زياد: عايزين حاجه نجبها معانا
ميرنا: اه هات ⟨بتطلب اكل وحاجات كتير⟩
زياد: يارتني ماسألت
الكل: هههههه
يوسف: نفسي اشوفك مره شبعانه أمنية حياتي التانيه
مروان: واي هيا الأمنية الاولي بقا
يوسف بص لأيلين وبيتنهد وايلين بصيت الناحيه التانيه بكسوف
الكل ضحك عليهم
جومانا وزياد بيخرجوا وميرنا ومروان
ايلين: محتاجه حاجه أخرج اجبهالك
ريناد: لا شكراً يا روحي
يوسف واقف وساند ضهره ع الحيطه وباصص لأيلين
************
جومانا: كنت هموت من المستشفى
زياد: بعيد الشر عنك
جومانا: علي فين
زياد: تعالي نروح لماما انهارده عرض كتابها الجديد
******
مروان: كنت هاقلبها نكد عليكي بس لما عرفت الي حصل لريناد عذرتك
ميرنا: وحتي يعني .. اهون عليك
مروان: ليه اتأخرتي
ميرنا: بصراحه كنت مبسوطه اوي مع بابا بقالي كتير مشفتهوش سعيد كده كان اجمل اسبوع بجد
مروان: ويوم
ميرنا: ايه
مروان: اسبوع ويوم و11 ساعه
ميرنا بصاله اوي
مروان: اي
ميرنا: يعني (وماعرفتش ترد وابتسمت ليه وفرحانه)
مروان: تاكلي
ميرنا وهيا مبتسمه ليه: تؤ مش جعانه
مروان بقلق وحط أيده علي خدها: انتي كويسه
ميرنا خبطته ع دراعه
مروان: هههههه
ميرنا: رخم
مروان لف أيده ع كتفها: تاكلي اي بقا عشان انا بصراحه جعان اوي
ميرنا: خليها مشوي
مروان: انا بقول كده برضوا
*******
ايلين خارجه من الكفتريا ومعاها قهوه وبتقابل يوسف في وشها وبياخد منها القهوه
ايلين: ايييه
يوسف: انتي فطرتي
ايلين: لا
يوسف رمى القهوه ف سلة زباله: يبقي مافيش قهوه
ايلين: بإنفعال: لييييه
يوسف: ع الريق كده
ايلين بتدايق وبتخرج وتقعد ف الجنينه ويوسف بيخرج ويقعد جنبها وبتديله ضهرها
يوسف بيلفها ليه: زعلانه ليه خايف عليكي
ايلين: كنت بحاول اهدي نفسي بالقهوه
يوسف: خايفه
ايلين بدموع: لو عرف هايقتلني أو يأذي حد بحبه
يوسف حط ايده ع خدها بحنيه: مايقدرش يعمل حاجه طول منا جمبك وانا شغال ع قضيته وبراقبه
ايلين بعياط: مش مهم انا ، افرض حصل لحد فيكوا حاجه انا عمري مهاسامح نفسي
يوسف ضمها ليه وبيحسس ع شعرها بحنيه: ماتخافيش مافيش حاجه هاتحصل
ايلين مسكت فيه جامد: ماتسبنيش
يوسف: مش هاسيبك ابدا يا حبيبتي
*********
سحر مرات علي بزعيق: يعني ماطلعناش مفلسين زي مامفهمني
علي: ايوه مش مفلسين وبعدين انا مش مخليكي محتاجه حاجه وبعدين عرفتي منين
سحر: راقبتك اصلي مش بثق فيك وطلع شكي ف محله
علي: اكيد مش هاصرف الفلوس زي الاهبل كده
سحر: مخدرات يعني فلوس اكتر
علي: ايوه
سحر: مالك
علي: بنت الكلب
سحر: مالها
علي: عرفتهم كلهم بمقابلتي والفلوس الي خدتها
سحر: هييي طب وهاتعمل اي مع البت دي
علي: علي مابيرجعش ف كلمته ابدا
سحر بإبتسامه: هاتخلص عليها
علي: وبنفس الطريقه الي قتلت فيها ابوها وامها ههههه
سحر: ولا من شاف ولا من دري ههههههه
***********
زياد: ماما
هاله بتلف: زياد ريناد حصلها حاجه
زياد: لا هيا كويسه
هاله: امال جاي ليه انت وجومانا
جومانا: جايين ليكي
زياد: ماينفعش مابقاش معاكي مش متعود ع كده
