سحر بعصبية اكتر: انت قاعد بتضحك بدل ماتاخد حظرك ، انت من المشتبه فيهم دلوقتي يا علي واستهتارك ده هايودينا ف ستين داهيه
علي: هههه ماتخافيش واخد كل احتياطاتي انتي ناسيه أن جوزك اكبر تاجر مخدرات وأعضاء بشريه ولا اي
سحر: واي دخل ده ف ده
علي: يعني بتقابلني مواقف زي دي كتير واوي كمان وبعرف ابعد ايدي عنها كويس
سحر: لا بس دي حاجه تانيه الكل عارف انك انت الي قتلتها
علي: في دليل
سحر: وانا ايش عرفني علي حسب بقا مش بيحققو
علي: ماتخافيش يا سحر جوزك مش اي حد
سحر: انا مش فاهمه انت جايب الثقه دي منين
علي: فكك انتي من ده كله وقربي عشان عايزك ف حاجه
سحر: عايزني ف اي
علي: بقولك قربي
سحر: مش هتعرف تقول من هنا (وقعدت جمبه) قول
علي باسها من خدها: وحشتيني
سحر: وهي دي الحاجه بقا الي انت بقا عايزني عشانها
علي: هو انا لسه عملت حاجه
سحر: تؤ علي انت عايز اي
علي: تعالي اقولك جوه (وشدها ودخل الأوضه)
*******
يوسف: اي اتأخرت ليه
زياد: شوفتها؟
يوسف: ايوه وجيت من شويه وقاعد مستنيك
زياد: طب ومستنيني ليه ما كنت تشتغل مع القوات علي ماجي
يوسف: انا ماسك التحريات حوالين الشخص الي حط الدوا ده ودلوقتي العسكريين قاعدين جوه بيوصفوا بعض ملامحهه الي كانت ظاهره وبتترسم عشان تسهل علينا
زياد: تمام اوي عند مانمسك الشخص ده خلاص القضيه هاتتحل
ف الوقت ده جه اتصال ليوسف
يوسف: الو ....... تمام
زياد: اي
يوسف: في ثلاثه مشتبه فيهم ماكانوش موجودين في أي مكان في الكاميرات وقت وقوع الجريمه
زياد: طب والكاميرا الي عند الاوضه
يوسف: مالاقوهاش شغاله في الوقت ده
زياد: ممكن يكون في مساعدة من الأمن في الموضوع ده
يوسف بيتنهد: جوه مستنيك عشان ندخل نحقق معاهم
زياد: خلاص يا يوسف هدخل انا وانت ارتاح باين عليك تعبان اوي انت مانمتش من ساعت الحادثه
يوسف: انا مش هانام ولا هايغمضلي جفن الا لما انتقم منه
زياد: مش هاعرف اخد منك ولا حق ولا باطل فاقصره يالا ندخل نحقق معاهم
يوسف: يالا "وهما رايحين" اه صح طنط هاله عامله اي
زياد: يوسف انا خايف عليها اوي حالتها متدهوره اوي
يوسف: الدكتور قال اي
زياد: تأثير الصدمه .. يالا (ودخلوا)
************
حسين: مابتتكلمش ومش راضية تاكل ولا تشرب ولا حتي راضيه تاخد الدواء
سهير: طب اطلع انا اجرب معاها
حسين: مش هاترضي
فوق ف اوضة ريناد
مراد قاعد ع السرير وريناد نايمه علي كتفه وهو بيحسس ع شعرها بحنيه وبعدين لاحظ أنها نامت فاشلها ونيمها ع السرير وغطاها كويس وجه يخرج لقاعة مسكت أيده لف لاقاها مغمضه عينها ولسه نايمه
ريناد زي الاطفال: ايلين ماتسبنيش وتمشي ونبي انا ماقدرش على بعدك انا خلاص اتعودت ع وجودك في حياتي ازاي هاقدر اعيش من غيرك ازاي هاقدر اعيش من غير اختي وصاحبتي وسندي وضهري وبطفوله اكتر ودموع: ماتسبينيييش، ماتمشيش
مراد كان باصصلها بحزن
