عشقت عنادها...!💛

- البارت التلاثون -

💛
.
            
..................
في صباح يوم جديد استيقظت حور بنشاط وارتدت ملابسها المعتادة ونزلت الي الصالون.....
حنين بابتسامة: صباح الخيير ياروحي
حور بضحكة: صباح الخير ياقمر بس صباح اي دا الظهر اذن
شهاب بضحكة:انتي بقيتي بتحبي النوم اوي زي سليم كل اما نروح هناك نلاقية نايم
شهاب بتأكيد: كسول اوي
دق قلب حور عندما سمعت الإسم: احم تمام طب هدخل اشوف حاجة عشان افطر
حنين بابتسامة: ايواا احنا سايبينلك فطارك جواا
معتز وهوا يخرج من المطبخ : ماماا البيض الي كان جوا دا بتاع مين
حنين بهمس: كاان!!؟ هار اسود
حور وهيا تنظر لة بنصف عين: ايواا مالوا بقا
معتز بصدمة: لاااء متهزريش والنبي
حور بسخرية: انت اي حكايتك مع البيض يلااا معدش ورايا غيرك
معتز بتراجع: طب خلاص بصي اخر مرة شوفي بس انتي عايزا اي وانا هعملهولك بس اهدي
شهاب بتبرير: اكيد مكنش يعرف يارور
حور بتنهيدة وهيا تدخل الي المطبخ: روح يابني شاللة تتسخط فرخة من غير لارجلين ولا جناحات وهسامحك عشان الراجل المحترم دا بس وعشان انا اتغيرت
معتز باستغراب: اتغيرتي!!!
حور بثقة بعد ان دخلت: طشبعاا وبقيت فتاة مرهفةة المشاعر وكيوت ورقيقة وقمرزز
- نظر الجميع للفراغ بصدمة
معتز: مين دي😶
حنين: اعتقد حور
شهاب: تفتكرو اتغيرت فعلاا ولا دا كلام ساعة غضب وكدا😶
معتز: اكيد كلام ساعة غضب وكدا
حنين: انا حاسة كدا
دقائق وسمعوا صريخ حور،: ياا معتزز الكلب انت ياغبي يامفجوع انت كلت الكفتة كماان
معتز وهوا يغادر الفيلا: انا ماشي بدل ما تطلع تفرمني انا محتاج صحتي اليومين دول
شهاب بضحكة: اللة معك
حنين بابتسامة: اهدي ياروحي في كفتةة تانية في الفرن عندك
........
حور وهيا تنظر إلى الفرن: علي اللة يكون كالها هيا كمان لاء الحمد لله دا لو كان اكلها كنت عملت من فخادو شاورما المفجوع دا
اعدت حور الفطار وجلست لتأكل....
حور بسعادة: اوو ياا اي الريحةة الجامدة دي
بدئت حور الأكل بنهم وسمعت صوت هاتفها يرن بإسم سليم
توقف الطعام في حلقهاا من الصدمةة
حور باختناق وهيا تحضر الماء: همووت يخربيتك -شربت الماء لتهداء
حور بتنهيدة:ااخ الحمد لله لسة عايشة ااه منك ياسليم منتش ساكت الا لما تموتني طيب واللة ماانا ردة هاا
انتهت المكالمة وبعدها وصلت مسدج.....
