ريناد بتوسل: ارجوك ابعد عني وعن كارمن
نضار: هههههههههه شكلك بتحسي باخت صاحبتك
ريناد بصتله بإستغراب
نضار طلع مسدس ووجهه ناحية كارمن وريناد صرخت بخوف
نضار بيضحك بهستيريه وبشكل مرعب: هو ماقولتلكيش وشد كارمن
ريناد بصراخ: ابعد عنهاااا
نضار بيوجه السلاح لكارمن الي بتترعش من الخوف وبتعيط
ريناد بعياط: ارجوك ابعد عنها
نضار: هههه طب مش عايزه تعرفي دي تبقي مين
ريناد: ابعد عنها الاول ارجوك ... ارجوووك عشان خاطري
نضار بعصبية وبينزل لمستوي كارمن: كان نفسي العب معاكي شويه بس حبيبتي حلفتني بأغلي حاجه للأسف وزقها ووقعت ع الارض وريناد جريت عليها وعدلتها وخدها ف حضنها
نضار مصطنع الزعل: للأسف يا كارمن كان نفسي اوديكي تشوفي اختك ايلين
ريناد بصدمه وسط دموعها: ايليين
نضار: اااه نسيت اقولك مش كارمن تبقا اخت ايلين هههههه
ريناد بصدمه اكتر: ازاي
نضار: الحج عامر الي هو بابا كان صاحب ابو ايلين اوي والحجه زينب الي هيا امي كانت صابة ام ايلين اوي ووووو وقت الحادث الي انتي اكيد عارفاه دلوقتي، ابويا دخل وغطاهم ببطانيه وطفاهم وكانت ساعتها ام ايلين حامل ف كارمن ف شهرها الاخير راحوا فتوا بطنها ولقو كارمن لسه عايشه وانقذوها بس ماعرفوش يقولوا لعلي الي هو عم ايلين وخبوها من شره وربوها وبصراحه انا حبيت الشغل مع علي بس للأسف هو غبي اوي ومات بسهوله ههههه
وبصراحه كده مزنوق ف قلب وقلت كارمن اولي من الغريب ههههههه
ريناد بصراخ: لااااا لاااا لا اجوك اوعي تعملها حاجه
نضار: كان نفسي والله يكارمن اوريكي اختك بس للأسف انا مستعجل البوص اتصل وعايز قلبك وضحك جامد بشر
ريناد بصراخ: ارجوك يا نضار لا لاااا اوجووك اوعي تعملها حااجه ارجوك اوعي سيبها ارجوووك
ونضار شد كارمن من ريناد بعنف الي كانت اغمي عليها من الخوف وريناد بتتوسل ليه يسيبها وماسكه رجله وعماله تعيط يسيبها بس نضار ماسمعش ليها واخد كارمن ع كتفه وخرج وريناد خرجت وراه بتجري وبتعيط وبتتوسل ليه وهو مش بيسمعها واشار لاتنين من الحرس يمسكوا ريناد وخرج وريناد فضلت تصرخ جامد وتعيط وفجأه وقع الحارسين ع الارض ريناد بصت لقت بدريه بتمد ليها تليفون
بدريه: خدي اتصلي علي حد ييجي يلحقك ويلحق البنت من الشيطان ده
ريناد خدت منها الموبايل بسرعه وكتبت رقم مراد ورنت
______ف بيت الاسيوطي______
زياد: مراد كل حاجه انت خسيت ووشك دبل واصفر
مراد بتعب: ماليش نفس
سهير بدموع: حبيبي حرام عليك الي بتعمله في نفسك ده، انت بكده مش هترجعها
مراد: مالهاش اثر
يوسف: احنا خلاص قربنا نوصلها
حمزه: هيا بخير انا متأكد
سيمون بعيااط: يحبيبتي يريناد يخسارة بختك
هاله: انا بنتي هاتبقا بخير انا انا عايزه بنتي
موبايل مراد رن
جومانا: رد يمراد
مراد بيطلع الموبايل وبيكون رقم غريب: الو
الحقني يا مراد
مراد اول ماسمع صوت ريناد اتنفض من ع الكرسي بلهفه: ريناااد
الكل وقف اول ماسمعوا اسمها
هاله: ريناد ريناد بنتي .. بنتيييي
حسين: رينااد
مراد بقلق ولهفه: ريناد انتي فين احنا قلبنا عليكي الدنيا
