ريناد: شكرا بجد يا مراد
مراد: مافيش داعي للشكر دي الحقيقه
ريناد: مش علي ده
مراد: امال ع ايه
ريناد: انك قدرت تخرجني من المود الي انا فيه ولو حتي مؤقتا
مراد: تعالي نروح المكتب
(في المكتب قعدوا علي المكتب)
مراد: في ايه بقا مالك
ريناد: مافيش
مراد: ريناد خفي وقولي
ريناد بدموع: بص انا بطبيعتي لما بدايق من كذا حاجه بتخنق كده وتلقائية بعيط وطول اليوم ماسكه نفسي اولا بسبب ايلين ثانيا بسبب الي عمله زياد ثالثا الي عمله الموظف الي في الرسبشن تحت
مراد وحس بنار جواه: اي ايه الي حصل
(ريناد حكتله ع الي حصل)
مراد: ثواني خليكي هنا رجعلك
ريناد: علي فين هاتعمل ايه
مراد خرج مسرع بغضب شديد من الي سمعه من ريناد
مراد نزل وراح عند الرسبش وبعصبيه ومسك الشاب من ياقة قميصه: وانت بروح امك مفكر نفسك مين عشان تتكلم معاها كده
الشاب بخوف: ا انا ع عملت ايه يا مراد بيه
مراد: ريناد تبقا خط احمر والي يزعلها انسفه من على وش الارض (وفضل يضرب فيه)
هنا ريناد جت وحاولت تبعد مراد عن الشاب بس ماعرفتش وطلبت من الأمن يساعدوها بس الكل كان واقف بعيد خايف
ريناد بزعيق: مراااااد خلااااص
مراد هدي ولقى الشاب واقع ع الأرض سايح في دمه
ريناد: قوم يا مراد ماينفعش كده حد يجيب اسعافات اوليه والبنت الي كانت واقفه مع الشاب جابتهالها بسرعه وكان الشاب اتعدل
البنت: اتفضلي
ريناد: شكرا
ولسه كانت هاتنضف جرح الشاب بس منعها مراد وقال للشاب: لو اتكررت الحركه دي هنيفك من ع وش الارض ومش عايز اشوف وشك ف الشركه هنا تاني وشد ريناد من أيدها متجه للأسانسير وريناد: يا مراد طب اطهر الجرح مش كفايا الي عملته
ومراد ماردش عليها وركبوا الاسانسير
البنت: كانت بتدافع عنك مع انك الي غلطان تستاهل الي حصلك عشان تبطل بقا
وفي المكتب
ريناد: مراد ماكنش ينفع تعمل كده في الشاب ماكانش كلمتين قالهم ماتستحقش ده كله
مراد بعصبية: لا بالنسبالي انا تستحق واكتر من كده كمان
ريناد حست بفرحه من طريقته بس مش عارفه ليه: طب اهدي خلاص اقعد وانا هاروح اطهر جرحه واجى
مراد: نعمممم اترزعي مافيش خروج
ريناد: نعم
مراد: زي ماسمعتي
ريناد فضلت تضحك عليه
مراد: بتضحكي ع ايه
ريناد: مش عارفه بس شكلك حلو وانت متعصب كده
مراد: وانتي خطفتي قلبي بضحكتك دي
ريناد: ههههه يخربيت هزارك ده
**********
(في اخر اليوم)
الكل كان متجمع عدا زياد
جومانا: ياااه انهارده الشغل كان متعب
حسين: فين زياد
هاله: لسه ماجاش
حسين: طب قولي ايه الي حصل يا ريناد بقا ... ريناد
ريناد كانت باصه على جومانا وساكته وجومانا اتوترت
سهير: هو في ايه بتبصي لبنتي كده ليه
ريناد: لا ولا حاجه وقامت عشان تطلع وهنا وصل زياد وكان معاه بوكيه ورد ووقف قدامها ومسك أيدها وباسها وباس جبينها: انا اسف ماتزعليش مني
