ريناد: اول ماخرجتي امبارح عملتي اي؟
ايلين بتوتر: آا اانا طلعت علي البيت علي طول ونمت
ريناد: علي طول
ايلين: ايوه
ريناد: امممم
زياد بص لريناد بإستغراب
***********
؟؟؟: ايه عملت ايه مع بنت اخوك
عم ايلين: مالكيش دعوه
؟؟؟: خايفه توادينا في داهيه
عم ايلين: هو انا المره الي فاتت واديتكوا في داهيه
؟؟؟: لا بس بالبرود ده هانموت من الجوع اوعي تنسي إن الفلوس خلصت قولتلك شغلها قولتلي الفلوس دي تكفينا عمرنا كله وزيادة فضلنا نبزر ونصرف لحد ما بقينا علي الحديده
عم ايلين: كل يوم بتاكلي ف مكان شكل وبتجيبي كل الي انتي عايزاه وتقولي هنموت من الجوع وبعدين مافيش حد بيموت من الجوع وقولتلك هاجيب الفلوس خلاص يا سحر لا بس البت عايشه في مكان مانحلمش بيه متعوده على العز من صغرها بنت الكلب
سحر: ماهو انت لو كنت تشتغل زي اخوك ماكنش ده يبقى حالنا
عم ايلين: هههه انا بشتغل في الي احسن من اخويا اشتغله
الاتنين: هههههههه
*************
(في بيت الاسيوطي الجرس رن)......يوسف
يوسف: ايه يا زياد اتأخرت ليه صباح الخير الاول
الكل: صباح النور
زياد: اتأخرت على ايه
يوسف: هو انا ماقولتش اللواء خلاني معاك في المهمه الجديده يعني احنا الاتنين مشتركين مع بعض يا باشا
زياد: يا اهلا بيك في الفريق
يوسف: يالا بقا ولا هانفضل قاعدين امال فين الباقي
هاله: حسين ورياض ومراد وسهير وجومانه خرجوا للشغل
يوسف: اه
ميرنا وريناد: وانا ماشيه علي الشغل
يوسف: هههه طب وانتي يا ايلي
ايلين: ........
يوسف: ايلين
ايلين: ايه
يوسف: مالك انتي لسه زعلانه
ايلين: لا مافيش
يوسف مدعي الاقتناع: طب مش هاتروحي الشغل انتي كمان
ايلين: الشغل .. م مش عارفه
زياد: ايلين هو في ايه انتي مش علي بعضك انهارده
ايلين: مالي انا كويسه اهو
هاله مقاطعه: يالا كل واحد فيكوا يمشي بسرعه اخلصوا علي الشغل يالا
زياد: حاضر
ميرنا: سلام يا ماما هاله
*******
هاله: اهو بقينا لوحدنا مالك يا ايلين انا ملاحظه انك مش علي بعضك من ساعة ماجيتي احكيلي
ايلين افتكرت(لو حد عرف بالمقابله دي هاتكون نهايتك علي ايدي هههه أو نهاية صحابك) لا مافيش انا تمام التمام اهو هههه
هاله: لو في اي حاجه قوليلي انا موجوده ماشي يا حبيبتي
ايلين: اكيد طبعا يا روحي
هاله: قوليلي بقا كان في موضوع كنتي هاتحكيهولي لوحدنا فاكره
ايلين: ايوه ده بخصوص يوسف
*********
(في نفس المكان الي بتقعد فيه ريناد لوحدها لما تحب تفكر)
ريناد: مش قادره افهم هيا ليه ايلين ماقالتش علي الشخص الي كانت واقفه معاه في الضلمه ده و وليه كانوا واقفين كده بعيد عن الانظار وكإن خايفين حد يشوفهم مش فاهمه بتخططي لايه يا ايلين بس لازم اعرف
(ومن بعيد نفس الشخص قاعد في عربيه بيراقب ريناد)
***********
فريده: بما اننا مش هانبدأ الشغل لسه انا هاعمل ايه
مراد: بكل بساطة هاتوظفي الأشخاص الي هايشتغلوا معاكي
فريده: وانت
مراد: في شركات كتير عايزين يعملوا صفقات معانا لمده معينه انا باهتم بالامور المالية وبابا الباقي
فريده: تمام اروح ابدأ شغل بقا
مراد: تمام