ريناد بعياط: مراد تعالي بسرعه الحقني الحق كارمن قبل مايقتلها ارجوك الحقها البنت هتموت
مراد: كارمن مين انتي فين
ريناد: انا مش مش عارفه بس نضار خد البنت ومشي وهيبيع قلبها ارجوك الحقها البنت هتموت ارجوووك
عااااا
"الخط قفل "
مراد: ريناااد رينااااد
زياد: في اي
مراد: الخط قفل كانت بتصرخ لازم نلحقها ونلحق كارمن
زياد: هات الموبايل
وف خلال دقايق كانوا عرفوا مكان ريناد عن طريق الشريحه واتجهوا ومعاهم القوات وف وقت قياسي كانوا وصلوا
ودخلوا بكل احترافيه ولقو بدريه مرميه ع الارض وسايحه ف دمها
مراد جري عليها لما سمعها بتهمس ببعض الكلمات
بدريه: ال الحقوا البنت
مراد بقلق: فين ريناد
بدريه: الشيطان جه وسمعها بتتكلم في التليفون وفضل يضرب فيها بوحشيه لحد مأغمي عليها وطخني بالرصاص واخدها ومشي
زياد بزعيق: راحوا فين
بدريه: اكيد راحوا ******* ده اكتر مكان آمن للشيطان ده وغابت عن الوعي ويوسف حط ايده ع رقبتها مالقاش نبض
جريوا كلهم بسرعه واخدوا القوات واتجهوا للمكان الي قالت عليه بدريه بأقصي سرعه ووصلوا ف وقت قياسي جدا
_______________
ريناد بتفوق براحه وتعب وبتلاقي نفسها مربوطه ف كرسي وكان وشها مليان كدمات وبعض اثار الدم الي كان بيزل من بوقها وبتلاقي نفسها مكان ضلمه وبتفتكر الي حصل وبتفضل تصرخ وبتحاول تفك نفسها بس مربوطه جامد وايدها وجعتها من شدة الربطه وفجأه النور اشتغل ودخل نضار وقرب من ريناد وهيا عمال تسأل ع كارمن وتتوسل ليه مايعملش ليها حاجه نضار مسكها من شعرها جامد وقال بزعيق خلا ريناد تترعب: انتي بتتصلي بالحقير ده عشان ينقذك مني انا هخليكي تتمني الموت وهعذبك وفضل يضرب فيها وهيا بتصرخ وفجأه دخل راجلين ماسكين كارمن الي كانت بتصرخ جامد ووراهم حراس مسلحين ومعاهم دكتور وبعض المساعدين وادوات تشريح
ريناد صرخت جامد: لاااا لاا لااااااااااا ابعد عنها ارجووووك لااااااااا كااااارمن سيبهااااااا
نضار: انا بقا هشيل قلبها قدام عنيكي
ريناد بصراخ وغضب: ابعد عنهااااا هاقتلللك وبتحاولت تفك نفسها بس مافيش فايده جسمها ضعيف
الراجلين نيموا كارمن وربطوها وهيا بتصرخ وبتستنجد ريناد الي مافيش في ايدها حيله وعماله تتوسل نضار الي مش بيسمعلها وبيديهم اوامر يبدأ الشغل والدكتور بيحضر حقنه بينج وفجأه البوليس هجم ع المكان وحاوطه والكل طلع سلاحه والحراس بياخده كارمن وريناد بتصرخ جامد: كااااارمن لااااااا لااااا
اول ما مراد شاف ريناد جري عليها بس وقف اول ما نضار وجه السلاح ع راسها
نضار بغضب: ابعد والا هفجر دماغها وهيبقي ولا انا ولا انت
ريناد بصراخ وسط دموعها: مراد الحق كارمن مش مهم انا بس الحقها ارجوك
زياد: ابعد عنها احسن لك لانك كدا كدا واقع ينضار عامر الخولي بسبب تجارتك ف المخدرات والاعضاء البشريه
نضار: خوفت انا كده وبدأ يظهر رجالة نضار وبدأ الهجوم من الطرفين ونضار فك ريناد واخدها وخرج تحت حماية رجالته
زياد: مراد الحقها واحنا هنخلص ع دول ونحصلك
مراد جري وري نضار تحت حماية يوسف وزياد