ريناد بدأت تدخل ف حاله انهيار وهيا بتكلم نفسها وهيا نايمه ومراد قعد جمبها بسرعه وضمها ليه وفضل يهدي فيها بس مافيش فايده فاحاول يصحيها من النوم فاصحيت مخضوضه
ريناد: م مراد
مراد حضنها جامد: رعبتيني عليكي
ريناد فورا نامت تاني ، رجع غطاها وخرج
*********
خلص اليوم بصعوبه والحزن مالي الأجواء ع فراق ايلين
لكن يوسف وزياد قدروا يوصلوا لطرف الخيط وقربوا يعرفوا الشخص المتسبب في الحادث وطلع الأمن مالهمش اي علاقه بالموضوع وتاني يوم قعدوا يحققوا مع الثلاث اشخاص بس ماحدش راضي يعترف لحد ماضطروا يتعاملوا بالقوه معاهم لحد مالمتهم الحقيقي اعترف بعد ماكانوا هايستخدموا معاهم اسلوب بشع جدا
خلاه يخاف ويعترف ع علي والاتفاق الي كان بينهم وبكدا بقا معاهم إذن من النيابه علي القبض ع علي
ـــــــــــــــــــــــ
سحر: اي المكان ده
علي: بيتنا الجديد
سحر بعصبيه: وهيا دي بقا كل احتياطاتك الي بتقول عليها نقعد في مكان تاني ع اساس مش هايعرفوا مكانا
علي مسكها من شعرها: صوتك مايعلاش عليا والا نهايتك هاتكون ع ايدي فاهمه
سحر بتتألم: ابعد عني انت بتصرفاتك دي هاتسجنا ابعععععد
علي ضربها كف: شاكلك عايزه تموتي
سحر: انت بتضربني
علي: ادخلي ع الاوضة دي والا هرتكب جنايه غوري من وشي
سحر مشيت وبتتوعد ليه في سرها: بقا انا بعد السنين دي كلها ومن غيري كان زمانك وقعت في الطين وبتضربني وعايز تقتلني كمان أما وريتك يا علي الكلب مايبقاش اسمي سحر الجرحي انا هاعيشك سنين الزل الي عيشتهالي
ــــــــــــــــــــــ
يوسف: ازاي مش موجود ازااااي
أحد المراقبين: حضرتك هما كانوا في البيت وماخرجوش ماعرفش اختفوا ازاي
زياد بعصبيه: انا عارف اني مشغل معايا بهايم بهاااايم
(فلاش باك)
سحر: مش معقول سهرك الدايم برا مع بنات اشكال والوان وجايلي انا دلوقتي
علي: وانتي مفكراني عايز منك كده لما دخلتك الاوضه ده اقرف المسك وانتي تيجي اي جمب الي بسهر اتمتع معاهم
سحر بضيق: امال مدخلني الاوضه اي ووحشتيني والشغل ده
علي: هههه ده جزء من الخطه
وفتح باب سري في الأوضه سحر ماكنتش تعرف عنه حاجه ودخلوا وكان عباره عن نفق ولما خرجوا كانوا بعاد جدا عن دائرة البيت وبكده المراقبين ماشفوهم وهما بيهربوا
باااك
يوسف: أما وريتك يا علي الكلب
زياد من اوضة النوم: يووسف يوووسف
يوسف راحله بسرعه
زياد: الحيطه دي شكلها غريب كده ليه
يوسف بعصبية: انت بتهزر .. قول انك بتهزر
زياد قرب من الحيطه ولمسها ولقاها بتتحرك :اي ده نفق سري
يوسف: يعني كده هرب ولسه هايدخل
زياد: اي ع فين افرض ده جزء من خطته
يوسف: يعني اي
يوسف: يعني ممكن يكون حاطط لينا قنبلة جوا وليه لا وفجأه سمعوا صوت عد تنازلي وبصوا لبعض بصدمه وخرجوا بسرعه هما وباقي القوات وحصل الانفجار من دون أي خسائر
زياد: كنت عايز تدخل
يوسف: .........
