ريناد: ايه ده لا ههه انا مش متعوده علي الكلام ده
نضار: هو انا قولت حاجه دنا لو قولت بحر كلام مش هاعرف اوصف سحر عيونك ولا جمالك ولا بصتك الي تدوب القلب من اول نظره ... انتي جوهره
ريناد بخجل: احم يعني .. اناا .. مش عارفه .. اقوول اي ..قصاد الكلام الحلو ده
نضار: اول مره اشوفك مكسوفه ماكنتش اتوقع انك تزيدي جمال بالشكل ده
ريناد بضحكة خجل: ده من زوقك
نضار: ريناد بصراحه كده .. احم يعني انا معجب بيكي
٭٭٭٭٭٭٭٭٭٭٭٭٭٭٭٭٭٭٭٭٭٭٭
[في بيت الاسيوطي]
مراد واقف في الفرانده في اوضته وسرحان بيفتكر مواقفه مع ريناد وفجاه فاق من شروده: انا عمال افكر فيها ليه Surely I am tired, I will sleep better
(بالتأكيد أنني متعب سوف اخلد الي النوم افضل)
«ودخل ينام وبعد شويه ريناد رجعت وايلين وميرنا ومحمد الي كان جه بعد ماريناد مشيت وقعد معاهم شويه وبعدين روحو والكل نامو »
_______تاني يوم________
ريناد نزلت واتجهت للخارج
هاله وكانت قاعده بتقرأ كتاب: علي فين
ريناد: جرا اي ياست انتي مش كل اسبوع علي كده
هاله: ست.! ست يا عديمه التربيه (ورمتها بالمخده من جنبها علي الانتريه)
ريناد: يعني يوم ماتضربي تضربي بالمخده طب دوريلك علي حاجه ناشفه
«هاله بتمسك الكبايه»
ريناد: لا لا لا لا خلاص انا اسفه انا اسفه
هاله: ايوه كده اتعدلي
ريناد: ماما بقولك (واتجهت نحوها ) بقولك هو انا امبارح مع مراد ده كنت وقحه اكيد لا هو الي مستفز ماهو لو ظلماه كان تعب نفسه ورجع جابهولي انا مش غلطانه ايوه
هاله: انتي بتغني وتردي علي نفسك مش ده مراد الي كنتي روحك فيه وانتي صغيره وفقدتي النطق من كتر الزعل لما سافروا اي حصل بقا وبعدين هو كان هايودهولك بكره الي هو انهارده عشان الوقت ساعتها أتأخر وبعدين ماكنش ينفع تكلميه كده فكرتيني
ريناد: كلمته ازاي يعني
هاله: ريناد فكك من الهبل ده ابوكي كان هايقوم يضربك بس مسك نفسه عشان كلو كان قاعد وعمك زعل وطنط سهير كمان لازم تتأدبي اكتر من كده وماتقوليش عصبيه وتتحكمي في تصرفاتك انتي مابقتيش صغيره
ريناد: ماهو استفزني ببروده يا ماما وبعدين انا هاعرف منين أنه ابن عمي
هاله: حتي لو مش ابن عمك مايصحش
ريناد: طيب يا ماما هو يستفزني وانا اسكت
هاله: هو ماستفزكيش هو اتكلم بهدوء وانتي الي كنتي عماله تزعقي
ريناد: ايوه ... ماهو بهدءه ده استفزني
هاله: يعني يعلي صوته مش عاجبك يوطيه مش عاجبك عايزاه يعملك اي انتي احرجتيه بإتهامك ده هو احنا مش معلمنكوا انكو ماتخدوش الامور علي شكلها السطحي لإن ده يبقا جهل ريناد الطريقه الي اتصرفتي بيها دي طريقه واحده لسه صغيره لازم تكوني اعقل من كده فكري في كلامي وانتي ماشيه وبعقل وانتي هاتعرفي انك غلطانه
ريناد: هوووف حاضر يا ماما عايزاني اجبلك حاجه معايا
هاله: رايحه تجيبي اكل للعصافير
ريناد: ايوه
هاله: تمام ....