______________
ريناد بتزق ف نضار بس مش عارفه تقاومه ومراد لحقهم وضرب نار ع الحراس ومتبقاش غير نضار الي مسك ريناد ووجه السلاح ع راسها: لو مابعتش هاتقلها
ريناد بتصرخ ومش قادره تبعده
مراد: سيبها
نضار: دي بتاعتي انا وبس ملكي اناااا
مراد بغضب: بقولك سيبها وضربه بالرصاص وجت ف بطنه
نضار: ااااااه وضرب طلقه ع مراد وجت ف كتفه
وريناد بصراخ: مراااااااد
مراد بيقاوم الوجع وبيضرب تاني ع نضار الي كان وقع ع الارض وبعد السلاح عن نضار برجله وهجم عليه بوحشه وفضل يضرب فيه لحد ماغاب عن الوعي وبينزف من كل حته
مراد قام وبص لريناد بلهفه وقرب منها بسرعه وريناد اترمت ف حضنه وبعياط: بحبك
مراد بادلها الحضن بشوق شديد ومش مصدق الي سمعه وبعدوا
ريناد بدموع: انا بحبك اوي ماتسبنيش ارجووك انا خايفه
مراد حط ايده ع خدها: عمري ماهسيبك ابدا انا بحبك وعمري ماهبعدك عني ابدا وماحدش هيقدر يضايقك تاني
وبحزن هدفعه تمن الي عمله فيكي
ريناد خضنته جامد وافتكرت كارمن واتنفضت: كارمن وجريت علي برا ومراد وراها وكانوا ماسكين كارمن وبيدخلوها العربيه ولسه هايمشوا القوات حاوطتهم من كل مكان وواحد مسك كارمن ووجه السلاح عليها
الي هيقرب هاقتل..
وقبل مايكمل كان يوسف صوب طلقه ف نص دماغه وكارمن اتفزعت وجريت ع ريناد وريناد جريت عليها وحضنتها جامد وفضلوا يعيطوا
كارمن: مامي رينااااد
ماتسبنيش
ريناد: مش هسيبك ابدا يقلبي خلاص الشرير خسر ومش هيعملك حاجه
كارمن غابت عن الوعي وريناد فضلت تصرخ وغابت هيا كمان عن الوعي
_______________
في المستشفى الكل جه
هاله: ريناااد بنتي فيييين
حسين: فين ريناد
ايلين: يوسف اي الي حصل
رياض: حد فيكوا يرد
مراد وكان حاطط حامل ذراع عشان الجرح: الدكتور عندها جوه لسه
هاله: انا عايزه اشووف بنتي
زياد: ماما اهدي هاتشوفيها بس لما الدكتور يخرج ويطمنا عليها
هنا الدكتور خرج والكل جري عليه
هاله وحسين: بنتي يدكتور
ايلين: هيا كويسه
الدكتور: المريضه اتعرضت لمحاولت اعتداء وضرب مبرح وغير كده جسمها ضعيف جدا من الواضح انها مابتاكلش ومابتنامش من فتره وعرضت نفسها لمجهود شديد خلاها تغيب عن الوعي هيا محتاجه راحه ال 24 ساعه دول وتغذيه كامله
حسين: طب ممكن ادخل اتطمن عليها
هاله بدموع: وانا يدكتور
الدكتور: ممكن بس بلاش تزعجوها هيا محتاجه ترتاح شويه كونوا هاديين
حسين وهاله دخلوا وقعدوا جمبها
هاله بدموع: يحبيبتي حصلك كل ده
حسين مسك ايد بنته وباسها وفضل يحسس ع شعرها
_______
مراد: لو سمحتي
ممرضه: نعم
مراد: في بنت صغيره جات مع ريناد هي فين
الممرضه: اه البنت المسكينه دي هيا في العنايه المركزه
مراد: فين
الممرضه: اخر الطرقه ع اليمين
ومشيت
زياد: استني جاي معاك
ومشيوا ويوسف راح معاهم
والباقي دخلوا لريناد
ايلين بدموع: حيوان وستين حيوان الي عمل فيكي كده
ميرنا: حببتي ماستهلش ده كله
_______تاني يوم________
ريناد بتفوق وكان مراد جمبها وهاله وحسين وايلين وميرنا وزياد وجومانا والباقي برا
بتبص حواليها
ايلين وميرنا وجومانا بلهفه: ريناااد
