عشقت عنادها...!💛

- البارت العشرون -

.
      
.
ركب سليم ومازن وحور السيارة...
مازن بزهق: اي الهدوء دا انتوا ماتلكوا قاتلين حد ولا اي
سليم بسخرية: ان شاء الله قريب هنقتلك
مازن باستغراب: يادين النبي يا جدعان انا عملت اية عشان تكرهوني كداا دا انا حتي مؤدب
حور بسخرية:ايوا مين دا الي مؤدب
مازن:انا
حور: متقول يبني مين الي مؤدب
سليم بسخرية:وبعدين مين دا الي بيكرهك انا اكرهك انت واكرهك لية بقا ان شاء الله
مازن بتفكير: مهوا دا الي نفسي افهموا بقا
سليم بهدوء: عارف يامازن يابني
مازن باستماع : لاء
سليم بهدوء: منا هعرفك اهوة  اصبر بس عارف انت لو مقعدتش ساكت لحد منوصل هنزلك هنا وتبقا تحصلنا مشي يحب
مازن بتراجع: قلبك ابيض ياسطا نا اصلا مبحبش اتكلم كتير
حور بسخرية: ولاا انت هتنخ ولا اي متجمد كدا
مازن بسخرية: نقطينا بسكاتك الهي تنستري متسخنينيش عشان ملقيش نفسي واخدها جرجرة وراكوا
حور ببرود: لو طردك امسك في الكرسي ومتنزلش هيزهق ويسيبك
مازن: افكارك فظيعة
سليم بسخرية: انتي بتشتغلي مع ابليس يابت ولا حد مسلطك عليا
حور بابتسامة:بشتغل معاة ورديات علي ادي كدا
سليم بسخرية: من ساعة ما شوفتك وانا حاسس واللة
حور بابتسامة:اديك اتأكدت رايحنا بقا
مازن مقاطعا : متشغلنا اغاني بدل الملل دة
سليم ببرود: لاء
مازن بإستعطاف: لو مشغلتش مش هلاقي حاجة اتشغل فيها و هبقا مضطر اكلمك ودماغك هيصدع ومش بعيد تعمل بينا حادثة ونقوم ميتين ومحدش يلحقن....
سليم مقاطعا: ماخلاص ياجدع في اي داانت لكاك عايز تسمع اية
مازن بتفكير : امم هات لما شوفتها قلبي دق تلت دقات
حور بسخرية: شوفت العمي تلت درجات يااخويا
سليم: متنمرة هانم
مازن: بسخرية انا نسيت انك هنا نعتذر علي الازعاج هتنكدي علي الي خلفونا بااية النهارد ثم وجةة حديثة لسليم : معاك اسطورة نكد شغالة مشوهاتيةة لاغاني البني ادمين
سليم بسخرية : شوفت بعنيا محدش قالي
مازن لحور: عايزا تسمعي اي يابومةة قلبي
حور بسخرية: بومةة في عنيك ياحيوان
سليم بعصبية:لماذا نحن هنا عايزين تطبلوا لبعض انزلوا
حور بسخرية: نعملك اي يعني بهنا ولا هناك
مازن:مثلا احنا بنخاف
حور بتكملة: قوم يابني غني للاستاذ عشان يتأكد انو شفاف مش متشاف
مازن بصدمة: عربيااا حاسب سليم بص قدامك
سليم بنفاذ صبر: يا مكمل العقل والدين يارب انتي مبتتهديش لية ها مبتهمديش لنفسك وتلمي لسانك دا لية حسبي اللة
مازن بخوف: يابني بقولك العربية ماشية لوحدها هنموت ما تكتموو بقا ياجدعاان
حور بسخرية: دك قرف يابعيد عايزني اتهد ؛اية اروح انتحر عشان جنابك تستريح وبعدين اي الم لساني دي هوا كان اشتكالك
سليم بسخرية: هوا مش هيشتكي البلد كلها بتشتكي
حور بسخرية: معشان انت متطفل وداير علي حل شعرك حد قالك تسأل البلد كلها ياسقعان
مازن بغضب: صلوا علي النبي في قلبكوا هتموتوني ناقص عمر كنا هنتنيل نعمل حادثة خمسين مرة في الدقيقة كان يوم اسود يوم مركبت معاكوا
سليم بسخرية: حبيبي العربيةة بتسوق نفسها اتوماتيكي ياجاهل
مازن باستغراب: ايواا بقاا وانا اقول لية كل شوية مبنموتش متقول كدا يعم
سليم: ياريتك موت وريحتنا
مازن: مكنت تقول كدا من الاؤل دا انا قطعت الخلف ياجدع
سليم بسخرية: عقبال اما تقطع النفس وتحل عن دماغي.
