمام يلا ياريم
دخل مازن وريم المكتب
سليم لحور: عايزا تاخدي رئي ف اي
حور بسخرية: انا كنت عايزا رئي مازن
سليم بحدة: مازن مش مديرك خدي رئيي انا بس
نظرت لة حور باستغراب: اشمعنا بقا
توتر سليم من سؤالها فهوا نفسة لا يعرف فكيف سيجيبها: بقول يعني عشان ميحصلش غلط في التصاميم
حور بثقة: متخفش انا مظبطةة كل حاجة ع التنفيذ
سليم: تمام 5 دقايق والعملاء هيجو عايزك تجهزي نفسك
حور بغضب: اطبلهم يعني اي كلت دماغ امي باجهزي دي ماقولت جاهزة الاااه
سليم بتراجع:خلاص متتعصبيش كدا بهزر واللة عنيفة اوي
.....ودخلت المكتب بغضب.....
حور: ادعولي ياولاد انا حاسة اني داخلةة اولد
مازن بضحكةة: ربنا ينتعك بالسلامة ياروحي
ريم بتريقةة :اتنفسي براحةة وكل حاجة هتبقا تمام
حور: تفتكرو
مازن : يلا بس انتي جمدي قلبك والي يضايقك اضربية ولا يهمك
حور: هتشغلني عند ابوك لو اطردت يعني
مازن : قولتلك كتير وانتي الي موفقتيش
حور :اسكت بقاا انا هبطانةة
ريم: اسد يلا في اي ادخلي عليهم بالتصاميم علطول هيتجعزو ويتهدو
حور: شكلي هطرد بسبب نصايحكو دي واللة يلا سلام شكلهم جم .....وخرجت مسرعةة....
ريم لمازن: طابخين اي النهارده
مازن:مش فاكر اي رئيك نروح نتغدا عما حور تخلص
ريم بتفكير :يعني مش هنبقا كدا واطين وسيبنها لوحدها
مازن: تؤ تؤ ابدااا مفيش الكلام دا
ريم :انا قولت كدا بردو يلا بينا
.....نزل ريم ومازن الي كفاتيريا الشركةة....
مازن بابتسامة: تشربي اي
ريم:اممم اتنين مانجا
مازن : انا مش عايز مانجا
ريم: انت مالك انت انا عايزا اتنين مانجا
مازن بهزار: معيش فلوس انا عشان اشربك اتنين مانجا لوحدك يبقا انتي الي تدفعي
ريم بنصف عين: اتنين مانجا وواحد برتقال وسيموزي تفاح
مازن بصدمةة: يامُري اي دا هتشربي انتي والجيران
ريم بضحكةة:اهاا خلص اطلب يلااا
وفجأة سمعت صوت من خلفها: ريييم
التفت لتري مصدر الصوت
ريم بتفاجأ : اي دا معتز
معتز: بتعملي اي هنا
ريم: انا هشتغل هنا من النهاردة
معتز بسخرية: هتشتغلي جارسون
ريم بتريقة: عسل او يازيزو قصدي هشتغل مع سليم فوق
معتز: اي الي حصل مااحنا ياما اتحيلنا عليكي ثم اشار لمازن: مين الكائن دا
مازن: كائن في معاميعك انا مازن
معتز: يعني مين ياسي مازن
مازن: انا بشتغل مع سليم باشا
معتز باستغراب: طب انتو هنا بتعملو اي
ريم بسخرية: كنا جاين ناكل حاجة ونطلع بس البخيل دا قلبها مشاريب
معتز بابتسامة: طب تعالوا نروح اي مطعم قريب من هنا ونتغدا
مازن بابتسامة: انا لو مش هدفع موافق
ريم بسخرية: حقيير اوي
مازن بضحكة:حبيبي والله تسلمي
معتز بضحكة: بسيدي متخفش هناكل ونجري
مازن بضحكة: اذا كان كدا اشطا
ريم:انا بموت ف المال الحرام
............
............................
في غرفةة الاجتماعات
بعد ان انتهت حور من تقديم التصميمات
حور بابتسامة: وبكداا يبقا خلصنا
احد المستثمرين: راائع انسة حور شرحك اكتر من ممتاز تسلمي
حور بابتسامة:سعيدة انو عجبك دا من ذوقك
شخص اخر لسليم: احسنت اختيار التصميمات والعمال يا دكتور سليم
سليم بابتسامةة: اكيد
شخص اخر: يبقا كدا متفقين مبروك عليك الحفلةة دي يادكتور سليم
سليم بابتسامةة : اللة يبارك فيك واكيد مش هتندموا
الرجل: اكيد نستأذن بقا
سليم: تمام اتفضل
خرج الجميع
سليم لحور بابتسامة: دا انجاز عظيم جداا بالنسبةة لاؤل مرة
حور: اقدر اعتبر نفسي اتثبت ف الشغلانةة
سليم بمراوغةة: بس شغلك معجبنيش
حور مجارية لة: اي بقا الي معجبكش بالظبط
سليم: لاء بس حسيتك مهزوزة كدا
حور: مهزوزة ااه قولتلي طب يلااا ياخويا روح شوف شغلك.
