عشقت عنادها...!💛

- البارت الحادي عشر -

          
                .
.....................
دخل كلا من حور وسليم الي المكتب جلس سليم وجلست حور علي الكرسي المقابل!!
سليم ببرود :انتي هتصحبيني
حور ببرود : مين حضرتك اصل مش واخدة بالي
سليم بغضب: قومي اقفي انا مسمحتلكيش تقعدي
حور بعند: بقولك اي انا عندي الغدروف ومش قادرة اقف قول انت عايز اي
سليم: انتي قولتي عندك اي
حور مكررة: الغدروف
سليم بسخرية: انتي عارفةة دا بيجي فين اصلا
حور: خلص بس وانت متعصب عشان تقولي اعمل اي
سليم مصطنعا العصبية: ايوا فكرتيني شايفة الملفات الي هناك دي واشار الى مجموعة كبيرة من الملفات
حور بتراجع : لاء
سليم: يبقا شايفاهم الملفات دي بقاا منتش مروحةة الا اما تخلصيهم
حور بصدمة وطفولة : سليم متهزاارش دا الملفات طولي
سليم محاولا تمالك نفسة لكي لا يضحك علي شكلها: خدي الملفات واتفضلي برا🙅
حور بطفولة : بقولك اي
سليم باستماع: اممم
حور: اي رئيك معملش الحجات دي واجبلك الاكل تخلصوا لوحدك انا مش جعانة اصلا
سليم ببرود : لاء عشان بعد كدا تعرفي تطولي لسانك
حور: اديك قولتهاا هواا لساني الي يتقطع دا انا ماليش ذنب واللة
سليم: خدي الملفات واطلعي ياحور
حور بيأس: يعني مفيش امل
سليم: لاء
حور وهيا تغادر : انا مش عارفه انت رخم كدا لية ياجدع انت علي فكرة انا شتمتك ولو رجعنا في الزمن هشتمك تاني عشان انت مهزء واخذت الملفات وهمت بالذهاب وحسبي اللة ونعم الوكيل في الي يجي عليا
سليم بعند: وبكراا هتفضلي لوقت متأخر بردو ومنتش مروحة
حور بصدمةة والقت الملفات: انت بتهزر مش كدا
سليم ببرود : لاء وانا اهزر لية
حور بهدوء:طب لية انا عملت ايه عشان كل دا
سليم بسخرية وغضب: في حد يشتم المدير بتاعو انتي هابلة ولا شكلك كدا
حور: ياجدع انت مالك انا متربتش
سليم : خلصت يبقا نربيكي
حور بنفاذ صبر: يااربييي توب عليا ثم اخدت الملفات وخرجت مسرعةة
وبعد خروجها انفجر سليم في الضحك
سليم: يخربيت عقلك انتي ازاي كدا
-----| فيي الخارج جلست حور بعصبية
مازن باستغراب : مالها دي
ريم: باين كداا سليم خلاها تعمل حجات كتيرة
مازن : اي رئيك نسألها
ريم : ممكن بس لو هبت فينا مين هيهديها
مازن: طب جربي كدا بس مش خسرانين حاجة
ريم: وانا مالي يااخويا اسألها انت
مازن : انتي صاحبتها من زمان
ريم: زمان اي يابني هيا مين دي انا معرفهاش اصلا
مازن بسخرية: وبتقولي عليا واطي
ريم: يعم انا الي واطية اسألها بس
مازن : طب انا هسألها
ريم : يلاا
مازن بتراجع:طب نسيبها شوية
ريم بتشجيع:اسئلها بس
مازن : احم رورو
حور بغضب : اسمي حووور
مازن بتوتر : ااااسف قصدي حور
حور: عايز اي
مازن: انتي متعصبة كدا لية
حور : هه انا انااا مش متعصبةة خالص خالص اطلااقا
مازن بسخرية: اه ماانا خدت بالي
ريم متدخلة: طب هوا سليم طلب منك اي
حور بغضب : ابن الهبلة  دا احم سوري ياريم
ريم ببلاهة : لاء يابا ولا يهمك هيا كانت هبلة فعلا عشان خلفتنا
حور مكملة : قال اي عايزني اقعد هنا لحد مااخلص الملفات  دي شغالةة عندو انا
