يوسف: كابوسك مات خلاص هتعيشي سعيده خلاص ومش هاتستخبي تاني خلاص يا ايلين الكابوس انتهي
مسك ايدها وباسها وقام عشان يخرج وقفه صوتها
ايلين بخفوت: ي يو يوسف
يوسف قعد جمبها بفرحه: ا ايلين ان انتي فوقتي انتي صاحيه صح، اخيرا وحشني صوتك اوي كنت بتألم كل ماشوفك نايمه كده
ايلين بدموع: ضا ضا ضربني ق قتل اهلي ه هو الي قتلهم حرقهم هو الي خلاهم يسيبوني ه هو الي حرمني منهم وعذبني وطردني وسرق كل حقوقي قتل اهلي (وفضلت تسرخ جامد وتبكي وتعيد في الكلام) هو الي قتلهم هو السبب في كل الي عشته هو الشيطان ده هو هواا يوسف اخدها في حضنه جامد قلبه بيوجعه لما يشوفها في الحاله دي: عيطي طلعي الي جواكي ماتكتميش طلعي كل الي حبساه في قلبك من سنين طلعي وارتاحي
ايلين وسط عياطها: ح حرمني من حضننهم حرمني منهم انا عملت اي لكل ده حرام عليه انا كنت سعيده بوجودهم جمبي ك كنت سعيده
يوسف: خرجي قولي اصرخي عيطي ماتكتميش جواكي تاني يا ايلين
ايلين: انا عايزه ماما وبابا عايزه حضنهم عايزاااااااه (وفضلت تصرخ وتعيط ويوسف ضممها ليه جامد لحد ماهديت وراحت في النوم)
يوسف: ده كله حبساه جواكي اشتياقك ليهم وجرحك بفراقهم وحزنك هترتاحي لما تطلعيه (وفضل يتكلم ويحسس علي شعرها لحد مانام هو كمان)
_________________
ريناد: هو احنا هانقعد في اوضة واحده
رياض: انتوا خلاص اتجوزتوا ودي حاجه طبيعيه لما تفضلوا في اوضه واحده مؤقتا لحد مانشوف الي بعد كده اي
ريناد سكتت وماتكلمتش لانها لو اتكلمت هاتزعل الي قاعدين منها لانها بتتعصب مابتعرفش هيا بتقول اي وان حد يجبرها ع حاجه دي بتموتها مش بتعصبها بس فافضلت انها تسكت
سهير: طول عمري كان نفسي اشوف ابني عريس واعمله اكبر فرح هو وعروسته مش بالشكل ده
رياض: بعد مالمشاكل دي تخلص نبقي نعمل الفرح المهم انا همشي دلوقتي ورايا شغل مهم .... مشي ومروان ومحمد استأذنوا ومشيوا
سهير: مراد حاول تتصل علي جومانا يمكن ترد عليك مختفيه من الصبح
مراد: حاضر يماما
ريناد وميرنا خرجوا في الجنيه وريناد طلعت صور لأيلين وفضلت تتأملها بحزن واتجمعت في عيونها الدموع
ميرنا بدموع: انا قلبي واجعني اوي وحشتني ووحشني هزارها وضحكها ولماضتها هو احنا ليه بيحصل معانا كده ليه كده مره واحده ليه الدنيا غداره كدا
ريناد: عدموا علي الكلب
ميرنا بعياط: وبعد ماعدموه اي الي حصل، ايلين رجعت، كل حاجه رجعت زي ماكانت لاصلها، انا اه فرحت لما قرأت الخبر بس برضوا لسه موجوعه علي فرقها انا عايزاها هيا انا عايزه صاحبتي انا عايزااهاااا (وفضلت تعيط جامد وريناد اخدها في حضنها وفضلوا يعيطوا)
______________
جومانا: الو
مراد: انتي فين يا جومانا
جومانا بتوتر: اناا انا في الشركه
مراد: ماما بتقول انك مش هناك
جومانا: ماهووو اكيد هيا ماشفتنيش
مراد بفهم انها بتكدب: جومانا
جومانا: مش هاينفع
مراد: جومانا
جومانا: طيب انا هقولك بس ماتقولش لحد
مراد: هو في اي يجومانا
جومانا: انا مع زياد