ريناد: اوكي سلام
هاله: لا استني
ريناد: نعم
هاله: ادخلي اسألي اسماء لو في حاجه ناقصه في المطبخ تجيبيها وفكري
ريناد وهيا داخله: حااضر
*********
«عند ميرنا»
محمد: اي يا حبيبتي مش ناويه تقومي بقا ولا اي
ميرنا بنعاس: انهارده اي
محمد: الجمعه
ميرنا: اي ده الله ماعنديش شغل انهارده
محمد: صحيتي دلوقتي
ميرنا وهيا بتتمطع: صحتني من احلي نومه
محمد: طب قومي يالا عشان نفطر
ميرنا: حاضر
محمد وهو خارج: اخلصي
ميرنا: حااضر
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
في مول ريناد كانت بتعمل shopping وفجأة قابلت يوسف
ريناد: يوسف بتعمل اي هنا
يوسف: بلعب تعالي العبي معايا
ريناد: لا بجد
يوسف: بتسوق يا بنتي الف بعد الشر عليكي من العمي
ريناد: ههههه لا أصلها غريبه يعني أنك انت الي تخرج تجيب طلبات البيت دانت امك مدلعاك اخر دلع
يوسف: ده قدامكوا بس
ريناد: ههههه
يوسف: وانتي بتعملي اي
ريناد: بشتري اكل للعصافير وطلبات للبيت (وابتدوا يتمشون مع بعض )
يوسف بص علي العجله الي فيها طلاباتها: وهيا العصافير بتاكل شبسي .... نوتيلا
ريناد: وطلبات للبيت طلبااااات للبيت
يوسف: خلااص
ريناد: وليا ههههههه
يوسف: عسل ياريناد ما شاء الله عليكي
ريناد: عارفه
يوسف: ايه الثقه دي وهو انتي لسه بتحطلهم الاكل
ريناد: مين
يوسف: العصافير
ريناد: يابني امال الفراندا الطويله العريضه دي علي الفاضي بحط اكل عشان لو اي طير معدي ياكل .. صح
يوسف: صح
ريناد: اي بقا ماشوفتكش امبارح خالص ليه مش عادتك
يوسف: عادي بقا
ريناد: مالك شكلك مايطمنش .. قول
يوسف: مخنوق
ريناد: من اي
يوسف: ولا حاجه
ريناد: لا في .. اقولك احنا نروح كافيه حلو كده ونقعد فيه وتحكيلي عشان اكيد ماينفعش هنا
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
«في بيت الاسيوطي»
سهير: لا لا لا
هاله: تعالي بس
سهير: امال الخدم اي فايدتهم
هاله: الخدم بيعملوا كل حاجه لكن الاكل حسين مش بيرضي ياكل غير من ايدي
سهير: شوقتيني اعرف ليه
هاله: عشان بيحب اكلي مش كيمياء
*******
(في المطبخ)
هاله: الحكايه وما فيها إن حسين بيحب الاكل من ايدي انا وبس والقهوه يا إما انا يا ريناد
سهير: امممم
هاله: ماتزعليش منها هيا ماتقصدش بس هيا لما بتتعصب بتتكلم بغباء كده من غير ماتاخد بالها
سهير: ابني ادايق
هاله: انا كلمتها وفهمتها .... اه صح نسيت اقولك
سهير: اي
هاله: اختي سيمون جايه انهارده بعد الصلاه عشان تقضي معانا اليوم هيا بتيجي كل جمعه عمتا يعني
سهير: سيموون وهيا عامله ايه
هاله: كويسه الحمد لله اسكتي اول ماعرفت انكوا جيتوا فرحت اوي
سهير بإبتسامه: بجد
هاله: اه وحشتيها اوي والضحك بتاع زمان
سهير: اه كان دمها خفيف اوي
هاله: وبتسلم عليكي
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
«في مطعم ريناد ويوسف قاعدين»
ريناد: خلصنا اكل اهو قول بقا اي الي مدايقك
يوسف: بصي مش هاخبي عليكي من الاخر كده انا بحب ايلين
ريناد بإبتسامه: قول حاجه جديده
يوسف: كنتي عارفه
ريناد: كلنا عارفين
يوسف بصدمه: ايه
ريناد: ايلين مش عارفه
يوسف: هو باين عليا
ريناد: اوي كفايه بصتك ليها
يوسف: مش عارف اعمل اي
ريناد: هو اي الي حصل