ـــــــــــــــــــــ
ميرنا بتتكلم في الموبايل: ريناد تعالي نخرج نتمشي نروح نزور ايلين
ريناد: طيب يا ميرنا هالبس وهانزل
ميرنا: اوك
وبعد شويه ريناد نزلت وجومانا جريب عليها
جومانا: ريناد علي فين
ريناد: هانزور ايلين انا وميرنا
سهير قطعتهم وضمت ريناد لحضنها جامد
ريناد: انا كويسه يا طنط ماتخافيش عليا
سهير: خودي جومانا معاكوا علي الاقل هابقا مطمنه اكتر عليكوا
ريناد: تمام ماشي
سهير حاسه بألم ريناد فاهي فقدت صديقة عمرها هيا كمان من سنين فاحاسه بوجعها الي بتحاول تخبيه بس ماحبتش تضغط عليها: يالا يا جومانا
جومانا: حاضر وخرجوا واتمشوا شويه لحد ما وصلوا للمقابر وقفوا و قرؤوا الفاتحه وقعدوا شويه
ميرنا نامت في حضن ريناد بتعيط وريناد بتطبطب عليها وجومانا مش عارفه تعمل اي ولا حتي تهوِّن عليهم وبعد شويه قاموا ومشيوا وروحوا
ـــــــــــــ
(في بيت الاسيوطي)
سهير: اتأخرتوا ليه
ريناد: عن ازنكوا انا هطلع لماما وطلعت من قبل ماحد يرد
جومانا: حاجه صعبه اوي الفراق ده
مراد باصص علي ريناد وهيا طالعه بحزن
رياض لاحظ: مراد ليه حاسس انك مخبي حاجه
مراد: حاجة اي
رياض: مش عارف
سهير: يالا العشاء جهز
___________
مروان: ميرنا لازم تاكلي
ميرنا: شكرا يا مارو تعبتك معايا بس مش جعانه
مروان: لا انتي جعانه
ميرنا: ماليش نفس
مروان: يعني الي بتعمليه ده هو الي هايرجعها، حبيبتي كلي عشان صحتك
ميرنا: ماتضغطش عليا يا مروان ارجوك
مروان: خلاص طيب اشربي العصير
ميرنا: مش عايزه
مروان حط أيده علي خدها: طب اتكلمي فضفضي وطلعي الي جواكي
ميرنا اترمت في حضنه وفضلت تعيط
___________
_تاني يوم _
في اوضة هاله ريناد وميرنا ويوسف وزياد قاعدين مع هاله
زياد: ماما بصي انا وحشني صوتك بجد
يوسف: مش متعود عليكي كده
ميرنا: ماما هاله متقطعيش قلبي عليكي ونبي (وفضلت تعيط)
يوسف: يست الكل كده صحتك طيب
ريناد بدموع: ماما
هاله اشارت ليهم يخرجوا وقامت اتوضت وصلت وتشكي همها لربنا
___________
علي قاعد علي السفره بياكل وسحر قاعده وباين على ملامحها الضيق ومش بتاكل
علي: شايفه الاكل مش اكلك الي يسد النفس
سحر: طفحته دم
علي: بتقولي اي
سحر: مش بعيد كلامي
علي: سحااار اتعدلي معايا بالزوق عشان ماعدلكيش انا بطريقتي
سحر بزعيق: انت مفكر نفسك مين ده انت حيالا كنت حتة زبال وبابّا الي عملك اوعي تفكر نفسك هاتقوي عليا بعد مابابّا مات لا فوق ده انا اوءدك هنا
علي: توءدي مين يبنت ال #$&! ومسكها من شعرها وجرها ع الارض ودخلها الاوضه وقفل الباب وفضل يضرب فيها لحد مأغمي عليها وبعد شويه فاقت لقت نفسها مربوطه في رجل السرير فضلت تصوت وتزعق وتهينه وتهين رجولته لحد ماتعصب ودخل فضل يضرب فيها وهيا تهينه
علي: انا تقوليلي كده اما وريتك يبنت ال#$!& وخرج وقفل الباب
______________
علي: انا هاخلص عليكي وارتاح منك خالص زي مارتحت من دياب ومراته وبنته
عمل مكالمه
____________
زياد: لو حاول يسافر مش هايعرف خلصنا موضوع السفارات
يوسف: مش يمكن تكون القنبله دي عشان تمحي اي اثر لو سابه
زياد: ده اكيد
يوسف ماسك الجرنال: اي ده
زياد: اي
يوسف: الخبر نزل في الجرنال
زياد: خضتني يبني في اي احنا الي منزلينه
يوسف: ومن غير منا اعرف
زياد: ودي محتاجه سؤال يا يوسف افرض حد شافه ، يبلغوا علي طول
____________
ف مكان تاني ست قاعده في الصالون وماسكه الجرنال بتقرءه: مش دي صورة الاستاذ علي الي كنا ساكنين قدامه
جوزها: ... ايوه هو اقرئي كده في اي
الست: ....... يالهوي
جوزها: في اي
الست: دي جريمة قتل
جوزها: اتقتل!