ريناد: انا مش زعلانه منك يا زياد بس كنت عايزه افهمك أنه طريقتك كانت غلط
زياد: وانا عرفت الغلط ده وجايبلك وردك المفضل هدية اعتذاري
ريناد بإبتسامه: thanks (وحضنته)
هاله: ربنا يخليكوا لبعض
زياد: انا اسف يا بابا ع طريقة كلامي بتاعت الصبح
مراد: برضوا مش فاهم انتوا اتخانقتوا ليه
زياد: ثواني (وشد ريناد ودخلوا المطبخ وجومانا راحت وراهم)
ريناد: العصفورين اتجمعو
جومانا: ريناد انا هشرحلك الي حصل
ريناد: ايه بقا
جومانا حكت ع الي حصل
ريناد: يا نووحي يا نووحي
زياد افتكر يوسف وضحك
جومانا: بتضحك ع ايه
زياد: لا لا مافيش
ريناد: لما تخافي بعد كده ابقي تعاليلي وانا هانيمك في حضني ومش هاعترض بس بلاش ده يحصل تاني عشان انا جه ف بالي افكار كتير وحشه ساعتها (زياد خرج)
جومانا: سوري
ريناد: انتي زي اختى يا جومانا واي حاجه عايزاها تعاليلي ف اي وقت
جومانا: تمام
ريناد طلعت ورده من البوكيه: خدي دي ماتطمعيش ف البوكيه كله
(الاتنين ضحكوا وخرجوا)
سهير: كنتوا بتتكلموا في اي
ريناد: لا ولا حاجه
هاله: يالا الاكل جهز
ريناد: بقول انا هروح لأيلين
هاله: طب كلي الاول
ريناد: لا مش جعانه
***********
ايلين: تعالي نودع ميرنا
ريناد: محسساني انها مش راجعه تاني اي نودعها دي
ايلين: طب نسلم عليها
ريناد: ايلين هو في حاجه انتي مخبياها عليا
ايلين: لا ليه
ريناد بصتلها بحزن
ايلين: هو في ايه مالك
ريناد: مافيش.. يالا (وراحوا لميرنا وقعدوا معاها شويه وسبوها تنام عشان هاتصحى بدري وتاني يوم سافرت دبي هي ومحمد ومروان فضل يكلمها كل يوم وميرنا كانت مستمتعه مع والدها جدا وفضوا وقت طويل مع بعض
(وبعد اسبوع)في مكتب مراد
مراد: متأكده انك ماتعرفهوش
ريناد: لا ماعرفش حد بإسم علي محمد احمد دياب (وفضلت تردد الاسم) تؤ (وحطت رأسها بين أيدها)
مراد: طب اهدي نفكر مع بعض بهدوء
ريناد: انا متعرفه ايلين من سنين وماعرفش حاجه عن حياتها السابقه كل الي اعرفه اسم ابوها وامها بس اي حاجه تانيه لا ، ايلين مابتقولش حاجه
مراد: طب احنا ممكن نراقب الراجل ده
ريناد: وبعدين هانعمل ايه ، انا شفته امبارح طالع العماره
مراد: طب اهدي يا ريناد انتي بقالك اكتر من اسبوع حالتك النفسيه زفت اهدي واحنا هانلاقي حل قومي تعالي احرجك تشمي هوا
(خرجوا واتمشوا ع النيل)
ريناد: على محمد احمد دياب
مراد: خلاص يا ريناد ماتفكريش أن شاء الله هانلاقي حل
ريناد: انا خايفه ع ايلين
مراد: هانلاقي الحل أن شاء الله
ريناد: .....
مراد: تعالي أاكلك
ريناد: مش جعانه
مراد: ريناد أكلتك الفتره دي ضعيفه جدا
ريناد وحاست أنها مبسوطه: ماتخافش عليا
مراد محاول تغيير الموضوع: طب هيا ميرنا هاترجع امتى
ريناد: قالت 3 ايام واهو بقالها اسبوع ومارجعتش
مراد: وحشتك
ريناد: اكيد طبعا
قطعهم نضار: بتعملوا ايه هنا
ريناد: نضار !!
