مراد: بعشقك مش بحبك بس
ريناد بعدت عنه
ريناد: اشتريت الأرض دي ليا وساعدتني ووقفت معايا ف وقت خنقتي، ووقفت جمبي ف المستشفي وبعد كده بتقولي بحبك ومفكر انك بالطريقه دي هاتشتريني والمفروض اني اقولك وانا كمان ومستحيل ارفضك بعد ده كله بس لا انا مش بالسذاجه دي عشان اصدقك انا مش هبله
مراد: انتي بتقولي اي قصدك اني عملت ده كله عشان اخليكي تحبيني
ريناد: ايوه
مراد: ودي حاجه وحشه، اقولك امتي تبقا وحشه، لما اقف معاكي في المستشفى عشان اخليكي تفهمي اني شخص شهم وطيب ومايكونش ف بالي تعبك اصلا لما اقف معاكي وقت خنقتك عشان تعرفي اني شخص يعتمد عليه وف نفس الوقت مش حاسس بوجعك اصلا، مش حاجه وحشه اني اتقرب منك عشان تحبيني بس طول الفتره الي فاتت كان هدفي مساعدتك لاني لما بشوفك زعلانه قلبي بيتقطع مبحبش اشوفك مدايقه بزعل وبتخنق مش استدراجك
ريناد: اممم وياترا بقا مرتجلهم ولا حافظهم عشان تكون مستعد للحظه دي
مراد: مش ملاحظه انك واخده الموضوع بـ Mockery شويه
ريناد: لا خالص بس انا بقول الحق والي مش عاجبك
مراد اخد نفس عميق وحط أيده علي وشه ورجع شال ايده: طب اي الطريقه الي اقدر اثبتلك بيها حبي
ريناد: حب اي وهبل اي انت صدقت انك بتحبني فعلا
مراد: انتي الي مش مصدقه وانا بقولك اعمل اي عشان تصدقيني
ريناد: طبعا انت متخيل مني اوديك ع حته فيها شلال واقولك نط من هنا فاتنط فاصدق بقا
مراد: امال عايزاني اقولك ايه عشان تعرفي اني فعلا بحبك
ريناد: لو سمحت روحني الحوار خد اكتر من حده
مراد بنبرة مليانه ضيق وحزن: للدرجادي شايفه حبي ليكي حاجه عاديه وتفها وملهاش لازمه
ريناد: هو اي شغل الدرامه ده انا ماشيه ( ولسه هتمشي مراد لحقها وركبها العربيه ومشيوا وطول الطريق كان مسيطر عليهم الصمت ومراد كان حزين بس حاول مايبينش)
************
وصلوا الكمباوند وكان في ناس كتير عماله تجري وريناد ومراد استغربوا وفجأة لقو ناس كتير واقفه في المحيط الي قدام فيلا الاسيوطي وبيصرخوا وفي مطافي واقفه قدام العماره الي ساكنه فيها ايلين والرجال المطافي بيجروا
مراد وريناد بينزلوا بسرعه وبيشوفوا الحريق الي ماسك في معظم العماره ومن ضمنهم شقة ايلين ريناد صرخت ولاحظت هاله الي كانت واقفه بتصرخ وجريت عليها هيا ومراد وكانت جنبها ميرنا وبتعيط وبتصرخ جامد ع الأرض
ريناد بفزع شديد: ماما اي الي حصل فين ايلين جوه صح
هاله بتعيط جامد ومش عارفه ترد
مراد بيحاول يهدي هاله: طب اهدي طيب فهميني هيا فين
ريناد وسيطر الرعب ع قلبها وبدموع وصريخ: فين ايلين ردي يا ماما فين ايلين (ونزلت لميرنا الي قاعده ع الأرض بتعيط وتصرخ)
ريناد بتوسل ودموع: فين يا ميرنا قولي بليز يا ميرنا فين هيا (وفجأه بيفزعوا اول ما سمعوا انفجار شديد طالع من العماره)
ريناد بعياط: اوعوا تقولوا أنها فوق اوعوا تكون فوق بالله عليكم
ميرنا بعياط: ايلين يا ريناد خليهم يلحقوها ونبي ايلين فوق ونبي