والكل لاحظ ريناد وفضلوا يطمنوا عليها
ريناد افتكرت كارمن واتنفضت من ع السرير وشالت الكالونه من ايدها وخرجت بفزع والكل وراها
رياض بلهفه: ريناد انتي كويسه
ريناد: كاااارمن كااارمن انتي فييين كااارمن (وبصت لمراد)مراد مراد فين كارمن
مراد: اهدي اهدي هوديكي ليها
مراد اخدها لعند كارمن والكل وراهم والدكتور ومعاه الممرضين دخلوا لعند كارمن بسرعه وريناد اتخضت ولاحظت نبضها الي بيقل
ريناد بصراخ فزع الكل: كااااارمن لااااااا كااارمن ارجومي لاااا استحملي ارجووكي اوعي تستلمي ..خليكي قويه ارجووكي قاومي
ونبضها بيقل والدكتور بيستخدم الصدمات بس مافيش فايده لحد مالجهاز صفر بإشارة ان قلبها وقف خلاص ريناد فضلت تصرح بعياط وتخيط علي الازاز وتقول لااا لاااااا كااارمن لااااا
وجت تدخل حاولوا يمنعوها بس دخلت بالعافيه
ريناد بزعيق وبعدت الدكتور الي كان بيغطي وش كارمن: انت بتعمل اييي هيا مامتتش ابعددد عنهاااا ابعددد
مراد مسك ريناد وحاول يهديها بس بدون فايده عماله تصرخ جامد وشدت جهاز صدمات الكهرباء
قالت للممرضه تشغله بس الممرصه مش راضيه
مراد اخد السلام من بنكلون زياد ووجهه ناحية الممرضه: شغلي
الدكتور بعصبيه: انت بتعمل اي
مراد وجه السلاح ليه: اسكت
الممرضه شغلت الصدمات بخوف وريناد بدأت تعملها ع صدر كارمن وجسمها كان بيتنفض اثر الصدمات بس لسه الخط مستقيم في الجهاز وجربت كذا مره بس مافيش فايده
ريناد: عالي الدرجه
الممرضه: بس كده خطر
ريناد بزعيق: بقولك عالي
الممرضه عالت وريناد بتحاول مع كارمن بس مافيش فايده
ريناد عالي تاني
الممرضه: ماينفعش اكتر من كده
ريناد: عااليييييي
الممرضه عالت ع اقصي حاجه وريناد جربت تاني مع كارمن واخيرا نبضها رجع
ريناد عيونها دمعت وفضلت تضحك بفرحه وفجأه نزلت ع الأرض وسجدت تشكر ربنا انه انقذ كارمن والكل باصص لريناد بتأثر وبدموع وريناد قامت واتطمنت ع كارمن وكان نبضها رجع طبيعي مسكت ايدها وباستها وباست جبينها وعيونها دمعت والدكتور والممرضين خرجوا ومراد ادى السلاح لزياد
وريناد اتجهت ناحية ايلين ومسكت أيدها وقربتها من كارمن وسط استغراب الكل
ريناد بدموع: امسكي ايدها واطمني عليا
ايلين بصت لكارمن وحست بشعور غريب تجها وبصت لريناد وبدموع: م مين دي
ربناد بعياط: دي .. دي تبقا كارمن ........ اختك
الكل بصدمه: اييييه
ايلين بصالها ومش فاهمه حاجه ومتلغبطه
ريناد بدموع: هفمك كل حاجه بعدين بس دلوقتي الي لازم تعرفيه ان عامر وزينب انقذوا البيبي من بطن مامتك قبل مايموت وقت الحادثه والبيبي ده يبقا كارمن
ايلين مصدومه وحطت ايدها ع بوقها وفضلت تعيط جامد ومش مصدقه وحطت ايدها ع وش كارمن وفضلت تعيط وحضنتها جامد: ااااااه مااماااا مش مصدقه وفضلت تبوس كارمن وتتأمل ملامحها بحزن وتعيط
ريناد فضلت تعيط
والكل خرج وساب ايلين مع كارمن
وريناد حست بدوخه ومراد سندها: انتي لسه تعبانه
ريناد استخبت ف حضن مراد وفضلت تعيط جامد وصوت شهقاتها علي وبتردد ماتسبنييش انا محتجاك وبحبك حاولت كتير بس غصب عني حبيتك واغمي عليها ومراد شالها وواداها اوضتها والممرضه ركبت ليها المحلول