مازن: انت بقيت عنيف اوي وانا مبردش عليك عشان انت اكبر مني
سليم بسخرية: محترم طول عمرك طب ياريت بقاا تفهم صاحبتك اني اكبر منها هيا كمان والمفروض تحترمني
مازن بسخرية: بس كدا انت تؤمر دي مابتصدق اطلب منها طلب دي تفديني بروحها
سليم بسخرية: واللة
مازن: تحب تشوف
سليم: وريني
مازن بثقة :حوور لو سمحتي احترمي سليم
حور بسخرية: بس يامهزء
مازن بفخر: يابا احلي مسا عليك
سليم بسخرية: واضح انها بتحترمك اوي
مازن بثقة: طبعاا يابا انت بتتكلم في اي
سليم بسخرية: شكلك بقا زبالة الصراحةة انا لو مكانك مش فاتح بوقي لحد ما نوصل
مازن: اي دا انت خدت بالك
سليم:البلد كلها خدت بالها
مازن:عادشي ولا يفرق معايا انا واخد علي كدا من زمان عادي خالص
سليم: عايز تقول انك مهزء من زمان يعني
سليم: بالظبط كدا
.
وصلوا الي البيت دق سليم الباب ففتح لهم معتز
معتز بترحيب: صاحبي وحبيبي وكفاءة
سليم بسخرية: ابعد يلا من خلقتي خليني ادخل
معتز بصدمة: ابو ام قلت ادبك ياجدع ادخل دك قرف وانت وقح
ثم وجةة حديثة لحور: اهلاا بنت خالتي الجميلة
حور بسخرية: انت جايلك عين تفتح الباب ياحرامي البيض يامعفن انت
معتز بصدمة: انا مش عارف البيت دا محدش فية بيحترمني لية الصراحة
حور بسخرية: متأكد انك مش عارف وبعدين احترم نفسك وابعد عن اكلي وهحترمك
معتز بسخرية: ادخلي ادخلي ياريتني ما فتحتلكوا اصلا مكنش شوية اكل كلتهم وبعدين كان طعمهم وحش اصلا
حور وهيا بتدخل: عشان كدا مسحت الاطباق🚶
معتز: انتي بنت خالة مش جدعةة وفضحية علي فكرا ابو شكلك
مازن بترحيب: حضرتك معتز باشاا اكيد انا بحترم حضرتك جداا ويعني انت قدوتي في عالم التصميم
حضنة معتز بفرحة: اخويا الي مخلفتهوش الولية الي انا مش متأكد اذا كانت امي اولاء
مازن بصدمة: معتز باشا في اي
معتز بدموع: انا اول مرة حد يحترمني انا شكلي هحبك ولا اي قولي باشا تاني كدا والنبي
مازن بضحكةة : اي دا انت زيي محدش بيحترمك
معتز بتأثر: جداا ياقلب اخوك حتي امي واللة مابتحترمني وعايزا تبيعني لكلاب السكك تنهش فيا وف جمالي
مازن : انا امي متعرفنيش اصلاا علي العموم من النهاردة هنكمل بعض انت تحترمني وانا احترمك وامك لو بعتك ولا حاجة هشتريك انا عامل جامعية وهقبضها قريب
معتز بسعادة: واللة انا شكلي هحبك مش عارف الواد سليم بيكرهك لية دا انت لقطةة ياجدع
مازن بتفكير:وانا كمان مش عارف بيكرهني لية واللة دا انا لو متجوز اموا مش هيكرهني كدا
معتز بسخرية: عيل فقري ملوش في الطيب نصيب
مازن بقرف: انت صح
سليم بغضب من الداخل: ادخل يامتوحد انت وهواا واقفلوا الباب
معتز بزعيق: جاين الواحد ميعرفش يلاقي نصوا التاني بهدوء دا اية دا
دخل معتز وهوا حاطط ايدو علي كتف مازن بحب 
حور بسخرية: طب وعلي كدا هتعزمونا في الخطوبة ولا هتعملوا كتب كتاب علطول🙄