ريناد صرخت ومراد جري ع واحد من رجال الاطفاء وقاله علي ايلين وفي الوقت ده نزلت ناس من العمارة بيجروا ومراد وريناد وهاله وميرنا فضلوا يدوروا علي ايلين بينهم بس مالقوهاش وفضلوا يعيطوا
ريناد جريت ع رجل الاطفاء وبصريخ وعياط: ايلين مانزلتش ايلين مانزلللللتش
رجل الاطفاء: هيا الدور الكام
ريناد بعياط: السادس
رجل الاطفاء: اكتر دور ماسك فيه النار
ريناد فضلت تصرخ ومراد بعدها
مراد: اهدي هايجبوها اهدي
ريناد بصراخ: امتي هايجبوها امتي هيا لما بتشوف النار بتتجمد ومابتتحركش (وانهارت من العياط ومراد بيهديها)
هاله بعياط هستيري: انا السبب انا السبب يارب احميها يارب والناس عماله تهدي فيهم ومافيش نتيجه
ريناد رجعت للراجل
ريناد بصراخ: انتوا مستنيين اي لما تموت وبعدين تلحقوها
الرجل: انا اسف احنا بنحاول ع قد مانقدرش نطفي النار بس مانقدرش نطلع هناك المكان خطير
ريناد بصراخ اكتر: يعني اي خطير امال شغلك اي هيا فوق مرعوبه وانت تقول خطير البنت هتموت وانتوا واقفين هنا
الرجل: احنا بنحاول نساعدها وبننده ليها بالمكريفون
ريناد بصراخ: هاتمووووت حرام عليكوا (هنا جه حسين ورياض وجمانه وسهير مفزوعين من هول المنظر)
جومانا بفزع: اي ده في اي
حسين بفزع: هاله ايلين فين (وسمع واحد رجال الاطفاء بينادي ع ايلين بالمكريفون وريناد عماله تصرخ والكل بيعيط ومراد بيحاول يهديها
ريناد بصراخ: ابعد عني ايلين هاتروح مننا ابعد
حسين راحلها وشدها وحاول يهديها والكل واقف منتظر ظهور ايلين وهيا عينها ع باب العمارة بس ايلين مابتنزلش وفجأة لقت نفسها بتجري علي باب العماره وميرنا صرخت وجريت وراها بس مسكها محمد الي كان وصل
ميرنا بصراخ: ريناااااد لاااااا
الكل لاحظ ريناد الي دخلت العماره بسرعه وفضلوا يصرخوا ورجال الإطفاء بيحاولوا يجبوها بس ماعرفوش
هاله بصراخ: ريناااااد بنتييي، ريناااااد
وهنا مراد دخل العماره وسهير وجومانا فضلوا يصرخوا
رياض: مراااااد
جوه ريناد بتحاول تطلع ع السلم والنار ف كل مكان والدخان وعماله تكح وبتحاول تطلع بسرعه والكل بره مرعوب واخيرا وصلت قدام شقة ايلين والباب كان مكسور ومولع وريناد مش عارفه تدخل من النار وفجأه سمعت صوت بينادي عليها وكان مراد وطالع ع السلم
ريناد بصراخ: ابعد عني مهما حاولت انا هدخل برضوا
مراد وصل ليها وبقلق وحط أيده ع خدها: انتي كويسه
ريناد بعدت وحاولت تدخل بس ماعرفتش ومراد زق الباب الواسع برجله جامد ودخلوا هما الاتنين بسرعه ومراد شد ريناد بسرعه: حاسبي وكان هايقع عليها خشبه بتولع
مراد: انتي كويسه
ريناد: ...... ايليييين وكانت مرميه ع الأرض وشها مليان كدمات وبتنزف دم من مناخيرها بوقها
ريناد بصراخ: ايليييين، وقعدت وحاولت تفوقها وتصرخ وتعيط ومراد شال ايلين بسرعه وخرج بس في حاجه كبيره مولعه وقعت وخبطت ريناد واغمي عليها