فريده: بس الشغل هايبدأ امتى صح
مراد: مع بداية الاسبوع الجاي
فريده: تمام اعملك قهوه معايه
مراد: اطلبي من قسم الخدمه واطلبيلي معاكي
فريده: okay
**************
(في المستشفي)
نضار: صباح الخير
ريناد: صباح النور ، انا نفسي افهم انت بتيجي في نفس الوقت الي باجي فيه ازاي ايه الصدف دي
نضار: وليه ماتكونيش انتي الي بتيجي في نفس الوقت الي باجي فيه
ريناد: وجهة نظر تحترم برضوا
نضار: هههه
ريناد: بس بجد فرحت انك وافقت تيجي تشتغل معايا هنا في المستشفي دي
نضار: مقدرش ارفض طلبك وكان لازم اساعدك في الاداره برضوا بس ليه فتحتي الموضوع ده
ريناد: مش عارفه
نضار: ههههه طب لما تعرفي ابقي قوليلي سلام ورايا شغل
ريناد: هههه سلام
نهي مقاطعه: اتفضلي التحاليل اهي يا دكتور
ريناد: حطيهالي علي المكتب
نهي: تمام (ومشيت)
ريناد في سرها: ياترا مين السبب في خطف الأطفال دي ربنا يعينى كلنا على الايام الي جايه
*********
في شقة ايلين نايمه علي الانتريه ومغمضه عينها ودموعها على خدها وبصوت مبحوح: ماما بابا ...... سيبتوني ليه
عمها: نصيبهم بقا
قامت مفزوعه اول ماسمعت صوته
ايلين بخوف: اا ان انت دخلت هنا از ازاي
عمها: بيت بنت اخويا وماعرفش ادخله ههههه معايا نسخه من المفتاح
ايلين بزعيق ودموع: أخرج براا برااا
ضربها بالقلم ومن قوته وقعت على الأرض: قولت هاتعامليني بالحسنه هاعاملك بالحسنه مش كده يا بنت اخويا ولا اقولك ايلين مش عارف ايه الاسم ده اخويا زوقه وحش في الاسامي هو ومراته الارشانه
ايلين بصوت اعلي: ماتجيبش سيرتهم علي لسانك الزباله ده
عمها مسكها من شعرها: كده ازعل وزعلي وحش هارجعلك بكره تكوني مجهزالي بالصلاة علي النبي 2مليون جنيه ماشي يا قطه سلام (ومشي)
[ايلين فضلت تعيط جامد وهيا مرميه علي الأرض]
*************
(في مكتب ميرنا)
مروان: مالك
ميرنا: ايلين مش عارفه مالها يعني متغيره كده
مروان: ماجربتيش تكلميها
ميرنا: كنت مستعجله وغير كده ماكنتش لوحدها عشان اكلمها وحتي سألناها قالت مافيش عادي
مروان: خلاص اتصلي بيها واقعدوا في اي مكان لوحدكوا
ميرنا: رنيت عليها ومابترودش
مروان: خلاص روحيلها ماسيبيش صاحبتك لوحدها وقت ديقها
ميرنا بإبتسامه: فعلا انت عندك حق
مروان: يالا روحيلها
ميرنا: طب والشغل
مروان: صاحبتك ولا الشغل
ميرنا: لا صاحبتي طبعا (وقامت) انا هاروحلها شكرا يا مروان بجد انت حد حلو اوي (وحضنته وخرجت وهو فضل قاعد مبتسم بخفه)
**********
(في المستشفي)
ريناد: سرطان المخ ليه أعراض زي الصداع الغثيان القئ الزهايمر وابن حضرتك ماعندهوش الأعراض دي فاتطمني
الام: الحمد لله طمنتيني انا كنت خايفه اوي عن ازنك انا بقا
ريناد: مع السلامه (خرجت)
نهي: مالك يا ريناد شكلك مدايقه
ريناد: لا مافيش
نهي: احكيلي
ريناد: نهي انا لازم امشي خلي بالك بالمستشفى انا بثق فيكي ها (ومشيت)
نهي بإستغراب: طيب ، ايه لازمة الكلام ده
********
زياد: جهاد في اي جديد
جهاد: اه يا فندم
زياد: طب تعالي علي المكتب
٭٭٭
زياد: ها ايه
جهاد: في عربية اسعاف دخلت المستشفى
