رواية قد سرق... قلبي ♥ (مكتملة)

قد سرق قلبي

رواية
#قد سرق قلبي
#part 14
في تمام العاشرة صباحااا نزل يوسف وعلي من القطار يحملون حقائبهم فخاطب يوسف علي قائلا
يوسف: بقولك ايه ياعلي بما اننا قريبين من المترو تعالي نروح الجامعه
علي: باندهاش انت بتهزر يا يوسف جامعة ايه اللي نروحهاا دلوقتي
يوسف: مش عايز تروح يعني خلاص اطلع علي السكن بس متقولش ياربتني بعد. كده
علي: اللي يخليني غبت 4 ايام هندم علي الكام محاضرة بتوع النهارده
يوسف: انت ناسي ان النهاردة اخر يوم في تسليم الشيت ولا ايه
علي: بعد ان صمت قليلا الشيت ايوة صح. انا ازاي كنت ناسي حاجه زي كده 
يوسف: شفت بقي يلا نطلع علي الجامعه
علي: ايوة بس الشيتات بتاعتنا في السكن ودي اكبر مشكله
يوسف: اطمن الشيتات في شنطتي انا خدتها معايا لما سافرت
علي: يسلام عليك يا يوسف برنس يا ابني والله
يوسف: طب يلا بينا  لاحسن أكده هنتاخروا
_____&______&________&__________
داخل مقر شركة النجار للادويه
يجلس حمزة علي مكتبه وامامه بعض الملفات يقوم بمراجعتهااا ثم تدخل عليه هبة قائلة
هبه: استاذ حمزة اسفه  اني دخلت من غير ما اخبط معلش اصلي مش  مركزة
حمزة: ولا يهمك يا انسه هبه انتي كويسه؟!
هبة: اه كويسه الحمد لله
حمزة: انتي شكلك مرهقه او منمتيش كويس بقالك فترة
هبة:  اه فعلا والله اليومين اللي فاتوا دول كنت سهرانه مع ماما في المستشفي
حمزة:  الف سلامة عليهااا
هبة: الله يسلمك هو حضرتك اخدت الملفات اللي كانت علي المكتب بتاعي
حمزة:اه راجعتهم وخلصوا خلاص
هبة: طب وليه تعبت نفسك يا استاذ حمزة انا كنت هخلصهم
حمزة: مفيش تعب ولا حاجه
هبة: ميىرسي جدا لزؤق حضرتك
حمزة: اه صح قبل ما انسي متنسيش تعدي علي الحسابات
هبة: باستغراب حسابات ايه ده لسه احنا في اول الشهر
حمزة:  عارف بس دي مكافاة كبيرة   سايلهالك الدكتور عبد الرحمن  لانك. مجتهدة في شغلك وقالي ابلغك بس انتي مجتيش امبارح
هبه: بجد. متشكرة اووي علي اللي الدكتور بيعمله معاياا
حمزة:  انتي انسانه ناجحه في شغلك وتستاهلي يا انسه هبه هبة: ميرسي جداا لحضرتك
حمزة: ابعتيلي عم سيد من فضلك يا انسه هبة
هبة:  اوكي عن اذن حضرتك
حمزة: اتفضلي
انغمس حمزة في شغله ثانية بينما خرجت هبة من مكتبه وهي يمتلكها الفرح الشديد قائلة:  الف حمد والف شكر ليك يارب انقذتني وانقذت حياة ماما في الوقت المناسب انا فعلا كنت محتارة اجيب فلوس العمليه من فين  فعلا ربنا مش بيسيب حد
_____&________&_______&_________
داخل منزل دكتور عبدالرحمن
ارتمت. كلا من تالا وفاطمه علي سريرهاا بعد عناء السفر والمسافه الطويلة التي قطعوها في العودة من سوهاج الي القاهرة
تالا: ياه يافاطمه مش قادره اتخيل اننا خلاص وصلناا
فاطمه:  بصراحه هي كانت رحله جميلة ياريت تتكرر
تالا: غيرتي رايك بسرعه يعني عن الصعيد
فاطمه:  مش عارفه بس يمكن. حبيت هناك الهدوء