حور وهيا تقرئها: اعدي عليكي ولا تيجي لوحدك
ردت عليه: مش جاية اصلاا عايز تكلمني تعالي هنا
سليم: بعد ساعة في المكان الي قولتلك علية بالفستان السماوي هستناكي بااي
حور: استني براحتك
سليم: بحبك ياقطتي وعارف انك هتيجي ياروحي لااف😉
حور : مش جاية
-لا رد وضعت حور الهاتف علي السفرة بغضب : اااه هواا مفكر نفسوا ميين عشان يمشي كلاموا عليااا
ثم ابتسمت: هواا قالي بحبك تاني ولا انا بتهيألي فتحت حور الهاتف. لتقراء المسج
حور بسعادة: قالهاا والمصحف لااااف يووو خالص
حور بغضب: لاء بس بردو مش من حقوا يتحكم فياا انا مش راحةة
حور بابتسامة: لاء لاء بصي هروح بس مش هسمع كلاموا ابداا ايواا هشوف بس عايز اي وارجع على طول ايواا صح كداا
خرجت حور من المطبخ بسعادة لاتعلم سببها وصعدت الي الأعلي
حنين باستغراب: هيا مالها النهاردة مش طبيعية لية
شهاب: مش عارف وانا كمان حسيت كداا
حنين بنصف عين: بتفكر في الي بفكر فية
شهاب بابتسامة: اهاا
حنين بخبث: اقولك مين
شهاب بفخر: عارف.مفيش غير سليم
حنين باستغراب: عرفت ازاي
شهاب بضحكة: ههه اي دي باينة خالص مسمعتيش المثل الي بيقول ما حب الا بعد عداوة ودول عداوتهم مش طبيعية
حنين بضحكة: هه فعلا معاك حق ربناا يسعدهم يارب
شهاب بحب: يارب ياروحي الا الخرا ابنك هيكلمها امتي خلينا نخلص منهم مرة واحدة
حنين بضحكة: الخراا ابني قالي انوا هيقابلها النهاردة
شهاب بأمل: علي اللة ينجزو بقا
...............
عند ريم تجلس تتابع التلفاز فأتاها مكالمة هاتفية فنظرت للإسم باستغراب واجابت....
ريم: الووو
معتز : الحج عبد الموجود موجود
ريم بسخرية: في الحمام اقولوا مين
معتز بابتسامة: فاعل خير
ريم بسخرية: وفاعل الخير دا بقا اي الي فكرو بينا دا من يومين مكلمنيش
معتز باستغراب: مين داا انا يبنتي داا انا لسة مكلمك امبارح بأمارة حلة محشي ورق العنب الي لهفتيها لوحدك وانا حور كانت هتحشيني عشان كفتايتين تلاتة
ريم بكذب: امتي دا انا مكلمتش حد وبعدين انا مبحبش ورق العنب
معتز بسخرية: مبتحبيش اي يااختي داا احنا لو رشناكي بمية هتطرحي عنب
ريم : بس يارزل هاا كنت عايز اي
معتز بابتسامة: عايز اقابلك
ريم بسخرية: ايواا واي الاحترام المفاجئ داا انت علطول بتقف تحت وتقولي انزلي بدل ما اطلعلك
معتز بتوتر: اايوا بس النهاردة مختلف انا مش عايز اقابلك علي اني ابن عمك هقابلك علي اني امم مش هقولك
ريم: اوماال عايز تقابلني علي انك ابن الجيران
معتز وهوا يغلق: كمان نص ساعة هعدي عليكي البسي حاجة حلوة ياروحيي
اغلق معتز الخط
ريم بسعادة وهيا تقفز: هييح يعني طلع هواا كمان بيحبني الحمد لله فكرت ان البعيد مبيحسش وواقع علي مشاعرو امم البس اي هوا بيحب الازرق لاء بس دا بيبقا تحفة علياا لاء انا هلبس الفستان الي جبتوا مع حور عااا انا فرحانة اويي
....................
في غرفة حور تجلس على السرير تضع يدها علي خدها
حور بتفكير: اروح ولا مروحش عايزا اروح طب افرضي روحت يفكر اني بسمع كلاموا لاء بس انا هروح عشان عايزا اروح مش عشان اسمع كلاموا طب اروح ولا لاء خلاص هروح بس مش هسمع كلاموا بس لو روحت هبقا كدا سمعت كلااموو طب اعمل اي خلاص انا هروح بس مش هلبس الفستان السماوي بالعند فية هاا عشان ميقوليش اعمل اي بعد كداا
قامت حور واخرجت الفستان السماوي ونظرت لة بتبرير: هوا انت عارف اني بحبك بس دي كرامتي بردو
واخرجت فستان بغاية الجمال من التي احضرهم سليم لها من المول.......