هاله: ههه ماشي يا حبيبي (وكان في مصورين كتير وناس بتسلم علي هاله وبتوقعلهم ع الكتاب)
*********
ريناد بتحاول تجيب مايه ومراد بيساعدها وبيشربها
ريناد: شكرا
مراد: خوفك ماطلعش ع الفاضي
ريناد: هو اه انا ماعرفش حاجه عن ماضيها بس انا بفهمها من عينها وكان فيها خوف وحزن شديد وهيا اختي والي يدايقها يدايقني
مراد: كل حاجه هاتتحل
ريناد بتبتسمله وبتحاول تنام
مراد بيساعدها وبيعدلها المخده وبتنام بتعب
مراد: انتي كويسه انده للدكتور
ريناد: لا لا انا كويسه
(ونهي بتدخل بالاكل ومراد بيعدل ريناد تاني وبيخلي نهي تخرج وهو هيأكلها )
ريناد: انا هعرف اكل لوحدي
مراد: شششش كلي (وبيأكلها وكإنها بنته الصغيره المدلله)
ريناد: كفايه
مراد: شبعتي
ريناد: ايوه
مراد: بالهنا والشفا
(ونهي بتدخل تاخد الاكل وتخرج ومراد بياخد منديل وبيمسح بوق ريناد وبيساعدها تنام)
ريناد: كده كتير بجد
مراد: مافيش حاجه تكتر عليكي
ريناد بتبتسم بكسوف وخدودها احمرت وفضوا يتكلموا لحد ماراحت ف النوم
مراد: بس ياستي احكيلي انتي بقا (مابتردش بص لقاها نايمه بيبتسم وبيمسك ايدها وبيبسها وبيتأملها وهيا نايمه)
**********
ميرنا: الاكل كان توحفه
مروان: بالهنا والشفا
ميرنا: تسلملي
مروان: نادين عايزه تشوفك وحشتيها
ميرنا: وهيا كمان هابقا اكلمها ونتقابل
مروان: احكيلي بقا عملتوا اي ف دبي
ميرنا فضلت تحكيله وهو بيسمعها ومبتسم
*********
ايلين سانده رأسها على كتف يوسف: ندخل لريناد
يوسف: لا خلينا مراد معاها
ايلين: طب انا جوعت
زياد قطعهم: اجبلكوا اتنين ليمون
يوسف: اي يا عم الرخم
جومانا: كنا رايحين الماركت عشان طلبات ميرنا تعالوا معانا
زياد: ماتخليهم
ايلين: لا هنيجي (ومشيوا مع بعض)
زياد: ها خلصت
جومانا: لسه في تاني
ايلين: هو كلو شكلاتات وحاجات تسالي انا جعانه
يوسف: بعد مانخلص قائمة ميرنا هانجيب اكل ونرجع المستشفي
ايلين بإبتسامه: هيييه
جومانا: زياد هات بسكوت المحشو نوتيلا من اخر الرف
زياد: انا كرهت النوتيلا بسبب ميرنا 24 ساعه
جومانا: علبه مش بسكوته
ايلين: بجد هههه
يوسف: ماهو اكيد هيجيب علبه
جومانا: اصلي طلبت مره من واحد صاحبي ف سيغافورا يجيب بسكوت ويفر من ع الرف برضوا جبلي بسكوته من الكيس
ايلين: وانا الي بقول ع بتوع برا نبهيين واذكيه هههه
زياد جاب البسكوت: واحد صاحبك
جومانا: ايوه
زياد حط العلبه ف العجله بعصبية وكمل مشي من غير كلام
جومانا: هو انا قولت حاجه وحشه
يوسف بتريقه: لا خالص .. يالا يالا
وكملوا وجابو الاكل وطول الطريق زياد مابيتكلمش
(ف المستشفى)
ميرنا: كنتوا كلكوا كده فين بقا
يوسف: بنجبلك الطفح
ميرنا: ع أساس انى هاطفحه لوحدي
يوسف بيناولها كريب: خدي ياختي
ميرنا: النوع الي بحبه
يوسف: ايوه
ميرنا خدته وبتاكل
مروان: ميرنا انتي مش لسه واكله خروف وبطتين
ميرنا والأكل ف بوقها: ايييه جوعت الكلام جوعني
الكل بيضحك
والكل بيأكل عدا مروان
ميرنا: مابتاكلش ليه
مروان: شبعان
ميرنا: طب هات البرجر ده