البساطه اللي الناس عايشه بيهاا الحب اللي ما بينهم حاجات كتيره اوي حبتها هناك.عشان كده نفسي الرحلة دي تتكرر تاني
تالا:  يعني لو جالك عرريس من الصعيد ممكن توافقي
فاطمه: اهو دي بقي الحاجه اللي لا يمكن اوافق عليهااا 
تالا: ليه مش من دقيفتين كنتي عماله تقولي في اهل الصعيد الشعر وتمدحي فيهن
فاطمه:انا ما اقصدتش انهم وحشين  بالعكس اللي تتجوز صعيدي بجد يبختها بيعرف يعني ايه حب عنده طابع الغيرة ومش اي غيره كمان غيرة شديدة تحسسك بقيمتك عنده غير انه الشاب الصعيدي راجل وليه هيبه كده 
تالا:  كل ده كلام جميل اوي بس برضو مجاوبتنيش علي سؤالي لو حد اتقدملك من الصعيد  هتوافقي عليه ولا لا
فاطمه: ممكن اوافق عليه بس بشرط
تالا: ايه هو بقي
فاطمه: انه يجبلي شقه في القاهره انا اتاقلمت علي الحياة هنا وصعب جدا اني اسبها واروح حته تانيه
تالا: طب روحي يلا غيري هدومك. عشان عاوزه اتكلم معاكي في موضوع تاني غير ده
فاطمه: انتي هتصاحبيني ولا ايه
تالا:  يلا متبقيش رخمه.
فاطمه:  ههههه ماشي
_____&_________&_________&_______
تجلس فرحه بمفردها شاردة الذهن تحادث نفسهاا بين الان والاخر قائلة
وبعدهالك. يافرحه فيه واحده يوم. فرحها تبكي وتحزن. أكده مقدراش تنسي محمود. ليه صعبان عليكي قوي أكده.... طب ما انتي دلوك علي زمة ادياب ودياب راجل زين مشفتيش منيه حاجه عفشة واصل.... فوقي يافرحه من وهمك ده ثم تدخل والدتها فتراها علي هذه الحالة فتخاطبها قائلة
فرحه انتي ايه اللي مقعدك. أكده. قومي يلا يابتي جهزي حالك عشان الفرح دياب جوزك. زمانه جاي
فرحه: بعد. ان فاقت علي صوت والدتهاا طيب يا امي قايمه اهااا
ام. طاهر:  ايوة اكده يابتي ده البيت اتملا معازيم وعماتك وبناتهم بيقولوا فين فرحه
فرحه:  نازلالهم اهاااا
ام. طاهر: عجلي شويه يافرحه متتاخريش اكتر من أكده
فرحه: حاضر  يا امي نازلالهم دلوك
____&_________&___________&______
انهي الدكتور المحاضرة وخرج يوسف بصحبة علي من قاعة المحاضرات فخاطب علي يوسف قائلا
علي: قابل يا معلم
يوسف: اقابل مين
علي:  بص قدامك. كده. وشوف مين جاي علينا
يوسف:  يابوي دي البت اللي اسمهاا شيري هي جايه تجري ليه أكده
علي:  ما خابرش هههههه
يوسف: عارف ياعلي ما تتريق تاني علي كلامنا هيحصلك ايه
علي: مبتريقش انا بحب كلاكم  ده والله  هههههه
ثم تاتي شيري ناحيتهم وهي تبتسم قائلة:. هاي يوسف عامل ايه
يوسف: زين الحمدلله 
شيري:  انت كنت فين الكام يوم دول مبتجيش الجامعه ليه
يوسف: لزمن يعني
على:. منقذا للموقف اصل يوسف نزل البلد  حضر كتب كتاب اخوه
شيري: ايه ده بجد الف مبروك يا يوسف معزمتنيش ليه كنت سافرت معاك
يوسف: تسافري فين
علي: بعد ان ضربه بالكوع
يوسف: قصدي معلش بقي فاتتني دي
علي الناحيه المقابله لهم
تقف نسرين تنظر الي علي بغيظ شديد
وعندما وقع نظر علي عليهااا اسرع ناحيتها كالبرق
يوسف: علي انت رايح فين ياعلي