مراد بصراخ: ريناااد (وحاول يحط ايلين في اي مكان وفجأه بيقع قدامه حاجه مولعه وبيبعد بسرعه وبيلاقي يوسف قدامه ووشه اصفر ومفزوع ع ايلين وخدها منه بسرعه ومراد دخل تاني وشال ريناد وخرج ونزل هو ويوسف بعد معاناه وقابلوهم رجال المطافي ع السلم بيطفوا النار وبيساعدوهم وخرجوا والكل جري عليهم بسرعه مفزوعين عليهم
هاله: ايلييين ريناااد (بتعيط)
ميرنا: عااا اي الي حصل اي الدم ده ريناد مالها ايلييين (بتعيط)
سهير: بتطمن ع مراد هيا وجمانا وبيتصلوا بالاسعاف وبيروحوا ع المستشفى وزياد بيقابلهم الي مراد كلمه ف الطريق
*******
هاله بعياط: يارب يكونوا بخير يارب، يارب، يارب
حسين: اهدي يا هاله أن شاء الله هيكونوا بخير
سهير: هايبقوا كويسين
يوسف رايح جاي ف الطرقه
زياد: اهدي يا يوسف هاتبقي كويسه
يوسف بعصبية: ابن ال$!#@ ال$@$! ال$#&؟ !&@$ وقسما بالله نهايته هاتبقي علي ايدي
زياد: مين قالك أنه هو ماممكن تكون حريقه عاديه
يوسف بهجوم: والضرب الي ف وشها
هاله بعياط: ايوه اكيد الي اسمه عمها ده الي عمل كده
جومانا: هو مش قالها لو عرفت حد بحاجه هايأذيها
زياد: طب وريناد مالها
جومانا: مش عارفه مراد هو الي يعرف
رياض: هو فين مراد
بصو لقوه واقف قدام شباك أوضة ريناد وزياد راحله وحط أيده ع كتفه
مراد: اكيد عم ايلين السبب ف ده
زياد: هانعرف كل حاجه لما ايلين تفوق (خرج دكتور من أوضة ايلين والكل جري عليه)
يوسف بلهفه: ايلين يا دكتور
الدكتور: للأسف لازم نبلغ الشرطه واضح أنه تم الاعتداء عليها بالضرب وبآله صلبه كمان في كسور وكدمات واحتمال تكون حاله الاغماء من الضرب أو من صدمه عصبيه وكان في دخان كتير سبب ليها مشكله ف الرقتين وفي حروق في رجليها اليمين
يوسف بغضب: يابن ال $@!& هاقتله
زياد ومراد مسكوه: اهدي يا يوسف مش كده
يوسف بإنفعال شديد: هاقتله هاشرب من دمه
الدكتور: لو سمحت مايصحش كده احنا ف مستشفي وفي مرضي
رياض: اهدي يا يوسف براحه
حسين: يوسف ظابط يا دكتور ومسئول عن القضيه دي
الدكتور: هيا البنت محتاجه راحه دلوقتي ممكن تتفضلوا ف المكتب عشان الصوت والمرضي
هاله: طب وريناد يا دكتور
الدكتور: المريضه التانيه الخبطه جت شديده شويه ف دماغها اتفتحت وأغمي عليها محتاجه راحه شويه وهاتبقا كويسه
هاله وميرنا بيعيطوا جامد وسهير وجومانا وبيحاولوا يهدوهم والباقي راحوا مع الدكتور ومراد رجع لشباك ريناد وكانت نايمه ع السرير ورأسها ملفوفه بشاش وبعد شويه سهير بتاخد هاله ع الكافتيريا تشربها ليمون وجومانا خرجت ف الجنينه هيا وميرنا وريناد بتبتدي تصحي ومراد بيدخلها
مراد بلهفه: ريناد انتي كويسه
ريناد بألم: ااه انا فين اي الي حصل (وبتفتكر وبلهفه وخوف شديد) ايلين ايلين فين
مراد: اهدي اهدي هيا ف اوضه تانيه كويسه ماتخافيش
ريناد: عايزه اروحلها (ولسه هاتقوم حست بدوخه ومراد سندها بسرعه وقعدها ع السرير)
مراد: اهدي مش لازم تتحركي كده في جرح ف دماغك