زياد: وايه الغريب في ده يا جهاد
جهاد: الغريب حضرتك أنها دخلت من الباب الخلفي والسارينه ماكنتش شغاله
زياد: تمام راقبتوا العربيه
جهاد: اكيد يا فندم
زياد: دخلتوا جاسوس في المستشفي
جهاد: لا
زياد: ليه امال هانعرف الاخبار من جوه ازاي
جهاد: من اخت حضرتك
زياد: وهيا اخت حضرتي فاضيه 24 ساعه الجاسوس بيراقب كل شخص في المستشفي وبيكلمنا وينقل الاخبار ولو ريناد عملت كده ممكن يبان انا بس ممكن اطلب منها حاجه تتأكد منها حاجه ماحدش يقدر يوصلها غيرها فاهمه
جهاد: فاهمه
زياد: في جديد
جهاد: ايوه يا فندم عربية الإسعاف بعد ماخرجوا الطفل منها امبارح العربيه خرجت ومارجعتش لحد دلوقتي
زياد: تمام شوفي هيا فين دلوقتي وشددوا المراقبه علي العربيه دي
جهاد: تمام يا فندم
زياد: هو فين يوسف
جهاد: خرج من شويه
*********
(في بيت الاسيوطي هاله كانت قاعده في الجنينه وقدامه اله كاتبه بتستعملها وفجأه قطعها صوت ميرنا)
ميرنا: ماما هاله
هاله: رجعتي من الشغل بسرعه
ميرنا: هيا فين ايلين
هاله: روحت علي شقتها من شويه وقالت هاتنام
ميرنا: تمام شكرا (وجت تمشي قابلتها ريناد)
ريناد: فين ايلين
ميرنا: تعالي هيا في الشقه
***********
(عند ايلين الباب خبط وفزعها)
ايلين قربت من الباب: م مين
ده انا يوسف
ايلين: يوسف ..(وفتحت) ادخل
يوسف بخضه: ايه ده وشك ماله (ودخل وقعدوا)
ايلين: ده انا كنت بقطع بصل وعيني حرقتني ودمعت
يوسف: ايلين احكيلي مالك انتي عينك نفخت من كتر العياط
ايلين: يابني صدقني بصل
يوسف: وهو البصل بيخلي الصوت مبحوح ايلين ماتحاوليش تكدبي عليا
ايلين: يووووه يا يوسف
يوسف: ايلين انا قولتلك اني هافضل جمبك وقت شدتك وفي اي وقت هاتحتاجيني هاتلاقيني وزعلك هو زعلي وفرحك هو فرحي احكيلي ماتكتميش جواكي احكي كل حاجه جواكي فضفضي
ايلين: الحوار بس إن ذكرى وفاته ماما وبابا قربت فازعلانه
يوسف: هو ده الي مزعلك ومخلي الدموع تنزل من العيون الحلوه دي
ايلين: ودي حاجه قليله
يوسف: تؤ مش قليله بس حاسس ان في حاجه كمان
ايلين: لا مافيش
يوسف مسك ايدها: انا فاهمك وحاسس بيكي
ايلين بإنفعال: لا ماحدش فاهمني ولا حد حاسس بيا يا يوسف لأن بكل بساطه ماحدش فيكوا شاف ماما وبابا ولا يعرف عنهم حاجه ولا يعرف حاجه عن حياتي كانت ازاي معاهم وبقت ازاي من بعدهم
يوسف: خايف اقولك احكيلي اقلب عليكي المواجع
ايلين: هو فعلا فابلاش (هنا الباب خبط)..... ريناد وميرنا
ريناد وميرنا: ايه ده انتي بتعيطي مالك يا ايلين
ايلين: انا كويسه اقعدوا
ريناد وميرنا: ايه ده انت هنا
يوسف: ايوه
ريناد: عرفت هيا زعلانه ليه
يوسف: زكري وفاة والدها ووالدتها
ميرنا: هيا مش انهارده اصلا
ايلين: تؤ
ميرنا: امال بقا
ايلين: قربت
ريناد: احنا جمبك ومش هانسيبك (فضلوا يكلموها ويهدوا فيها لحد مابقت كويسه ونامت وبعد كده خرجوا)
ريناد: انا حاسه ان في حاجه تانيه
يوسف: وانا كمان طب اقولكوا تعالوا نتجمع كلما انهارده بالليل ونهزر ونضحك علي الاقل نحاول نخليها تنسي الحاجه الي مدايقاها دي
ميرنا: تمام نتجمع فين