شيري: عامل ايه يا يوسف تعرف اني كل يوم اجي الجامعه واول ما بلاقيكش باخد عربيتي وامشي علي طول
يوسف:  طب وليه تعملي أكده
شيري: مش عارفه بس انت الوحيد اللي في الجامعه كلهاا اللي برتاحله جدا 
احس يوسف باحراج وخجلا شديد فاحمر وجهه وخاطبها قائلا: طب يا انسه شيري عن اذنك دلوك لاحسن لو حد شافنا واقفين مع بعض هيبقي شكلنا وحش قوي
شيري: انت بتعمل اعتبار للناس ليه محدش ليه عندك. حاجه  ولا انت من الناس اللي بتتاثر بكلام الناس
يوسف: مش  موضوع اكده بس وقفتنا انا وانتي ا كده. متصحش والكلام ده انا بقوله عشانك مش  عشااني
احست شيري بان يوسف لا يريد التحدث معهاااا فزاد. ذلك حزنهاا قليلا قائلة
اوكي يا يوسف حمد علي سلامتك مرة تانيه عن اذنك بقي
يوسف: الله يسلمك اتفضلي
ذهبت شيري وهي نحدث نفسها قائلة: هتروح مني فين يا يوسف اتقل برحتك هجيبك يعني هجيبك ده انا شيري عارف يعني ايه شيري
بينما يقف يوسف يحادث نفسه قائلا
هي البت عايزة ايه مني بالظبط وتقصد ايه بالكلام اللي قالته ده معناه ايه انها كل يوم. بتيجي تدور عليا في الجامعه تشوفني جيت ولا مجيتش معقوله تكون بتحبني... وليه لا كل شئ جايز... 
علي الناحيه المقابله
يقف علي مع نسرين يعاتب كلا منهما الاخر
علي:  ازيك يا نسرين
نسرين: بغيظ افندم عاوز ايه
علي:  افندم انتي بتتكلمي معايا كده  ليه يا نسىرين
نسرين: عايزني يعني اكلمك ازاي
علي: هو انا مدايقك في حاجه  انتي ليه بتتكلمي معايا بالاسلوب ده
نسرين:. يعني مش عارف
علي: اه قصدك يعني عشان كنت واقف مع شيري
نسرين:  متظاهرة بعدم. الاهتمام وانا مالي ان كنت تقف معاها ولا لا.
علي: مبتسماا هشرحلك بس اهدي
نسرين: اتفضل قول 
علي: مكنتش اعرف انك حمقيه اوي كده ههههه
نسرين: والله طب عن اذنك بقي
علي: يابنتي انتي محدش يعرف يهزر معاكي خالص
نسرين: قولي كنت واقف مع اللي اسمها شيري دي ليه
علي: طب انتي رايحه فين دلوقتي
نسرين: مش رايحه مكان شويه ومروحه
علي: طب تعالي نقعد علي الكافيتريا دي نشرب حاجه وهفهمك الموضوع بالظبط
نسرين: اوكي
على: ثواني هتصل بس بيوسف اخليه يسبقني علي السكن
نسرين: اوكي ماشي
امسك  علي هاتفه وقام بالاتصال علي يوسف
علي: الوو ايوة يا يوسف
يوسف: انت فين ياعلي عمله تعملها دي
علي: معلش يا يوسف هفهمك بعدين المهم دلوقتي لو هتروح انت روح انا قاعد. شويه في الجامعه
يوسف: ماشي تمام
على: يلا سلام ياجوو
يوسف: سلام
على:  اتفضلي اقعدي
نسرين: ميرسي جدا 
علي: تشربي ايه. بقي
نسرين: ميرسي ياعلي مش هقدر اشرب حاجه 
علي:  لا لازم تشربي حااجه قولي بقي تشربي ايه
نسرين: لازم. يعني
على: اه
نسرين: خلاص هشرب برتقان
على: لو سمحت
الويتر: اؤمر يافندم
على: هاتلنا اتنين برتقان وهات شالموو
الويتر: حاجه تانيه يافندم دعلي: لا شكرااا
نسرين: قولي بقي كنت واقف ليه انت ويوسف مع شيري
علي: بصي ياستي.......