مروان بخوف: خدي
الكل بيضحك
ريناد: ارحمي نفسك شويه والله خايفه ف مره اجيلك الاقيكي شويه ابوكي ووكلاه
جومانا: بيقولك خروف وبطتين ده انا الدبوس بتاع البطه بيشبعني
ايلين: احلي حاجه أنه مابيبانش عليها
ميرنا: مابتاكلش ليه يا زياد
زياد: ايدك جمبك وعينك قدامك يا حلوه وحياة امي مامديهولك
الكل بيضحك
ميرنا: شبعت اصلا
زياد: يا عشم ابليس في الجنه
جومانا: ههههه بس ع فكره حلوه وجسمها حلو
ميرنا بفخر: اصلي سكر محلي محطوط علي كريمه
ايلين: ايوه وكعبك محلي والعود عليه القيمه
ميرنا: الاغنيه دي معمولالي اصلا
مراد: ماتبطلوا بقا رغي اي ده
مروان: انا مش عارف والله
ريناد: خلاص يا جماعه هيا مش بتاكل من بوقكوا وبطنها هيا مش بطنكوا
ميرنا حضنتها: حبيبتي
الكل ضحك
ريناد بزهق: انا عايزه اروح
هنا دخل نضار
نضار بخضه وقعد جمبها: ريناد انتي كويسه انا لسه عارف دلوقتي انك هنا من حسام اي الي حصل
ريناد: انا بقيت كويسه الحمد لله ماتخافش
نضار: وازاي مخافش عليكي الف الف سلامه عليكي يروحي أن شاء الله انا وانتي لا
ريناد: ماتقولش كده
نضار: طب انتي حاسه بحاجه وجعاكي
ريناد: لا لا ده بسبب قلت الاكل
نضار بقلق: انتي كنتي متغيره اليومين دول ومش علي بعضك
زياد بعصبيه: كتر خيرك يا دكتور نضار علي سؤالك
نضار: ومالك بتقولها كده ليه
مراد بعصبيه: ماله بيقولها عادي
نضار: امممم (وفضل يتكلم مع ريناد شويه وزياد ومراد مش طايقينه)
**********
محمد: يا مساء الخير عامله اي دلوقتي يا مفعوصه
ريناد: بقيت كويسه لما شوفتك
ميرنا بدلال وسكت دراع محمد: بت ماتكلميش بابي كده
ريناد: ههه
هاله: اليوم كان ناقصك
ريناد: تتعوض مره تانيه بقا
حسين: البيت امبارح كان وحش من غيرك
ريناد: بابا بلييز عايزه اروح بجد زهقت من القعده هنا
رياض: لو الدكتور وافق تروحي
سهير: لا ماينفعش مش شايف المحلول وبعدين الدكتور قال لازم تفضل كام يوم
ريناد: بس انا زهقت اوي
جومانا: اي يا ريناد المفروض انك دكتور وفاهمه ده
ميرنا: لا هيا ريناد طول عمرها بتحب تمشي تخرج تروح تيجي وبتكره قعدت السرير دي فاهمه
يوسف بيصور: تبقي ذكري والكل متجمع كده
ريناد: بس ياعمي
يوسف: سمايل ايلين
ايلين بتضحك
مروان: واشمعنا ايلين يعني
محمد: عشان يفتح الفيديو بالليل قبل ماينام ويتفرج عليها ويضحك ويتنهد وياخد الموبايل ف حضنه وينام
الكل بيضحك وايلين بتتكسف
رياض: انت كنت بتعمل الحركات دي صح قول ..قول
محمد: كنت بعملها اي هو كان في تليفونات كنت باخد صورتها ف حضني
الكل بيضحك
هاله: اتعلم شويه
حسين: اسكتي انتي طفحتيني الدم لحد ماتجوزتك
الكل بيضحك
هاله: انت مفكرها كوسه
حسين: بس كان اسعد يوم ف عمري يوم ماتجوزتك وبقيتي بتاعتي انا وبس ليا انا وبس بحبك (وحضنها)
الكل سقفلهم وضحك
يوسف: ايوه يا سيحس يا جااامد
مراد: ههههه طب ماتعلمنا انت وعمي محمد كده انتوا مدورنها وعارفين
محمد: الي بيحب مش بيحتاج نصيحه عشان حبيبوا الي بيحب بيضحي بكل حاجه عشان بس يشوف الابتسامه مرسومه على وش التانى