ريناد بعصبية: جرح اي وزفت اي اختي مش عارفه مالها وعايزه اطمن عليها ومرعوبه وتقولي جرح وسايبينها ف اوضه لوحدها ليه
مراد: ماتخافيش يوسف معاها دلوقتي ومن شويه جاب اتنين عساكر يحرسوا اوضتها
ريناد: ابعد انا عايزه اشوفها
مراد: حاضر بس هاترجعي ترتاحي
ريناد: انت هتعمل فيها ولي امري (وخرجت بسرعه ومراد أشار ليها ع اوضه ايلين ودخلت وكان يوسف قاعد وماسك ايد ايلين ودموعه ع خده
ريناد قربت منها وبدموع ومسحت ع شعرها وباستها من جبينها وفضلت تحسس ع وشها: يا روح قلبي ماتستهليش كل ده ، هو الدكتور قال اي
يوسف: اتعرضت لضرب شديد
ريناد بتعيط
يوسف: انتي كويسه
ريناد بدموع: تمام
مراد: عملتوا اي مع الدكتور
يوسف: زياد راح يحقق بخصوص القضيه ومستنين ايلين تصحي عشان نعرف منها الي حصل
مراد: والباقي فين
يوسف: في الكفاتيريا تحت
هنا دخلت هاله بلهفه والباقي وراها وجريت ع ريناد: ريناد حبيبتي خرجتي من اوضتك ليه رعبتيني عليكي انتي كويسه
ريناد: كويسه انا كويسه
حسين قرب من ريناد وضمها ليه وفضلت تعيط جامد وتتألم
ميرنا: لازم ترتاحي يا ريناد
ريناد: لا انا هفضل معاها
محمد: ماينفعش يا حبيبتي وبعدين يوسف معاها لازم ترتاحي
هاله: تعالي يالا ارتاحي وشك اصفر اوي وخدتها هيا وحسين وخرجوا والباقي اطمئنوا ع ريناد ومشيوا ومافضلش غير هاله وحسين ومراد ويوسف وميرنا
وجومانا قاعده ف الجنينه مستنيه زياد بقلق
*********
في الليل
الكل قاعد في أوضة ريناد ويوسف عند ايلين
ف أوضة ريناد
ميرنا: انا هروح اشوف ايلين وارجع
ريناد: وطمنيني
ميرنا باستها وخرجت
هاله: ياترا زياد أتأخر ليه
حسين: بتصل عليه مابيردش
جومانا بقلق: طب حاول ترن عليه تاني
مراد: هو اكيد مشغول ومش هايعرف يرد على حد
هاله: جيب العواقب سليمة يارب
جومانا خرجت بره المستشفي بتحاول ترن علي زياد
********
ميرنا: يوسف
يوسف: ايه
ميرنا: لسه ماصحيتش
يوسف: تؤ
ميرنا: طب انت هتفضل كده طب كل حاجه ع الأقل
يوسف: ماليش نفس
ميرنا: هو انتوا هتعرفوا تقبضوا علي عمها ده
يوسف: ده انا هادبحه بسكينه تلمه بس اطمن علي ايلين الاول بس
ميرنا: هاتبقا كويسه
يوسف: إن شاء الله
ميرنا: هو عمل ليه كده ربنا ينتقم منه
***********
جومانا رايحه جايه قدام المستشفي وبترن ع زياد
جومانا بخوف: يلهوي لو عم ايلين عمل فيه حاجه ..... لا لا اكيد ..لا
وفضلت ترن وخرجت تتمشي ولقت نفسها ف مكان فاضي وفي شابين ماشيين وراها اتوترت وجت ترجع تاني وقفوها
الشاب1: علي فين بس
جومانا: انت تعرفني عشان تسألني
الشاب2: نتعرف عادي
جومانا: لا شكرا (ولسه هاتمشي وقفوها)
الشاب1: ومالك مستعجله ليه بقولك تعالي معايا الشقه اعملك ماساج
جومانا: ابعد ايدك
الشاب 2 بيتقرب منها ويلاعب شعرها: فكك منه وتعالي انا هاظبتك
جومانا بزعيق: stubbed ابعدوا عني