مراد كل الي فهمه من الجمله دي سوء وقال وهو كاتم غضبه: مع زياد ازاي يعني وبتخبي ليه وفين وبتعملوا اي
جومانا: مش زي مانت فهمت زياد محجوز في المستشفى وفي العنايه من امبارح
مراد اتسعت عينه: انتي بتقولي اي
جومانا: خد رصاصه
مراد بغضب: انتي فين
جومانا: مستشفي ****
مراد قفل وخرج بسرعه وخلال عشر دقايق كان وصل المستشفي وعرف مكان الغرفه وطلع ودخل لقي جومانا قاعده جمب زياد وزياد نايم عاري الصدر وفي جرح في صدره وعليه شاش ولزق طبي ومتعلقله محلول وحطين ليه كمامة التنفس الصناعي
مراد: زياد! .... هو اي الي حصل
جومانا: مراد! .. لحقت
مراد: اي الي حصل لزياد
جومانا: ماعرفش يوسف الي عارف هو الي قالي وكمان قالي ماقولش لحد عشان المشاكل وكفايا .. وكفايه عليهم
مراد: ازاي يعمل حاجه زي كده افرضي حصلوا حاجه ... مايكونوش اهله جمبه
جومانا: وطي صوتك يا مراد
مراد: طب هو عامل اي دلوقتي الدكتور قال اي
جومانا: قال انه المفروض يفوق انهارده او بكره وبكده هايتعدي مرحلة الخطر
مراد اتنهد جامد وحط ايده علي وشه
جومانا: هايبقا كويس ان شاء الله وحست انها مش هاتقدر تمسك دموعها اكتر لفت وشها الناحيه التانيه ومراد لاحظ وجاب كرسي وقعد جمبها ولف وشها ليه وكانت دموعها نازله
مراد: بتحبيه
جومانا هزت راسها بالإيجاب ومراد ابتسم ابتسامه خفيفه واخدها في حضنه وهيا فضلت تعيط وتشهق
مراد: انتي كده بتزعجيه
جومانا حاولت تكتم عياطها
مراد: عيطي يبنتي ماتكتميش طلعي الي جواكي
__________بعد ساعات__________
يوسف وايلين نايمين في حضن بعض ع السرير
ايلين فتحت عيونها براحه وبصت ليوسف وهو نايم وابتسمت وفضلت سرحانه في وشه وفاقت من شرودها ويوسف بيفتح عيونه وفضلوا باصين لبعض شويه ومش حاسين انهم في حضن بعض ع السرير
يوسف فاق من شروده: بقيتي كويسه
ايلين هزت راسها بالإيجاب وفورا لاحظوا الي هما فيه وقاموا بسرعه وايلين شدت الكانولا من ايدها
يوسف بسرعه: ليه
ايلين بتوتر: ا احنا نمنا ك كده ازاي
يوسف: انا اسف والله ماحستش بنفسي لما نمت جمبك
ايلين: انا فين
يوسف: في شقتي
ايلين اتسعت عينها
يوسف انا هافهمك كل حاجه بس اقعدي انتي تعبانه وشرحلها الي حصل من الاول******
ايلين: اتعدم وراح خلاص م مش هايهددني بحياتي ولا حياة اي حد بحبه تاني
يوسف: لا خلاص خلص الكابوس يا ايلي
ايلين حضنته جامد وفضلت تعيط وتشكره
يوسف: ده واجبي انا وزياد
ايلين: طب وريناد وميرنا
يوسف: حالتهم كلهم بقت وحشه وطنط هاله ماكنتش بتاكل ولا بتتكلم وعمي حسين تعب وعمل عمليه في قلبه وحالته وحشه وخلا مراد يتجوز ريناد
ايلين بصدمه: ايييي
يوسف حكالها الي حصل بالتفصيل بما فيهم زياد
ايلين قعدت علي الارض وفضلت تعيط: انا السبب ف كل ده اناا السبب
____________
في اخر الليل مراد رجع البيت بعد ماحاول يقنع جومانا تروح هيا وهو يبات مع زياد بس معرفش وكان امله انه يلاقي ريناد نامت عشان ماتحسش بوجوده طلع وكان مرهق جدا وفي الاوضه كانت ريناد قاعده بتعيط ومش عارفه تنام واول ماحست بحد داخل الاوضه عملت نفسها نايمه بسرعه مراد دخل واتنهد وبعد طلع هدوم للنوم ودخل واخد شور وخرج ونام ع الكنبه بس هو كمان ماعرفش ينام وبعد معاناه منهم ناموا بس مراد رجع صحي علي صوت ريناد