مراد: صح جدا
زياد: اي ياعم روميو اهدي علينا مش كده
مروان: بس يلا
ميرنا: كمل يا بابي كلامك حلو
رياض: هههههه فكرتني بأيام الشقاوه
يوسف وزياد ومروان: ايه ماتحكلنا يا شقي انت
رياض: طفحتني التراب عقبال ماوصلتلها برضوا ، ماكنتش عايزه تجيب سكه
يوسف: هههههه وانا بقول عليك هادي وراسي وتقول سكه .. هيا مين بقا
سهير برقتله
يوسف بخوف: هيا واحده تانيه ولا اي
سهير ومسكن دراع رياض: لا انا وبعدين انا اصلا كنت معجبه بيك من زمان بس كان لازم اتقل يعني
حسين: تتقلي ده كان هاينتحر
زياد: لا انا لازم اعرف الحكايه
جومانا: وانا
مراد: انا اعرفها
(وفضلوا يتكلموا وبهزروا كتير)
تاني يوم الصبح بدري كان مراد وهاله بايتين مع ريناد مراد قاعد جنبها ع الكرسي وهاله نايمه ع الكنبه وريناد صحيت ولقتهم نايمين بصت لمراد وابتسمت وقامت من ع السرير وشالت المحلول من أيدها وكانت لابسه بنطلون وتيشرت لونهم اخضر وخرجت ونهي قابلتها
نهي: هييي انتي خرجتي ليه وشلتي المحلول
ريناد: انا بقيت كويسه وبعدين عندي شغل ف المكتب عايزه اعمله
نهي: شغل ايه لو دكتور حسام عرف هايقتلني
ريناد رفعت حاجب
نهي: اوكي انتي المديره لكن دلوقتي انتي مريضه وانا مسئوله عليكي
ريناد: روحي كملي شغلك انا هشوف حاجه وارجع واعمل مكالمه لدكتور علاء .. شغل يا نهي (ومشيت)
نهي: والله هاتجنني
*********
زياد: في اخبار عن العربيه
يوسف: ايوه بس المهم دي صور لريناد جاتلي انهارده من العميل السري
زياد ويوسف اتفحصوها
يوسف: العربيه دي
زياد: في صوره واضحه اهي
(وفضلوا يشتغلوا مده طويله)
********
(ف بيت محمد)
ميرنا: اي هاتروحي لريناد ولا النادي
ايلين: لا يوسف مانعني اروح النادي لوحدي ولا حتي ابات ف الشقه لوحدي
محمد: كان لازم تتكلمي من الاول
ايلين: كنت خايفه
محمد: طب هو خد كام
ايلين: 2مليون
ميرنا: هيييي
محمد: فلوسك كلها هاترجعلك بالقانون واحنا كلنا معاكي
ايلين: ربنا يخليكوا ليا (وحضنتهم)
*****
في المستشفي مراد صحي وبص علي السرير وملقاش ريناد وقام مفزوع وخرج بسرعه يدور عليها
مراد: ريناااد رينااد
حسام: في اي
مراد: ريناد مش ف الاوضه
حسام: اي
نهي معديه
حسام: نهي
نهي: نعم يا دكتور
مراد بقلق: فين ريناد مش اوضتها
نهي: في مكتبها
حسام: سمحتلها تخرج ليه
(مراد مشي)
نهي: والله هيا الي قالت إنها بقت كويسه وهاتعمل حبة حاجات ف المكتب وترجع وماعرفتش اوقفها
(في مكتب ريناد)
مراد دخل وكانت ريناد واقفه بتتكلم ف الموبايل ، خد منها الموبايل وقفل وشدها ف حضنه جامد
مراد: رعبتيني عليكي
ريناد اتكسفت واتوترت ولسانها اتربط
مراد بعدها وحط أيديه الاتنين ع خدودها بحنيه: انتي كويسه (وبعصبيه) انتي ليه بتخرجي افرضي كان حصلك حاجه أغمي عليكي مثلا انتي حتي مابتاكليش كويس والمحاليل هيا الي بتساعدك انتي نقصك حديد وكالسيوم
ريناد بتوتر: انا كويسه بس كان في شغل لازم اعمله وغير كده مليت من قعدت السرير