يوسف بضيق: بحبها يمكن كلمه بحبها دي قليله حاولت كتير ابين ليها بس مش عارف هيا بتعمل هابله ولا هيا فعلا مش حاسه بصي انا عارف كويس ان الشباب والحوارات دي هيا في نيتها كأصدقاء بس لما روحتلها النادي امبارح لقيت واحد بيحضنها اتعصبت وماقدرتش امسك نفسي وزعقتلها وقالتلي أنه حضنها فجأة وماكانتش تعرف بس مش عارف حاسيت أن قلبي اتحرق ساعتها ومشيت بسرعه وفضلت قاعد طول اليوم امبارح لوحدي انا كل مره بتتكلم فيها عن اي شاب من الي بتتصاحب عليهم بيبقا يوم ما يعلم بيه الا ربنا ريناد انا تعبت اوي بحبها ومش عارف اعمل ايه
ريناد: طب اهدى.. اهدى طيب .. عشان خاطري اهدي
يوسف: انا تعبت والله
ريناد: ماهو طول مانت مهتم بيها عمرها ماهاتفكر فيك
يوسف: ازاي
ريناد: هيا البنات كده عايزه الي يطنشها يا يوسف
يوسف: ازاي
ريناد: كده يا يوسف بطل تلمحلها بالكلام وتعاكس فيها
يوسف: تؤ غباء مش عايز يا ريناد
ريناد: ليه الغباء ؟
يوسف: عشان اصلا مش بكلمها ولما اعمل الي بتقولي عليه هايبان قدامها اوي اني بغير وعلي رأيك البنات عايزه الي يطنشها
ريناد: ايوه مانت هاتكلمها ولا كإن في حاجه حصلت
يوسف: انتي حماره ماترسيلك علي بر يا إما اطنشها يا إما اتعامل ولا كإن في حاجه حصلت مش الاتنين مع بعض غباء مش عايز انا مش طايق نفسي
ريناد: تؤ افهم انت هاتعاملها الاول ولا كإن في حاجه وبعدين هاتقلل اهتمام زي الاول
يوسف: مش فاهم
ريناد: بص احنا مثلا هانقعد مع بعض هاتهزر ونضحك ولا كإن حاجه حصلت وبعدين مثلا تهزر معايا ونتكلم ونضحك مع بعض كده بس
يوسف: اي الهبل ده يا ريناد
ريناد: يا سيدي جرب
يوسف: هايبان اوي اني مطنشها
ريناد: يا عم انا هابقا احطلك النقط علي الحروف بس انت فكك كده وبلاش عياط وشغل عيال انت عارف لو شوفتك بتعيط تاني هاتتهزق فاهم
يوسف لاحظ الدموع الي نزلت من عيونه من غير هايحس
ريناد: بتحبها اوي يا يوسف
يوسف بسرحان: بحبها
ريناد بإبتسامه: وانا متأكده انك هاتكسب قلبها يا يوسف
يوسف: شكرا
ريناد: علي اي بس بس اتقل عشان البنت بتزهق من الساب الواقف اوي
يوسف: الحب مافيهوش كده
ريناد: بيتهيألك
يوسف: فعلا بيتهيألي أنها هاتحبني
ريناد: ليه التشائم ده طيب
يوسف: نفسي تحبني
ريناد: هاتحبك إن شاء الله بس انت خف
يوسف: حاضر
ريناد: وماتعيطش
يوسف: ماخلاص انتي هاتمسكيهالي ذله
ريناد: انا غلطانه
يوسف: بس ماحدش يعرف حاجه عن القعده دي
ريناد: حاضر أو مش حاضر
يوسف: يالا يا بت من هنا
ريناد: يالا عشان خالتو زمانها جت وانا عايزه اقعد معاها شويه
يوسف: اه صح دي جايه انهارده
ريناد: ايوه انت نسيت ولا اي
****************************
(في بيت الاسيوطي) في أوضة زياد كان نايم عاري الصدر وفي طفل في سن التاسعه من عمره قاعد جنبه علي السرير وبيشد في شعر زياد
الطفل: قووووم قووووم
زياد: ماتبس يلا بقا عايز اتخمد
الطفل: لااااااا قووم نلعب مصارعه
زياد: يابابا اسكت هاقوم اضربك
الطفل: قووم
زياد بعدم صبر: نعم يا حبيبي عايز اي قومت اهو(وقام من علي السرير)
الطفل فضل يطلعوا في لسانه ويرفعله في حواجبه
زياد بعدم صبر: طب ليه يارب
الطفل: أو أو وفضل يطلع لسانه قومتك وانا مش عايز حاجه أو أو😛
زياد شده وشأله علي كتفه وخرج بيه برا والولد فضل يصرخ وزياد ماهتمش وكمل وقابلته جومانه في الطرقه
جزمانه بزعيق: ايه ده انت بتعمل اي في الولد انت مجنون سيبه هايموت في ايدك يا متوحش
زياد: ايه يا قلبي
جومانه: متوحش ومجنون كمان سيب الولد يا متخلف
زياد: امم (وقرب منها جامد لدرجة ان انفاسها الدافيه لمست وشه) مابلاش تستفزيني عشان ببقا متوحش ومجنون اوي فعلا لما بتعصب
جومانه وقربت اكتر: وانا مش بخاف منك ونزل الولد وإلا هاتندم