ريناد: عاا ليه ليه سبتني انا ملحقتش افرح كنت مبسوطه وحسيت الدنيا ابيضت في وشي وفجاه اسودت ليه، ليه مابتكملش فرحه في حياتي (وبصراخ) ليييييه سبتني ليييييه
مراد جري عليها
وبخوف ريناد ريناد فوقي فوقي ده حلم ريناااد
فاقت من نومها مفزوعه بتنهج وبتعيط
مراد بحنان: اهدي اهدي .. ده حلم .... مجرد حلم
وبيمسح دموعها واخدها في حضنه: شششش خلاص اهدي وفضل يحسس ع شعرها لحد ماراحت في النوم وعدلها ورجع نام ع الكنبه وباصص لريناد وعنده فضول يعرف مين ده اللي سابها وفرحتها ماكملتش وتاني يوم
ريناد صحيت بإرهاق وحاسه ان جسمها مكسر قامت وافتكرت الحلم ومراد بصت عليه وراحت لعنده
ريناد بصوت واطي: مراد مرااد
مراد فتح عيونه براحه وشافها وابتسم
ريناد: شكرا ليك ع الي عملته بالليل
مراد اتعدل: لا عادي
ريناد كانت هتدخل تاخد شاور بس مراد ندهلها
ريناد: نعم
مراد: احم انا كنت عايز اقولك ماتقلقيش من وجودي معاكي في نفس الاوضه انا هعتبرك زي جومانا بالظبط ومش هادايقك ولا هتدخل في خصوصياتك ماتخافيش
ريناد اتردد في داغها "انا هعتبرك زي جومانا" وادايقت وقالت ببرود: عايز تقول حاجه تانيه
مراد بإستغراب من تحولها: لا
ريناد ببرود اكتر: طيب ودخلت الw.c
مراد: مالها دي
_______________
ايلين: انا عايزه اخرج يا يوسف اتطمن عليهم كلهم
يوسف: حاضر يا ايلين اتأكد بس الاول انك بقيتي كويسه انتي جسمك ضعيف اوي الدكتور علي وصول ويشوفك خليكي بقا قاعده علي السرير وماتقوميش
ايلين: حاضر
وبعد شويه الدكتور جه واتفحصها وكتبلها علي ادويه فيتامينات ومعادن ومشي
يوسف: شوفي مش قولتلك ان جسمك ضعيف
ايلين: يعني اي مش هاتخرجني
يوسف: لا
ايلين ظهر عليها النرفزه
يوسف: مش قبل ماتكلي الاول وبعدين تاخدي شاور وتلبسي ونمشي
ايلين حضنته جامد بفرحه
يوسف: هجبلك الاكل
________________
جومانا قاعده جمب زياد ومرعوبه لان ده اليوم التالت ولسه مافقش
جومانا: ارجوك فوق، زياد حبيبي انت سامعني ارجوك اتحسن بسرعه انت راعبني عليك انا بموت من غيرك وسندت راسها ع السرير وفضلت تعيط وقطعها صوته: وانا بموت فيكي
قامت بخضه ممزوجه بفرحه: زيااد وحضنته وفضلت تبوس كل حته في وشه وبعدت بسرعه اول ماسمعت صوت تأوهه
جومانا بتوتر: ا ان انا اسفه انت كويس الجرح بيوجعك انده للدكتور يادكتور ولسه هتخرج
زياد مسك ايدها: اهدي ماتندهيش لحد
جومانا قعدت: طب في حاجه وجعاك
زياد بخبث: بقيت كويس اول مابوستيني
جومانا: الحمد لله ير (وسكتت اول ماخدت بالها من الي قاله)
زياد ابتسم ليها وفضل باصص في عيونها وده خلاها تحس بخجل اكتر وبصت في الارض
زياد: انتي لو تعرفي بعشق شكلك وانتي مكسوفه كده قد اي هتقولي بكدب
جومانا وشها احمر وباصه في الارض
زياد حاول يقوم جومانا قامت بسرعه وساعدته يقعد ومسكها وخلاها تقعد جمبه علي السرير وشها ليه