ريناد: انا عزماكوا كلكوا عندنا انهارده علي الاقل ماما وبابا وعمي والباقي يعني يكونوا موجودين وكده ماشي
الاتنين: ماشي
***********
(اخر اليوم)
سهير: اليوم انهارده كان متعب جدا
جومانه: اوي
هاله: ربنا معاكوا
قطعهم يوسف: يا مساء الانوار ازيك يا سيحس ازيك ياا هو دلع رياض ايه
مراد: ضاضّا هههه
الكل: هههه
ريناد: تيجوا نلعب صراحه لحد مالاكل يجهز
زياد: يالا
ميرنا: هانقعد علي الارض
ريناد: هو حلاوتها علي الارض
هنا رياض طلع ولاعه وولع سيجاره وايلين بصت علي النار وجسمها جمد
يوسف: ايلين .. ايلين مابتتحركش جسمها جمد
ريناد: هات مايه بسرعه
يوسف قام جري علي المطبخ وجاب كباية مايه وهاله جت وراه
هاله: هو في ايه
ميرنا بعياط: ايلين
هاله: مالها
ريناد بلت وش ايلين وفضلت تحرك دراعها ويوسف يحرك رجليها والكل باصص عليهم بخضه ومش فاهم ايه الي بيحصل وايلين كانت في عالم تاني ومش حاسه بيهم وكل الي شايفاه مكان بيولع وفيه اتنرن ماسك فيهم نار
ميرنا فضلت تعيط جامد
زياد: اهدي يا ميرنا
هنا جه محمد: هو في ايه
جومانه: مش عارفه ايلين مغمي عليها بس مفتحه عينها
محمد خد ميرنا في حضنه: خلاص اهدي هاتبقا كويسه ، هو مين ولع نار قدامها
رياض: نار انا ولعت سيجاره بالولاعه بس مش فاهم ايه العلاقه
هاله: ليه يا رياض لييه
رياض: هو في ايه وايه الي حصلها
حسين: ايلين عندها فوبيا من النار يعني اول مابتشوفها جسمها بيتجمد ومابترمش عينها حتي
ريناد ويوسف: عمالين يحركوا أطرافها بخفه ويبلوها
زياد: يا جماعه هدوء
ريناد بخوف: انا هاطلب الاسعاف (وقامت)
ويوسف فضل جمب ايلين ويكلمها بخفه ويحسس علي وشها: ايلين انا معاكي انا جمبك مش هاسيبك ... مش هاسيبك
هنا ايلين ابتدت تسمع صوته ويوسف مسك أيدها وبدأ يدلكها وايلين ضمت صوابعها علي أيده واتعدلت بسرعه واخدت نفس عميق وكإنها كان غاطسه ف مايه لمده طويله وفضلت تنهج ويوسف شدها لحضنه جامد: رعبتيني عليكي
ميرنا: ايلين (وحضنتها)
زياد اخد نفس عميق: قلبي كان هايقف ريناد خلاص ماتتصليش بالاسعاف
ريناد: ايه فاقت ... ايلين (وحضنتها)
مراد: اتخضيت بجد
الكل فضل يطمن علي ايلين بما فيهم سهير وجومانه ورياض فضل يعتذرلها وإنه ماكانش يعرف
هاله: هاعملك شربة بندق
ايلين: لا مش عايزه
هاله: مش بمزاجك (ومشيت)
يوسف: انتي كويسه يا ايلين مش حاسه بأي حاجه
ايلين: انا كويسه
زياد: هو انا ماعنديش حد يحبني كده
ميرنا: هههه يابختك يا ايلي
ريناد بهمس: فضحوك
هاله: تعالي يا ايلين بعيد عن الرغايين دول
ايلين: حاضر (وقامت)
هاله: اقعدي يا حبيبتي (وكان في أيدها طبق) اشربي الشربه دي كويسه ليكي
ايلين: مش عايزه
هاله بصوت مسموع: يوسف تعالي ... هو بقا الي هايقدر عليكى ... خد شربها الشربه دي وغصب عنها (وادتهاله ورجعت للباقي)
محمد: اشمعنا يوسف ها
هاله: شش سبوهم لوحدهم شويه
ريناد: هه هه
زياد: ايه الضحكه دي
ريناد: هههههههه
هاله: شفتوا يوسف كان خايف عليها ازاي ولا شوفتوا شدها وحضنها ازاي اول مافاقت
حسين: ههههه مالك يا هاله
ريناد: هييييح نفسي في حد يحبني كده