مازن : لاء ياعمري متقوليش كدا هوا الي شغال عندك
ريم بتهرب: طب ابدئي يلاا واحنا هنقعد هنا نتفرج عليكي لحد متخلصي
مازن: وانا هتفرج حلو ولو نسيتي ملف هقولك علية
حور: تسلمولي ياحبايبي واللة ربنا يحرمني منكو اكيد هرتاح
مازن بفخر: قلبي اويي شكرا ع الدعوة واحنا سايبينلك سندوتشين ونص لو نفسك اتسدت انا ممكن اكلهم
حور بغضب : ولااا لحد مااخلص الملفات دي لو شوفت وشك هزعلك
مازن ببراءة : طب اكلهم
حور وهي تجز علي اسنانها:امشي من هنااا ياازفت
مازن وهوا يبتعد عنها : هكلهم
ريم بضحكةة : لو قامتلك هتنفخك
مازن: اي جعان اموت يعني
ظلت حور تتفحص الملفاات ومازن وريم يتحدثون
-في مكتب سليم
هند : اهلا ياستاذ سليم في حاجة
سليم: ايوا كنت عايز اطلب منك طلب
هند : اتفضل يادكتور انا تحت امرك
سليم بتوتر هادئ: انا كنت عايز انقلك قسم التنفيذ
هند بفضول : لية يادكتور سليم انا قصرت ف حاجة
سليم: لاء بس كنت عايز ارقيكي عشان حاسك مجتهدة جدا
هند بسعادة: تمام يااستاذ سليم تحت امرك وشكرا جداا
سليم : العفوا ياهند اتفضلي
هند : تمام وانصرفت واغلقت الباب
سليم في نفسه: ماشي ياست حور واللة لوريكي نجوم اليل في عز الظهر
وقام من مكانة ليذهب الي مكتب حور
دخل الي المكتب فوجد حور محاطة بالملفات من كل مكان وتضع الكاب الي الوراء وقلم خلف اذنها في منظر طفولي فابتسم على شكلها ثم نظر الي مازن وريم فوجدهم ياكلون
سليم بغضب: انتو مش هتبطلو طفح
مازن والقي الطعام من يدة : انا شبعت
ريم: احم وانا كمان
سليم :  انتو جبتوا الاكل دا منين تاني
مازن : واللة محد نزل
ريم مكملة: هوا الي طلع
مازن : حصل
سليم بسخرية: طلع لوحدة
ريم ببراء: كلمنا عموا محمد طلعهلنا من غير منقولوا
مازن مركدا:ايوا مقولنالوش
سليم بنفاذ صبر : صبرني يارب ومقتلهمش
ثم وجةة كلامة لحور: هاا يام لسانين خلصتي
نظرت لة حور بنصف عين ولم ترد
سليم: يبقا لسة
سليم ناظرا لريم ومازن : تقدرو تمشوا
مازن : انا هستني حور وهنمشي سوا
سليم: انا قولت امشي حور عارفة البيت
حور: امشي ياميزو وانا هروح
سليم بقرف : ميزوو
نظرت لة حور بسخرية: بس يابابا
مازن : ممكن لما تخلصي تتصلي عليا وانا اجيلك
سليم: مستغنين عن خداماتك ياحبيبي
حور لسليم : ياعم انت مالك انا عندي لسان بعرف ارد
سليم بابتسامة: في ملفات جوا لسة هتسكتي ولا اجبها
حور: طب سلام انت يامازن انا عارفة طريق البيت
سليم: شاطرة
مازن : طيب انتي حرة يلاا ياريم
خرج مازن وريم من المكتب
حور بغضب: يلاا ياكابتن اتفضل ورينا جمال خطوتك عشان الحق اخلص
سليم بعند وجلس علي الكرسي المقابل : لاء مش موريكي حاجةة واتفضلي اشتغلي وانا هنا
حور بهمس : روح ياشيخ دك وجع في بطنك وتفضل في الحمام للصبح
سليم بصدمة: اي يابنتي الدعوة المقرفة دي
حور: ممكن تقعد وانت ساكت بقا
عض سليم علي شفتية بغل: حاضر هقعد وانا ساكت لحد منشوف حد يجي يقسملك ان انا المدير
حور: هششش بقا
وظل الحال هكذا وسليم يسترق النظرات لحور كل فترة حتي انتهت من الملفات في وقت متأخر....