زياد: وانا عايز اندم وريني بقا
جومانه بصت عليه كله وحسن بطوله وعرضه وبضعفها قدامه: آانا ممكن اخليك تندم بس صعبت عليا نزل الولد بقا بالزوق قبل ماغير رأيي
زياد وفضل يضحك جامد عليها
الطفل: ابعد عايز انزل
جومانه: بتضحك علي اي
زياد: ولا حاجه انزل يابني(ونزله من علي كتفه) والولد خبط جومانه علي بطنها جامد وجري
جومانه: اااااه
زياد: ههههه كنتي عايزاه ينزل
جومانه: ايه ده
زياد: لا اتعودي عليه هو كده يقلبي (واداها بوسه ف الهوا ومشي وجومانه فضلت باصه عليه وهو ماشي)
زياد: هاتفضلي باصه كتير
جومانه: ايه ده بيشوف من ظهره ده ولا اي (ونزلت)
********************
هاله: دانيا اطلعي شوفي عمر فين بسرعه قبل ما يدخل اوضه الكاميرات بتاعت الهانم ولا يدخل يصحي زياد
(دانيا بنت سيمون اخت هاله عندها 21 سنه وجميله الشكل وطولها وسط)
دانيا: دي عاشر مره اجيبه انا تعبت
هاله: مانتي لما تجيبيه تخليه جنبك مش تسيبيه
سيمون: اطلعي يالا هاتيلي الزفت ده
دانيا: يا ماما بقا
سيمون بدفاع: اخلصي
دانيا: يووووه
(وطلعت)
سهير: شقي اوي
سيمون: انتي لسه شوفتي حاجه
هاله: قوليلها
الثلاثه: هههههههه
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
دانيا طالعه علي السلم وقابلت جومانا: هاي
جومانه: هاي
دانيا: انتييي جومانه
جومانه: ايوه
دانيا ومدت ايدها: ازيك انا دانيا
جومانه سلمت: بحاول افتكرك
دانيا: ماما تبقا اخت طنط هاله
جومانه: اااه افتكرتك
دانيا: طب بقولك ماشوفتيش عيل صغير كده
جومانه: اه ضربني وجري
دانيا: اوبس ماتزعليش هو عيل متخلف شويه
جومانه: لا لا عادي انا بحب الاطفال اصلا
قطعهم زياد: ازيك يا رانيا عامله ايه
دانيا بهجوم وزعيق خضت جومانه: اسمي دانيا دانيااا
زياد وخبطها علي كتفها وهو نازل: دانيا
دانيا: اااه يا غبي
زياد: لما تنزليلي
دانيا: غبي .. عن ازنك يا جيجي بقا ادور علي اخويا
(وطلعت)
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
(تحت)
زياد: ازيك يا خالتوا عامله ايه
سيمون: كويسه يا حبيبي وانت اي اخبارك واخبار الشغل
زياد: انا تمام والشغل خلصت اخر مهمه وخدت اجازه
سيمون: لا يا راجل بقا انت تاخد اجازه ده انت شغلك اهم من عيلتك
قطعهم رياض وكان نازل علي السلم: ربنا يوفقه ويحميه يارب
سيمون: ازيك يا رياض عامل ايه
رياض: انا تمام الحمد لله وانتي ايه اخبارك واخبار فريد جوزك
سيمون: احنا كويسيين الحمد لله
رياض: امال فين فريد
سيمون: مسافر في شغل والمفروض هايرجع بكره
هاله: وعرفتيه أنهم رجعوا
سيمون: لا خليها مفجأه هايفرح اوي اصلوا كان بيحبك اوي يا رياض
رياض: وانا كمان بحبه
(وبعد دقائق الكل اتجمع في الصالون)
زياد: هيا فين ريناد دخلت أوضتها قبل مانزل مالقتهاش ولا موجوده هنا وكانت فين امبارح
هاله: كانت بتتعشي برا مع دكتور نضار
زياد بعدم تقبل: نضار
هاله: جه امبارح وماحبتش تكسفه
زياد: والله
هاله: خلاص بقا يا زياد
زياد: وشوبنج ايه ده الي دلوقتي
هاله: راحت تجيب اكل للعصافير وقولتلها تجيب معاها حبة حاجات كده للمطبخ بس مش عارفه هيا اتأخرت ليه
حسين: خارجه بقالها قد ايه
هاله: ثلاث اربع ساعات كده
زياد طلع موبايله واتصل بيها
سهير: وانتوا خايفين عليها اوي كده دي خرجت تعمل شوبنج مش تحارب
سيمون: لا أصل ريناد النوتيلا بتاعت البيت والكل بيحبها وبيخاف عليها اوي وخصوصا زياد
زياد بغضب: الو انتي فين ومش بتردي ليه