سليم بسخرية: اتلم المتعوس علي خايب الرجا وعيطوا
شهاب بابتسامة: بس ربنا يحرصهم لايقين علي بعض جاامد
حنين بضحكة: عصافير يااخواتي🤗
معتز باستغراب: هوا انا كل الي فاهموا ان الحفلة عليا بس مش فاهم الكلام علي اي
سليم بسخرية: دا كان زمان الحفلة بتبقا عليك دلوقتي الحفلة جماعية عليكوا
معتز باستغراب: جماعية لية في حد هفأ غيري في البيت
-اماء الجميع بمعني نعم
مازن باستغراب: هما بيبصولنا كدا لية ياسطا
معتز باستغراب: مش عارف
مازن بابتسامة: هوا انا معنديش مانع تحفلوا عليا بس فهمونا عشان نعرف نجاريكوا حتي
ريم بتمثيل: لاء لاء مكنتش اعرف ان ذوقك رجالي اوي كدا يامعتز اخس عليك لاء وكمان جايبوا بدقن
معتز.بسخرية: هوا اي الي ذوقي رجالي هوانا شاري كوتش
ماجد بهدوء : بس يولاد عيب احم ميزو ياحبيبي انا مقدر ان قلبك الي اختار بس ميصحش ياحبيبي
معتز بتأكيد : ايوااا ميصحش هوا اي الي ميصحش بقا
-ماجد مشير الي يدية :دة ميصحش
معتز وهوا يبعد يدة: اي الي دا هوا انا ماشي مع مراتي!
مازن بضحكة: الفيلم دا كلوا عشان حاطط ايدو علي كتفي اومال لو شفتونا واحنا حضنين بعض برا كنتوا رجمتونا عشان التار والعار 
حنين بضحكةة:  لاء ياصغنن احنا بنحب العار.قصدي بنحب نوجب مع اي ضيف جديد في عيلتنا بس هزرنا رخم حبتين ههه
مازن بسخرية: حبتين دا انا كان دقيقتين وهشك ف نفسي
حنين بضحكة: لاء متشكش في نفسك انت تمام اوي
مازن بابتسامة:ما علينا كل الي فات بقا ماضي اكيد انتي نينو خالت حور صح
حنين بابتسامة:دعنا من الماضي دا الماضي دا كان كلوا جراح وايوا ياسيدي انا حنين
مازن وهوا يقترب: تشرفت بمعرفتك سنيور
- وقبل يدها بإحترام...
حنين بحب: ياخرابي اي القمر دا
سليم بتريقة: سنيور اللة يرحم امك
حنين باستغراب: اي دا انت تعرف اموا وبعدين اي دا الولد كيوت خالص
سليم بسخرية: اكيد متعرفيش انوا جاي عشان الأكل
حنين بضحكةة: اي داا عمك شهاب لو عرف انوا جاي عشان الأكل مش بعيد يتبناة
سليم بسخرية: انا خايف عمي شهاب يبيعكوا في يوم عشان حلة محشي ورق عنب اصلا 
حنين:مستبعدش
شهاب بهزار: اي مش هتتعرف علي الباقي ولا عشان حنين اغرتك بالأكل
مازن بابتسامة: لاء ودا يحصل حضرتك شهاب بية صح
شهاب بابتسامة: ايواا
مازن بابتسامة: حضرتك قدوتي في عالم التصميم وانا بحترمك جدااا لدرجة اني بتابع كل اخبارك
شهاب بضحكة: والنبي انت قمر هاتولي الولد دا لياا انا عايزو
مازن بضحكة: انت تؤمر في اي وقت ياشهاب بية انا تحت امرك
معتز باستغراب: انا كنت قدوتةة برا معقول لحق يغيرني😳
همس سليم بسخرية: انا مش عارف بتحبوة علي اي دا عيل سكح وحكاك😑-
همست حنين باستغراب: انا مش عارفة انت بتكرهوا لية داا قمر خالص🤗
سليم بسخرية: قمرر فين دا مش باين يعني