مراد حضنها تاني واخدها من أيدها تاني ودخلها الأوضه وقعدها ع السرير ونده لنهي تركبلها المحلول
*******
موبايل ريناد بيرن
مراد بيطلعه من جيبه: دكتور علاء
ريناد: هات مانت قفلت ف وشه
مراد بإبتسامه: اعمل اي كنت خايف عليكي
ريناد بتوتر: احم .. طب هات الموبايل
خدته ورنت وكلمته وماطولتش ف المكالمه وقفلت وهاله صحيت
هاله: شكلي طولت ف النوم
ريناد: ماروحتيش ليه يا ماما انا كويسه وزهقت ولو ماروحتيش انهارده هاصورلكوا قتيل هنا
هاله: شششششش
مراد: ماحدش بيعملك حساب ههههه
هاله: هههههه
حسام ونضار دخلو
حسام: يا الف سلامه عليكي يا دكتور
ريناد: الله يسلمك يا حسام
نضار: ماتخافيش انا وحسام واخدين بالنا من المستشفى كويس
حسام: اي حاجه قوليلي عليها وانا اعملها وبلاش تتعبي نفسك
هاله: كتر خيركوا
ريناد: ده نضار زميلي وده حسام برضوا زميلي والاتنين بيساعدوني كتير ف إدارة المستشفى بس حسام كان مسافر الاسبوع الي فات
حسام: واليوم الي اجي فيه الاقيهم جيبينك مفيصه ع الآخر
هاله: هههه مفيصه
نضار: الفاظك ياعم
هنا دخل حسين ورياض وسهير ومحمد والبنات
ايلين: صباح الخير
الكل: صباح النور
حسين قعد جمب ريناد: عرفت انك خرجتي تشتغلي
ريناد: نهي صح
حسين: هههه ارتاحي شويه
نضار: ايوه ونبي قولها لاحسن دي مابتسمعش الكلام
حسام: عن ازنكوا احنا بقا
جومانا: هو فين زياد
حسين: في المدريه هو ويوسف
ميرنا بهمس ماسمعهوش غير جومانا وايلين: مابقتيش عارفه تعيشي من غيره
ايلين: ههههه
جومانا: احم .. يعني كان مجرد سؤال
ميرنا: يابت علينا احنا برضوا
ايلين: احنا مش عبط
جومانا: ونبي انتي ماتتكلمي خالص بالي حصل امبارح ووشك كان شبه الطمطمايه
ميرنا: هههههه هههه
ريناد: في اي
ايلين: أناا
جومانا: ايوه انتي
مراد: مالهم
ميرنا عماله تضحك
(وبعد شويه)
رياض: جاي
مراد: لا
رياض ابتسمله ومشي والباقي كمان عدا البنات
ميرنا: كلتي
ريناد: عايزه اروح
مراد: لما الدكتور يكتبلك ع خرج
هنا وصل زياد ويوسف وكان معاهم شنط
زياد: مساء الخير
يوسف: انت اهبل وبالنسبه للي كانت هاتحرقنا برا دي
زياد بتسائل: الشمس
يوسف: لا امي
ريناد: زياد عايزه أخرج بلييز
مراد: تؤ تاني
زياد: ناكل الاول ونشوف الموضوع ده بعدين (وقعد جمب ميرنا) جبتلك الشورما الي بتحبيها يا اخت
ميرنا: ثانكس يا روح الاخت
جومانا وقفه بعيد ومدايقه
ايلين: طب وانا
زياد: يوسف حبيب قلبك اهو
يوسف حضنها من ضهرها: انا جبتلك اكلك يا حياتي (ايلين برقت عينها واتوترت ووشها احمر ونبضها سرع)
ايلين بعدت: لا ما انا شبعانه
الكل ضحك عليها
ميرنا: حرام يا يوسف بتكسفها
ايلين خرجت بسرعه
يوسف: طلع علبه من الشنطه وادى الشنطه لمراد: الي طلبته اهو
مراد: تسلم
وخرج وراها
مراد: بما انك مابتاكليش من المستشفى يبقا تأكلي ده بقا
ريناد: انت عرفت منين اني بحب ده
زياد: انا قولتله
ريناد: جعانه (وخدت العلبه منه)
مراد: ههههه
زياد: امسك ادي جومانا
جومانا بضيق: لا شكرا مش جعانه .. انا هامشي يا ريناد بقا