الشاب1: وليه الزعيق بس وحاولوا يشدوها غصب عنها وهيا صرخت وفجأه لقوا ايد بتشدهم جامد وكان زياد وفضل يضرب فيهم ومداهمش فرصه يدافعوا عن نفسهم لحد ماوقعوا ع الأرض وقومهم وزعقلهم ومشيوا بسرعه وجومانا جريت عليه: زياااد وحضنته جامد
جومانا: انت كويس عم ايلين ماعملش فيك حاجه
زياد: عم ايلين اي ... انتي كنتي بتعملي اي هنا
جومانا: كنا بنرن عليك مابتردش فاخرجت اتمشي يمكن اقابلك (بإبتسامه) وقابلتك
زياد بعصبية: انتي متخلفه يعني اي تتمشي ومالقتيش غير المكان ده وتتمشي فيه افرضي ماكنتش مشيت من هنا كان اي الي هيحصل فيكي
جومانا بزعيق: وانا مالي انت الي مابتردش ع موبايلك الله (وسابته ومشيت)
زياد: يابنتي(راحلها) بطقي شويه اي السرعه دي
جومانا: ششش مالكش دعوه بيا
زياد مسك أيدها ووقفها: اهدي دي غلطتي اني خايف عليكي
جومانا بدموع: خايف اي انا من الصبح برن عليك وقلقانه وماقولكش الأفكار الي جت ف دماغي وتزود خايف
زياد: الموبايل بتاعي مش لاقيه هرد ازاي
جومانا: ع الأقل رن من عند اي حد
زياد: للدرجادي خايفه عليا (وقرب ومسح دموعها بحنيه وهو باصص في عيونها بإبتسامه خفيفه) بلاش اشوفك بتعيطي تاني اوكي
جومانا: اوكي .. يالا (ومشيوا)
********
(ف أوضة ريناد)
يوسف: اي يا زياد عملت اي واتأخرت ليه كده
زياد: طب اهدي اضطريت اني أأجل القضيه الي كنت شغال فيها انا وانت وكنت بحقق حوالين العماره وكميرات المراقبه كلهم متعطلين اني الاقي دليل يوصلنا لحاجه بس مافيش اثر ومافيش قدامنا غير أننا نستناها تصحي ونعرف
هاله: طب لو ماطلعش هو
يوسف: لا هو مافيش غيره اصلا
حسين: مين يعرف مش يمكن يكونوا حراميه
زياد: لا اصحاب العماره بيقولوا ماشافوش حراميه هما لقوا مره واحده النار ماسكه في الشقق ومافيش حد متصاب غير ايلين يبقا الجاني كان قاصدها ومافيش حد غير عمها يعمل كده
*********
في غرفه فيها ادويه كتير ومحاليل وحقن وآلات جراحيه واقف دكتور مغطي وشه بكمامه وماسك في أيده حقنه ومن نظرته ليها بتبين أنها خطيره وبيتكلم في الموبايل
الدكتور: ايوه هيا لسه مافاقتش
؟؟؟
الدكتور: والحقنه الي ف ايدي دي تموتها خلال 5 دقايق
؟؟؟
الدكتور: لا استنا علي فين نصيبي الاول
؟؟؟
الدكتور: لو لقيت الفلوس ناقصه هاوديك في داهيه
؟؟؟
الدكتور: شويه كده وهاعمل نفسي داخل اتفحصها وهاحطلها الحقنه ف المحلول ولا من شاف ولا من دري
؟؟؟
الدكتور: اسمي عاصم مش عصام
؟؟؟
الدكتور: سلام
*******
الدكتور بيتفحص ريناد: اقدر اكتبلك على خروج دلوقتي انتي بقيتي كويسه
ريناد: تمام شكرا
الدكتور: اتفضلي الروشته دي فيها الادويه الي لازم تجبيها
ريناد بتتفحصها: تمام
الدكتور خرج
زياد: تمام تقدروا تروحوا انتوا بقا وانا ويوسف ومراد لو عايز هانفضل هنا
ريناد وميرنا وجومانا: انا هفضل هنا
هاله: مش هروح وايلين ف بالحاله دي
زياد: بابا شوف انت بقا
حسين: اولا الدكتور قال إنها محتاجه راحه يعني وجودنا هنا مالهوش لازمه فيالا
ريناد: بس..
