عشقت عنادها...!💛

- البارت الثاني عشر -

"صباحاً"
........................
في فيلا الادهمي....
سمع ماجد صوت الجرس وعندما فتح الباب....
دخلت حنين بغضب : هواا فيييين
ماجد باستغراب : هوا مين
حنين : متوهش وقولي هواا فين من غير لف ولا دوران بسرعة
ماجد مجارياا لها : فوق ومعاة بنات والدنيا بايظة مكونتش عايز اقولك ياختي بس انا قولتلوا الف مرة حافظ علي مراتك وولادك يابني بس ابدا
حنين باستغراب: هوا مين
ماجد : هوا ايوا الي بتدوري علية دا
حنين : الي هوا مين يعني
ماجد ببرائة: شهاب
حنين: ينهار فحلوقي انت عايز توقع بينا عايز تخرب بيتيي صح قول صح قول متتكسفش
ماجد: امال بدوري علي مين غير شهاب انتي اتجوزتي علية انا اصلاا كنت شاكك فيكي حسبي اللة وانا يلي فكرك مؤدبة
حنين بملل: بقولك اي متجودش دا اولا ثانيا كدا شهاب ومعتز نايمين هناك ومش راضين يصحوا منهم للي كلت رجلين جوزها ثالثا ودا الاهم اني ملقتش حاجةة اعملها جيت انكد عليكوا
ماجد بتفهم :امم قولتيلي
حنين بعصبية: قولي بقا فين ابنك وبنتك الي مش متربين الي مش معبرني دول
ماجد بضحكة: لاء يانينو ازاي الكلام دا دا انتي الي مربياهم بردو
حنين : متثبتنيش بعد ازنك وقول هما فين
ماجد بضحةة: سليم نايم فوق ومش راضي يصحي وريم بتلبس ونزلا
حنين : طويب انا هطلع اصحي البية سليم علي ما ريمو تنزل
ماجد :لو عرفتي تصحية خدية هدية مني ليكي
حنين وهيا تصعد : ادعيلي يابركة
ماجد:قلبي معاكي
.
................
في المكتب دخلت حور بغضب فوجدت مازن جالس علي سطح المكتب...
مازن بسخرية: انا عمري مشوفك وتبقي مبسوطةة ديما متعصبة كدا ياساتر
حور بغضب: اقعد فى جمب يلاا وانت شبة القرد كدا مش فضيالك
مازن بهزار : طب امتي هتفضيلي
حور : ان شاء الله ف يوم هصحا بدري وهفضالك عشان اعلمك الادب الي ابوك وامك مش فاضين يعلموهولك دا
مازن بضحكة: عنيفةة اوي انتي
حور: شوف شغلك وانت ساكت ياتافه الاا فين ريم
مازن: قالت امبارح معدتش جاية
حور باستغراب: اشمعنا
مازن : بتقول معدتش عايزا تشتغل وبيت جوزها اولي بيها
حور بسخرية: بيت جوزها اولي بيها اي قررت تخلي بالها من ابوا العيال
مازن : عقبال اما بيتي يبقا اولي بيا ومطلع منوا ابداا يارب
حور بسخرية : بس ياعدوا النجاح
مازن بسخرية: هوا حد بيحب الشغل غيرك اصلاا
حور وهيا تغادر : كل الفاشلين بيقولو كدا
مازن باستغراب: انتي راحةة تخلي بالك من ابو العيال ولا اي
حور: لاء ياخويا سيبالك العيال بابوهم سي الدكتور سليم عايز ملفات وقالي اجيبهالوا البيت علي اساس اني الفلبنية بتاعتوا
مازن باستغراب:  دا الي هوا ازاي وبعدين اي توديهالوا البيت دي
حور: انا السكرتيرة بتاعتو
مازن بصدمة: سكرتيرة!!!
حور: ايوا بس مش سكرتيرة شاي وقهوة وكدا لاء هبقا مكان هند اختيار التصاميم وترتيب اجتمعات وكدا
مازن : وهند راحت فين
حور ببرود: بيقول اترقت للتنفيذ
مازن: اهاا تمام يلا عشان متتأخريش يارور
حور: سلام
ثم اخذت الملفات وتوجهت الي فيلا الادهمي
.
................