الست: لا ده هو الي قتل
جوزها: طب شوفي اسم الي قتله
الست: هو انت عادي كده مش منفعل ولا مخضوض وبعدين ماعرفش مين ومش عايزه اعرف
جوزها: هاتي
_امسك
جوزها قرأ وظهر ع وشه علامات الصدمه والتوتر
الست: في اي
جوزها: مكتوب المجني عليها ايلين دياب. .
الست: عاااااا عاااا عااا فضلت تصرخ اول ماسمعت الاسم وحطت ايدها علي بوقها من الصدمه
ايلين بنت اخوه هيا كانت لسه عايشه، طب قتلها ليه وفين وامتي وازاي انا مش فاهمه حاجه (وقامت وجابت حاجه قديمه من الدولاب) وخرجت ودي الامانه دي كان المفروض تاخدها اخر حاجه اتبقت من الحريقه والبنت
جوزها: اهدي يا زينب
زينب: اهدي ازاي يعمار ازاااي هو ليه عمل فيها كده مش حرام اتحرمت من ابوها وامها اكيد المسكينه كانت عايشه في معاناه طول السنين دي ودخل عليهم شاب وكان نضار
نضار: اي يماما مالك في اي
عمار بزعيق: خلاص يا زينب هاتفرجي علينا الناس
زينب: الحق با نضار ايلين ماتت ايلين بنت دياب
نضار: ايوه منا عارف
زينب: ايي وعادي كده ده انتوا كنتوا بتلعبوا مع بعض وانتوا صغيرين... وعرفت منين ها
نضار: من الخبر يا ماما اهدي وماتعيطيش بقا
عمار: زينب عياطك ده مش هايرجعها اهدي كده انتي بتعذبي البنت
زينب: حاضر حاضر
_____________
في مكان مهجور في بيت
علي: جبتك ف موضوع كده
؟؟؟: وانا جبت الرجالة اهم
علي: ايوه كده هو ده الكلام
سمعه صوت صراخ
؟؟؟: مين المرة دي
علي: المدام قلت ادبها شويه وعايز اادبها
؟؟؟فضل يضحك جامد: وانا تحت امرك ف كل الي تقوله من العين دي قبل العين دي
علي: اعملوا فيها الي انتوا عاوزينه شويه وراجع ..سلام
_______________
زياد ويوسف خارجين من مكان بمنتهي السريه
زياد: تفتكر بيتك هايكون آمن
يوسف: ماكنتش جبتها هنا .. الشقه دي ماحدش يقدر يقتحمها من برا وغير كده في كاميرات مراقبه مخفيه في كل حته وفي حراس يعني النظام الامني مظبوط
فون زياد رن
الو
حسين: انت فين اتأخرت ليه
زياد: انا خلصت الشغل وروحنا ع شقة يوسف ودينا شوية اوراق مهمه كده وراجع اهو
حسين: طيب خلي بالك من نفسك
زياد: اي الاهتمام ده يابابا مش متعود عليه ع العموم حاضر
قفل
انا هامشي بقا خالي بالك منها
يوسف: حاضر
مشي ويوسف طلع
________________
نضار واقف في شباك اوضه وبيتكلم في الموبايل
نضار: لا ياباشا ماتدخلنيش انا في الحوار ده بالذات ....... عارف بس برضوا ماقدرش .... ماهو فعلا براحتي وياريت تخلص الحوار ده بسرعه بقا عشان ريحته طلعت ... سلام
_______________
علي رجع للبيت المهجور
علي: هه اي خلصتوا
؟؟؟: الرجاله قاموا بالواجب وانا طبعا
علي: تمام حسابك هايوصلك انت والرجاله يالا انصرفوا
مشيوا وعلي دخل الاوضه لقي سحر مرميه ع الارض عاريه وجسمها مليان كدامات من كتر الضرب والوحشيه وفي دم نازل من مناخيرها وبوقها وجروح ف جسمها ووشها
علي بضحك: وده اقل واجب يا سحورتي وبجمود: ماشوفش وشك عندي تاني .. سلام