حسين: ولا كلمه ..... يالا يا هاله .. هاتيجي يا مراد
مراد بص لريناد
يوسف: لا مراد هيفضل معانا
حسين: تمام .. مع السلامه
التلاته: سلام
ريناد وميرنا: طب انا مش هاسيبها
حسين: ولا كلمه يالا عشان رياض ومحمد مستنينا اصلا
**********
مراد: يالا نخرج من الاوضه
زياد: تعالوا ننزل في الكفاتيريا
(وخرجوا ويوسف بص ع ايلين واطمن عليها ونزلوا وقعدوا)
مراد: حطيت مراقبه ع الراجل ده
زياد: حطيت مراقبه عند بيته واي جديد هايتصلوا
يوسف: يعني لسه ماحدش اتصل
زياد: تؤ
يوسف: انا هاطلع اطمن علي ايلين
مراد: مش لسه مطمن عليها قبل ماننزل
يوسف: مش مطمن
زياد: ماتخافش يا يوسف
مراد: اشرب ليمون يهدي اعصابك
يوسف: لا لا مش عايز
*********
واحد من العساكر الي قدام باب أوضة ايلين: حضرتك داخل
دكتور عاصم: هاتفحص المريضه
العسكري التاني: ومغطي وشك ليه
عاصم: دكتور وفي مستشفي وفي مرضي كتير بدخلهم مش لازم أأمن نفسي ولا اتعدي لو المرض معدي
عسكري1: تمام ادخل
ودخلوه وقرب من ايلين وطلع الحقنه من جيبه وحطها في المحلول وبعدين خرج
عسكري1: اي لحقت تتفحصها
عاصم: انت هتوريني شغلي (ومشي)
********
زياد: اليوم كان متعب اوي
يوسف: لا انا مش مطمن انا هاطلع (وقام مشي والاتنين راحوا وراه
*******
يوسف: في حد دخل
عسكري2: دكتور يتفحصها بس خرج بسرعه
التلاته دخلوا بسرعه
يوسف حط ايد ع وشها: سخنه اوي
مراد: انا هانده للدكتور (وخرج)
زياد خرج للعساكر بعصبية: كان شكله عامل ازاي الدكتور ده
عسكري1: ماشفناش كان حاطط كمامه
زياد بزعيق: يا اغبيه (جه الدكتور)
الدكتور: في اي (ودخل لأيلين)
في اي مالها
يوسف: سخنه اوي
الدكتور حط أيده ع رأسها: سخنت جدا
زياد بعصبية: في دكتور دخل وكان مخبي وشه
الدكتور: دكتور مين ماحدش المفروض يتفحصها غيري (وبرق عين اول ماشاف المحلول وشد الكالونه من ايد ايلين بسرعه وطلب الممرضه )
يوسف بقلق: في اي
الدكتور: في ماده موميته اتحطت في المحلول
الثلاثه بفزع: اييييه
يوسف بزعر بيحاول يصحي ايلين: ايلين ايلين اصحي ونبي اصحي ونبي ايلين
الممرضه جت ومعاها واحد تاني
الدكتور: لو سمحتوا اخرجوا
يوسف بزعيق: انا مش هاخرج ولا هاتحرك من جمبها
الدكتور: طب لو سمحتوا اتفضلوا انتوا
زياد ومراد خرجوا
(بعد ساعه)
يوسف قاعد بره وباين عليه الحزن الشديد وزياد ومراد بيحاولوا يهدوه
زياد: اهدي يا يوسف عشان خاطري
يوسف بهستيريه: هاقتله .. هاطلع روحه ف ايدي
زياد: ايلين اختي ومش هاخليه يتهني بيوم تاني
وقام زياد ويوسف واتجهوا للمدريه ومراد عرف من العساكر مواصفات الدكتور وطلب من بيتر صديقه يدور عليه واتجه للبيت
*********
في بيت الاسيوطي الكل قاعد عدا ريناد
رياض: امال فين ريناد
هاله: حبيبتي نامت من كتر التعب والتفكير
رياض: وهيا برضوا الخبطه مش قليله
ميرنا: انا هاتصل بزياد يطمني على ايلين
محمد: ميرنا خلاص بكره كلنا هنروح ماتقلقيش عليها
هاله: بس انا مش مطمنه
حسين: هاتبقا كويسه إن شاء الله
جومانا: ان شاء الله
هنا وصل مراد
رياض: رجعت ليه مش كنت هتفضل هناك
مراد: .......
ميرنا بقلق: في اي يا مراد في حاجه حصلت
مراد: ........
هاله: ماترد يابني وقعت قلبي
سهير: ساكت ليه يا حبيبي
حسين: في حاجه حصلت
مراد: .......