نضار: كنت ماشي بالعربيه شوفتكوا
ريناد: واقفين عادي
نضار: ازيك يا مراد
مراد بجفاف: كويس
ريناد: كنت رايح فين
نضار: كنت مروح
ريناد: بس انت طريق بيتك مش هنا
نضار: لا ماهو انا .. كنت بشتري حاجات يعني
ريناد: اممم
مراد: عن ازنك بقا يا نضار هانمشي عشان الوقت أتأخر
(في العربيه)
ريناد: حسيتك مش طايقه
مراد: واطيقوا ليه
***********
عند جومانا ف الشركه
جومانا:ماما انا هاروح انا بقا
سهير: ماشي يا روحي خلي بالك علي نفسك
جومانا: باي
(ونزلت ولسه هاتركب العربيه حد حط أيده علي كتفها ولفت بخضه)
جومانا بخصه: زياد بتعمل اي هنا
زياد: جيت اطمن عليكي لاحسن العفاريت تطلعلك
جومانا: هيهيهي خفيف اوي
زياد: هههه رايحه فين
جومانا: كنت مروحه
زياد: طب تعالي اوصلك
جومانا: معايا عربيتي
زياد: اخلصي
(وركبت معاه)
جومانا: بس ده مش طريق البيت
زياد: منا عارف ماقولتلكيش صح مش انا خطفك
جومانا: ويا تري بقا خطفني وموديني علي فين
زياد: اخر الدنيا
جومانا: قصره
زياد: قصره في واحده جايه من بلاد بره تقول قصره
جومانا: مانا متعلماه من ريناد
ظهرت علامات الحزن على وشه
جومانا: مالك
زياد: بقالها فتره متغيره
جومانا: ممكن يكون عشان ميرنا بعيده عنها
زياد: ممكن (ووقف العربيه)
جومانا: وصلنا
زياد: لا بجرب ازاي اركن .. انزلي (نزلوا)
جومانا: واااااو اي الجمال ده
زياد: عرفت أن انهارده عيد ميلادك
جومانا: بجد .. مش مصدقه نفسي انا كنت ناسيا بس انت عرفت ازاي
زياد: مصادري الخاصه بقا (وفتح العربيه وطلع علبه منها)
ودي هديتي يارب تعجبك
جومانا فتحتها لقت سلسله الماظ رقيقه: الله انا اول مره اشوف حاجه بالجمال ده
زياد وهو باصص في عيونها جامد: ايوه فعلا
جومانا بكسوف: احم مش هاتبطل بقا
زياد: ابطل ايه
جومانا: الكلام ده
زياد: انا مش عارف انتي عملتي فيا ايه وماببقاش علي بعضي ونا باصص في عيونك
جومانا من كسوفها ماعرفتش ترد
زياد: هاتي البسك السلسله
جومانا: احم اوكي
زياد وقف وراها ولم شعرها على جمب ولبسها السلسله وبكل حنان ورجع شعرها زي ماكان وحضنها من ضهرها ودفن وشه في شعرها واخد نفس عميق وجومانا كانت عماله تتنهد جامد وحاسه أن قلبها هايخرج من مكانه
زياد بعد ومسكها من ايدها: شكلها تحفه عليكي .. تعالي اوريكي بقيت المفجأه وجومانا اتحركت وحست بتوتر من مسكت أيده
***************
هاله: بكره هايتعرض الكتاب بتاعي هاتيجي
حسين: اكيد وهاخد اول نسخه وتوقيعك
هاله: هههههه
سهير: هيا فين جومانا صح
هاله: هيا مجتش معاكي
سهير: لا مشيت قبلي
هاله: لسه ماجتش
هنا وصل يوسف وايلين
هاله: كنتي فين يا ايلين بكلمك من الصبح
يوسف: كانت معايا
حسين: كنتوا فين
يوسف: لا كذا مكان
ايلين: جه خدني من النادي ووداني كذا مكان بس اليوم كان حلو
يوسف: فين زياد
هاله: لسه ماجاش اقعدوا
وهنا وصل مراد وريناد
ريناد: مساء الخير
الكل: مساء النور
سهير: امال بقا فين جومانا
ريناد: هيا مش عيله صغيره يتخاف عليها
رياض: خرجت قبل سهير وماجتش لحد دلوقتي
مراد: هرن عليها ثواني
يوسف لنفسه: الله يخربيتك يا زياد انت فين
هاله: بتقول حاجه يا يوسف
يوسف: لا لا خالص
حسين: انتي كويسه يا ريناد