________&_________&________&_____
داخل منزل دكتور عبدالرحمن
تجري فاطمه. وراء اخيه الاصغر ادم فتصدم بوالدتها فتصيح فيها والدتها قائلة
مدام. ساميه: انتي مش هتبطلي حركات الاطفال بتاعتك دي
فاطمه: يسلام ياست ماما قصدك يعني ان انا طفله
مدام ساميه:  ده الطفله عندها عقل عنك
ادم: ماما ابعدي فاطمه عني عاوزه تاخد. مني الشوكلاته اللي جابهالي بابا
فاطمه: كده يا ادم بتسيحلي قدام ماما طيب ياخطيبي مخصماك
تالا: بعد ان انهت صلاتها شوكلته عامله الدوشه دي كلها عشان شوكلاته 
فاطمه: دي نوتيلا
تالا: نوتيلا خد يا ادم اقولك
مدام ساميه: حتي انتي ياتالا اللي بقول عليكي عاقله
ادم: انا هروح اتفرج علي الكارتون
تالا: خد يلا هنااا بقولك
فاطمه: خلاص سيبك من ادم وتعالي اما اقولك انا شفت مين لما كنت بتكلم عند العربيه
تالا: اه ياريت لاحسن الفضول هيقتلني ههههه
فاطمه: هكسب فيكي ثواب واقولك
تالا:  ههههههه ماشي
فاطمه: اللي انا شفته في العربيه واتكلمت معاه كمان الواد الصعيدي القمر ده اللي كان خاطفني
تالا: بتتكلمي بجد
فاطمه: اه بتكلم جد مش  كده  وبس كمان ده كمان اتخانقت انا وهوو
تالا: واتخانقتي انتي وهو ليه
فاطمه:  عشان بيقولي ان انا اللي بوظت خطته وانه مكانش اصلا مخطط لخطفي كان عاوز يخطف ياسمين
تالا:مقلكيش كان عاوز يخطفها ليه
فاطمه: لا مقالش بس من غير ما يقول باينه اكيد بيحبهاا ومش عاوزها تتجوز احمد
تالا: بجد حاجه غريبه اوي كان كل اللي بيحب وحده خطفهااا ايه الجنان ده
فاطمه: سيبك انتي بس قوليلي بقي اي حكايتك انتي ويوسف
تلا: حكاية ايه انا مفيش بيني وبين يوسف حاجه
فاطمه: علي فاطمه ده الواد عينه ما اتشالتش من عليكي
تاالا: اكتفت بالصمت.
فاطمه: لعلمك انا مركزة معاكي انتي ونسرين فمتحاوليش تخبي عليا حاجه  ههههههه
تالا: طيب هحكيلك كل حاجه بس مش دلوقتي
فاطمه: خلاص بعد الغدا تحكيلي
تالا: ماشي
_____&________&_________&________
وصل يوسف السكن الخاص به واستلقي علي سريره وغرق في النوم.... ثم بعد. مرور ساعتين..... وصل  علي وقام. بايقاظه قائلا
علي: انت نمت يا يوسف
يوسف: بعد ان قام من نومه لا نمت ايه ده انا بس قلت اريح شويه م التعب
علي طب يلا ياعم قوم كده وفوقلي عشان انا واقع من الجوع
يوسف: بعد ان نظر في هاتفه ياخبر ده الدكتور عبد الرحمن رن عليا اكتر من مرة
علي: تلاقيه بيطمن وصلنا ولا لا
يوسف: وبرضو عشان يشوف  عملنا ايه في موضوع الشغل