جومانا: ماتنطق يا مراد في اي شكلك مايطمنش
مراد: احم ... هو (بلع ريقه)
هاله قامت ومسكته من كتفه وبعصبيه: رد يا مراد في اي
مراد: ا اي ايلين
الكل: مالها ايلين
مراد: حد حطلها ماده مميته في المحلول
الكل بصدمه وقاموا: اييييييه
ميرنا بصراخ: انت بتقول اي وايلين حصلها حاجه
مراد: للأسف وصلنا متأخر
ميرنا بصدمه ودموع وصراخ: يع يعني اي وصلتوا متأخر انت بتقول انت اتجننت
هاله: ايل ايلين بنتي ل لا لا (وقعت مغشي عليها)
حسين: هااااله (وجري عليها وحاول يفوقها)
محمد بزعيق: يعني اي وصلتوا متأخر يعني البنت خلاص ماتت
ميرنا بدموع وصراخ: عااااا عااا ايليييييين ايليييييين
رياض بصدمه: ازاي
مراد: للأسف مالحقنهاش
(الكل بيعيط والبعض بيصرخ وريناد صحيت مفزوعه ع الصوت ونزلت جري)
ريناد بفزع: في اي ... مااامااا (جريت عليها) ماما ماما في اي يا بابا
حسين: .....
ريناد راحت لميرنا: ميرنا حبيبتي اهدي في اي .. في اي يا جماعه
ريناد اتجهت لمراد: في اي حصل حاجه لأيلين
مراد بص ف الارص وماقدرش يتكلم
ريناد بزعيق: ماترد قول في ايه
ميرنا بعياط: ايلين يا بابا ايلين
محمد خدها في حضنه وبيهديها ودموعه نزلت
ريناد بصدمه: ايلين .. م مالها ايلين .. ردوا عليا (بزعيق) حد يتكلم
سهير بحزن: في حد ..
ريناد: في اي
سهير: ايلين ...... هيا م ماتت
نزلت الصاعقه علي ريناد ماكنتش متوقعه انها تقول كده عمرها ماكانت تتخيل ان ده ممكن يحصل: ل لا لا مش صح مس مستحيل (وزقتها وبزعيق شديد) انتي كدابه كداااابه مراد مسكها وحاول يهديها من الانفعال الشديد والصراخ
ريناد بصراخ ودموع: ايلييين لاااا لاا ايلين
مراد: اهدي اهدي
ريناد: انتوا كداابييين كدابيين انا بكرهكوا بكرهك بكرهكوا انتوا بتكدبوا (وبعياط هستيري) ونبي قول انكوا بتكدبوا وده مش صح هيا عايشه صح
مراد بحزن: للأسف يا ريناد
ريناد بزعيق وسط دموعها: انت كداااااب كداااب بكرهك وبكره اليوم الي شوفتك فيه انت كداب
كلامها كان بيكسروا بس رغم كده فضل يهديها لحد ماسكنت في حضنه بتعيط وبتقول اسم ايلين وجسمها كلوا بيترعش
(تاني يوم)
كان يوم مليان احزان ودموع وصدمات الكل خارج من بيت الاسيوطي والرجال شايلين النعش والباقي ماشين وراهم وبيعيطوا جامد عدا هاله كانت جوا نايمه ع سريرها وباين عليها التعب الشديد ومعلقين ليها محلول
(في المقابر)
ريناد وميرنا جريوا علي النعش وفضلوا يصرخوا جامد وبيعيطوا
اوعي تمشي ماتخدوهاش هيا مامتتش سيبوها سيبووها وزياد ومراد ومروان بعدوهم بالعافيه وسط صراخهم وبعد مادفنوها ريناد وميرنا ماكانوش عايزين يمشوا
حسين: يالا يا ريناد بالله عليكي كفايا كده ماتوجعيش قلبك اكتر من كده
ريناد: لا لا هيا مامتتش مش هاسيبها
محمد: ميرنا حبيبتي كفايا عياط كده بتعذبيها
ميرنا: عمري ماكنت أتخيل ان ممكن يوم زي ده يعدي عليا
محمد: دي سنة الحياه
ميرنا: يارب يكون حلم
محمد: يالا عشان نمشي
ميرنا: لا ونبي سيبني اقعد معاها شويه
محمد: ماينفعش ياحبيبتي
(بعد ساعات)
(في بيت الاسيوطي)
في اوضه ريناد ميرنا وجومانا وهانيا ودانيا وياسمين خطيبة حمزه واخت يوسف قاعدين
ميرنا: كل ماكانت تزعل كانت تيجي وتشتكيلي
ريناد: وكانت بتترمي ف حضني وتعيط
ميرنا: قلبي بيوجعني اوي
ريناد: حتي شقتها اتحرقت ومافيش اي حاجه فيها ريحتها
هانيا: كانت طيبه اوي وبتحب تضحك وتهزر كانت بتحبك اوي يا ريناد ونتي يا ميرنا كانت بتعتبركوا أخواتها واكتر كمان
ياسمين: خلاص يا هانيا ماتزوديهاش عليهم
دانيا وجومانا بيعيطوا والكل فضل يعيط
في أوضة هاله حسين قاعد جنبها ع السرير وباين عليه التعب والحزن وزياد قاعد من الناحيه التانيه
زياد بحزن: انا اسف يا ماما انا اسف
حسين: هاله حبيبتي طب قولي اي حاجه اتكلمي عيطي ماتكتميش جواكي
هاله: .......