ريناد: تمام يا بابا الحمد لله
هاله: كلتي انهارده يا ريناد
ريناد: يا ماما انا مش عيله صغيره
هاله بزعيق جامد: انتي مش شايفه نفسك خسيتي ووشك اصفر ودايما تعبانه انتي ليه بتعملي كده ف نفسك يا بنتي ماتتعبنيش قولي مالك فيكي ايه (وبدأت بالبكاء)
حسين: اهدي يا هاله مش كده
اهدي: انت مش شايفها
ريناد طلعت علي اوضتها وايلين وراها وهاله قعدت وحسين بيهديها
هاله: انا مش عارفه هيا بتعمل كده ليه
يوسف وقعد قدامها: طب اهدي وماتعيطيش
هنا مراد دخل: بتقول جايه.. ايه ده في ايه
رياض: هاتبقا كويسه ماتخافيش
مراد بخوف: ريناد حصلها حاجه
سهير: لا بس هاله اتخانقت معاها
(في أوضة ريناد بتعيط وايلين بتهديها)
اهدي يا ريناد طنط هاله خايفه عليكي وانتي فعلا مهمله في نفسك الفتره دي
ريناد بزعيق وسط دموعها: ما ده كله بسببك
ايلين بإستغراب: انا وانا عملت ايه
ريناد بعتاب: عملتي ايه .....، بتسألي عملتي ايه .. انتي كدابه انتي مش صاحبة حقيقيه عشان لو كنتي صاحبي حقيقيه ما كنتيش كدبتي على، فضلت اسالك كذا مره لكن مع ذلك فضلتى برضو تكدبي مع انك عارفه كويس اني بكره حاجه اسمها كدب امشي من هنا اخرجي بره عايزه افضل لوحدي
ايلين بحزن: طب فهميني انا عملت ايه
ريناد متذكره مقابلاتها مع الراجل: واوعي تكوني معتبره يوسف زي الشباب اللي بتتعرفي عليهم يوسف غيرهم بلاش تجرحيه
ايلين بدموع: اجرحه انا كنت مفكره انك اكتر واحده فهماني بس اتضح العكس انا اصلا بعمل كده عشان ماجرحهوش ...ا انا عارفه إن يوسف بيحبي ومن زمان جدا كمان بس مش عايزه اظلمه معايا لاني شخصية معقده جدا وبالنسبه للشباب الي بتعرف عليهم فاهما مش ولاد بس انا بتعرف علي بنات كمان وكلهم كأصدقاء انتي عارفه ليه عشان اشغل وقتي عشان انا من صغري متعوده علي اللمه عمري ماكنت لوحدي لحد ماجه اليوم الملعون ده وحياتي انقلب كلها عمري ماكنت لوحدي عشان كده بشغل وقتي عشان لو قعد لوحدي بتعب بتعب بجد والله ماحدش حاسس بالي جوايا ماحدش عارف حاجه .. بس انا مش وحشه اوي زي مانتي مفكره كده والله (وخرجت جري وهي بتعيط جامد وريناد تضايقت عشانها وخرجت وراها جرى)
ريناد: ايلين.. ايلين.. ايلين( في الوقت ده كان زياد وجومانا جم)
ايلين نزلت وخرجت بره بسرعه من غير ماترد عليها
يوسف لريناد: هو في ايه
ريناد بتعيط جامد
حسين قام ليها: ايه الي حصل
ريناد: انا غبيه (وقعدت علي السلم بتعيط جامد)
زياد: انا مش فاهم حاجه
يوسف: انا هاشوف ايلين (وخرج وراها)
مراد: مالك ياريناد هو انتوا قولتوا ايه
ريناد: انا هاروحلها (ولسه هاتقوم زياد قعدها)
زياد: لا خليكي يوسف راحلها بلاش تلخبطي الدنيا
هاله: احكي ايه الي حصل (ريناد مش بترد)
رياض: يابنتي قولي في ايه
ريناد انفعلت جامد: ابعدوا عني .. ماحدش ليه دعوه بيا سبوني في حالي بقا (وبدموع) ارجوكوا سبوني انا فيا الي مكفيني مش ناقصه ونبي
زياد: خلاص خلاص هانبعد بس اهدي (عماله تعيط)
زياد: روحوا اقعدوا سبوها تهدي شويه (والكل قعد وقلقان)
جومانا بدموع: انا اول مره اشوفها منفعله كده
سهير: اهدي اهدي مش انتي كمان
هاله: ياربي عيالي اتحسدوا .. هما اتحسدوا حبايب قلبي