علي: طب كلمه علي بال ما اقوم اجهزلنا اي حاجه ناكلها عشان واقع من الجوع
يوسف: طيب قبل ما اكلمه انت موافق انك تشتغل ولا ايه
علي: الا موافق ده انا موافق ونص كمان هههههه
يوسف: زين قوي أكده
علي: ايوة صح يا يوسف هي شيري مالها ومالك عاوزه منك. ايه
يوسف: انت بتقولي انا يا علي انا زيك أكده ما خابرش هي عايزة ايه
علي: مش ملاحظ ان اهتماما بيك زاد قوي عن حده
يوسف: زاد ما زادش انا مش  في دماغي الحاجات دي اصلا يا علي
علي:  طبعا ازاي تبقي معجب بواحده زي القمر زي تالا وتبص لواحده زي شيري
يوسف: وانت مين قالك اني معجب بتالا وبعدين ما شيري برضك زينه قوي
علي: ياجوو علي عليا انا برضوو
يوسف: نقطتني بسكاتك ياعلي وروح شوف انت هتعمل ايه
علي: طب مش عايز تعرف انا سبتك ليه مع شيري ومشيت
يوسف: انت بتفكرني بالعملة السودة اللي عملتها دي تاني
علي: قلت اروقلك الجو يا مان
يوسف:  جو ايه يا ابو جو انت وبعدين تعالي هنا صح انت ايه حكايتك بالظبط مع نسرين
علي: هطلع احسن منك وهقولك.
يوسف: ههههه ماشي قول
علي: بصراحه كده يايوسف انا معجب جدا بنسرين وبحبهااا من اول يوم شفتها في الجامعه وهي عجباني والنهارده بقي اتجرات وقولتلهااا علي كل حاجه
يوسف:  قلتلها ايه
علي: قلتلها اني معجب بيها وبحبهاا وعبرتلها عن مشاعري
يوسف: طب وهي رد فعلها كان ايه
علي: بص هي في الاول اتوترت جدا واتكسفت مني
بعدين اول ما لقتها ابتسمت قلت الحمد لله كده هي موافقه
يوسف: طيب يا زين قوي ربنا يسعدكم
علي: كلم الدكتور بقي علي بال ما اخلص اللي في ايدي
يوسف: ماشي
امسك. يوسف هاتفه وقام بالاتصال علي الدكتور عبد الرحمن الذي اجاب علي هاتفه قائلا
الوو ازيك يا يوسف
يوسف: زين الحمدلله يا دكتور
دكتور عبدالرحمن: جيت القاهرة ولا لسه يا يوسف
يوسف: اه جيت النهارده الصبح يادكتور 
دكتور عبدالرحمن: طيب ياسيدي حمدلله على السلامة
يوسف: الله يسلمك يادكتور
دكتور عبدالرحمن: فكرت في موضوع الشغل ولا لسه
يوسف: ايوا يا دكتور وانا بكلمك دلوك عشان خاطر أكده
دكتور عبدالرحمن: طيب تمام اووي بكرة الجمعه يوم السبت تعدي عليا انت وعلي الشركه عشان اخلي حمزة يفهمكم كل حاجه 
يوسف:ماشي  يادكتور متشكر قوي
دكتور عبدالرحمن: العفو يا ابني خلاص هستناكم ان شاءالله  يوم السبت
يوسف: ان شاءالله  يا دكتور مع السلامه.
علي:  قالك ايه يا يوسف
يوسف: قال اننا لزمن نعدوا عليه يوم السبت الشركه وحمزة ابنه هيقولنا علي باقي التفاصيل.