جومانا: كده مرتاح في قعدتك
زياد: اممم
جومانا بتحاول تظبط انفاسها السريعه بسبب ضربات قلبها القويه زي مايكون هيخرج من مكانه
زياد: لا خلاص مش قادر وشدها ليه وباسها من شفايفها بشوق شديد وجومانا اتصدمت وجسمها اتجمد وضربات قلبها زادت وراحوا في عالم تاني وفاقوا علي صوت الدكتور
الدكتور: احم احم
بعدوا بسرعه بخضه
زياد بغضب: انت ازاي تدخل من غير ماتخبط
الدكتور: انا خبط بس الظاهر انكوا كنتوا ف دنيا تانيه وماسمعتوش
جومانا كانت حاسه بإحراج شديد بس زياد حلها
زياد: مراتي ووحشاني معترض
الدكتور: لا خالص انا بس بقولك الي حصل واني ماكنش قصدي وانا بعتذر منك
زياد: لا عادي
الدكتور: حمد الله على السلامه واتفحصه
انت بقيت كويس وتقدر كمان تخرج انهارده
زياد: تمام
الدكتور: انا هكتب لحضرتك ع خروج وبعتذر لحضرتك والمدام مره تانيه وخرج
جومانا: عجبك كده
زياد: ماهو مفكرك مراتي
جومانا بعصببه وقربت منه: زياد لو بوستني تاني قبل مانتجوز هازعلك فاهم
زياد بإتسامه: يعني انتي موافقه تتجوزيني يا وتيني
جومانا حست بإحراج ولهت الموضوع: قوم عشان تجهز ونخرج من هنا
__________عند حسين وهاله__________
في غرفه كبيره وراقيه وجميله وموقعها ممتاز فالها فرانده من زجاج تدخل ضوء الشمس وورود تملئ الغرفه فاهي ليست غرفة اي احد انها غرفه والد ريناد ياساده ربيع قلبها
هاله وكانت بتأكل حسين: بالهنا والشفا يحبيبي
حسين: بس كفايا
هاله: حاضر
حسين: امال فين زياد (وكان كل كلامه بهدوء عشان تعبه)
هاله: مش عارفه اخر مره شوفته قبل ماتعمل العمليه بس انا قلبي مش مطمن
حسين: طب رني عليه شوفيه
هاله رنت وجومانا كان معاها الموبايل
جومانا: دي طنط هاله
زياد: هاتي
ورد
زياد: بابا عمل اي
هاله: مهتم انت اوي ده انت مزرتهوش من ساعة العمليه
زياد: انتوا الي مهتمين اوي ها المهم عمل اي الاول
هاله: كويس الحمدلله
زياد: تمام عشر دقايق واكون عندك
وقفل وكان خلص لبس بمساعدة جومانا وخرجوا وكانت جومانا اتصلت بالشوفير قبلها وكان وصل وركبوا واتجهوا للمستشفي
وفي مكان تاني كانت ريناد لبست الاسود ونزلت وهكذا مع مراد ورياض وسهير واتجهوا للمستشفي
______________
ايلين خرجت بسرعه من الشقه وجريت بإتجاه الاسنسير مسرعه
يوسف: طب استهدي بالله براحه انتي لسه تعبانه
ايلين وكانت حاسه بدوخه: لا لا انا كويسه وفجأه يوسف سندها لانها ماكنتش ماسكه توازنها
يوسف: متأكده
ايلين: انا كويسه بس عايزه اشوف اونكل حسين بسرعه
يوسف: حاضر ونزلوا وركبوا واتجهوا للمستشفي
_____________
زياد وجومانا وريناد والباقي وصلوا في نفس الوقت
ريناد اتسعت عينها لما شافت زياد لابس حامل الذراع وجريت عليه
ريناد: زياد اي ده مال دراعك
زياد: حاجه بسيطه ماتخافيش بقيت كويس
ريناد بعصبية: ماتقول با زياد في اي الي حصل
زياد: انتى بتتعصبي عليا
ريناد: اخلص يا زياد
رياض: رد يا زياد انت بقالك يومين مختفي ودلوقتي دراعك مش سليم ووشك مخطوف
زياد: طلقه...