مراد قاعد وباصص لريناد بحزن وهيا قاعده بتعيط وقامت عشان تطلع اوضتها وماكنتش عارفه تمسك أعصابها ومره واحده وقعت علي الارض مغشي عليها
ومراد جري بسرعه وجومانا صرخت وكلوا جري عليها
مراد حط رأسها ع رجله: ريناد ..ريناد ..ريناد فوقي
جومانا بعياط: هيا حصلها ايه
زياد جاب مايه بسرعه ورش قطرات علي وشها براحه بس مابتفوقش
هاله: يلهوي يلهوي بنتي
مراد بزعيق: اطلبوا الإسعاف بسرعه
رياض طلب الإسعاف
**********
يوسف وقف ايلين قدام العماره: اهدي بس تعالي كده ايه الي حصل
ايلين بعياط: سيبني يا يوسف ارجوك
يوسف: لا مش هاسيبك يا ايلين
ايلين بعياط: ماتسبنيش (ومالت ع صدره وهو ضمها جامد وفضل يحسس علي شعرها وهيا بتعيط وبتشهق)
يوسف: شششش شش اهدي اهدي
ايلين: خليك معايا ماتسبنيش
يوسف: عمري ماهسيبك ابدا يا ايلين
ايلين: بحبك (وهنا بيسمعوا صوت الإسعاف وايلين بتجري وبتشوفهم بيدخلوا ريناد العربيه ..وبدموع وصراخ) ريناد ريناااد مالها ايه الي حصل
يا زياد مالها ..ياطنط هاله في ايه .. حد يرد عليا
جومانا بعياط: أغمي عليها وبنفوقها مابتفوقش
ايلين: ركبت معاها هيا وهاله
في المستشفى الكل واقف قدام الاوضه وقلقانين وبيخرج دكتور والكل بيجري عليه: طمنا يا دكتور
حسام زميل ريناد: هيا جسمها ضعيف جدا ومحتاجه تغذيه ولو كنتوا سبتوها اكتر كانت ممكن تعمل عملية زرع نخاع
حسين وهاله بصدمه: اييييه
حسام: هيا لازم تفضل هنا كام يوم تحت المراقبه
مراد: طب ينفع ندخلها
حسام: اكيد بس بلاش تتعبوها هيا مجهده جدا ومحتاجه هدوء
***********
مروان: يعني انتي قايله 3 ايام وهارجع وبقالك8 ايام ولسه ماجتيش
ميرنا: ههه بصراحه يا مارو المكان هنا حلو اوي وخصوصا مع بابا
مروان بعصبيه: هاترجعي امتى
ميرنا: مش عارفه
مروان: ميرنا
ميرنا: ههه هه خلاص يا سيدي مش بعرف اكدب عليك احنا هانرجع بكره الصبح
مروان: وليه مش انهارده
ميرنا: ههه الصبح هانكون ف مصر
مروان: انتي عارفه انتي وحشتيني اوي وربنا
ميرنا حست بكسوف: المهم سلملي على نادين
مروان: الله يسلمك
ميرنا: هاقفل انا بقا عشان بابا جه
مروان: سلميلي عليه
ميرنا: الله يسلمك
***********
ايلين قاعده جمب ريناد وهاله قعدت من الناحيه التانيه
ايلين بدموع وماسكه ايد ريناد: انا اسفه .. انا اسفه والله مش هزعلك تاني بس اصحي وابقي كويسه
هاله: ايلين الدكتور قال محتاجه هدوء اهدي يا حبيبتي
ايلين: ح حاضر (حسين بيقف جمب ايلين وبياخدها ف حضنه)
حسين: اهدي يا حبيبتي هاتبقا كويسه ماتعيطيش
هنا ريناد بتصحي: ااه .. ااه .. انا فين
هاله وايلين: ريناد
زياد: انتي كويسه
ريناد: ايوه (وبتحاول تقوم بس مش قادره وهاله بتساعدها تقعد)
ايلين بدموع: انا اسفه ماتزعليش مني
ريناد: انا الي اسفه ومكنش لازم اتكلم كده
زياد: هو اي الي حصل
ريناد: انا بس عايزه اعرف مين الراجل الي بتقابليه ده ارجوكي قولي انا قلبي مش مرتاح
ايلين بخوف: ب بقابل م مين مباقبلش حد انا
حسين: انتي خوفتي كده ليه
ريناد بزعيق: بتكدبي تاني .. تاني يا ايلين
بصي انا مش هتعصب بس ارجوكي قوليلي مين علي محمد احمد دياب ده
ايلين ظهر ع وشها القلق والتوتر: ......