زياد: نفسك في ايه
ريناد: غيران ههههه
ميرنا: علي فكره ممكن يكون الشخص ده قريب منك بس انتي مش شايفاه وهاييجي الوقت المناسب الي قلبك هايدق ليه .. بابا قالي كده
زياد: اوووو رومانسي انت ها
محمد: ده انا كنت مقطع السمكه وديلها
الكل: هههههههه
رياض: بس ايه حوار الفوبيا من النار انا طول عمري بسمع عن الفوبيا من القطط من المناطق المرتفعه من البحر لكن من النار لا بس ايه سبب ده اكيد في سبب
ريناد: ماحدش فينا عارف ولا حتى قادرين نوصل للسبب مابتقولش هيا الاول كانت لما بتفوق بتفضل تعيط وبتكتئب طول اليوم وحالتها بتبقي مرعبه بجد
ميرنا: لكن دلوقتي اتعودت بس بجد الموضوع بيخضنا اوي
مراد: طب مافيش علاج لده
جومانه: انا اترعبت لما شوفتها كده مابتتحركش ومبرقه
سهير: انا فكرتها ماتت
ريناد: ربنا يطول عمرها خلاص اقفلوا الموضوع عشان اليوم مايقلبش كآبه
زياد: بصى عليهم
ريناد: انا هاجيب الكاميرا واصورهم
(عند يوسف وايلين)
ايلين: كفايه يا يوسف ماليش نفس
يوسف بحنيه: ششش يالا كلي (كلت)
ايلين: مأثر انت اوي
يوسف: مش ناويه تقوليلى بقا ايه سبب الخوف ده من النار
ايلين: يوسف أقفل الموضوع
يوسف: طيب خلاص خلاص بس انا فعلا نفسي اعرف عنك كل حاجه
ايلين: وانا بحاول انسى يا يوسف
يوسف: مشكلتك انك بتهربي من الماضي .. واجهي الماضي يا ايلين عشان تخرجي من الدوامه الى جوه دماغك دي .. خدي
ايلين: خلاص شبعت
يوسف: دي المعلقه العاشره بس
ايلين: انت بتعد
يوسف: ايوه يالا اشربي أو كلي هي الشربه دي بتتاكل ولا بتتشرب
ايلين: بتتشرب
يوسف وهو بيبص بغرابه: والخضار ده بيتاكل ولا بيتشرب
ايلين: بيتاكل
يوسف: يبقا الشربه بتتاكل ولا بتتشرب
ايلين: بتتاكل وبتتشرب
يوسف: رد مقنع
***********
حسين: كفايه صور
ريناد: حاضر
ميرنا: بتبقا زكرى حلوه
زياد: عقبال ماتصوروني انا وخطيبتي (وغمز لجومانه وهيا بصتله بإستغراب)
محمد: انا بفكر اسافر انا وميرنا بعد كام يوم
ريناد: نعم ايه ده ليه
محمد: نقضي وقت مع بعض شويه طول اليوم شغل ونرجع ناكل وننام
ريناد: شغل واكل ونوم ده انت كل شويه تاخدها وتروحوا تتعشوا بره وبتقعدوا مع بعض في البيت وبتحكوا وتهزروا وهدايه وحاجات من دي وتقول تقضوا وقت
محمد: ياستي عايز اقعد مع بنتي شويه هما ثلاث اربع ايام كده ونرجع
زياد: طب هاتروحوا فين
محمد: ممكن نروح دبي
حسين: ليه ليه دبي ماترحوا شرم
هاله: ههه ماتسيبوا الراجل يقضي وقت مع بنتوا الله
ميرنا بدرامه: مش عارفه والله
هاله: هههه
حسين: وبكره هاتتعمل اكبر حفله بمناسبة رجوع اخويا ومراته وعياله
جومانه: اووو احلي خبر اسمعه
هاله: طب ولسه فاكر تقول دلوقتي
حسين: انا مجهز كل حاجه والحفله مش هاتتعمل هنا يا ستي انا مظبط كل حاجه انتوا بس عليكوا تجهزوا بالليل والعربيه تيجي تاخدكوا وتقدروا تعزموا صحابكوا في الشغل وانتي يا ميرنا اعزمي مروان مخصوص هابعتلوكوا اللوكيشن والدعوه
ميرنا: من غير ماتقول هههه ماحدش هايدخل من غير الدعوه صح
حسين: ايوه
ميرنا: okay
حسين بصوت عالي: وانت يا يوسف ابقي هات الوالد والوالده