قطعته ريناد بخضه ودموع: طلقه طلقه اي مالك يا زياد
زياد: والله انا كويس
في الوقت ده وصل يوسف وايلين مقاطع كلامهم
وايلين نزلت بسرعه
وظهرت الصدمه علي وش الكل عدا زياد ومراد فاهما عارفين
ريناد اتصلبت مكانها مش مصدقه عينها معقول الي شايفاه ده حقيقي وفجأه وقعت مغشي عليها ومراد جري عليها وايلين وجومانا والباقي واقف مصدوم
مراد شالها بسرعه ودخلوا وواحده من الممرضين جريت عليهم
الدكتور مالها
مراد: عايزين سرير
الممرضه دلتهم وحطها وبعدين بل ايده ونطر علي وشها بعض قطرات المايه وفاقت بهدوء ومراد ساعدها تتعدل
ايلين بقلق: انتي كويسه (وفجأه لقت الصفعه علي وشها جامد)
ريناد بزعيق: وهابقا كويسه ازاي بعد الي عملتيه انتي ازاي تعملي فيا كدا ازااااي
ايلين بصتلها بدموع وريناد اخدتها في حضنها جامد وفضلوا يعيطوا وتأثر من الكل
سهير: انا مش مصدقه الي انا شايفاه وصرخت عفرييييت وجريت برا الاوضه وصدمه الكل
زياد: حمدالله بالسلامه يا ايلين
ايلين وخرجت من حضن ريناد وبتمسع دموعها: الله يسلمك
ريناد اخدتها في حضنها تاني: انا بجد عرفت قمتك لما روحتي كنت محتاجه لحضنك اوي
ايلين ضمتها اكتر
جومانا: لا انا عايزه حضن انا كمان بقا بجد هو انتي عايشه بجد ولا انا بحلم
ريناد وايلين فتحوا ايدهم وهما لسه في حضن بعض وجومانا دخلت معاهم في الحضن
وضحكه من الكل
رياض: سلامتك يا ايلين
ايلين: الله يسلمك يا اونكل
زياد: عملت اي صح يا يوسف في القضيه
يوسف: خلصتها واتعدم وده كله وحضرتك في البطيخ
زياد: بس بزمتك ماتخضتش عليا، حمد الله على السلامه يا ايلي وحرك ايده علي شعرها وكانها طفله
ايلين: شكرا ليكوا مش عارفه من غيركوا كنت عملت اي
رياض: تفهموني بقا
يوسف: الدكتور ساعتها لحقها من الموت بس احنا اتفقنا نمثل انها ماتت ربنا يطول في عمرها ويخليهالنا يعني
لحد مايتم القبض ع المجرم وكل الي ساعده في الجريمه وعشان ماتتعرضش لحالات الاعتداء لمحاولة القتل تاني واتفقنا الموضوع مايخرجش برانا احنا الاربعه زياد وانا ومراد والدكتور وخبيناها في مكان آمن لحد مالخطر زال
رياض: وانت يا زياد كنت شايف حالة امك واختك وعادي فكك من ابوك عشان كان متماسك شويه بس دلوقتي ضهرت الاعراض الجانبيه
زياد: كان ضميري بيأنبني بس ده الي كان لازم يحصل والا كانت راحت مننا بجد
رياض: فاهمك بس يا ترا هما هيفهموك يالا عشان نشوف حسين
الكل خرج وراحوا عند حسين وكان الصدمه برضوا وعدم الاستيعاب وبعدين الاحضان والدموع وبعد شويه
هاله: اخص عليك يا زياد وهونت عليك
ايلين: هو مالهوش ذنب هما كانوا عايزين حمايتي والا كان هايبقا خبر موتي حقيقي "وبنرفزه" وبعدين انتوا بتلوموه هو بس ليه ماقدامكوا مراد ويوسف وهما كمان اشتركوا في الموضوع ولا هو زياد عشان غلبان هاتيجوا عليه وكمان الدكتور كان عارف وهو اصلا الي كدب
هاله بإبتسامه: وحشتيني ووحشتني طرقتك في الكلام الغبيه دي بالإضافة انك عندك حق ماتزعلش يحبيبي مني
ايلين: اشكرني بقا لولايا كنت هاتبات برا البيت
زياد: شكرا ليكي يا ايلين لو سمحتي ممكن تقبلي شكري ليكي
ايلين: بتتريق
قطعتها هاله بخضه
اي ده مال دراعك
زياد: اي ده انتي لسه واخده بالك ابعدوا بقا سيبوني اسلم علي ابويا وراح حضن حسين
وبعد شويه وصلت ميرنا مسرعه هيا ومروان بعد ماريناد اتصلت بيها وقالتلها ع الخبر وكان الكل خرج من عند حسين عشان يرتاح وكان نام وهاله روحت تجيب بعض المستلزمات وتاخد شور و..الخ