مازن بابتسامة لماجد : واكيد انت ماجد بية الادهمي
ماجد بضحكة: متقولش انا قدوتك بردو
مازن بضحكة: طب وربنا حصل انا بحبكوو كلكم انا قلبي بطيخة
ماجد بابتسامة : بكاش كبيير انت.. هوا انت ابن رائد الشريف صح ولا انا بخرف
مازن بضحكة: لاء صح
شهاب بصدمة: اي دا بجد تصدق مخدتش بالي خالص من الشبةة انت بقا ابن رائد
مازن بابتسامة: وربنا يباشا انا
شهاب بضحكة:  طيب خش ف حضن عمك يابن الغالي
قام مازن باحتضانة: انت الي غالي واللة
ماجد: انت عارف ان احنا وباباك دفعة واحدة
مازن بابتسامة: ايوا وانتوا دخلتوا تصميم عشان تكملوا شغل باباكوا وهوا دخل ادارة اعمال عشان يحقق حلموا ويجيب فلوس ويبيعني
ماجد بضحكة: ههه لاء هوا مش بايعك متخفش بس باباك طول عمرة جد وبيحب الجد
مازن بابتسامة: قولتلي عشان كدا مابيحبنيش بقا اتارية بيحب الجد
سليم بسخرية: هنقعد نتعرف ساعة دا انتوا لو بتتعرفوا علي وزير الداخلية
ماجد بضحكة: تصدق عندك حق احنا طولنا اوي
شهاب بترحيب: اتفضل اقعد يا قمر
اتجةة مازن ليجلس بجوار شهاب وحور....
-قام سليم من مكانةة باسراع وجلس بجوار حور
استغرب مازن من  عجلتة ولاكنة لم يعلق وجلس بجوار شهاب
معتز باستغراب لسليم:انت قومت من مكانك لية😳
سليم بتوتر: هوا يعني ااا ضهري وجعني من القعدة علي الكرسي والكنبة هنا مريحة اخ ياضهري ااة
حنين في نفسها: بقا ضهرك الي بيوجعك بقا اممم طب ومالوو مفيش مانع اني اتأكد🕵
ثم اردفت مصطنعة الألم: حور يابنتي
حور بقلق: في اي يانينوو مالك
شهاب بخضة : مالك ياعمري
حنين بابتسامة: متقلقوش ياحبيبي انا بس ضهري بيوجعني وعايزا حور وسليم بس يجهزو الأكل..
سليم ببرود: مليش فية انا كمان ضهري بيوجعني🚶
حنين : مش هتجهز الاكل مع حور
سليم ببرود: اه
ريم بتدخل : انا هحضر معاها يانينو
حنين بخبث: لاء اقعدي انتي تعبانة من امبارح ثم وجهت كلامها لمازن : مازن معلش هتعبك معايا انا عارفة انك ضيف بس معلش ممكن تحول الاطباق مع حور
مازن بابتسامة: اكيد تعالي ياحور
حور: جاية
تدخل سليم بغضب: لاء
حنين مصطنعة الدهشة: لية بقا ان شاءالله
سليم بتراجع: عشان يعني هوا ضيف وكدا انا ضهري راق شوية اهوا انا هحول معاها
حنين بخبث: خلاص ياحبيبي اقعد لحد مايروق خالص مازن هيساعدها،
سليم بعصبية: قولتلك هساعدها يانينوا ودا اخر كلام يلاا ياحور
حنين بابتسامة: طيب براحتك انت حر بقا
-دخل سليم وحور الي المطبخ
حنين في نفسها: ليكون الي ف بالي لاء لاء ازاي كدا لاء بجد شكلوا هوا لاء ياشيخة قولي وغيري بس انا حاسة ان هوا لاء  بس دا سليم ودي حور الاتنين مع بعض خطين متوازين لا يتقاطعان بس واللة شكلوا هوا
    "هيا افكارها ملبوسة حبتين نسيبها مع نفسها لحد      مانشوف هتوصل لاإية "
-في المطبخ..