يوسف: نعم
حسين: لا يا حبيبي خلاص خليك في الي انت فيه .. ابقو قولوله ههه
الكل: ههه
******
[تاني يوم]
(في شركه الاعلان)
فريده: هاي مراد ازيك
مراد: انا تمام وانتى
فريده: انا كويسه جدا بقولك في اوراق اتبعتتلك دخلتهم مكتبك
مراد: تمام شكرا
منه مقاطعه: مراد بيه
مراد: ايه يا منه
منه: في بعض الايميلات اتبعتت ، ابعتهم لحضرتك على اللابتوب
مراد: ايوه بسرعه
منه: تمام حضرتك
مراد: .... واه صح في حفله هاتتعمل انهارده انتوا معزومين
منه وفريده: انا
مراد: ايوه هابعتلكوا اللوكيشن والدعوه
منه: تمام
************
(عند ايلين)
ريناد: انتي لسه مصره انك مش هاتحضري حفلات
ايلين: انتوا عارفين انى مش بحب الحفلات وماحضرتش معاكوا حفله قبل كده ايه الجديد يعني
ميرنا: عايزينك تيجي
ايلين: وانا مش هاجي
ريناد: لو ماروحتيش هازعل منك
ايلين: ريناد ميرنا بجد ماتصروش انا مش هاجي خلص الكلام
ريناد: ده انتي برده
ميرنا: طب وهاتفضلي لوحدك
ايلين: ايوه (وفجأة افتكرت إن عمها ممكن ييجى في اي وقت فاحست بالتوتر)
***********
(فى بيت الاسيوطي)
جومانه: انا عايزه أخرج اشتري لبس الحفله
سهير: ايوه وانا
هاله: طب اجهزوا ويالا نخرج احنا الثلاثه ونشترى والسواق بره
سهير: طب اجهز القائمه
هاله: وقته
جومانه: لا
هاله: اهي بنتك قالت
سهير: خلاص
قطعتهم ريناد: ماما بقولك انا هانزل انا وميرنا
هاله: احنا نازلين تعالوا معانا
ريناد: طب أكمل كلامى
هاله: عشان فهماكى
ريناد: تمام
هاله: وايلين
ريناد أشارت ليها بمعني مافيش فايده
[وعدي الوقت وخلصوا شوبنج وكل واحد رجع لشغله وعزم زمايله وخلص اليوم وجه موعد الاستعداد للحفله]
حسين: ايه
رياض: ايه
حسين: انت كمان مراتك بتاخد سنه في اللبس
رياض: قرن وحياتك
مراد قطعهم: هانفضل مستنيين كتير
حسين: ايوه انت بتسألنا
زياد: بس ايه الشياكه الي انتوا فيها دي
رياض: احنا برضوا
زياد: ربنا يخليك من زوقك
مراد: هههه لا بس جامد
زياد: انت اجمد هههه
مراد: فين يوسف
زياد: هايقابلنا هناك (الجرس رن) ..... محمد وميرنا
زياد: فوووووو ايه الشياكه دي يا ميري
ميرنا: هههه من زوقك
زياد: وانت يا عم محمد مش رايحين نخطبلك
محمد: ههههه
ميرنا: عن ازنكوا
***********
(عند ايلين)
ايلين: اروح ولا بلاش .... بس لو فضلت ممكن عمي ييجى انا اروح احسن أما الحق قبل مايمشوا
*******"
في أوضة ريناد: ادخل ......ميرنا
ميرنا: واااااو ايه ده يا رينا مش مصدقه عيني ايه الجمال ده ماكنتش متوقعه إنه يطلع حلو كده بجد زياد زوقه توحفه اوي
ريناد: مش عارفه بس ماكسوفه انزل بيه يعني مش متعوده البس فساتين سهره وكده
ميرنا: دانتي هايجيلك عرسان بالهبل هههه
(الباب خبط)..... ايلين
ايلين: بفكر اجي معا ايه ده ايه الجمال الي انتوا فيه ده
ميرنا وريناد: هههه حياتي
ايلين: حلو اوي
ريناد: انتي هاتيجي
ايلين: ايوه
ميرنا: عاااا هييييه
ريناد: هههه طب البسي بسرعه اناانا عملت حسابك في الي انا اشتريته عشان لو غيرتي رأيك واهو غيرتيه
ميرنا: اهو علي السرير
ايلين: حياااتى