______بعد 5 ايام في فيلت ريناد ومراد______
ريناد نايمه في اوضتها وهاله دخلت صحتها
هاله: ريناد كارمن فاقت وعامله تصرخ وتقول مامي ريناد
ريناد قامت بسرعه وجريت علي برا ودخلت الاوضه ولقت كارمن منكمشه وخايفه من ايلين الي كانت بتحاول هديها وجومانا وميرنا كانوا معاها واول ماشافت ريناد جريت عليها وفضلت تعيط وريناد حضنتها جامد
كارمن: مامي ريناد احنا فين
ريناد: حبيبتي احنا ف البيت عندي ودول اخواتي وقربت من ايلين وقعدت كارمن جمبها
ودي ايلين اختك الكبيره
كارمن: الي الشرير قال عليها
ريناد: ايوه ايوه هيا.. هيا بتحبك اوي وعايزه تحضنك جامد عشان وحشتيها
كارمن بتبص لأيلين الي كانت بتعيك وقربت منها ومسحتلها دموعها: بتعيطي ليه
ايلين: عشان انتي خايفه مني
كارمن: مش كنت عارفه والله ان انتي اختى
ايلين ضمت كارمن جامد وفضلت تعيط اوي وكارمن دموعها نزلت
ريناد: بتعيطي ليه يا كارمن
كارمن: عشان اختي بتعيط
ميرنا: يحببتي وقعدت جمبهم وشدت جومانا الي كانت بتعيط
ميرنا: خلاص كفايا عياط بقا احنا اعصابنا تعبت كتير كفايا
ايلين: خلاص كل حاجه اتصلحت وهنعيش مع بعض
كارمن: ومامي ريناد
ريناد: انا هجيلك كل يوم ومش هسيبك يقلب مامي وحضنتها
وهنا حمزه ودانيا وعمر دخلوا
دانيا: اي ده كارمن فاقت
ميرنا: ايوه عسوله اوي
ايلين: عيونها زرقا وشعرها اسود لبابا وملامحها شبه ماما اوي
حمزه: وانتي شبه باباكي
ايلين: عيوني وشعري لماما وشكلي لبابا
عمر: هيا العسل دي تبقي اختك بجد
ايلين: ههه ايوه يعمر بيه والDNA يثبت
عمر: اهلا بيكي انا اسمي عمر ابقا ابن خالة ريناد
كارمن: اهلا بيك يعمر انا اسمي كارمن
عمر: تتجوزيني يا كارمن
حمزه: ايي يااا حبيبي مالك ههه
الكل ضحك علي عمر وحمزه
الكل دخل ورحب بكارمن
هاله: ريناد شوفي مراد بيندهلك
ريناد: حاضر يماما
وخرجت ودخلت اوضتها وكان مراد بينده عليها وسكت اول ماشافها
ريناد: ههه بتنده ليه يحبيبي
مراد قرب منها ولف ايده حول وسطها ورفعها لمستواه وباسها من خدها وريناد اتعلقت في رقبته
مراد: انا همشي دلوقتي ع الشركه عايزه حاجه
ريناد بعصبيه: عايزاك تتلم وابعد عن الي اسمها فريده دي
مراد ضحك عليها: طب منا قولتلك ع الي حصل وان ده سوء تفاهم وبعدين دي بتحبك اوي
ريناد: انا اي حد بيحبني اصلا
مراد: من الناحية دي ماقدرش انكر انتي خطفتي قلبي وخدتيه ليكي خالص
ريناد ضحكت وحضنته: انا اسفه يمراد ع اي حاجه حصلت مني الاول سامحني
مراد: مش زعلان منك اصلا وباسها من جبينها
وطلع كرت واداهولها
ريناد: اي ده
مراد: انتي عارفه ان الشباب قرروا يعملوا الفرح ع طول وده واحد من كروت الدعوه
ريناد فتحته كان شكله جميل جدا وراقي
ريناد: اي ده دول اتلغبطوا وكتبوني انا وانت معاهم
مراد: ماهو مش معقول يعني هحرمك من الليله الي كل بنت بتستناها وبتحلم بيها
ريناد بفرحه: بجد يمراااد
مراد: ايوه بجد فرحنا الاسبوع الجاي
