الدنيا وما فيها

البارت ١٦/ عيد الميلاد

سلام عليكم

شلونكم ان شاء الله بخير

من صاحلي ابويه اني دخلت انذار كلت انلاصت الشغله يمكن امي كلتله لابوية على شغلتي وي طوبه وهسه شيسوي بيه ...

رحت لأبوية بس رجليه ترجف ما شايلتني ....
الف حسبه اجتي ابالي .. هسه شراح اكله .
بس هي امي شبالعجل كالتله لأبوية ما صار عشر دقايق من كلتلهه ...

قريت كم آيه حافظهن من القرآن ورحت يم ابويه بس اني ريكي ناشف وأبلعم ... ها بابا صحتني ...

- اي بابا سنان تعال اكعد يمي ..

هي هي كعدني يمه على الجربايه ممكن الشغله مليوصه

- نعم بابا

- باباتي سنان ... الحياة طويله وانت بعدك بداية شبابك يعني راح تمر عليك ايام هوايه ان شاء الله وراح تتعلم من الحياة هوايه دروس ...

اني أنخبط لوني بس ما احجي بس اهز براسي

انت بعدك ما مكمل دراسه ... ووره الدراسه راح تنتظر التعيين ووره ما تتعين ويصرفولك راتب وتصير مسؤول فكر بهاي الشغلات ...

- يا شغلات بابا شكو شصاير ؟
سويت روحي كلشي ما أدري 🤗

- شوف ابني اني من أتزوجت امك جنت ما متعين وآخذ مصروفي من أهلي وصارت بي مواقف لهسه مناسيهه فيا وليدي ما اريدك تعيد نفس الخطأ مالتي
انتظر تخرجك وتعيينك وبعدين نحجي بهاي الامور

ما كدرت اناقش ابويه اني بس ردت احجزهه لطوبه خاف غيري ياخذهه وتصير مثل سالفة ابو ابراهيم

- بابا اني ما كلت هسه ولا مفكر بالزواج

- لعد بابا الحجي الوصلني غير هذا

- لا بابا ماكو شي

- اسمع سنان الحب مو فد شي هيج تسليه ولا لعبه تكضون بيهه وكت
الحب التزام واحترام من الطرفين . ... واحد يكون حريص على الثاني واحد يضحي من أجل الثاني مو مجرد كلمات والحك ربعك

اني هنا خجلت اول مرة ابويه يحجي وياي بهاي الطريقه دنكت حيل استحيت

شافني ما احجي كلي ها وليدي اقتنعت ...
كوم بابا كوم فكر بالموضوع

كمت اطلعت من الغرفه مالة ابويه وكبل لأمي بس آني متعصب ...
- هاي شسويتي ماما

- شسويت شكو سنانو

- لا ما مسوية شي .. هذا اليأمنج عل سر

ضحكت وكالت ...

- يا سر وليدي خاف حسبالك محد يدري ... تره كلنه نعرف ... حتى خاله تعرف
شنو كلكم تعرفون 🤦‍♂️

وآني الفطير متوقع محد يدري ..

واذا تعرفون خو مو تعاملوني هيج اني مو طفل