( Prince )
"Saan ka ba galing, dude?" Bungad na tanong ni Renz pagpasok ko pa lang sa pinto ng tambayan namin. "Ang tagal mo."
"Bakit gutom ka na naman, Renz?" tanong ko.
"Palagi namang gutom 'yan, walang bago." sabat ni Vince.
"Hindi yan mabubuhay ng walang pagkain sa bibig." turan din ni Niko.
"Hoy! Tigilan niyo ako. Tara na kasi at kumain." reklamo ni Renz.
"Oh! Diba. Told yah." nakangising pang-aasar ni Vince sabay lundag sa sopa.
Napailing na lang ako. Dumeretso na rin ako sa sopa malapit kay Lance na gano'n pa rin tahimik at nagbabasa ng libro. Isinandig ko ang ulo at hinayaang pumikit ang mga mata.
"Ano bang ginawa mo dude at late kang nakapunta dito?" tanong naman ni Niko habang nagreready ng kumain. Ako na lang pala ang hinihintay nila.
Napangiti na lang ako sa tanong niya. "Just somewhere."
"Teka, bakit ka nakangiti? Nambabae ka? Ipinagpalit mo na 'ko? Sumagot ka!" pag-iinarte ni Niko.
Dumilat ako at inambaan siya ng suntok. "Siraulo!" sagot ko saka umupo ng maayos. Tawa lang ang isinagot nito sa'kin.
"Alam mo Niko kadiri ka pero bagay sa'yo maging bakla. Siguro bakla ka talaga." singit ni Renz sa pagitan ng pagnguya nito. Akala mo ilang araw hindi kumain gutom na gutom.
"Halikan pa kita d'yan, gusto mo?" maloko namang patutsada ni Niko.
"Mabalik nga tayo sa'yo pareng Prince. Babae ba?" tanonh naman ni Vince.
Napatingin ako kay Vince at Niko na may nakakalokong ngiti sa labi. Kapag babae talaga ang pag-uusapan mga walang pinalalagpas ang dalawang yan. Si Renz naman na puno ang bibig ng pagkain at si Lance na walang ibang gustong gawin kundi ang magbasa ngayo'y nakatingin rin sa'kin at hinihintay ang isasagot ko.
"Bakit bigla naging interesado kayo?" natatawang usal ko saka kumuha ng plato.
"Dahil ngayon ka na lang ulit ngumiti ng ganyan dahil sa babae."
"Tama." halos hindi maintindihan na sagot ni Renz, punong puno ang bibig.
"Ngumingiti naman ako sa mga babae. Sakto lang." depensang sagot ko.
"Dude, alam natin pareho na ang sungit sungit mo pagdating sa mga babaeng lumalapit sa'yo."
"Si Renz din naman."
"Bakla yang si Renz kaya 'wag mo siya intindihin." sagot nito na hindi binabalingan si Renz. "Aray ko. Aba't." nakasimangot na sagot ni Niko habang hawak ang batok na pinalo ni Renz saka binalingan nito ang may sala.
"Sinong bakla, baka sapakin kita d'yan."
"Joke lang." natatawang turan ni Niko. "Hindi dapat sinusungitan ang mga babae, malalambot sila at dapat ingatan."
"Hindi sila dapat tinatanggihan."
"Ang mga salitang alam lang ng mga babaerong katulad niyo. 'Wag niyo kami itulad sa inyo." pambabara ni Renz sa dalawa na si Niko at Vince na tuloy pa rin ang kain.
BINABASA MO ANG
Her Name Is Monique ( Zairin Boys Series #1 ) (Completed)
RomanceNapunta si Patty sa bahay ampunan noong siya'y apat na taong gulang pa lamang. Hindi siya nakikihalo-bilo sa iba. Lagi lamang siyang nag-iisa, takot sa tao dahil na rin sa pambu-bully ng ibang bata. Nakilala niya roon si Gelo, isang batang lalake na...