علي: طب تمام. جدا 
يوسف: خلصت الوكل ولا لسه
علي: اه خلصت
يوسف: طب يلا لاحسن انا كمان زيك أكده واقع من الجوع
علي: دقيقتين  بس  والاكل يكون جهز
يوسف: طب انا هقرا  في المصحف شويه علي بال ما تخلص
____&______________&_______
حل المساء وتعالت الانوار وكثرت الزغاريت وتوالي المعازيم الي بيت الحاج همام والد دياب
تجلس فرحه ترتدي فستانها الابيض التي ظلت تحلم به طوال عمرهااا وبجانبها والدتها ووالدة زوجها والكثير من النساء والبنات يتبادلون الغناء والرقص 
والدة دياب: مبروك يا عروستنا نورتي الدار لولولولولولى
فرحه: الله يبارك فيكي يا مرت عمي
ام طاهر:  شايفه يا ام دياب دياب ولدك. عرف يختاز زين ازاي فرحه بتي زي القمر ومفيش بت في البلد كلها زييها
نعمات:  وهي كمان اتجوزت زينة شباب البلد دياب ولدي
احدي المدعوين: مبروك يافرحه
فرحه: الله يبارك فيكي
ثم تاتي ياسمين وتحتضن فرحهاا قائلة:  مبروك يافرحه
فرحه: الله يبارك فيكي يا ياسمين  عقبالك انتي واحمد
ياسمين: احمد جابني مخصوص لما قلتله اني عاوزه ابارك لفرحه
فرحه: عقبالك يارب
ثم بعد قليل دخل دياب مرتديااا بدلة سوداء قد اظهرت جماله ووسامته واخذ زوجته وصعد الي الاعلي وسط الكثير من الغناء والزغاريت
فاستوقفته والدتها قائلة
خلي بالك من فرحه يا دياب
دياب: مطمئنا لها متخافيش يا ام طاهر فرحه في عينيا الاتنين دي مرتي محدش يوصيني علي مرتي
ام طاهر: ربنا يهنيكم يا ولدي
اكمل دياب صعوده للاعلي وهو يمسك زوجته في يده ويداعبها بين الحين والاخر قائلا  مبروك يافرحة عمري يااابوي اخيرا انا وانتي هيتقفل علينا باب واحد
كادت فرحه ان تسقط من علي السلم فاحتضنها دياب قائلا مش متعودة علي الكلام الزين اياك
فرحه: متكسفينيش عاد يا دياب
نظر اليها دياب في حب قائلا: انتي دلوك مرتي يعني حلالي يافرحه
فرحه: طب بزياداك عاد
قام. دياب بحملهااا الي ان دخلا غرفة نومهم
____&____________&___________&_
يجلس محمود بمفرده شارد. الذهن يفكر في فرحه فيحادث نفسه قائلا اخيرا يافرحه شفتك بالفستان الابيض كان نفسي تلبسيهولي يا فرحه بس النصيب غلاب ثم مسح دموعه ورفع يديه الي السماء قائلا:  يارب عديني من المحنه دي علي خير يارب انا كنت خلاص قربت انساهااا ودلوقتي خلاص هي علي  زمة واحد غيري انا مش عايز اغضبك واتعاقب بسببها
ثم. تدخل والدته قائلة
انت صاحي ليه لحد دلوقتي يامحمود
محمود: هنام يا امي دلوك
ام. محمود: طيب ياولدي تصبح على خير
محمود: وانتي من اهل الخير
______&______&________&________
تلاشي الليل سريعااا واستيقظ دياب من نومه قائلا
صباح. الخير يافرحه
فرحه: بابتسامة صباح الخير يا دياب
دياب: صباحيه مباركة يا ست البنات
فرحه: الله يبارك فيك يا دياب
دياب: يلا قومي يافرحه خديلك دش أكده عشان تنزل تحضري الفطور مع امي
فرحه: من غير ما تقول يا دياب انا من نفسي كنت هعمل أكده انت هتوصيني علي امي ولا ايه
دياب: طب انا هسبقك علي تحت وانتي ابقي حصليني
فرحه: ماشي يا دياب
هم دياب بالنزول للاسفل وهو علي السلم وقع نظره علي والده يجلس يتناول الافطار فاسرع في خطاه اليه قائلا
صباح الخير يابوي