ريناد وهيا بتاكل: ليه بس ماتخليكي شويه
جومانا: لا مش هينفع يا حياتي والله أثرت اليومين دول ف الشغل (ومشيت)
ميرنا: حستها زعلانه
مراد: مش عارف كانت عادي من شويه
زياد وظهر عليه الضيق وساب الاكل
مراد: مالك انت كمان
زياد: شبعت
ريناد: في اي
زياد: هاخرج اجيب حاجه اشربها اجبلكوا معايا
ميرنا: هاتلي عصير مانجا
مراد: هاتلي قهوه
ريناد: عصير برتقال وحيات امك
زياد: يارتني ماسألت (وخرج)
*******
يوسف: بتتكسفي اوي يابت
ايلين: انا هروح النادي
يوسف: نعم
ايلين بتراجع: بقول هاقعد معاك هنا
يوسف: ايوه اترزعي
ايلين قعدت: قعدت
يوسف: بموت فيك وانت مطيع
ايلين: هيهيهي .. هيا جومانا خارجه متعصبه كده ليه
يوسف: مش عارف
ايلين: اروح لها
يوسف: ايه ده زياد خارج هو كمان
ايلين: اروح
يوسف: لا خليكي سبيهم .... كلي
********
جومانا باين عليها الغضب بتتجه لعربيتها ولسه هاتركب وبتقف اول مابتسمع صوت زياد
زياد: جوماناااا
جومانا بجفاف: ...... نعم
زياد بنفس الطريقه: في اي
جومانا: اي رايحه شغلي
زياد: جومانا متستعبطيش .. انتي قلبه وشك ليه
جومانا: انا الي قلبه وشي انت الي من امبارح مش عارفه مالك .. اقولك روح لميرنا لاحسن تزعل لاتتأخر عليها
زياد بخبث وقرب ليها اوي: وانتي بتتكلمي كده ليه عنها يعني
جومانا بعصبية: وانا هاتكلم ازاي يعني ابعد كده (ولسه هاتركب شدها وقفل الباب وسند ضهرها ع الباب)
زياد بإبتسامه: غيرانه
جومانا بتوتر: واغير ليه هو انت حبيبي
زياد قرب منها اوي: مثلا
جومانا بلعت ريقها: هو اي الي مثلا
زياد حط أيده ع خدها بحنيه: بعشق شكلك وانتي مكسوفه
جومانا بتنهج: وانا هاتكسف ليه اصلا (وبعدته)
زياد: هههه
جومانا: انا هامشي (ولسه هتركب)
زياد: استني (وباسها من خدها وهيا ركبت بسرعه ومشيت وهو ضحك عليها)
جومانا في العربيه بتسوق بتوتر ورجعت وقفت على جمب وحطت أيدها علي قلبها وكانت بتنهج جامد وحطت أيدها التانيه مكان البوسه وبتبتسم جامد ووشها بيحمر
***********
يوسف: زياااد
زياد راحله: اي
يوسف: مبسوط كده ليه
زياد: عايز اي
ايلين: هو في اي مالها جومانا
زياد بإبتسامه: مالها
يوسف: يخربيتك مش متعود عليك كده
ايلين: هو في اي
زياد: انا داخل اسبكوا لوحدكوا بقا
ايلين: ماتخليك قاعد
يوسف حط أيده حوالين رقابتها: ادخل انت
زياد: ههههه
*********
ريناد: عايزه امشي
مراد: اخرسي بقا
ريناد: انت بتكلمني انا كده
مراد ببرود: ايوه
ريناد بزعيق: انا كنت غلطانه اصلا انت مش طيب انت همجي وغبي زي منا قولت ف الاول يا عديم الزوق بني ادم حمار متخلف ابو شكلك يا اخي غور من وشي مش عايزه اشوف خلقتك
مراد ببرود: خلصتي
ريناد بزعيق اكتر: يا بااااارد اي التناحه دي جايب ده كلو منين
مراد: اهدي عشان ماتتعبيش
ريناد: يهمك اوي تعبي
مراد: ماكنتش فضلت بايت جمبك
ريناد بإحراج: طب خرجني ع الأقل اقعد ف الجنينه
مراد بإبتسامه: طب هاقول للدكتور ولو وافق ماشي
ريناد بإبتسامه: ثانكس انت بجد طيب
مراد: وانتي بجد بتاعت مصلحطك