نزلت حنين من غرفةة سليم بضجر
ماجد بضحكةة : ههه مالك كدا اي الي حصل
حنين بزهق: ابنك دا تبت اوي اي دا يجدع انت نسيت تربية
ريم بابتسامة: احنا عارفين يانينو من غير ماتقولي واللة
حنين بنصف عين : بس يارخمة متكلمنيش انتي كمان
ريم: ايتا ايتا ايتا الحقونيي يابنات نينوو زعلانة مني واللة ميهون عليا زعلك وراحت حضناها قوي
حنين باختناق: خلاص خلاص مش زعلانة ابعدي هتموتيني
ريم بضحكةة: بعد الشر عنك ياست الستات ياقمر انتي
حنين: كلي بعقلي حلاوة يااختي كلي
ريم : لاء انتي لسة زعلانة بقا اما اقوم احضنك بقا
حنين بتراجع: لاء لاء مش زعلانة داانا بهزر معاكي ياخلبوصة انتي
ريم بغمزة: ايواا كدا الطيب احلي
وسمعوا صوت الجرس نهضت حنين: استنوا دا باين شهاب هوا قال هيحصلني عشان نجبكوا من قفاكو
ريم : لاء وعلي اي الطيب احسن انا هاجي من غير عنف
ماجد بهدوء : هتسيبوا الراجل واقف وتتكلموا ولا اي
حنين باسراع :ثانية وتوجهت نحو الباب فتحت حنين الباب ولاكنها انصدمت......
.
حور بابتسامة : اهلا بحضرتك مش دي فيلا سليم الادهمي
حنين بعد ان افاقت من تفكيرها : ايوا ايوا هيا اتفضلي ياقمر
حور بابتسامة: شكرا
ودخلت الي الصالون
بمجرد ان رئتها ريم فوقفت من مكانها بترحيب :رورو اتفضلي عامله اي🤗
حور: الحمد لله تمام فين البشمهندس سليم
ماجد بضحكةة: ايواا انتي بقا الشغل الي هيجي لحد عندو
حور بسخرية: ايوا ماانا معدش ورايا غيرو
ماجد بضحكةة: ايوا فعلا محدش عاد قدرلوا
حنين بابتسامة حنون: انتي اسمك اي ياقمر
حور: اسمي حور
حنين : اللة اسمك جميل اوي بس انا حاسة اني شوفتك قبل كدا او اني اعرفك
حور بابتسامة: شكرا دا من ذوقك بس معتقدش ان احنا نعرف بعض
حنين باستغراب: لية كدا
حور:هوا كدا انا حظي مش حلوا لدرجةة اني اعرف حد قمر زيك
حنين بحنوا : متقوليش كدا ياحبيبتي دا انتي الي قمر وحظك قمر زيك
حور بضحكة: لو انا قمر زي حظي يبقا علية العوض
-نزل سليم في ذالك الوقت
سليم: صباح الخير
حنين بسخرية: قول مساء الخير
سليم بابتسامة: صباح الخير علي عيونك يانينو ياقمر
حنين بسخرية: بقيت قمر دلوقتي من دقيقتين كنت ياولية اطلعي برااا عايز انام صح
سليم بضحكة: قلبك ابيض يانينوو
حنين:قلبي مش ابيض وملكش دعوة بيا
سليم بتمثيل : اي دا انتي زعلانة مني طب افردي موت دلوقتي اموت وانتي زعلانة مني ااه يقلبي همووت
حنين بخضة : بعد الشر عنك ياروحي شااللة عدوينك
سليم: يعني مش زعلانة
حنين : لاء معدتش زعلانة خالص
سليم بابتسامة: خدي قلبي بقا ياسكرة
حنين بابتسامة:قلب السكرة
كانت حور تنظر اليهم بابتسامة تحمل في طياتها الكثير من الالم والحب فكم تمنت ان يكون لديها عائلة ..💛
لاحظ سليم وجود حور فوجةة  كلامة اليها
سليم : ها ياحور جبتي الملفات
استيقظت حور من توهانها : احم اه اهم
سليم: تمام تعالي معايا علي المكتب
دخل سليم وحور الي المكتب وظلوا يتناقشون بخصوص الصفقةة القادمة
سليم: تمام كدا الصفقة هتم بعد بكرا هنا في الفيلا
حور:هتبقا في الفيلا ازاي
سليم: هتبقا محتاجةة عارضات وكدا فااحنا هنعملها هنا في الفيلا وبالمرة يبقا احتفال بالصفقةة الي فاتت