ريناد: *************
زياد: اتأخرتي ليه
ريناد: **************
زياد: ثانيه والاقيكي هنا
ريناد: حاضر(وقفلت)
يوسف: في اي
ريناد بضيف: مش عارفه بيزعق ومتعصب
يوسف: طب يالا عشان ده لما بيتعصب بيبقا هتلر في نفسه
ريناد: يالا
(وخرجوا)
ريناد: هاتيجي عندنا انهارده
يوسف: يعني ممكن
ريناد: لا اكيد العيله كلها متجمعه انهارده لازم تيجي
يوسف: حاضر اقعد مع الجماعه شويه الاول
ريناد: جماعه
يوسف: في حاجه
ريناد: لا خالص
يوسف: طيب
ريناد: يالا سلام عشان اشوف زياد ماله
يوسف: سلام
(وكل واحد ركب عربيته ومشي)
********************
هاله وحسين: في ايه يا زياد
زياد: مافيش عن ازنكوا (وخرج برا في الجنينه)
رياض: هو ايه الي حصل
حسين: لما ريناد تيجي هانعرف ده لما بيتنرفز ماحدش بيعرف يكلمه غيرها
*************(عند ريناد في العربيه)
ريناد في الموبايل: طيب مع السلامه (قفلت)
الواحد حيران يعمل ايه والله يوسف بيحب ايلين وايلين مش بتحب يوسف أو بتحبه ماحدش عارف اااه يا ايلين غبيه في حد مايخدش باله من حب كده
***********************
(عند ميرنا) وكانو قاعدين بيتفرجوا علي البوم الصور
محمد: وحشني الضحك ده بقالنا كتير ماقعدناش مع بعض القعده دي
ميرنا: انا بحبك اوي يا بابا وبحب حنيتك عليا اوي يارب مايحرمني منك ابدا (وباست ايده وهو خدها في حضنه)
محمد: انتي اغلي حاجه ليا في الدنيا دي من بعد والدتك
ميرنا: وانت احلي حاجه ف حياتي يا بوبتي
محمد: ههههههههه
ميرنا: بابا هو لو ابو وام ايلين كانوا عايشين كانت هاتكون فرحانه عن كده صح
محمد: ده نصيبها يا حبيبتي وبعدين احنا كلنا عيلتها
ميرنا: أما اروح لها زمانها قاعده لوحدها أو نايمه
محمد: الاتنين مع بعض
ميرنا: هههههه يالا هامشي انا بقا
(وخرجت وقابلت ريناد برا)
ميرنا: كنتي فين
ريناد: جرا ايه يا جدعان كنت بجيب اكل للعصافير
ميرنا: اه صح
ريناد: وطلبات للمطبخ .. علي فين
ميرنا: لأيلين ماتيجي
ريناد: اشطا هادخل الحاجه واشوف زياد عشان متعصب وأسلم ع خالتو واا
ميرنا: ده انتي قدامك موال
ريناد: اه تعالو انتو
ميرنا: اشطا باي
ريناد: باي
وكمان ريناد بالعربيه ودخلت وندهن لشعبان يشيل معاها الحاجه
شعبان: نعم يا ست هانم
ريناد: شيل الحاجات دي وسيب دي( وأشارت للشنطه الي فيها اكل العصافير)
شعبان: حاضر ياست هانم
( وشال الشنط ودخل وريناد خدت الشنطه ودخلت وراه)
شعبان: احط الحاجات دي فين يا ست هانم
ريناد: دخلها المطبخ
شعبان: حاضر ياست هانم
هاله: قولي ايه الي حصل
ريناد: فين زياد
سيمون: برا في الجنينه
ريناد: ازيك يا خالتو عامله ايه (واترمت في حضنها)
سيمون: بالهوية النوتيلا بتاعتي ياختي
ريناد: هههه
دانيا: وبعدين يعني
ريناد بعدت عن سيمون وحضنت دانيا: عامله ايه
دانيا: احسن منك
ريناد وهيا حضناها مسكتها من شعرها: عامله ايه
دانيا: كويسه كويسه
الكل ضحك
ريناد: ناس مابتجيش الا بالعين الحمرا
دانيا: هههه
قطعهم شعبان: تؤمري بحاجه تاني يا ست هانم
ريناد: اه قولي يا ريناد بلاش ست هانم دي
شعبان: مايصحش ياست هانم
ريناد: ريناد سهله ريناد
شعبان: ريناد هانم
ريناد: روح كمل شغلك يا شعبان
(دانيا كتمت ضحكتها)
شعبان: عن ازنكوا
ريناد: وانتي اهدي شويه
دانيا: حاضر
ريناد: فين زياد
سيمون بهجوم: ماقولنا في ام الجنينه في ايييه .. الله
حسين: انتي بتتكلمي براحه ليه قومي خديها شبشبين ع دماغها
سيمون: هاتعصبني
ريناد: مانا مش بحبك من مافيش