ف مكتب ريناد الشباب متجمعين عدا مراد كان ف الشركه عشان في وفد مهم
ميرنا دخلت مسرعه بتدور بعيونها ع ايلين واول ماوقعت عينها عليها وقفت متسمره مصدومه وفجأه وقعت مغشي عليها وهيا بتقول ايلين
جريوا عليها وفوقوها وبعد ساعه
يوسف: كفايه يميرنا خنقتيها كفايه احضان
ميرنا: انت ازاي اصلا تخبي عننا حاجه زي كده
مروان: دي عاشر مره تسأليه ويفهمك بجد كتير
ميرنا: اه صحيح كنت عايزه اقولك ع حاجه
ايلين: اي هيا
ميرنا: ريناد اتجوزت
ايلين: ايوه يوسف قالي
يوسف بص لزياد: احم طب براحه يجدعان عشان زياد مايعرفش هاتوا الموضوع واحده واحده
ميرنا: ريناد ومراد اتجوزوا اول امبارح
زياد بعدم اقتناع وصدمه: نعم .. مين دول الي اتجوزا
ريناد شرحت الموضوع
زياد: انا دماغي لفت مش مصدق ان ممكن حاجه زي دي كان ممكن تحصل
ريناد: انا مدايقه اكتر منك يزياد لاني عمري ماكنت اتمني اني اتجوز بالطريقه دي بالإضافه اني اتجبرت ع كده ودي حاجه وحشه اوي بالنسبالي وغير كده خايفه ع بابا وضغوط كتير .. كتييير اوي
زياد قعد جمبها واخدها ف حضنه وفضلت تعيط
ميرنا: مراد شخص كويس ع الاقل دي حاجه حلوه
زياد: فعلا يريناد هيا عندها حق واختيار بابا كان صح مراد هيراعي ربنا فيكي ومش هيزعلك
ريناد وهيا بتمسح دموعها وبتبعد عن زياد: المشكله كلها انه بيحبني
يوسف: طب ودي حاجه وحشه انتي المفروض تفرحي انه بيحبك
مروان: فعلا ده معناه انه هايهتم بيكي من كل النواحي وهيخاف عليكي وهايراعيكي
ريناد مقاطعه: انا مش بحبه
ميرنا ببرود: لا مش حوار انك مش بتحبيه الحوار انك مش عايزه تدخلي علاقه تانيه بعد الي حصل
ايلين: مش كفايه انك غيرتي من تصرفاتك وبقيتي واحده مانعرفهاش مش ريناد بتاعت زمان
مش كفايه انك اعتزلتي الغني وبعدتي عن كل اصحابك بس لولا احنا ساكنين جمبك كنتي نسيتينا احنا كمان
اتغيرتي اوي اوي
ميرنا: انا وايلين فضلنا قريبين منك اوي الفتره الي فاتت دي عشان لو مكناش عملنا كدا كان زمان كل كلامنا ازيك عامله اي، تمام
بعدتي عن ناس كتير مالهمش ذنب باللي حصل مش ذنب حد ولا حتي ذنبك انه مات اه مات ف نفس اليوم الي اعترفتوا فيه بمشاعركوا بس ده مش بسببك ده قدره وجه دور مراد حبك ووقف جمبك في الشده وساعدك ولما كنتي ف المستشفي هو الي كان بيسهر جمبك نظرته ليكي كفيله انها تحكي كل الي ف قلبه ناحيتك وف الاخر راجعه تقولي ومن غير نفس انا مش بحبه
بصتلها بطرف عينها وخرجت وايلين وراها
يوسف: ممكن مايكنش وقته وكفايا كده لحد دلوقتي بس هما عندهم حق ف كل كلمه قالوها عن ازنكم هاخد ايلين هتقعد ف الشقه لحد مانشوفلها بيت جديد غير الي اتحرق ومشي هو كمان
مروان: فكري يريناد ماتضيعيش من ايدك شخص زي مراد صديقيني هو يستاهل تديلوا وتدي نفسك فرصه
وخرج
وهنا دخلت جومانا: زياد انا هروح لو هتمشي انت كمان يالا عشان اساعدك
زياد بص لريناد: ريناد ع قد اني زعلت من الخبر بس ف نفس الوقت فرحت، زعلت عشان كان نفسي ابقا جمبك ف لحظه زي دي حتي لو كانت ع الديق وفرحت لانه فعلا شخص شهم وجدع ومحترم وحنين وفوق كل ده بيحبك وهيصونك، هاسيبك لوحدك تفكري يمكن تديلوا فرصه وخرج مع جومانا
وريناد قاعده مش عارفه تفكر تايهيه خايفه تديلوا فرصه تتحطم زي زمان خايفه تفتح قلبها ليه يزود الجروح مش يداويها
______عند ايلين وميرنا______
يوسف: ايلين يالا عشان اروحك
ميرنا وكانت بتعيط: تروحها فين