سليم بابتسامة: بصي احنا نتفق بحق ربنا انا هقف اتفرج عليكي علي ماتخلصي وبعدين نطلع مع بعض
حور بسخرية: دا انت لو بتعبد النجف ياجدع مش هيبقا دا الحق عندكوا😑
سليم مصطنعا الألم: انا تعباان ومريض يرضيكي اتعب اكتر يا حورية
حور بسخرية: بقولك اي عارف انت لو عملت البحر طحينة وطلعت في الروح دلوقتي هتشتغل معايا اخلص واغرف البطاطس علي مااغرف الرز
سليم بعند:لاء انا هغرف الرز علي ماتغرفي البطاطس
حور بنفاذ صبر: تعالي اغرف الرز شاللةة نخلص في سنتنة دي
كادت حور ان تتحرك بغضب ولاكن اصطدم دماغها في روف المطبخ... وكادت ان تسقط لولا يد سليم التي امسكتها
حور بألم : ااااه دمااغي
سليم بقلق: شيلي ايدككدا ياحور خليني اشوف
حور بألم: ااة مش قادرة حاسة اني فقدت الذاكرة ااه
- ابتعد سليم بلهفة واحضر بعض الماء
سليم بخوف: شيلي ايدك كدا بس عشان امسح عليها الميا هتهديها
حور بألم:لاء هتوجعني
سليم بهدوء: لاء هعمل براحة شيلي ايدك
حور ببكاء: لاء دي بتنزل دم
سليم بلطف وهوا يبعد يدها: اهدي كدا يحبيبتي عشان متتلوثش
ازالت حور يدها من علي رئسها فاقترب سليم ليري مكان الخبطة
سليم باطمئنان: الحمد لله متعورتيش اوي بس هتورم حبتين
-شعرت حور بأن نبضاتها تزداد مرة اخري من اقترابةة
حور وهيا تبتعد: تمام حصل خير هبقا اشوفها
سليم بقلق: بس لازم تحطي عليها تلج عشان متورمش اكتر من كدا
حور وهيا تضع عليها المنديل: احم طيب تعالي نخلص الأكل الاؤل عشان يتغدو
سليم: لاء اطلعي ارتاحي انتي وانا هكمل
حور برفض :لاء طبعاا وبعدين انت مش قولت متعورتش اوي
سليم:ايواا بس بردو
حور بابتسامة: مبسش هنخلص الاؤل
سليم:خلصانة
.
جهز سليم وحور الغداء وجلسواا ليتناولوا الطعام ولم يخل اليوم من مشاجرات مازن وسليم ومعتز وريم طوال الوقت.......
.
في المساء في شرفةة حور تنظر الي السماء بهدوء
حور في نفسها: هوا اي الي بيحصل في حياتي حاسةة اني بدءت اتغير مش عارفةة لية انا دايماا كنت مش بهتم لحد اي الي حصلي لية اتشاكلت مع السلعوة دي من غير سبب انا اي نعم بتشاكل كتير بس بيبقا في سبب !!؟ لية كل ما سليم بيقرب بحس اني قلبي بينبض مش عارفة دا خوف ولا اي بس اكيد مش خوف مش عارفة؟؟ ثم تنفست الصعداء :النهاردة اكتشفت  اني عندي عيلةة جميلة جدا ودي كانت احدي امنياتي البسيطةة هه امم منكرش ان النهاردة كان جميل بضحكةة حنين وشهاب ومازن وفي الاخر سليم الي مش عارفين هما بيتخنقوا لية وريم ومعتز الي خلصوا نص الأكل الواحدهم ههه ياريت الهدوء دا يدوم ...
ثم نظرت إلى السماء :بس انا  خايفة من حاجة ومش عارفة هيا اي ان شاء الله خير......
.
عند سليم يجلس في غرفتةة ويحاول ان ينام ولاكن تأب عيناه
سليم في نفسه: هوا في اي لية مش راضية تطلعي من دماغي يا ست حور  السؤال الاهم لية دايماا بتشاكل مع مازن من غير سبب؟؟ لية مضايق انك قريبة منوا وديما رايقة وانتي بتكلمية علي عكس العفاريت الي بتطنطط في وشك وانتي بتكلميني ..اووف انا كمان بكلم نفسي
-صمت قليلا...
ثم اردف : لية قلقت عليكي اوي كدا ياحور  ،لية دايما بحب اضايقك بس مبحبش غيري يضايقك الاسئلة بتكتر كداا ليية
جالت في بالةة فكرة لاكنة نفضها بعنف: مستحيل اكيد لاء اي الغباء دا يعني وهوا انا يوم ما هحب هحب واحدة اقولها حرف تردلي ال28 التانين مستحيل طبعا
.
- بكراا في اجتمااع في الشركةة ياتري مين هوا العميل الجديد وياتري امتي سليم وحور هيتأكدوا من مشاعرهم...!💛