ريناد: انا
مراد: ع فكره عايز عوض ع الشتايم الي قولتيها دي
ريناد: انت الي عصبتني
مراد: مش حجه
(هنا زياد دخل)
زياد: هيا فين ميرنا
مراد: فين القهوه
ريناد: والعصير
زياد: ف الكفاتيريا
مراد: بجد
زياد: هيا فين ميرنا
ريناد: انت خرجت من هنا ومارو جه وسلم علينا وخرج هو وميرنا
زياد: وطبعا خدت الاكل معاها
ريناد: ايوه
مراد: انت مش قولت انك شبعت
زياد: جوعت تاني
مراد: خد اهو في تاني
(هنا جه حمزه وسيمون ودانيا وفريد)
سيمون بفزع: ريناد اي الي حصلك
حمزه: مش تقولولنا
فريد: لازم نعرف صدفه
دانيا: انتي كويسه
حمزه: اي الي حصل
مراد: طب ادوها فرصه ترد
ريناد: انا كويسه وحتي هاخرج من المستشفى دلوقتي
زياد ومراد: نعم
ريناد بعصبية: هاخرج ومش بمزاجكوا
مراد: احنا قولنا اي
حمزه: ماهي عامله زي البغل اهي ومافيش حاجه
ريناد: قولهم .....نعم
الكل: هههههه
*******
(تاني يوم)
ريناد قاعده في الجنينه ومراد جاي وف أيده عصير وقهوه
مراد: خدي
ريناد: شكرا
مراد قعد: حلوه الجنينه
ريناد بإبتسامه: انا الي زرعه الورد ده كلو بحب زهرة عباد الشمس اوي
مراد: هيا جميله وكل الي بيحبها جميل زيها
ريناد: هههه
مراد: القهوه دي وحشه
ريناد: كنت عارفه انها مش عجباك من اول يوم
مراد: يمكن اتعودت ع قهوتك
ريناد: ههههه
قطعتهم فريده: مراد
مراد: فريده اي الي جابك هنا
فريده: مابتجيش الشركه بقالك 3 ايام سألت باباك قالي أن بنت عمك تعبانه فاجيت عشان اشوفها
مراد: كتر خيرك
ريناد: تسلمي
فريده: الف سلامه عليكي
ريناد: الله يسلمك
(وقعدت معاهم شويه)
فريده: اه صح منه ادتني الاوراق دي عشان توقع عليها
مراد: قولي كده بقا
فريده: هههه لا والله
(مراد خد الاوراق وقرأها ووقع وفريده خدتهم ومشيت)
ريناد: عسوله فريده
مراد: من اجمل الناس الي تعرفيهم ف حياتك بجد
ريناد اتضايقت
*********
ايلين: طب ليه
هاله: قولت مافيش خروج ولا تروحي الشقه
ايلين: انا هجيب بس حبة حاجات كده وهارجع ع طول
هاله: طب نفطر مع بعض الاول وبعدين ابقي روحي ونروح لريناد
حسين نازل ع السلم: صباح الخير
هاله: صباح النور يا حبيبي
حسين: فين الباقي
هاله: مشيوا انت الي صاحي متأخر
حسين: ههه طب يالا عشان نفطر
(وقعدوا يفطرو)
***********
محمد: انا رايح الشغل عايزه حاجه مني
ميرنا: طب اقعد معايا شويه وبعدين روح
محمد: معلش يا حبيبتي عارف أن انهارده اجازتك بس لازم اعمل حبت حاجات ضروري وهارجعلك
ميرنا: حاجات اي
محمد: اوراق ماتشغليش بالك (وباسها من جبينها ومشي)
ميرنا وف ايدها سندوتش: مش مطمنه (فونها رن)
الو
مروان: افتحي الباب
ميرنا اتجهت نحو الباب وفتحته لقت صندوق احمر كبير: اي ده
مروان: كل سنه وانتي طيبه
ميرنا: اي ده انهارده عيد ميلادي
مروان: معلش ماعرفتش اجي بنفسي بس ماينفعش اسيب اختي وعدتها اني هفضل معاها انهارده
ميرنا بدموع: بجد انت احلي حاجه حصلت لي أنت احلي هديه
مروان: اي ده انتي بتعيطي
ميرنا بتمسح دموعها: شكرا
مروان بضيق: ميرنا