ريناد بعياط: ردي عليا مين ده وايه الفلوس الي بتديهاله دي
ايلين بعياط وخوف: مابقابلش حد انا مابقابلش حد
ريناد بزعيق وسط دموعها: انتي كدابه
مراد: اهدي يا ريناد
ايلين بدموع ورجاء: ارجوكي اقفلي الموضوع
يوسف: مين ده يا ايلين
ريناد بتعب: لو ماقولتيش مين ده تنسيني خالص وتقطعي علاقتك بيا
ايلين بتعيط
سهير: هو في اي لده كلو
ايلين بعياط: ونبي اقفلي الموضوع وبلاش تتكلمي عنه
ريناد: .......
ايلين بحزن وعياط: ده يبقي عمي
(الكل مستغرب)
ايلين بدموع: بعد وفاة ماما وبابا اخد فلوسهم ورماني في الشارع وبقيت لوحدي من غير حد حياتي اتدمرت وظهرلي من قريب واخد فلوس وهددني لو عرفت حد بده هيأزيكي انتي وميرنا أو يقتلني (زادت ف العياط) انا خوفت بس مش ع نفسي خوفت عليكوا فاسكت خوفت يعملكوا حاجه ده شيطان وانا ماليش حد غيركوا من بعد ماما وبابا مش مستعده اخسركوا انتوا كمان انتوا كل حاجه بالنسبالي خوفت ارجع وحيده تاني واليوم الي كنت فيه بعيط في شقتي ساعتها كان بسببه دخل الشقه .. وضربني و.. (فضلت تعيط جامد)
هاله: يا حبيبة قلبي حصلك ده كله واحنا مانعرفش(وحضنتها جامد)
وريناد فضلت تعيط جامد وحضنتها
حسين: ماتخافيش يا ايلين احنا معاكي وعمك ده ..
ايلين بخضه: لا لا ما ماحدش يعمل حاجه انا قولتله اني مش هقول لحد .. انا قولتله مش هقول لحد ونبي انا خايفه
يوسف مسك ايد ايلين وقومها واخدها ف حضنه جامد
ايلين بعياط: انا خايفه اوي يا يوسف
يوسف: ماتخافيش انا هانسيه اسمه كويس
زياد ومراد: احنا معاكي يا ايلين ماتخافيش
(جومانا بتعيط)
زياد مسك ايد جومانا بيطمنها
هاله واخده ريناد ف حضنها وبتحسس ع شعرها
مراد: ريناد ريناد (وقعد جمبها)
هاله: ريناد (مغمضه عينها ومابتردش)
(ندهوا للدكتور)
حسام: مش قولت يا جماعه محتاجه راحه وهدوء
حسين: اي الي حصل
حسام: جسمها ضعيف جدا مش مستحمل اي حركه ولا اي انفعال (بعد ازنكوا اخرجوا سبوها ترتاح)
*******
هاله: انا مش هاسيب بنتي هنا لوحدها
زياد: روحوا انتوا وانا هافضل معاها
حسين: يالا يا هاله زياد هايخلي باله منها
ايلين: انا هاقعد معاها
حسين: لا انتي مش هاتقدري تقعدي هاتيجي معانا
هاله: وهاتنامي ف أوضة ريناد
ايلين: بس
يوسف: مابسش هتروحي معاهم
ايلين: وريناد
مراد: انا وزياد هانفضل معاها
(الكل روح وزياد ومراد فضوا معاها ويوسف فضل يحقق بخصوص عم ايلين طول الليل)
(تاني يوم الصبح)
ريناد صحيت لقت مراد قاعد ع كرسي جمبها وماسك أيدها ونايم
ريناد فضلت بصاله ومبتسمه وبتحاول تقعد ومراد بيصحي وبيساعدها
مراد: انتي كويسه
ريناد: اممم فضلت قاعد هنا
مراد وأشار ليها ع الكنبه: وزياد
ريناد لفت وبصت: طب وايلين فين
مراد: ف البيت عندنا
ريناد: اي الي حصل بعد ...