وحدته ودخلت الحمام تغير واخدت نفس عميق والدموع تجمعت في عينها وبعد شويه خرجت وكانت زي القمر
ميرنا: ايه الجمال ده
ريناد: ماتوقعتكيش حلوه كده في الفساتين
ايلين: حياتي تسلمي
ميرنا: طب اقعدي ظبتي الميك آب بتاعك وشعرك يالا بسرعه
ايلين: تمام ثواني واخلص
******
جومانه: مش فاهمه ليه رفضتي الفستان التاني
سهير: بعد نفس عميق: بصي يا جيجي يا حبيبتي انا كنت غلطانه لما سبتك كده ماكنش لازم اسمحلك بده كلوا كل ده غلط وبعدين ماله ده ماهو من تصميمي مش لازم يكون مبين ثلاث ارباع جسمك كلام باباكي صح وانا كنت غلطانه انا خلاص فهمت غلطي لازم تتغيري يا جومانه لأن ده مش صح
جومانه: ياما كان نفسي اسمع منك ده كنت بزعل لما بابا ينصحني والاقيكي تشجعيني وبصراحه لما شوفت ريناد وإنها عكسي ويمكن احسن مني غيرت منها مش عشان احلي مني لا عشان عندها اب وام ينصحوها ويخافوا عليها
سهير: يا عمرى انتى انا اسفه جدا انا خلاص هاتغير بعد كده وانتي كمان هاتتغيري ونكون احسن من الأول
جومانه: يا رب يا ماما
(وحضنوا بعض)
*******
(في أوضة ريناد)
ايلين: خلصت
ميرنا: انتي متأكده انك مش خبيرة تجميل
ايلين: هههه
ريناد: توحفه يا ايلين
ايلين: روحي تسلميلي
ريناد: يالا ننزل بقا
ايلين: ايه ده بتهزري انتي هاتنزلي كده
ريناد: مالي في اي
ايلين: ريناد حبيبتي سيبي شعرك وسيبك من ام الكحكه دي ىما بتخليه حر بيظهر جملك اكتر
ريناد: انتي عارفه اني مش بحب اسيب شعري طويل وبيدايقني
ميرنا: مانتي سيبتيه لما خرجتي مع نضار اقولك رأيي ايلين عندها حق بيبقا شكلك احلى وانتي مسيبه شعرك وكمان هايليق اكتر علي الفساتين
ريناد: ضايقني ساعتها وندمت اني سيبته
(ميرنا وايلين قاموا وشدوها وقعدوها)
ريناد: لا مش عايزه
ميرنا: انتي معاكي خبيرة تجميل
ايلين: بس عارفه احلي حاجه إن لون شعرك لايق مع الفستان
ميرنا: هو دهبي
ريناد: لا بني فاتح
ايلين: ده بني فاتح امال شعر ميرنا يبقا ايه ده اشقر غامق
اثبتي بقا عشان اخلص بسرعه
********
(تحت)
زياد: ماتيالا بقا عايز انام الله
حسين: مش عارف ايه ده
زياد: ايه المكنه الي جايه علينا دي(قالها لما شاف هاله نازله علي السلم)
حسين بص وقرب ليها بنظرات اعجاب
زياد: انتي عارفه لو ماكنتيش امي كنت ارتبط بيكي
مراد: ايه العيله الي كلها مزز دي
الكل: ههههه
*******
(في أوضة ريناد)
ميرنا: انا انهارده انبهرت كتير ريناد ايه الجمال ده كله الي كان مستخبي
ايلين: ما شاء الله هاتحسديها
الثلاثه: ههههههه
ميرنا: يالا بقا ننزل
ايلين: كده احنا جاهزين يالا (وخرجوا وقابلوا سهير وجومانه بره في ال coury door
سوهير: ايه الجمال ده انتوا التلاته احلي من بعض
جومانه: حلو فستانك اوى يا ريناد
ريناد: ده الي زياد جبهولي هديه
جومانه: فعلا زوقه توحفه
سهير: فين هاله
ريناد: عادينا علي الاوضه مالقنهاش
جومانه: يبقا نزلت
سهير: تمام يالا
********
زياد: انتوا شايفين الي انا شايفه
مراد: ايه ده ... في كده
الكل بص علي السلم لقوهم نازلين وكل واحده فيهم ليها جمالها الخاص بس زياد ماكنش مركز غير علي جومانه الي خطفت قلبه بفستانها الطويل الي حد ما