ميرنا: خلاص مش شكرا ههه
مروان: هههه
(وفضلوا يتكلموا فتره وبعدين قفلوا)
*********
حسام: خلاص انتي بقيتي كويسه وتقديري تخرجي
ريناد: اخيرا
حسام: وكمان ممكن ماتجيش الشغل انهارده انا ونضارة مخليين بالنا
مراد: كويس اوي
حسام: الف سلامه
ريناد: الله يسلمك (خرج)
مراد: اساعدك تغيري هدومك
ريناد رفعت حاجبها
مراد: ههه انا واقف برا لو احتاجتي حاجه اندهيلي الشنطه دي جبتهالك طنط هاله
********
بعد شويه ريناد خرجت وكانت رافعه شعرها لفوق ومنزله خصلات ع عينها مدياها شكل طفولي ولابسه فستان رقيق اصفر وفيه داير بيضه لحد ركبتها وكوتش ابيض وماسكه في أيدها الشنطه وفي التانيه الموبايل
مراد وقف وبصلها جامد ومفتح عينه وباصصلها بذهول
ريناد: اي مالك
مراد: سبحان من خلقك
ريناد ضحكت بخفه وكسوف
مراد بطراطيف صوابعه بعد خصلات الشعر من ع عينها: هاتي الشنطه (واخدها وخرجوا وركبوا العربيه)
ريناد: عربيتك حلوه ماقولتلكش
مراد: عيونك هيا الي حلوه
ريناد: اتكسفت (ومشيوا)
ريناد: ده مش طريق البيت
مراد: عارف
ريناد: امال رايح فين
مراد: مفاجأة
ريناد: اي هيا
مراد بصلها
ريناد: اه خلاص مش هاتبقا مفجأه كده
*********
نزلوا عند حقل كبير مزروعه زهور عباد الشمس
ريناد: الله اي الجمال ده
مراد: اي رأيك
ريناد: انا اول ماشوفت ده حسيت براحه ماتتوصفش دي احلي حاجه اشوفها ف حياتي (وحضنته جامد)
ريناد: شكرا
مراد: اولا مافيش شكرا ثانيا انا عاوز بقا العوض بتاع الشتايم بتاعت امبارح
ريناد: اوووووف عليك فصيل عايز اي
مراد شاور بصباعه ع خده
ريناد: نعم
مراد: يالا
ريناد: انت اهبل
مراد: مش هاروحك غير لما اخد البوسه
ريناد: انت بتهزر صح
مراد: اخلصي
ريناد: يوووه (وقربت منه براحه)
مراد: اخلصي
ريناد: ماتهدي
قربت منه وحطت أيدها ع صدره ووقفت ع طراطبف صوابعها وباسته من خده برقه وحست بقلبه الي كان هايخرج من بين ضلوعه من كتر النبض واستغربت
مراد مسك أيدها الي كانت بتترعش جامد وبسها من باطن كفها وبعد كده باسها من خدودها وجبينها واخدها ف حضنه وهيا مستسلمه
مراد خارجها من حضنه ولافف دراعه حول وسطها وبطراطيف صوابعه بيحسس ع خدودها الي كان لونها احمر
مراد: بعشق شكلك وانتي مكسوفه
ريناد بتوتر: ا انا ا
مراد: اكيد مش امي يعني
ريناد: احم المهم فين الي زارع الأرض دي او صاحبها ماتعرفش
مراد: اكيد اعرف امال هشتريها من مين
ريناد: اي ده انت اشتريتها
مراد: اشترتهالك يعني دي ارضك والمناخ هنا مناسب لزرع النوع ده واكيد في انواع تانيه انتي ادري
ريناد بصاله بذهول ومابترودش
مراد: اي مالك بصالي كده ليه
ريناد: انت بجد اشتريت الأرض دي
مراد: ايوه (وهو بيلعب بطراطيف صوابعه ف خصلات شعرها) دي اقل حاجه
ريناد: انا مش عارفه اقول اي
مراد: مش لازم تقولي
ريناد: مراد ..... بجد (حط صباعه ع شفايفها)
شششششش خليني امَلِّي عيني ف سحر عيونك
ريناد: طريقتك بقت
مراد: بحبك
ريناد مذهوله
مراد: بعشقك مش بحبك كمان
ريناد بعدت
يتبع
#كتابة خديجه وليد