حور بزهق : وااخيراا
سليم بسخرية: خلصتي يااختي دا انا كان زماني كتبت ديوان
حور: خليك في حالك وربي عيالك اللة لا يسيئك
سليم: : اللة لا يسيئك بنتي لمي لسانك دا
حور بغضب: هروح ازاي انا باليل كدا
سليم بسخرية: انا عمري مشوفتك في الشارع غير باليل اصلا
حور بغضب: يابني بفضفض مع نفسي انت حاشر نفسك لية
سليم: روحي ياشيخةة اتحشرتي في نفورة ميا عشان تنضفلك لسانك دا
حور بسخرية: ومعانا عمو برسيل نضافة ريحة وتوفير ونقول الوو
سليم بسخرية : احلي حاجه فيكي انك ظريفة اوي
حور وهيا تغادر: عاجبني يلاا سلام
سليم: استني هوصلك
حور: شكرا ياحنين بعرف اروح لوحدي
سليم: فعلاا انا حنين وقلبي رهيف موت ومقدرش اسيبك تروحي لوحدك
حور: ودا من امتي دا ان شاء الله
سليم: من دلوقتي يااختي تعالي يلاا
حور بضجر: تمام
نزل سليم وفتح لها باب العربية سابتوا وقعدت في الكرسي الي وراا
سليم ناظراا الي السماء: انا هادي اهوة ثم نظر لها
سليم: هاا خير
حور: في اي
سليم: انتي مش شايفاني فتحلك الباب يعني من باب الذوق تقعدي فية
حور : انا مش مشلولة وبعرف افتح الباب لنفسي داا غير اني بحب اقعد ورا
سليم:طب قومي افتحي لنفسك واقعدي قدام
حور:انا مرتاحةة هنا
سليم بغضب: ماانا مش سواق عندك هنا اطلعي قدام ياحور
-قلبت حور عينيها بملل ونزلت لتركب في الأمام واستدار ليجلس مكانة.....
سليم بسخرية: بعد كدا لما حد يفتحلك الباب اقعدي فية مش هيقولوا عليكي الي سمعت الكلام اهي
حور: انا حرة محدش قالك توصلني
سليم: فعلا انا الي غلطان
حور بابتسامة: مش عيب انك تغلط بس العيب انك تكرر نفس الغلط مرتين
سليم: انا مبسوط بحكمك جداا دا انا من كتر حكمك هسقفلك بسناني يامنبع العقل يارمز الذكاء انتي
حور بغرور مصطنع: مفيش داعي لدا كلوا دي حاجة بسيطة
نظر لها سليم بشك ولم يرد وفجأة سمعو صوتاا صادر من معدة حور
سليم باستغراب: اي دا
حور بسخرية: عصفورة
سليم: جت منين
حور: كنت عيناها في الشراب اي الذكاء دا بطني بتصوصو عشان جعانة
سليم باستغراب:اي دا انتي مكلتيش حاجة من الصبح
حور بسخرية: انت شايف اي
سليم: واللة مشوفتش كنت في المكتب
حور: اديك سمعت
سليم بسخرية:متقولي اكلني لازم تصدعيني
حور بغضب:وانت المفروض تشغل دماغك دا بدل مايصدي
سليم بنفاذ صبر:انتي صح انا غلطان
.......توقف امام احد المطاعم.....
حور: انت وقفت هنا لية
سليم:عشان نجيب اكل هيكون لية يعني
حور: بقولك اي انا عايزا انام روحني هاكل اي سندوتس وخلاص مش فاضية انزل
سليم: بقول نجيب اكل يعني انا هنزل اجيب ومش هتأخر خليكي هنا
حور بزهق: تمام بس متتأخرش
سليم وهوا يغادر:مش هتأخر
-خرج سليم ليحضر الطعام وجلست حور في السيارة ولا تنكر انها احست بالأمان "بالقرب من سليم" ----"بعد مرور قليل من الوقت"......