وخرج وهيا فضلت تعيط جامد وسمعته بيقفل الباب قامت بسرعه متحمله المها ومسكت قماشه ولفتها عليها ولسه هاتخرج من الاوضه لقت النار مسكت في المكان مكانتش عارفه تعمل اي ولا تهرب ازاي فضلت تدور بعينها علي اي مكان تخرج منه مالقتش فاحاولت تروح عند الباب وتفتحه بس مافيش فايده كانت خلاص ابتدت تفقد الامل بس افتكرن ان كان في شباك في الاوضه فاجريت بسرعه لكن كان صغير وزجاج ، جابت حديده كانت ع الارض وكسرت الشباك
علي وقف بعيد بعربيته وبص للبيت وفجأه البيت انفجر وبقا عباره عن رماد، ابتسم ومشي
________________
رياض: قلقتنا عليك يا زياد
زياد: اشمعنا انا مش اول مره اتأخر
حسين بيكح
زياد جابله مايه: انت كويس يا بابا
مراد: انت كويس ياعمي
رياض: حسين روح اكشف انت بقالك يومين مش عاجبني
زياد: ريناااد رينااااد
ريناد جت علي صوته: نعم
مراد: عمي تعبان تعالي شوفيه
ريناد اتخضت وجريت علي حسين بسرعه وهو كان بيكح: بابا انت كويس
حسين: انا كويس يا جماعه دي كحه مش حوار
ريناد: اسمااااء
اسماء: نعم يا ريناد هانم
ريناد: هاتي شنطتي من فوق بسرعه
اسماء: حاضر
سهير وجومانا كانوا مع هاله في الاوضه وسمعوهم
هاله قامت جريت علي تحت بسرعه: حسيين
حسين: انا كويس يا حبيبتي هما كبروا الموضوع
هاله: هو في اي مالك
حسين: شوية كحه بس (بيكح)
هاله قربت منه وحطت ايدها علي خده ونزلت دموعها: انا اسفه انا كنت مأثره معاك الفتره دي
حسين: وحشني صوتك وحط ايده علي خدها ومسح دموعها وضمها لصدره جامد وبعد كده فضل يكح
هاله: مايه مايه
حسين: كح كح انا مش عارف الكحه بتزيد ليه كح كح كح
هنا اسماء نزلت ومعاها الشنطه وريناد كشفت عليه
ريناد: بابا انت لازم تروح بكره المستشفي نعملك اشاعه واضح ان الموضوع خطير
هاله بخضه: اييي خطير ابوكي ماله
زياد: اي ماله يا ريناد
ريناد قعدت جمب حسين وحضنته وفضلت تعيط
هاله بتوتر ودموع: في اي يا ريناد قولي انه كويس وريحي قلبي
حسين: اي يجماعه الاوڤر ده انا كويس اهو بس ريناد قلبها رقيق شويه
زياد بعصبيه: ريناد انطقي
ريناد: مش لازم تعمل مجهود يابابا ارتاح وبكره هنروح المستشفي نشوف مالك انا مش هاعرف احدد من غير اشاعه وان شاء الله الموضوع بسيط
هاله فهمت انها مش عايزه تتكلم قدام حسين
هاله: طيب قوم يا حبيبي عشان ترتاح وطلعت هيا وحسين
ريناد: اسماء طلعي عصير برتقال لبابا
اسماء: حاضر يا هانم
******
بعد شويه هاله نزلت
هاله: فين ريناد
زياد: ماما
ريناد: انا اهو يا ماما
هاله: في اي بقا وماكنتيش عايزه تقوليه قدام حسين
رياض بتوتر: هو في حاجه
ريناد بتوتر: لسه يا ماما ماعرفش
هاله حطت ايدها وكانت بتترعش ع خدها: حبيبتي ماتخابيش ماحنا في الاخر هانعرف
ريناد مسكت ايد هاله وباستها: حبيبتي صدقيني هايكون تمام بس انا ماقدرش اقول اي حاجه وانا مش متأكده
هاله: طيب هيا حاجه خطيره
ريناد: ماعرفش ياماما لسه هاجيب دكتور متخصص بالقلب يشوف الإشاعه
هاله بفزع: قللللب
ريناد لاحظت الي قالته: ااا ل لا يماما
زياد قعد قدام ريناد: قلب اي ماله بابا يا ريناد
ريناد:...
يتبع
#كتابة خديجه وليد