مراد: انتي نمتي أو أغمي عليكي مش عارف انتي كويسه دلوقتي
ريناد: ايوه
مراد بعتاب: ليه عملتي كده ف نفسك يا ريناد انا هاجبلك اكل وهاتكلي كفايه كده بقا (وجه يمشي وقف وبصلها)
ريناد: ف ايه
مراد: أيدي
ريناد بصت لقت نفسها ماسكه أيده جامد سبتها بسرعه واتكسفت ومراد ابتسم جامد وخرج**********
هاله: جومانا اطلعي شوفي ايلين لو صحيت عشان نروح المستشفى
جومانا: حاضر
ف أوضة ريناد ايلين قاعده ع السرير والباب بيخبط ويتدخل جومانا
جومانا: انتي صحيتي
ايلين: مش لما انام الاول
جومانا: مانمتيش ليه
ايلين: وازاي يجيلي نوم هنروح لريناد امتى
جومانا: قومي البسي هانمشي دلوقتي
وبعد شويه بتنزل ولسه هايخرجوا ميرنا قابلتهم
ميرنا: وحشتووووني
هاله: ميرنا!
ايلين: فكرتك نسيتينا
ميرنا: هههه وانا اقدر (وحضنتهم كلهم بشتياء) امال فين ريناد وزياد ومراد
سهير: احنا كنا لسه خارجين نروح المستشفى لريناد
ميرنا مش فاهمه
جومانا: ريناد تعبانه ومحجوزه ف المستشفى
ميرنا بخوف وخضه: ريناااد مالها فيها أي ايه الي حصل عملتولها اي حد يرد عليا
هاله: اهدي اهدي (وحكتلها الي حصل عد موضوع ايلين)
خرجوا كلهم وكانوا لسه هايركبوا محمد بيقابلهم وبيفهموه وبيروح معاهم المستشفى
**********
ف المستشفى زياد اضطر يمشي ووصي مراد علي ريناد وبعد شويه ريناد بتكون نايمه بتعب ومراد قاعد جنبها وباصصلها بحب وفجأه الشباك بيتفتح بسبب الهواء وشعر ريناد بييجي ع وشها ويدايقها ومراد بيبعده عن وشها بهدوء وبيحط أيده ع خدها وبيمسك ايدها بالإيد التانيه وبيبوسها وهنا بتدخل ميرنا بسرعه وبتشوف مراد وبيتخض
ميرنا بزعيق ودموع: ريناااد ريناااد مالها فيها أي اصحي يا حبيبتي ريناد
ريناد بتتفزع من النوم
مراد: براحه يا ميرنا عليها
ريناد: ميرنا انتي جيتي امتى
ميرنا: ليه يا حبيبتي كده حرام عليكي افرضي حصلك حاجه
الكل بيدخل
هاله: يلهوى وشك مخطوف كده ليه ريناد
مراد: من الخضه بتاعت ميرنا
محمد: انتي كويسه يا ريناد
ريناد بتعب: يا جماعه انا كويسه مش عارفه ليه مكبرين الموضوع
حسين: عشان انتي تعبانه
ميرنا وقعدت جنبها ع السرير وباصه ع ايد ريناد: لا دي كويسه وكويسه اوي كمان (ريناد لاحظت انها ماسكه ايد مراد وبتسبها بسرعه والكل لاحظ)
ريناد: ماما مش انهارده
هاله: فكك من الكتاب اهم حاجه انتي
ريناد: لا يا ماما لازم تروحي ازاي يتعرض وانتي مش موجوده
هاله: ريناد مش لازم انهارده
ريناد: لا وتجبيلي نسخه وعليها توقيعك (وفضلت تتحايل عليها لحد ما وافقت)
هاله: بس شويه كده وبعد شويه الكل بيمشي عدا جومانا ومراد وايلين وميرنا وهاله
وبييجوا زياد ويوسف: عامله اي دلوقتي
ريناد: الحمد لله
يوسف: انا عرفت كل حاجه عن ابن ال #$!@
البنات بصلوا وبرقوا
مراد: الفاظك
يوسف: لامؤاخذه يا بنات
ميرنا: هو مين الي بيقول عليه
ريناد: بعدين
هاله: كمل
يوسف: بعيدا عن ان مش تمام عرفت متجوز وساكن ف *****
ايلين بتسرح وبفتكر أيامها زمان
يوسف: انتي كويسه يا ايلين .... ايلين ... ايليييبن
ايلين: هاا. نعم
ريناد: سرحتي ف اي
ايلين بحزن: لا بس افتكرت حياتي الاول ف ****
هاله: كل واحد زعلك كده هياخد جزاءه