يوسف: الشقه الي كانت فيها
ميرنا: لا هيا هتبات معايا
يوسف: لا ياميرنا وبص لمروان عشان يفهم ميرنا
مروان: يوسف عنده حق المكان هناك مناسب واشار لميرنا بعينه عشان تسكت وهو هايفهمها
يوسف: يالا يا ايلي
ميرنا: طب تقعد شويه
يوسف: تعالي معانا واقعدي معاها زي مانتي عايزه
ميرنا: اوكي تعالي بمارو معانا
وركبوا وري ويوسف بيسوق وايلين جمبه
ميرنا بهمس: مش عايز يجبها عندي ليه بقا
مروان بنفس الطريقه: هو معترض علي الكمباوند كله اصلا اوعي تنسي ان الحادثه حصلت هناك وعمها قابلها هناك قبل كده هو عايز يبعدها عن الصور دي شويه لحد ماتبقا تمام
ميرنا: اه فهمت
مروان وهو بيمسح بعض الدموع الي كانت ع خدها وبحنان: بلاش اشوفك بتعيطي تاني
ميرنا حست بخجل من قربه منها وضربات قلبها ف تزايد شديد ومحاولات منها بتنظيم انفاسها المضطربه بس بدون جدوي فالمست ايده لخدها زادت من كل ده
يوسف بص ف المرايا وشافهم وابتسم
ايلين: يوسف
يوسف: عيونه
ايلين وهيا بتفرك ايدها بخجل: هو انت ليه بتحبني
يوسف: ودي محتاجه سؤال هو الحب بيبقا لسبب
ايلين: رغم كل الي عملته ويوضح اني مش كويسه فضلت متمسك بيا
يوسف: واي الي انتي عملتيه بقا
ايلين: سهري كل يوم مع واحد شكل
يوسف: ده كان بيخليني انهار مش اتعصب بس كان بيدمرني بس عشان بحبك فضلت متمسك بيكي
ايلين: يوسف انت ماتعرفش انا كل مادخل شقتي والاقي نفسي لوحدي بعد ماكنت اتعودت اني اول مادخل بيتي احضن بابا وماما وبعد ماتعودت اننا ناكل مع بعض ونتمرن ونجري مع بعض ونلعب مع بعض ونتفرج ع افلام مع بعض بعد ماتعودت ع الحنيه والالفه والدفي كل ده يختفي مره واحده ف لحظه ومايتبقاش حتي ذكري كنت بحاول اسهر واتعب نفسي عشان لما اروح اترمي ع السرير وانام من كتر التعب علي طول واهرب من الافكار والجروح دي كلها بس مع ذلك كنت بحس بالفرق كنت بحس بالوحده فضلت اني ادير النادي عن الاذاعه عشان افضل مشغوله طول اليوم ومفكرش ف الماضي والي كنت عايشاه والي بيقيت فيه كنت بحاول اشغل نفسي وكنت خايفه افتحلك قلبي اعقدك من الي انا عايشاه ده
يوسف وقف العربيه
مروان: وصلنا
يوسف لأيلين ومسح دموعها
ميرنا اي ده ايلين مالها وبتقرب لقدام تشوف ايلين
مروان شد ميرنا ليه ووقعت ف حضنه: سيبيهم يتكلموا سوا
ميرنا ضربات قلبها بقت مسموعه وتوترها بقا واضح اول مانفاسه الدافيه لمستها وجسمها بيترعش: ح حاضر
مروان حس بتوترها وماحبش يزوده واتعدل ف القعده
يوسف: انا اسف
ايلين: ليه بتتأسف
يوسف: كان لازم ابقا قريب منك اكتر كان لازم افهم كل ده منك من زمان واسمع كل الي جواكي واشاركك في احزانك
ايلين: متتأسفش لاني ساعتها ماكنتش هحكي او ابين
يوسف: لا كان بيبان عليكي عينك بتبقا فضحاكي بس كان لازم ابقا مصر اكتر اني اطلع كل الي انتي كتماه
ايلين: وانا يكفيني اصرارك انك ماتخالتش عني رغم كل الي حصل
يوسف باس ايدها مما خلا ايلين تتوتر: وانا عمري ماتخلي عنك ابدا
ايلين: احم وبصت ف الارض
يوسف ضحك وكمل الطريق
_____ عند جومانا وزياد______
جومانا: هو اي الي كنت بتكلم ريناد عنه لما دخلت
زياد: ع موضوع جوازها هيا ومراد
جومانا: اي ده هما هيتجوزا
زياد: انتي متعرفيش
جومانا: لا لسه عارفه منك
زياد: هما اتجوزوا
جومانا وقفت العرببه بسرعه: اييي انت بتقول اي
زياد حكالها
جومانا: ده كله حصل وانا ماعنديش خبر
زياد: ماهو عشان حبيبت قلبي كانت قاعده معايا ف المستشفى وقرب وطبع بوسه ع خدها