سليم:يابنتي انا المدير انا الي مشغلك
حور بسخرية: ماخلاص ياعم انت هتزلني بلا قرف بكرا اشتري الشركة دي
سليم بسخرية:تشتري شركة اي انتي لاقية تاكلي
حور بغضب: كلت السم دا انت انسااان وقح ومستفز ومتطفل
سليم: يارب توقعي علي لسانك ياشيخة ويتقطع انا غلطان اصلاا اني فكرتك بقيتي هادية
حور بغضب : هادية دي تبقا خالتك
سليم : خالتي اسمها هاجر
حور: خلاص تبقا مراتك
سليم: بس انا مش متجوز
حور: يعني هتخلل ماانت هتتجوز وهتبقا هادية
سليم: مش متجوز
حور: احسن بردو ومين اصلااا الي هتتجوز بني ادم براس بخاخة زيك
سليم بسخرية:اسكتي بدل ماابخ ف وشك
حور بسخرية: هاها اي دا الا هما العيال راحو فين
سليم: تصدقي المكان هادي
دقائق ودخل معتز ومازن وريم
سليم : اي دا انتو كنتو فين
مازن وريم :لا رد
سليم بغضب: كنتوو فين وسايبين الشغل
معتز مصطنعا البراءة : وانا جاي لقيتهم بيتغدو زعقتلهم وجبتهم وجيت
مازن ونور بصدمةة : مين داا
معتز: اناا
حور بصدمة: انتو سايبني جواا ورايحين تتغدو
معتز بسخرية: وانتي مين ياحلوة انتي بقا عشان يستنوكي يكونش فاكرة نفسك سندريلا
ظنت حور انة يريد اهانتها حور: انت مالك ياروح امك انت وبتتكلم كدا لية
معتز بغضب من اسلوبها: وانتي مالك انتي اتكلم ازاي وبعدين انا اتكلم براحتي
حور :براحتك دي لما تبقا قاعد في الحمام بتاعكو باحبيبب
معتز بغضب: دا علي اساس ان دي شركة الي خلفوكي يعني
حور: دا علي اساس انها شركة الي خلفوك انت اي داا
... ثم وجهت حديثها لريم بغضب: انتو جايبين البتاع دا منين
ريم بهمس: البتاع دا شريك ف الشركةة هنا
....حور بصدمةة... انا مني للة
لاكنها اصطنعت البرود: احم بس مفيش مشكلةة علي فكرة انا مسامحاك...🙆
معتز بصدمةة : مسامحااني اناا هه ياابنتي انتي الي شاتمة هوا نو استيعاب
حور بابتسامة:كنت قولي ربنا يسامحك يلاا علي العموم حصل خير
نظر لها معتز باستغراب: انتي مجنونة صح
حور ببراءة: اللة يسامحك بص ساهلة ازاي
....ظل معتز ينظر لها فهي اكيد مجنونة....
سليم هامسا لريم ومازن: تفتكرو نمشي احنا
ريم ومازن باماءة: انا بقول كدا بردو
سليم: هستناك في البيت يصاحب
معتز:بيت اي انا جاي معاك البت دي مش طبيعية
حور بابتسامة: فعلا عرفت ازاي ان انا مولودة قيصري ماشاء الله عليك مشوفتش ف ذكائك
معتزبصدمة:انا
ضحك سليم: هيا فعلا مش طبيعية يلا احنا..
خرج معتز وسليم من الشركةة
مازن لحور: يابنت اللعيبة عرفتي تحوري لحد منستية سبب الشكلة
حور بثقة: بص واتعلم
مازن بضحكةة : استااذة ورئيسة قسم يارور واللة
ريم بضحكة: براوة عليكي بجد انا نفسي اقتنعت يلاا ارفواار انااا هروح عشان سليم يوصلني
حور:طب سلام
مازن: يلاا بينا احنا
حور وهيا تغادر: لاء انا هتمشي شوية
مازن: اجي معاكي
حور: لاء انا هروح لوحدي
مازن: تمام يلا سلام
حور : سلام
............................
في الاسفل.......
سليم وهوا يصعد إلى السيارة: روحي انتي مع معتز انا هتمشي شويةة..
ريم بفضول: رايح فين
سليم بسخرية:مش شغلك
ريم بحنق:دا انت بني ادم رخم
سليم بضحكة:مش هرد عليكي عشان انا متربي
ريم بابتسامة:طب سلام يمتربي
معتز بابتسامة: اركبي ياريمو سلام يازميل
..................
.
- ياااتري ياعنتراا اي الي هيحصل بعد كداا.....!💙
-
أنت تقرأ
عشقت عنادها...!💛
Humorتمتلك من الجمال والعناد مايجعلها مميزة لدي كل من يراها لطيفة وباردة كقطعة الثلج البلوري الأبيض رقيقة كاقطرات الندي وحبات الغمام لكن حدة الجو اثر عليها لتصير كصلابة الصخر...!💛 . كانت تؤلمني رؤيتك وأنت تتغير في داخلي لتصبح مثلهم مجرد عابر فقط، كنت أ...