سيمون: قلبي (وحضنتها)
رياض: ايه ده .. ايه ده
هاله: لا انت خد علي كده ههههه
ريناد: عن ازنكوا بقا
دانيا: هاتتنفخي
ريناد: بس عشان ركبي بتخبط في بعضها
(وخرجت لزياد وكان مديها ظهره)
ريناد: صباح الخير
زياد لف وبصلها بعصبية: كنتي بتعملي اي مع الي اسمه نضار ده امبارح وبعدين قاعده معاه لوحدك ليه اصلا
ريناد: عادي جه لحد هنا وطلب مني أخرج اتعشي معاه وماكسفتهوش
زياد بهجوم وعصبيه وصوت عالي خض ريناد: يعني ايه ماكسفتهوش انتي متخلفه انتي ازاي تخرجي معاه اصلا
ريناد بضيق (بسبب أنه عالي صوته عليها): هو في ايه وفيها ايه يعني لما اتعشي معاه وبعدين انا مابقتش صغيره
زياد بعصبيه اكبر: لا لسه صغيره وهاتفضلي صغيره واياكي حاجه زي دي تتكرر تاني
ريناد: لا هاتتكرر ومالكش دعوه انت مالك انت اصلا
زياد مسكها من كتافها وبصوت عالي: يعني ايه مالي انتي متخلفه انت مستوعبه انتي بتقولي اي وقسما بالله لو شوفتك عملتي كده تاني لكسرلك عضمك اديني قولت عايزك تكرريها
ريناد والدموع اتجمعت في عينها: زياد وطي صوتك
زياد أدرك نفسه وهدي واتكلم براحه: ريناد انا بدايق لما اشوف حد مقرب منك تمام حوار قعادك مع نضار ده مايتكررش تاني (ومشي)
وريناد: قعدت علي الكرسي وفضلت تعيط
وجوه زياد وهو داخل قابل حسين
حسين: كنت لسه جايلك
زياد: نعم يا بابا
حسين: بتزعق لأختك ليه
زياد: مافيش يا بابا
حسين: اتكلم يا زياد ايه الي حصل
زياد: بابا انت ليه سمحتلها تتعشي مع نضار
حسين: نضار مين .... اه افتكرته
زياد: ايوه ليه بقا
حسين: زياد حبيبي اختك مش صغيره وبعدين هيا ماحبتش تكسف الشاب ورجعت بسرعه وبعدين مافيش بنهم حاجه دول زمله بس
زياد: ولو يا بابا
حسين: زياد عارف انك بتغير عليها
زياد: يابابا انا بموت لما اسمع إن في حد قرب ليها بس
حسين: عارف بس لو فضلت تعمل كده هاتخنقها منك امال لما تتخطب هاتعمل اي هاتضرب خطيبها
زياد: مش عارف
حسين: هه طب يالا ارجع كده عشان تصالح اختك
زياد: حاضر
حسين: وخف غيره
زياد: ماقدرش
حسين: ربنا يخليكوا لبعض
***********************
دانيا: ماتلمي ابنك ده يا ماما بقا
سيمون: يالهوي سيب الكاميرا
(عمر كان ماسك كاميرا بتاعت ريناد)
جومانه: حلوه الكاميرا دي بتاعت مين
دانيا: بتاعت ريناد
هاله: هات يا عمر إلا دي يا حبيبي
عمر رماها علي الارض جامد وجري
دانيا وسيمون وهاله: هييييي
**************************
ريناد كانت قاعده وحاست أن في حد جاي فامسحت دموعها بسرعه
حسين: ريناد انتي بتعيطي
ريناد من غير ماتلف ليه: لا يا بابا مش بعيط واعيط ليه
زياد اتجه ليها ووقف قدامها: ايه ده انتي بتعيطي
ريناد بصت الناحيه التانيه: لا مش بعيط
زياد بندم ومسك أيدها: انا اسف والله ماكنتش عايزك تعيطي يا قلبي انا بغير عليكي بغباء وبحبك وغصب عني والله انا ماقدرش اشوف دموعك كده انا اسف (وحضنها)
(وريناد فضلت تعيط جامد في حضنه)
زياد: انا اسف .. انا اسف مش هاتتكرر تاني
حسين: هههه يالهوي عليكي يا رينه تباني من بره قويه لكن في الحقيقه انتي من اقل كلمه بتعيطي زي الاطفال
زياد: لا انا غلطان انا الي زعقتلها جامد
حسين: وانت تبان عصبي ورخم لكن في الحقيقة حنين اوي من جوه ... ماتتخانقوش تاني ها
ريناد: ابعد كده(وبعدت زياد) مالكش دعوه بيا انسان بارد (وجت تمشي راح ماسك أيدها)
حسين: ماتسيبيه يصالحك
ريناد: مش عايزاه يصالحني يا بابا عن ازنك (ومشيت)
حسين: دماغها ناشفه البس بقا
زياد: ......