وخرجت لتنزل الي الاسفل...
حنين بخبث: اي الحلاوة دي يا حور راحة حفلة ولا اي
حور بتوتر: هواا لاء مفيش حفلة بس انا راحة اقابل حد
حنين: حد مين
حور وهيا تغادر بتوتر: ايواا انا لما اجي هقولك اكيد
..........
في احد المطاعم
معتز بزهق: مخلاااص ياريم في اي عايز اكلمك
ريم بابتسامة: اطلبلي 2 شاورما علي اما اخلص
معتز بغضب:2 شاورماا اي يابنتي دا انتي بقالك نص ساعة بتاكلي انتي اتفجعتي ولا اي
ريم بحدة: هتطلب 2 شاورما ولا اروح
معتز بتراجع: طب بقولك اي انا عايزك في موضوع مهم هقولهولك وبعدين كلي للصبح
ريم برفض: يلاا بس اتنين شاورما وازازة بيبس عشان ابلع
معتز بنفاذ صبر: صبرني يارب ثم اشار للجرسون: انت يابني هتلنا جاموسة هنا شاللة تموت ونفضها
ريم بابتسامة: شكرا ياميزو بس انا عايزا شاورما بس
معتز بهمس: دك ميزو في معاميعك يابنت المفجوعة
احضر الجارسون الطلبات : اتفضل يافاندم
معتز: شكرااا
ريم بابتسامة: اي الجماال داا
معتز بزهق: اخلصيي خليني اقولك الكلمتين وامشي
ريم وهيا تأكل: استني استني
- دقائق وانتهت ريم من الأكل
ريم بشبع :هييح الحمد لله
معتز بسعادة: واخيراااا يلاا بقا
ريم بابتسامة: ايواا يلا بقا
معتز بتنحنح: ايوا انا كنت عايز اقولك
ريم بتراجع: لاء تقول اي انا بقول يلاا نحلي
معتز بغضب: تإية تحلي طب خليكي حلي الوحدك انا ماشي
وهم ليقف فامسكت ريم يدة:خلااص خلااص اقعد هحلي بعد ما تقول
جلس معتز بغضب: خلاص ياريم كملي اكل وانا هروح
ريم بابتسامة: خلاص ياصديقي متبقاش افوش كدا عايز اي
معتز بعصبية: هكون عايز اي يعني عايز اتجوزك
ريم بصدمة: ايية
جلس معتز بهدوء: انا عارف ان الموضوع غريب بس انا فعلاا بحبك جدا ياريم ودا مش احساس جديد انا بحبك من زمان كمان من ايام مكنت انا وسليم بنرخم عليكي ولما كنت بغطيكي وانتي نايمةة ولما كنتي تعيطي اهديكي
ريم باستغراب: طب وانا عمري ما حسيت كدا لية
معتز: هوا انا عارف انك مستغربة بس انا جيت اكلمك دلوقتي عشان انا مستعد اني اطلبك من اهلك دلوقتي
ريم: طب وإنت عمرك ماقولتلي لية
معتز بهدوء: انتي اخت صاحبي ووكلين مع بعض عيش وملح فانا لو كنت قولتلك حاجه زي كدا هبقا بخون ثقت صاحبي دا غير انك بنت عمي وانا مش عايز اخسرك لو كنتي موفقتيش قبل كداا
ريم: يابن الهبلةة
معتز بتراجع: لو مش موافقة براحتك انا مش هجبرك دلوقتي..