---دخل سليم الي السيارة فوجد حور نائمةة
سليم في نفسه: انتي نمتي ولا اي دا انا حتي معرفش بيتك طب اصحيكي طيب لاء لاء حرام انتي فعلا هبطي النهاردة ثم نظر اليهاا بابتسامة لو تفضلي هادية كدا وانت صاحيةة هتبقي جميلة اوي ياحوريتي
ثم انطلق بالسيارة الي مكانهم المعتاد
سليم بهدوء: حور حور اصحي
حور بخضة : اي دا انا فين
سليم مهدئاا لها : اهدي اهدي انتي راحت عليكي نومة
افاقت حور قليلا : اسفة محستش بنفسي ونمت
سليم: ولا يهمك انا عايز بس اسألك عن مكان بيتك عشان اوصلك
حور: ماشي تمام احنا قربنا ووجهتة حتي وصلوا الية ترجلت حور من السيارة وترجل بعدها سليم
حور: شكرا علي التوصيلة تتردلك في الافراح
سليم : العفو ياام لسانين بس عايز اقولك علي حاجة
حور: ايواا
سليم : من بكراا هتبقي السكرتيرة بتاعتي
حور بصدمة: اي دا انا مالي وفين هند
سليم ببرود : اولاا انا مش باخد رئيك انا بقولك بس ثانياا دا شيئ في صالحك من كل الجهات سواء مادياا او عمليا يعني هند كانت متدربة اترقت للسكرتارية تحت ايدي وحاليا انتقلت للتنفذي ودي فرصةة حلوة عشان تثبتيلي نفسك ولا اي
فكرت حور في كلامةة فوجدت انة علي حق : تمام وانا موافقةة
سليم : علي بركةة اللة بكرا الصبح تروحي المكتب وكل الملفات الي كتبتيها النهاردة تكون عندي في البيت
حور بصدمة: هيا بداية القصيدة كفر ولا اي
سليم: لو مش عاجبك استقيلي
حور : انت هتشتغل نفسك انا لسة بدئت عشان استقيل
سليم وهوا يغادر : بكرا علي الساعةة 11 تكوني عندي
حور بغضب: بس احنا متفقناش ع البيت
سليم: بكرا نبقا نتفق عشان تلحقي تنامي سلام وركب سيارتة دون ان يسمع ردها
حور: انسان بارد ومستفز بس فلوسةة حلوة  عشان مشروع التخرج اهوا بالمرة احوش عشان انقل من البيت الي هيقع  علي دماغي دا
ثم شعرت بالنعاس: اما اطلع انام والصبح نبقا نشوف💤
وصعدت حور الي منزلها وخلعت الكاب والقتة علي الكنبة واخرجت الهاتف من جيبها فوجدت ان ادم اتصل اكثر من مرة
حور بخضة: اي دا دا ادم اتصل 7 مرات وانا مسمعتش الفون
وقررت حور معاودة الاتصال بة وعندما اجاب
حور: الوو
ادم بعصبية: بتصل عليكي من بدري مبتروديش لية
حور: الفون سايلنت ومشوفتوش
ادم :انا مش قولتلك الف مرة متعمليش الفون سايلنت عشان لو قلقت عليكي
حور:مقولنا اسفين يصلاح كنت بتتصل لية
ادم: كنت بتصل عشان اطمن عليكي واسألك لو عايزا اي حاجة
حور: لاء ياقلب اختك مش عايزا غير سلامتك انت عامل اي دلوقتي
ادم: انا الحمد لله بقيت تمام خالص
حور: بتاخد ادويتك
ادم : ايوا طبعاا متقلقيش انتي بس وكنت عايز اقولك حاجة كمان
حور: قول بسرعة عشان عايزا انام
ادم بسخرية: عمري مكلمتك الا وانتي عايزا تنامي
حور: موعلش خلص بقا
ادم : حظري فظري
حور ببرود : لو قفلت هيبقا احسن
ادم : لاء خلاص هقولك دا انتي جاحدة
حور : ايوا عارفة يلا بقا
ادم: انا ان شاء اللة هرجع مصر الشهر الي جااي دا
حور بفرحةة: بجد ياادم
ادم : ودي فيها هزار وبعدين انا كنت قولتلك اني لقيت شغل هنا وبقا معايا فلوس كتير ياروحي واخيراا هقدر اشتال معاكي شوية من الي شلتية عني
حور: متقولش كداا يامتخلف انت اخويا ان مخففناش عن بعض من الي هيخفف عنا
ادم : تسلميلي يا رورو يلا اسيبك تنامي انتي
حور: تمام ياروحي تصبح على خير
-وذهبت حور الي سريرها لتستعيد نشاطها ليوم غدا.....
..
....................
في صباح اليوم التالي في فيلاا الادهمي
ماجد : ياسليييييييم📢📢
سليم بخمول: مخلاص ياعم روح شوف شغلك بقالك نص ساعة بتزعق في ودني
ماجد : يبقا تخلي عندك دم وتقوم تروح شغلك
سليم: قولتلك مش رايح الشغل هيجيلي
ماجد : يابني ومن امتي الشغل بيجي متقوم يابني متزهقنيش
سليم : روح يابابا نام ربنا يهديك انا شغلي هيجيلي
ماجد: انت كل يوم بتقول كدا عشان متصحاش
سليم : النهاردة بجد اطلع بقا واقفل الباب عايز انام
ماجد : الساعة 10 اي هتنام للضهر طب قوم افطر ومتروحش الشغل
سليم وهوا يضع الوسادة علي رأسةة : اقفل النور وانت ماشي لما اقوم هفطر
ماجد وهوا يضربة بالمخدة : نام نام وانت عايز مطافي تصاحيك
سليم : اطفي النور ياحبيب
ماجد بغضب: حاضر ياخويا هطفي الزفت
وطفي النور وخرج من الغرفةة
-فجأة اتي صوت الجرس......
.
.........................

- يااتري مين الي جاي واي الي هيحصل....!💛