****************************
هاله مسكت الكاميرا واتفحصتها وخدت نفس عميق: الحمد لله ماتكسرتس (وقعدت)
زهنا مراد نزل
جومانه: خايفين اوي كده ليه ممكن تجيبوا غيرها يعني
دانيا: الكاميرا دي زياد كان جايبهالها هديه وهيا غاليه علي قلبها اوي
جومانه: امممممم
سيمون: غاليه لدرجت انها ممكن تخاصم البيت كله لو شافت حد ماسكها
رياض: هيا ريناد بتحب التصوير
هاله: جدا بتعشقه مش بتحبه بس
رياض: وعلي كده بتعرف تصور
دانيا: اجمد فوتوغرافي تشوفها في حياتك هيا معروفه في شرم
رياض: اشمعنا شرم
دانيا: عادي بتحب تروح تصور هناك كتير واغلبية الناس هناك عرفنها وكده
مراد: لسه بتجيبوا في سيرتها
سيمون: ازيك يا مراد .. انا سيمون
مراد سلم عليها
مراد: امال فين حمزه
سيمون: مسافر مع فريد
قطعهم ريناد وهيا داخله مسرعه بعصبيه وزياد وراها
زياد: استني طيب يا بنتي
حسين: البس
زياد: يا بابا خلاص يا بابا .. يا رينا
ريناد وهيا طالعه علي السلم: مالکش.. ( وسكتت ووقفت لما شافت الكاميرا جمب هاله ورجعت نزلت تاني)
ريناد بضيق: مين لمسها
هاله: مافيهاش حاجه .. انتي كنتي بتعيطي
زياد مسك ايد ريناد: سامحيني انا اسف
ريناد بدموع: ابعد عني
زياد وحط ايده ع خدها: والله ده كله من غيرتي عليكي
ريناد: ابعد ايدك .. واقولك يا زياد نضار امبارح كان محضرلي عشاء غرامي وقالي انه معجب بيا وفضل يعاكسني طول العشاء وانا كنت مكسوفه اولع بقا وطلعت وسابته وكانت ملامحه اتحولت لغضب شديد ووشه احمر وعينه تحمرت وعروقه برزت وبياخد نفسه بعنف
حسين: زياد
سيمون: انت يلا بتعلي صوتك عليها ليه
هاله: انت عارف يا زياد اقسم بالله لو شوفتك بتعلي صوتك عليها تاني والله لتزعل
مراد: هو في ايه
سيمون: اخيرا سمعت صوتك
هاله: وفيها اي يعني لما تتعشي مع زميلها وفيها اي لما يعجب بيها
زياد ووصل لقمة غضبة وقال بصوت مرعب: الي يفكر يقرب من اختي اقتله (وخرج)
هاله: حسين ابنك هيعمل اي
حسين: غيران عليها هكلم يوسف يشوفه
سيمون: يعني الزعيق والي حصل ده كله عشان غيران
دانيا: زياد مجنون وممكن يعمل حاجه ف الي معجب بريناد ده
هاله: يالا عشان ناكل وانتي يا دانيا اطلعي اندهي لريناد عشان تاكل الكل يتجمع علي السفره خمسه والأكل يكون اتحط (ومشيت)
حسين: هو ايه الي بيحصل
سيمون: والله ماعارفه تعالي يا سهير ندخلها
(وراحولها والباقي قامو وقعدوا علي السفر ومابقاش فاضل غير دانيا وجومانه)
دانيا: هو انتي ليه انتي واخوكي قاعديين مش بتتكلموا
جومانه: منا كنت بتكلم
دانيا: طب واخوكي
جمانه: شكلوا لسه مدايق من اسمها ايه دي
دانيا: مين
جومانه: ريناد
دانيا: بتتكلمي عليها كده ليه واخوكي زعلان منها ليه
جومانه: تو اوووف ولا حاجه
دانيا: اوكي عن ازنك هاناديلها
وسابتها وطلعت لريناد
ريناد في أوضاها سمعت صوت خبط علي الباب: ادخل .......... دانيا