حور بتوتر: بس انا مش هعرف احضر الحفلة دي
سليم باستغراب: اشمعنا
حور: كدا انا ماليش في جو الحفلات دا
سليم: انتي سكرتيرتي يعني المفروض تبقي موجودة مش بمزاجك
حور: بس انا
سليم: مينفعش اعذار ياحور
حور: تمام هحاول
سليم: هتيجي
حور : قولت هحاول اللة هيا اغنية
سليم :يلاا يابت قومي روحي اي الي جايبك عندنا اصلا
حور: ماشية يااخويا يعني هوا انا قاعدة في الجنة بلا حزن
سليم:بس ياام لسانين
خرجت حور من المكتب ونزلت الي الصالون فوجدت ان هناك رجلاا جديداا انضم اليهم كان شهااب "زوج حنين"
ماجد : نورتينا ياحور
حور: دا بنورك ياماجد باشا
حنين بحب : متقعدي معانا شوية ياحور عايزا اتعرف عليكي اكتر من كداا انا حاسة اني اعرفك من زمان اوي ياحبببتي ودخلتي قلبي بسرعة
حور بابتسامة:شكرا جدا لحضرتك بس انا مضطرة امشي واكيد هيبقا في بينا لقاء تاني
حنين بحنو: يارب ياحبيبتي يلا مع السلامة
حور:اللة يسلمك
......
-خرجت حور من المنزل وقررت أن تذهب إلى مكانها المعتاد لتمضي بعض الوقت بدل الجلوس في المنزل...
حور بتفكير  : انا مش عارفه انا حاسة لية ان انا شايفة الست دي قبل كدا او فيهاا ملامح من حد اعرفوا  اي دا وبعدين انا شاغلةة نفسي لية سواء اعرفها او لاء دا هيفدني في اي وظلت تنظر إلى السماء حتي حل المساء
.......
في فيلاا شهاب الادهمي
شهاب: مالك يانينو من الصبح وانتي سرحانة
حنين : مش عارفة مالي بس البنت دي مش راضية تطلع من دماغي
شهاب: بنت مين
حنين : حور
شهاب: مين حور يعني
حنين: دي البنت الي تشتغل مع سليم الي قبلناها النهاردة  من ساعة مشوفتها وانا حاسة بحاجة غريبة حاسة اني عارفاها قبل كداا كنت حاسة اني عايزا اخدها ف حضني اول ما شوفتها بس خوفت تقول عليا مجنونة
شهاب: يمكن تكوني شوفتيها في مكان قبل كدا
حنين بهزار: تدري ايش الي جاهرني ومدخل النار جوا جلبي
شهاب بفضول : ايش
حنين : اني حاسة اني شوفتها قبل كدا وف نفس الوقت متأكدة اني مشوفتهاش
شهاب بسخرية: انا عارف الاجابة دا العجل في بطن اموا صح
حنين مصطنعة الغضب : انت بتسخر مني هل انت بتسخر مني
شهاب : تؤ تؤ حاشا لله مقدرش اسخر منك
حنين : لاء انت بتسخر مني واتفضل معتش تكلمني
شهاب بسخرية : اتفضل معتش اكلمك هوا انتي بتعزميني علي غدا
حنين : بتسخر مني وبتضحك علي احزاني تاني معتش تكلمني خالص بقا
شهاب بحب : لاء لاء يانينو ياحياتي انتي عارفة اني مستحيل اسخر منك ولا استهتر بخيالك الواسع الفضفاض عشان انتي قلبي وروحي من جوة
حنين بضحكة: ولو ان انت كنت بتسخر مني بس الكلام عجبني شابوا يبني واللة
شهاب بضحكة: يعني معتيش زعلانة
حنين : تؤ تؤ مزعلتش اصلاا
شهاب: قومي هتيلي اما اكل بقا🙂
حنين  بنصف عين : عمرك ماشوفت وشي ان كنت انت ولا ابنك الا وقولتولي هاتي اما اكل عهدني مكتوب على وشي تلاجة!
شهاب بضحكةة : لاء ياروحي بس نفسنا بتتفتح لما بنشوفك ياقمر انت
حنين بهزار: كلام حلو انا نقطةة ضعفي الكلام الحلو منت واجبلك احلي اكل لاحلي زوجي قرة عيني ف الدنياا
شهاب: متحرمش منك ولا من مجايبك ياقمر انت ياحلو
حنين بضحكة:ربنا ميحرمكوا مني
شهاب بحب:يارب
خرجت حنين لتعد الطعام
.