الحاج همام: صباح الخير يا دياب  نازل لوحدك ليه اومال فين المحروسه مرتك
دياب: فرحه مرتي نازله دلوك يابوي
الحاج همام: هي من اولهاا هتدلع عليك ولا ايه لزمن اتشد يا دياب متخليش حرمه تسيطر عليك
دياب: انت خابر زين يابوي ان مفيش حرمه تمشي عليه كلمه فرحه عروسه والنهارده صباحيتهاااا
الحاج همام: مش خابر ايه اللي عاجبك في فرحه كان مالها بت علوان
دياب:  ملهاش يابوي بس انا بحب فرحه ومع احترامي ليك انا مش هسمح لاي حد انه يجرح كرامة مرتي او حتي يهينها ويقولها كلمه عفشه
سمعت فرحه ما قاله دياب لوالده فتبسمت فرحاا وهي تنزل من علي السلم
فرحه: صباح الخير ياعمي
الحاج همام: صباح الخير يا فرحه
دياب:  تعالي يافرحه اقعدي جنبي عشان نفطروا
فرحه: مش دلوك يادياب هروح اشوف مرت عمي بتعمل ايه
دياب: ماشي يافرحه
الحاج همام: اسمعني زين يادياب في اللي هقولهولك ده
دياب: سامعك يابوي  اتكلم
الحاج همام: الراجل صوح هو اللي يشد علي مرته لو قالتله شرق يغرب متسمعش كلام الحرمه واصل ياولدي
دياب: بس الجواز ده مودة ورحمه يابوي وكرامة مرتي من كرامتي هشد عليها ليه مادام. هي بتعاملني كويس وبتسمع الكلام الرسول عليه الصلاة والسلام كان بيعامل زوجاته بلين وعمره ما عاملهم بقسوة
الحاج همام: بكيفك يادياب انا قلتلك الصح وانت حر
__________&_________&___________&_
داخل منزل الحاج تمام
يجلس تمام بصحبة ابنائه  فهد وياسين واخيه الحاج مصطفي يتناولون الافطار بينما ارتدي ادهم جلبابه وهو ينظر الي ياسين نظرة كلها غل وتحدي
بينما يقابل ياسين تلك النظرة بعدم اهتمام محادثا نفسه: ما بقاش الا انت يا ادهم عشان تبصلي انا اكده.شكلك.نسيت انا مين
الحاج تمام: اعمل حسابك يا ياسين نقلة الخشب بتاعة قنا انت اللي هتسافر بيهااا
ياسين: وفهد ما يسافرش بيها ليه ولا كل حاجه فوق دماغي انا يابوي
الحاج تمام: فهد هيروح دمياك يجبلنا بضاعه جديدة
ياسين: طب هسافر بيها ميتاا 
الحاج تمام: الاسبوع الجاي ان شاءالله
ادهم. وهو يقف يتنصت عليهم ويحادث نفسه. قائلا
زين قوي أكده هاانت يا ياسين نهايتك قربت  خلاص
هم. ادهم بالخروج لكن استوقفه والده الحاج مصطفى  قائلا: انت رايح فين بدري أكده يا ادهم
ادهم:  مشوار اصغير أكده وراجع طوالي يابوي
الحاج مصطفى:  مش مطمنلك خالص انت ومشاويرك دي
ادهم: متخافش يابوي هو انا عيل اصغير
الحاج تمام: سيبه يامصطفي ادهم راجل معادتش اصغير عشان تخاف عليه
الحاج مصطفى:  انت مش خابر المشاكل اللي كل شويه والتاني بتجيني من تحت راسه ياتمام
الحاج تمام: متشلش هم
خرج ادهم من المنزل واغلق الباب خلفه ثم اخرج هاتفه وقام بالاتصال علي وهدان قائلا
ايوة يا ريس وهدان
وهدان:  زين ان اتصلت
ادهم: اسمعني زين الاسبوع الجاي ده هننفذوا
وهدان: طب الرجاله محتاجين افلوس عشان العملية دي كبيرة قوي
ادهم: الفلوس اللي انتوا عايزنهاا هدهالكم بس المهم عندي دلوك تصحصح معايا انت ورجالتك عشان العملية دي معاها عملية تانيه
وهدان: عملية تانيه عملية ايه دي
ادهم: مش هينفع الحديت في التلفون
هقولك  كل حاجه بالتفصيل لما اعدي عليك.انت والرجاله لاحسن دي عمليةخطيرة قوي
✍️   علي محمد