اي قاعده علي الارض ليه (كانت قاعده علي الارض وسانده ظهرها علي السرير) ايه الي حصل بينك انتي وزياد
ريناد: ولا حاجه (وحطت راسها بين رجليها)
دانيا: طب انتي زعلانه ليه لو مافيش حاجه بقا
ريناد: مدايقه عشان زعقلي وخوفني منه ودي اول مره اخاف من زياد (وبدأت تعيط وتشهق من شدة العياط)
دانيا حضنتها جامد: طب خلاص اهدي طيب اهدي مش بحب اشوفك بتعيطي اهدي
ريناد بعياط: زعقلي جامد
دانيا وهيا بتطبطب عليها: طب فهميني طيب الموضوع الاول
ريناد وحاولت تتماسك نفسها: ال المو موضوع ان نضار زميلي في الشغل جه لحد هنا وطلب مني اتعشي معاه برا وانا ماكنتش عارفه أقوله ايه فامرضتش اكسفه وروحنا اتعشينا برا ورجعت علي طول بس اتخانق معايا عشان كده
دانيا: طب اهدي انتي عارفه إن زياد بيغيير عليكي بغباء
ريناد ببكاء: بس مايزعقليش
دانيا: طب اهدي (وفضلت حضناها وتطبطب عليها) هو فعلا معجب بيكي
ريناد بدموع: نضار؟
دانيا: ابوه مين غيره
ريناد بدموع: ايوه بس انا بعتبره صديق مش اكتر ورفضته ومش مستعده احب تاني
وبدات ف العياط جامد
دانيا: لا لا بلييز بلاش عياط
************************
هاله: هما دانيا وريناد مانزلوش ليه
سيمون: مش عارفه
هاله: معلش يا جوماعه اطلعي اندهيلهم
جومانه: اوك
(وطلعت)
*********************
(عند ايلين)
ميرنا: يعني شافه وهو بيحضنك
ايلين: اه واتعصب عليا ومن ساعتها لحد دلوقتي ماعرفش عنه حاجه واتصلت عليه فوق المليون مره مابيرش
ميرنا: طب جربي تاني كده
ايلين: مش هايرد
ميرنا: طب استني ارن عليه من عندي
ايلين: اشطا بسرعه
ميرنا: ايه وحشك ههه
ايلين: اخلصي
ميرنا: بيرن خدي
خدته ايلين: ..... الو
يوسف: الو يا ميرنا
ايلين: انا ايلين
يوسف متذكر كلام ريناد: ازيك يا ايلي عامله ايه يا باشا
ايلين: كويسه انت لسه زعلان مني
يوسف مدعي الاستغراب: زعلان! من ايه
ايلين: من الي حصل اخر مره
يوسف بتفكير مصطنع: اخر مره .. اخر مره اه تقصدي الي حصل في النادي
ايلين: اه
يوسف: لا مش زعلان هازعل من ايه دانا ساعتها مشيت عشان كنت مستعجل حاجه تبع الشغل يعني بس ليه شاغله بالك بالموضوع يعني
ايلين: يعني مش زعلان
يوسف: خالص هو في حد يزعل منك يا كبير
ايلين: اممم
يوسف: بقولك هاقفل معاكي دلوقتي عشان ماما بتناديلي وابقي سلميلي علي كل الي عندك
ايلين: تمام
(وقفل)
ميرنا: ها اي الي حصل
ايلين: مش زعلان
ميرنا: طب كويس بس انتي ليه مدايقه
ايلين: لا مش مدايقه خالص
********************
زياد وقف بعربيته قدان النيل ونزل وفضل يفتكر كلام ريناد ومتعصب وبيحاول يهدي: اختي جوهره مش اي حد يمتلكها
في مول كبير كان في معرض أو متجر لبيع فساتين وملابس لمصممين مشهورين من البلد وخارجها ، دخل زياد وفضل ماشي ويتفرج لحد ماوقع نظره علي فستان رقيق ولونه هادي وجميل بل فائق الجمال وابتسم
يتبع.......
#كتابة خديجه وليد