ريم بسعادة: مش موافقة اي يابني اناا بس اتفاجإت ان الموضوع قديم وانا كنت مفكرك مبتفهمش داا غير ان دخلتك خضيتني اتجوزك علي طول
معتز باستغراب: يعني موافقة وكداا
ريم: موافقة اي يابني فين المأذون
معتز بقرف: ااة يابايرة مكنتش اعرف اني عاجبك كداا انا لو كنت اعرف مكنتش اكلتك اصلاا
ريم بتذكر: ايواا انزلي بالتحلية بسرعة عشان جعانة
معتز بصدمة: اي داااا
ريم باستغراب: اي
معتز: مش داا اخوكي
ريم باستغراب:ايواا فعلا هوا بس جاي هنا لية
معتز بخوف:- استخبي استخبي
ريم باستنكار : استخبي لية هوا انت شقطني ماحنا علي طول بنطلع مع بعض
معتز بغضب: استخبي وانتي ساكتةة كداا داا لو شافني مش هيحلني لما اتقدملك
ريم بضحكة: انت بتقول اي
معتز: هتستخبي ولا اسيبك وامشي
ريم وهيا تنزل تحت الطربيزة : خلاص استخبيت اهوة اي الي هيحصل بقاا
معتز:هنفضل كدا لحد ما يقعد نتسحب ونمشي
ريم بسخرية: افكارك جهنمية الصراحةة دايما بتقنعني
معتز وهوا يغادر: تعالي وراياا بسرعة بس براحةة
-لحقتة ريم بتسحب حتي غادرو المطعم واثناء خروجهم..
ريم بصدمة: اي داا هوا في اي
معتز باستغراب: ايي
ريم: مش دي حور
معتز وهوا ينظر:ايواا هياا ولابسةة الي ع الحبل وشكلها جميل وسليم برضوو جواا الموضوع دا في انة
ريم بفضول: طب نتفرج
معتز بسخرية: نتفرج اي ياماا ياخبر بفلوس بكرا يبقا ببلاش احنا لو قعدنا دقيقة كمان اخوكي ينفخني دا غير اني جعان
ريم: ايواا صح انا اصلاا جوعت
معتز بسخرية: انتي لحقتي
...................
خلت حوور الي المطعم بثقةة وهيا ترتدي فستان اسود ضيق من الاعلي وينزل بطول ليزين شكلهاا وكوتش ابيض وتضع شعرها على هيئةة ذيل حصان يتعدي خصرها وهناك خصلات شاردة تزين عينيها......
- اقتربت حور من سليم الذي ينظر لها بانبهار وجلست مقابلاا لةة
حور بسخرية: هتفضل باصصلي ومش هتتكلم ولا اي
سليم بابتسامة: شكلك عاجبني اوي الفستان تحسية جايلك تفصيل
توردت وجنة حور بخجل:-طيب كنت عايز اي
سليم بتوتر: ااا ايوا هوا انا كنت عايز اعرف رئيك في الي قولتوا امبارح وكدا
حور بخبث:  هواا انت قولت اي معلش اصلي مش فاكر
سليم: في البلكونة القمرر والناشرة وكداا
حور ببرود: تؤتؤ مش فاكرة بردو ومسمعتكش كمان
سليم بسخرية: مسمعتيش اومال كنتي بتلفي حوالين نفسك لية
حور وهيا تغادر: طيب متقولش براحتك اناا ماشية
امسك سليم يدها بقوة: تتجوزيني
حور بصدمة: اي السرعة دي
سليم وهوا يجذبها لتجلس: خير البر عاجلة ها قولتي اي
حور بتوتر: هواا يعني مش عارفة بس
سليم بحب: مبسش انااا بحبك ياحوريتي
حور بخجل: لية
سليم باستغراب: هوا اي الي لية
حور بتوتر :قصدي حبيتني لية يعني انا مش حلوة اوي ومش رقيقة وكدا
سليم بحب: بحبك لية تعرفي ان انا نفسي مش عارف بحبك لية بس انتي تتحبي ياحور انتي جميلة جداا في عيني انتي فرحت قلبي اكتر حد لمسني من جوة اكتر حد كنت بحب اتكلم معاة وبحب اجر شكلك عشان تكلميني انا حبيتك بكل تفاصيلك شديتيني بعندك من اول لقاء بنا حبيت عفويتك وان ديماا الي ف قلبك علي لسانك اناا حبيتك بكل تفاصيلك ياحور