ميرنا: انا مش فاهمه حاجه
يوسف: تعالي يا ايلين ثواني (وبيخرجوا)
ميرنا: هو في اي
هاله بتفهمها
ميرنا بحزن: يا حبيبتي يا ايلي
وبتدخل نهي ومعاها محلول: انا كان عندي احساس انك هاترقدي هنا بسبب عدم الاهتمام ده حمد الله على السلامه يا دكتور
ريناد: الله يسلمك يا نهي
نهي بتشيل المحلول المتركب وبتغير الكلونه وايد ريناد بتنزل دم مكان الابره وجمانا بتشهق وبتلف بسرعه ونهي بتغير الكالونه لريناد والمحلول
نهي: هامشي انا بقا عشان شغلي لاحسن المديره تقتلني
ريناد: ههه
نهي: مش ده الي نسيتي معاها موبايلك واتخانقتي معاه هنا
ريناد: ايوه
نهي: سبحان مغير الاحوال (خرجت)
مراد: جومانا انتي كويسه
زياد بيروح لجومانا وبسندها وكانت دايخه: اي ده مالك
مراد: عندها حساسية من الدم
موبايل ميرنا بيرن: يلهوي ده مارو ... الو
احنا ف المستشفى ..... لا دي ريناد تعبانه ومحجوزه ...... تمام مستنيينك .....ايوه هيا ...سلام (قفلت)
زياد ومراد: جاي
ميرنا: ايوه
*********
يوسف: احكي
ايلين: احكي اي
يوسف: عايز اعرف كل حاجه عن حياتك الاول
ايلين: مش وقته
يوسف: كنت عايز اعرف كنتي مبسوطه ازاي عشان اعرف اعوضك
ايلين ابتسمت
يوسف: طب فكك احنا كنا بنتكلم قبل ماتيجي الإسعاف وتقطعنا
ايلين: ايوه
يوسف اخدها ف حضنه: وكنا كده وقلتيلي حاجه
ايلين فهمت قصده وابتسمت: مش فاكره قول انت
يوسف بيبصلها جامد: اقول اي
ايلين بصت ف الأرض بكسوف: ماتبصليش كده
يوسف رفع وشها ليه: ولو بصيت هاتعملي اي
ايلين بخجل: يوووووه .... ولسه هاتمشي مسكها من ايدها وشدها ليه ولف أيده حول وسطها وقربها ليه اكتر
يوسف: ع فين
ايلين بتوتر وكانت بتترعش وبتنهج من سرعه نبضات قلبها: ر ريحه ل لر ريناد
يوسف بيقلدها: ح حلوه ا اوي وان انتي متوتره هههههه
ايلين وشها احمر: بطل
يوسف: مش قادر اخبي اكتر
ايلين بعدم فهم: ت تخبي اي
يوسف: بحبك
ايلين بصتله وهيا بتتنهد جامد وصوت نبضها عالي ولسنها اتربط وماعرفتش ترد وهو قرب بإبتسامه وبسها من خدها وفلتت من أيده وجريت ودخلت أوضة ريناد بسرعه
******
ريناد: ايلين مالك
ايلين بتترعش وبتنهج جامد ومتوتره ووشها احمر
ميرنا مسكت أيدها: يلهوي ايدك متلجه وبتترعش جامد
جومانا: هو اي الي حصل
زياد: طب فين يوسف
ايلين اول مابتسمع اسم يوسف بتتوتر اكتر وبتحس أن رجليها مش شايلاها وبتقعد
ريناد: ايلين في اي
مراد: انا مش مطمن هاخرج اشوف يوسف
(يوسف بيدخل)
زياد: في اي يا يوسف اي الي حصل
يوسف بإبتسامه وهو باصصلها: يارب نخلينا ف حالنا
الكل مش فاهم عدا ريناد بتفهم وبتبتسم
زياد: انت اهبل يلا
ايلين ف سرها: يلهوي حاسه اني هايغمي عليا اهدي يا ايلين ريلاكس ريلاكس وبتتنهد
هنا بيوصل مروان
ميرنا: مااااروو (وبيحضنوا بعض جامد)
مروان: حمد الله على سلامتك يا ريناد
ريناد: الله يسلمك يا مارو
مروان: هو اي الي حصل
زياد: ضعيفه شويه من قلت الاكل
مروان: الف سلامه
زياد: انا هاخد جومانا برا جو المستشفى شويه
جومانا: ايوه ياريت انا حاسه اني هايغمي عليا من ريحة الادويه والبينج
زياد: عايزين حاجه نجبها معانا
ميرنا: ....
يتبع
#كتابة خديجه وليد