ومراد كان مركز علي ريناد ومنبهر بجمالها الي كانت دفناه
رياض لسهير: ايه الجمال ده
سهير: ههه وانت متشيك علي الاخر
رياض: حاسس اني واقف قدام القمر جمالك مايتوصفش
سهير: وحشتني ووحشنى كلامك الحلو ده من ساعت مارجعنا مصر وانت مش مديني اي اعتبار
رياض: وانا اقدر (وباس جبهتها)
حسين: يالا العربيات وصلت
***********
في مكان الحفله وصلت العربيات والكل نزل وكان يوسف ومروان ونضار واقفين مستنينهم
مروان لميرنا: اي الجمال ده كلو
ميرنا بخجل: احم ده من زوقك
حسين: معلش يا يوسف انت ومروان تعبتكوا معايا عشان تستقبلوا الناس
مروان: لا خالص يا عمي تعبك راحه
يوسف: لا انت تعبتنا فعلا .. تعبتنا
حسين وهو بيخبط علي دراع يوسف: في حاجه يا يوسف .... في حاجه يا حبيبي
يوسف: لا مافيش مافيش
حسين: لو في حاجه قول
يوسف: لا مافيش يا عم خلاص (وبعد ايد حسين)
مروان: هههههههه
(والكل ضحكوا ودخلوا جوه بس يوسف مالاحظش ايلين)
ريناد وايلين وميرنا قاعدين علي طربيزه وفجأه شافت زياد واقف لوحده فارحتله
ريناد: واقف لوحدك ليه (قطعهم)
اللواء: اهلا
زياد: اهلا بحضرتك كنت واقف مستنيك كنت متأكد أن حضرتك هاتيجى
اللواء: ماقدرتش ارفض طلبك مع إنى مش فاضي بس قولت اجي عشر دقايق كده وامشي
زياد: فيك الخير
ريناد: زياد مش تعرفنى
اللواء: انتى ريناد أخته صح
ريناد: صح حضرتك تعرفني منين
اللواء: انا اللواء مجدى
ريناد: اااه اهلا بحضرتك
اللواء: اهلا بيكي يا ريناد
زياد: تعالي اعرفك علي بابا
اللواء: انا وابوك صحاب من زمان يابني
زياد: طب تعالي نروحله
اللواء: يالا
**********
(اللواء قعد معاهم شويه ومشي)
رياض: انا اول مره احضر حفله بالجمال ده
سهير: فعلا روعه مافيش حاجه ناقصه
مراد: مش غريبه علي عمي
حسين: ههههه الحقيقه مش انا إلى مصمم الحفله انا مهندس معماري مش خبير حفلات
سهير: امال مين إلى صمم الحفله دي
حسين: دى واحده انا يعتمد عليها في كل حفلاتى هيا ممتازه جداً ثواني هاندهالكوا (ومشي)
زياد: طب وليه الغموض
يوسف: عشان انتوا تعرفوها فاهيجبهالكوا شخصيا
مروان: يا عم وانت مالك انت وهو
جومانه: احنا نعرفها طب قول مين
هاله: هاتيجي يا جمانه
مروان: مين
يوسف وزياد: وانت مالك
مروان: بتردوهالي هههه
**********
ايلين: دي اول مره احضر فيها حفله بالجمال ده اقصد يعني ماكنتش متوقعاها تكون بالجمال ده يا ميرنا بجد انتي روعه
ريناد: فعلا على طول بتبهريني
ميرنا: ماتيجوا نرقص
حسين مقاطع: خلو الرقص بعدين لسه السهره طويله تعالي يا ميرنا عايزينك
ميرنا: مين
حسين: تعالي وهاتشوفى (ومشيوا)
ريناد: تعالي نرقص احنا
قطعهم نضار: يا اهلا بالبنات
الاتنين: اهلا
نضار: لامؤاخذه علي المقاطعه
ايلين: لا عادي
نضار لريناد: يبقي تسمحيلي بالرقصه دي
ايلين: جت لحد عندك
نضار: ها موافقه
ريناد: احم .. م ماشي (ومشيوا ومابقاش غير ايلين لوحدها)
ايلين ف سرها: يلهوي زياد هينفخك
************
حسين: اهى
رياض: هيا كانت تايهه وبتدور عليها
يتبع.........
#كتابة خديجه وليد