ظلت حور تنظر لة بحب لاتدري بماذا تجيب
سليم بحب: حوور انتي مبترديش لية
حور باعتذار: مش بعرف ارد علي الكلام الحلو وكدا
سليم بضحكة:ههه فظيعة بس انا مش عايزك تردي انا عندي استعداد افضل اتكلم ومزهقش مش عايز منك غير كلمة واحدة وهيا موافقة
حور بخجل:موافقة علي اي
سليم بابتسامة: تتجوزيني ياحور
حور بخجل: معرفش اجاوبك دلوقتي
سليم باستغراب: لية بقا ان شاء الله
حور بتوتر: قصدي يعني ان اهلي يوافقوا الاؤل وبعدين افكر
سليم بسخرية: تفكري اي هوا انا بسألك انا كدا كداا هتجوزك وبعدين اهلك مين الي تسأليهم دول لو موفقوش اطخهم هما هيلاقوا احلي ولا اجمل ولا اشيك مني فين
حور بابتسامة: قصدي علي ادم هوا حالياا ولياا وتعالي اطلبني منوا لو موفقش براحتوو
سليم بسخرية: براحتوا مين ياام براحتوا فرحنا اخر الشهر داا
حور بغضب: نعااام نعااام عيد تاني كداا لتكون مفكرني بقرا ولا تكون مفكرني بقرا وهتجرني اسمع بقاا انا مش متجوزة غير في الوقت الي انا عايزاة
سليم: يعني موافقة
حور بتراجع: هواا ادم جاي بكراا اطلبني منواا وبعدين افكر
سليم وهوا يقف: وحياة جدي لمتجوزك واعلب ما ف خيلك اركبية بس عشان انا محترم هسيبك تفكري لحد ماادم يرجع
حور بغصب: طب مش موافقة بقااا
سليم بغضب: بردو هتجوزك
-وفجأة اتي صوت انثوي من خلفهم
الفتاة بدلال: هااي سيموو
سليم: هاار اسود
الفتاة وهيا تقترب: الوحش الي وحشني موت عامل اي
سليم وهوا يجذب يد حور التي تستشيط غضبا: انا تمام معلش عشان مستعجل
الفتاة: سيموو انت رايح فين استني اسلم عليك
...............
خرج سليم وحور من المطعم توقفت
حور بغضب : مين انثي البرص دي
سليم بتوتر : دي دي شاهي
حور بسخرية: ايواا يعني دا نوع شاي ولا اي انت تعرف بنات قبلي
سليم: اكيد ياحور كنت اعرف بس كلهم صدقات عادية يعني
حور باستغراب: وبتقولها عادي كداا
سليم بتوتر: هواا انتي اتحولتي بسرعة كداا لية انتي مش قولتي مش موافقة
حور بغضب: وانت مصدقت بقاا وروحت تصاحب بنات
سليم بصدمة: انتي هبلة يابت هيا الي جات وزي ما انتي شوفتي سيبتها ومشيت
حور بغضب: خلص الكلام ويلاا اتفضل روحني عشان تلحق تظبط المزة قبل ماتزعل
سليم بصدمة: اي داا هواا اي الي بيحصلك وانا يلي فكرتك عاقلة
حور بسخرية: واللة بقا لو مش عاجبك بدلني ما الاهتمام مبينطلبش
سليم: انتي تعبانة
حور: ايواا ايواا انا الي بقيت غلطانة
سليم بعصبية:لاء انا الي غلطان وابن جزمة امشي قدامي ياحور خليناا نمشي دا انا لو بإيدي كنت خلعت قلبي ودوست علية قبل مايفكر يحبك ياشيخة امشي
حور بغضب وهيا تمشي: خاين ونسونجي دا كلوا ولسة موفقتش اومال لو وغقت هيروح يتجوز علياا بقا
سليم بنفاذ صبر: اتفوو علياا انا حيوان عشان مشيت معاكي اصلا
.
.....................
-لسةة بارت واحد ياحلوين💛
بقلم : #اسماءـصبري