ريناد: عااا وحضنته جامد ومراد فضل يدور بيها ف الاوضه لحد ماوقعوا ع السرير وفضلوا يضحكوا ومراد نام ع ضهره وريناد ساندت راسها ع صدره
بحبك اوي يمراد
وانا بعشقك يقلب مراد
وضمها وبعد شويه اتعدلوا وقاموا وريناد ظبطتلوا هدومه ومشي ع الشركه
__________بعد اسبوع في قاعه فاخمه وكبيرة بتنزل العرايس الاربعه وكل واحدة اجمل من التانيه والعرسان واقفين في استقبالهم وكل واحد بياخد عروسته وبيبوسها من ايدها
مراد مع ريناد
زياد مع جومانا
يوسف مع ايلين
مروان مع ميرنا
وبيمشوا سوى وبتبدأ اول رقصه بين العرايس
وكانت المفجأه لما ريناد خدت المايك وبدأت تغني لمراد ولفتت نظر كل الحضور وكان صوتها فيه احساس وبيدخل القلب من غير استأذان ورقصت هيا ومراد وبعد ماخلصوا سمعوا تسقيف حار وتصفير من كل الحضور
هاله: شكلهم جميل اوي
سهير: جدا جدا يعني
هاله: كارمن حبيبتي اشربي العصير
كارمن: شكرا يا طنط مش عايزه
عمر جه مقاطع وقال لكارمن: تسمحيلي بالرقصه دي
كارمن بصت لهاله
هاله بإبتسامه: روحي
كارمن: ايوه
وراحت هيا وعمر ورقصوا سوى وسط انظار الكل وضحكهم بفرحه
ريناد لأيلين: عصافير الحب الجداد
ايلين: هههه الواد عمر ده عينه منها من ساعة ماشافها
ريناد: هههه
وحسين طلب من هاله رقصه
ورياض طلب من سهير رقصه
واحتفلوا وبعد فتره خلص الفرح وكل واحد راح مع عروسته ع بيتهم
______عند زياد وجومانا______
زياد بصوت عالي: اخيراااااا
جومانا: ههههه
زياد: بقيتي خلاص بتاعتي انا وبس
جومانا بصت ف الارض بكسوف: احم
زياد رفع وشها ليه بإبتسامه: حرام عليكي تحرميني من الجمال ده
جومانا بخجل: زياااد
زياد: هههه بعشقك وانتي مكسووفه
______عند مروان وميرنا______
ميرنا: بحبك اوي يمارو
مروان: وانا بموت فيكي بجد وحضنها جامد
ميرنا: ساعدني افك السوسته
مروان: ايوه كده خشي ف المهم
ميرنا: مروااان مش قصدي كده يا قليل الادب عايزه اغير الفستان تقيل
مروان شالها ودخل الاوضه وميرنا عماله تضحك بكسوف
_______عند يوسف وايلين_______
يوسف: ااه يقلبي الي هيقف
ايلين: بعد الشر عنك يحبيبي
يوسف: يا اي
ايلين بإبتسامه: يحبييييبي
يوسف: اااه يقلب حبييبك
وحضنها جامد
عذبتيني لحد ماوصلتلك
ايلين: انت خاطف قلبي من بدري اصلا
يوسف باس أيدها: بحبك
ايلين: وانا كمان بحبك
_______عند ريناد ومراد________
مراد شايل ريناد وطلع الاوضه ونزلها ومسك ايدها وباسها من الباطن بحنيه وريناد مبتسمه ليه وباصاله بحب
مراد: اخير قدرت اكسب قلبك
ريناد: اسفه ع الي حصل بسبب خوفي من دخول ف علاقه تانيه بس دلوقتي اكتشفت معني الحب بجد انا لما كنت مخطوفه كان كل تفيكيري فيك انت وبس واوقات كنت بشوف نضار انت واول ماكنت بفوق كان قلبي بيتقبض جامد اول ماكنت بشوفك قدامي كنت بحس بأمان ماتسبنيش يمراد انا بحبك
مراد: وانا بعشقك وبعشق كل حاجه فيكي ضحكتك وكلامك وصوتك وكسوفك وعيونك وشعرك (وبخبث) وشفايفك
ريناد: قليل الادب
مراد: ههههه بحبك وحضنها
وتوته توته وخلصت الحدوته حلوه ولا ملتوته
النهااايه💖
#كتابة خديجه وليد