..............
ومر اليومين وكلاا من سليم وحور ومازن يعملون علي قدم وساق ليستعدو للحفلةة
............
وفي صباح يوم جديد استيقظت حور وذهبت الي الشركةة لاحضار التصميمات الخاصة بالعرض دخلت حور الي المكتب فوجدت مازن يجلس على مكتبة ويبدو علية القلق
حور بقلق : في اي ياسطا مالك
مازن : مفيش
حور بفضول: علي ماما يلاا في اي
مازن: انا عملت حادثة
حور بقلق: واي الي حصل اتعورت
مازن:محصليش حاجة
حور:اماال اية
مازن : المشكلة مش فيا المشكلة ان العربية ادشملت من قدام
حور: وانت مضايق اوي كدا عشانها احمد ربنا ان محصلكش حاجة
مازن: ابويا لو عرف هياخدها هيا كمان وهوا واخد الكرديت كارد وكل حاجةة ومش عارف اصلحها ازاي
حور بسخرية: انتي غبي يلاا امال انا بعمل اي
مازن باسراع:هتديني كام
حور: يخربيت قلت ادبك ياجدع مفيش شكرا خلي واقعد اتحيل عليك شوية
مازن : الفلوس بتروح وتيجي يصاحب بس ابويا ممكن يوديني ميجبنيش وبعدين مفيش بينا الحجات دي
حور. بملل: قصرو عايز كام
مازن بهمس: نص باكو
حور بصدمة:هوا اي الي نص باكو انت رايح تحشش
مازن : 500 جنية يارور حشيش اي دا انا بدوخ من الميا
حور بابتسامة: انا بقول ان مش هيحصل حاجةة لو العربية اتسحبت يومين
مازن باستعطاف : واهون عليكي يارورو
حور بسخرية:تهون علي فكرة بس خد ياسطا عشان انا طيبة وحنينة
-اخرجت من جيبها 500 جنية واعطتهملوا
مازن بشكر: تسلملي يابو الصحاب متحرمش منك ابدا ابداا
حور: انت هتشحت ويلاا عشان ورانا شغل كتير خد الملفات دي في الفيلا وانا ساعتين زمن وحصلك
مازن: من عونيا هودي العربيةة التصليح واروح الفيلا وهستناكي
حور: تمام يبشا
.
...............
ذهبت حور الي احد محلات الملابس واشترت بعض الملابس كي ترتديها في الحفلة وعادت الي المنزل لتجهز نفسها
ارتدت حور سلابوت زيتي ليست ضيقة تحتها قميص ابيض واسع فكانت تشبةة الاطفال في ثيابها وسرحت شعرها علي هيئة ذيل حصان فكانت جميلة الي حدِ كبيير ثم انطلقت باتجاة الحفل...
- نعم كانت جميلةة ولاكن تلك الملابس لا تتلائم اطلاقاا مع حفل ازياء كهذا
.
في فيلا الادهمي
حنين بفضول : هيا حور هتيجي النهاردة
استغرب سليم سؤالها ولاكنة لم يعلق: المفروض
معتز محدثا ريم : اي رئيك نروح البوفية علي ما الحفلة دي تخلص
ريم: واللة محد فاهمني قدك انت ياميزوو ياقمر
معتز: قلبي ياناس
سليم بسخرية:ديماا همكو علي بطنكو ارتقوا بقا
معتز ببرود: اطلع منها انت وروح شوف ضيوفك🙂
سليم : رايح يااخويا
-وفي ذلك الوقت دخلت حور فوجدت يدخل من بعدها...