زياد بدموع: ماما ارجوكي ماتعمليش في نفسك كده
(الباقي تحت قاعدين ومشغلين قرآن ولابسين اسود وفي ناس بتيجي وناس بتمشي ويوسف قاعد في الجنينه وعمال يعيط وهو باصص ع صورة ايلين في الموبايل ومراد ومروان وحمزه راحوله وفضلوا يهدوه)
***********
(تاني يوم)
الكل صاحي منهك ومخنوق وحزين
في بيت الاسيوطي
في أوضة هاله
حسين: هاله حبيبتي قومي عشان تاكلي
هاله: ......
حسين: يا حبيبتي ماتوجعيش قلبي عليكي قومي كفايا كده
هاله: ......
حسين: طب اشربي العصير ده ع الأقل
*******
(تحت)
سهير: ها يا جومانا
جومانا: مش بترد عليا ومش راضيه تفتح الباب
سهير: تؤ طب اتصرف انت يا رياض
رياض: ممكن تكون نايمه
سهير بهجوم: لاتكون عملت حاجه في نفسها
قطعها زياد الي كان نازل ع السلم: لا بس ريناد لما بتزعل بتحب تقعد لوحدها
رياض: بس ده غلط جدا
زياد: شويه وهاتبقا كويسه
رياض: طب انت رايح علي فين
زياد: رايح الشغل
جومانا: طب كل قبل ماتمشي
زياد: لا مش جعان .. يالا see you
وخرج وجمانا خرجت وراه وفوق مراد خرج من اوضته وعدا من قدام أوضة ريناد وسمعها وهيا بتعيط وخبط عليها
مراد: ريناد .. افتحي
ريناد: .......
مراد: ريناد (فضل يكلمها من ورا الباب وهيا مش بترد عليه وبتعيط لحد مابطل خبط ولسه هايمشي لقاها بتفتح الباب واتصدم من شكلها كان وشها احمر وعيونها ورمه وحمره من كتر العياط
مراد قرب منها وهو باصصلها بحزن وحط أيده بحنيه ع خدودها وهيا اترمت ف حضنه وفضلت تعيط جامد وهو بيحسس ع شعرها بحنيه
مراد: عيطي ، طلعي كل الي جواكي
*******
جومانا: زياد
زياد وقف ولفلها: نعم
جومانا: ماتخليك هنا وبلاش تروح شغلك انهارده، انت تعبت امبارح والظرف الي حصل
زياد حط أيده ع خدها بحنيه: علي عيني والله ياحبيبتي اقعد بس مش هينفع
جومانا: يعني اي مش هينفع انت لازم تقعد
زياد: مضطر والله
جومانا: .. طب خلي بالك من نفسك
زياد: حاضر (وقرب منها وطبع بوسه ع خدها ومشي)
********
(ف بيت ميرنا)
محمد: زمانها ف مكان احسن دلوقتي
ميرنا بتزمد وعياط: بس يا بابا بقا ، بس ، انا عايزه ايلين مستحيل تروح لا لا ايلييييين
محمد خدها ف حضنه وحاول يهديها وف الوقت ده جه مروان، وقعد معاهم
ميرنا: مروان انا عايزه ايلين ، ايليييييييين
مروان: اهدي اهدي (وخدها ف حضنه لحد ماسكنت لكن كان جسمها عمال يترعش وبتشهق من العياط وفضلت كده لحد ما نامت)
محمد بقلق: يا حبيبتي عمري ماشوفتها ف الحاله دي
*********
علي قفل الموبايل الي كان بيتكلم فيه وفضل يضحك جامد
سحر بعصبية: انت بتضحك على اي
علي: خلاص هههه الكل الي خطتله نجح وخدوا عزاها امبارح هههههههه
يتبع......
#كتابة خديجه وليد