جومانا بكسوف: يوووه يزياد بتوترني
زياد: ولو مكانتش انا اوترك مين هيوترك
جومانا: انت رخم علي فكره ومجنون
زياد: بيكي يا وتيني
جومانا كملت الطريق وماردتش عليه عشان ماتتوترش اكتر
_______ف اخر اليوم ف بيت الاسيوطي_______
ريناد بنرفزه: يعني اي يعني مش فاهمه وبابا قالك كده امتى
رياض: الكلام ده انهارده انا مقدر موقفك كويس يريناد
ريناد: لو انت مقدرة فعلا يا اونكل كنت حاولت تقنع بابا انه مايعملش كده مش مكفيكوا يعني الاوضه
رياض: حسين شايف ان ده الصح وانكوا لازم بكره تنزلوا وتدوروا ع الفيلا الي هتعيشوا فيها بقيت عمركوا
سهير: هو اه مراد يبقا ابني بس برضوا انتوا كده بتضغطوا ع البنت
جومانا: يا بابا مش كفايه جوزتوهم مره واحده كده ادوهم فرصه يتعودوا ع بعض كده حتي وبعدين يبقوا يشوفوا الفيلا
رياض: ماهو موضوع الفيلا ده عشان يتعودوا ع بعض اسرع ساعتها مش هيبقا في غيرهم فاختطلاتهم هايكون اكتر فايتعودوا ع بعض اسرع وبكره هتوصلكوا بعض النمازج للفيلل وهتختاروا وخلال يوم من اختياركوا هتكون جاهزه ومافيش نقاش لما مراد ييجي ابقي بلغيه يريناد تصبحي ع خير
وطلع وسهير طلعت وراه ومفضلش غير جومانا
ريناد قعدت وحطت وشها بين كفيها وفضلت تعيط بحرقه وجومانا قعدت جمبها وضمتها لحضنها وفضلت تطبطب عليها
_____عند يوسف_____
ميرنا: تفتكروا علاقة ريناد ومراد هتكمل
ايلين: مش عارفه
مروان: انا عن نفسي متفائل
يوسف: وانا جدا ع فكره هما لايقين علي بعض
ميرنا: من ناحية لايقين فاهما لايقين بس نفسي ريناد القديمه ترجع وتنسا الماضي بقا ده مش زمبها هاتفضل كده لحد امتى
ايلين: هيا هتفضل طول عمرها شايفه انها سبب موته
مروان: يحبيبتي ده قدره وده عمره الي بتفكر فيه ده تخلف عقلي
يوسف: اي حبيبتك دي
ميرنا: ايوه فعلا اي حبيبتك دي
مروان: اي بتغيري عليا
ميرنا: وانا هغير ليه يعنيا المهم بابا بيرن هامشي بقا
ايلين قامت حضنتها
ميرنا: انت يا يوسف هتبات هنا
يوسف: هيا بتنام ف اوضه وانا ف اوضه والشقه كبيره وكل حاجه هتحتاجها موجوده ف اوضتها w.c ومايه واكلات خفيفه يعني امان
ميرنا: مش قصدي وبعدين طول ماهي معاك تبقا ف امان طبعا سلام
الاتنين: سلام
ومشيت هيا ومروان
ووصلها بعربيته الي خلا الشوفير يجيبها وراهم وطول الطريق ميرنا ساكته
مروان: مش عادتك يعني
ميرنا: هو اي
مروان: تفضلي ساكته كده في اي
ميرنا: وهيكون في اي يعني الله
مروان وقف العربيه وميرنا اتخضت: في اي يميرنا
ميرنا: مافيش حاجه يمروان
مروان: بما انك قولتي مروان يبقا في حاجه اي مزعلك وبص ف عيونها
ميرنا اتوترت جامد ومش فاهمه سبب ده ولسانها اتربط وماعرفتش تنطق
مروان حس بتوترها ومسك ايدها: هو في اي مالك يميرنا هو انتي خايفه مني
ميرنا بسرعه: لا بس روحني
مروان: ميرنا
ميرنا: روحني
مروان دور العربيه من تاني ومش فاهم ميرنا مالها ووصل لحد باب الفيلا
مروان: مش هتقولي برضوا في اي
ميرنا كانت هتعيط ونزلت بسرعه ومشيت
مروان مش فاهم هو اي الي حصل خلاها كده ومشي
وميرنا طلعت اوضتها وفضلت تعيط وبتتردد ف ودانها يحبيبتي ده قدره: فاكره انك قولتلي قبل كده ان كلمة حبيبتي دي مش بتقولها غير ليا عشان بتعتبرني مميزه عندك ودلوقتي بتقولها لايلين بكل بساطه
وانا مالي يقولها ولا لا وانا اي مضايقني دي مجرد كلمه ودخلت واخدت شاور ونامت
_______تاني يوم_______
يتبع......
#كتابه خديجه وليد