مازن بصوت عالي:روروو
حور باستغراب:مازن انت اي الي اخرك كدا
مازن: عادي بتاع العربية قالي لو استنيت شوية هتاخدها وانت ماشي
حور: خلصانة
مازن بغمزة: بس اي الحلاوة دي😉
حور بحدة: مااازن
مازن بتراجع : ياساتر دا انا كنت بهزر هوا في حد يلبس كدا اصلا في حفلةة
حور ببرود: انا وملكش دعوة
مازن بلا مبالاة: طب ابعدي كدا انا اصلا جاي عشان الاكل سلام ياحلوة ليكون العيال خلصوا البوفية🚶
حور: سلام ياعم المفجوع انت
مازن بعد ان ابتعد: قلبي وروح قلبي
-سمعة سليم ولا يدري لما شعر بالغضب
سليم بسخرية لحور: منتي عرفتي تيجي اهوة😒
حور ببرود: لاتخرج قبل ان تقول سبحان الله
سليم ببرود :سبحان اللة يلا يامؤمنة عشان ورانا شغل كتير
حور: وراك
-سمعوا صوت من خلفهم
حنين بنداء : حوور
نظرت لها حور بابتسامة : اهلا بحضرتك
حنين بحب: كنت مستنياكي من سعتها
حور باستغراب: مستنياني انا لية
حنين : احنا اتفقنا هنتعرف المرة الجاية
حور بابتسامة : اكيد تشرفت انا اسمي حور
حنين : وانا حنين مرات عم المتخلف دا ويعتبر انا الي مربياة ووالدة معتز اكيد تعرفتي علية
سليم: ربنا يكرمك
حور: معتز اكيد تعرفت علية ونعم ما ربيتي حضرتك سواء سليم او معتز ادب واخلاق وعمرهم ماشتموا حد وهاديين موت مقوليكيش هادين ازاي ربنا يحفظهم...
ضحكت حنين : واللة ما كذبت تدري ليش لانهم تربيتي لازم يكونوا هادين ومحترمين
حور بضحكةة: حصل
حنين: انتي بقا احكيلي عن نفسك
-تراجعت حور فهي لاتحب ان تتحدث عن نفسها امام احد : احم انا اسمي حور الش
وفجاة سمعت صوت مازن : حووور
نظرت لة حور: نعم
مازن: تعالي عايز اقولك حاجة مهمة
حور: جاية ثم وجهت نظرها لحنين باسف : انا بعتذر جداا هنبقا نتعرف وقت تاني
حنين بابتسامة : ولا يهمك ياحبيبتي اتفضلي
حور: تمام وانصرفت
سليم بغضب في نفسه:ودا عايزها لية الرخم الحكاك دا عيل تلج
ثم ذهب ليستقبل بعض الضيوف المهمين لحفلتة
-عند حور ومازن
حور ببرود: عايز اي اية هوا الموضوع المهم🙄
مازن بجدية: كنت عايز اسألك شورما الفراخ احلي ولا اللحمة بقالي نص ساعة محتار اكل من دي ولا دي
حور بغضب: انت مناديني عشان الشاورما يامازن
مازن بقلق: اية ياحور مالك متعصبة لية مش عايزا تقولي عادي هسأل ريم بس صلي على النبي ف قلبك كدا
حور بعصبية: يعني انت مناديني وجايبني عشان دي وراحت جايبة طبق شاورما الكباب ورزعاة في وشو
حور ببرود : طب جرب الطعم دا احلي منهم الإتنين  وسلام يامازن
مازن بصدمة: ليية كدا يخربيتك انا غلطان اني باخد رئيك
ثم اخذ قطعةة من علي رئسة وتذوقها
مازن باعجاب: تصدقي دا احلي طلعتي بتفهمي يابت ياحور هروح اغسل وشي واجي اخلصهم
ابتعدت حور عنةة بنفاذ صبر: سلام يااذكي اخواتك
مازن وهوا يتجةة للحمام :سلام
.
.........
جلست حور علي احد الترابيزات بعصبية من صديقها المتخلف
فجاء احد الضيوف وجلس امامها...
حور بسخرية: خير يافندم الكراسي كتير اهي مفيش غير هنا ولا اي
امجد ببرود: ايوا مش عجبني غير دي وبعدين انتي عنيفةة كدا لية شوفتك وانتي بترمي الطبق ف وش الولد ميصحش كدا
حور بغضب: يصح ولا ميصحش انت مالك انت انا اعمل الي عايزاة
امجد بغمزة : طب تعرفي ان انتي قمر اوي وشعرك جميل بس هدومك هيا الي مش عجباني اي الي انتي لبساة دا اناا ممكن اصمملك درس مخصوص هتبقي قمر فية اوعدك
.
- ياتري اي الي هيحصل واي هيكون ردة فعل حوور..!💛
*اليس من الجميل ان مثلك يضع الفوت لو البارت عجبة😂💛