رواية قد سرق... قلبي ♥ (مكتملة)

قد سرق قلبي

رواية
قد سرق قلبي
#part17
رحل الليل سريعااا واشرقت شمس يوم جديد استقبله دياب بكامل نشاطه استعداد للذهاب الي عمله...
دياب:  انا نازل يافرحه عاوزه حاجه
فرحه: بعد ان نزعت الغطاء من فوقهاا نازل نازل فين دلوك يادياب
دياب: بعد ان انهي تغيير ملابسه رايح الشغل يافرحه
فرحه:  بحزن شغل انت ناسي اننا في شهر العسل ولاايه ولا مستكتر عليا شهر
دياب: بعد ان قبلها من جبينها ياحبيبتي هو في عسل اهنا غيرك
فرحه:  ابتسمت خجلا
دياب:  اسمعيني زين يافرحه
فرحه: سامعاك يا قلب فرحه
دياب:  انتي حلمي يافرحه وانا ما سدقت ربنا حققلي حلمي والايام جايه كتير وهعوضك عن كل ده  انتي ما خابراش انا بحبك قد ايه
فرحه: بدلال قد ايه بقي
دياب: حبي ليكي يافرحه ملهوس مقياس
فرحه: ربنا يخليك ليا يا دياب
دياب: ويخليكي ليا يارب يافرحه
فرحه: طب استني احضرلك فطار هتنزل من غير ما تفطر 
دياب: وهو اللي يبص في العيون الجميله دي يفكر في حاجه تاني بعد أكده
فرحه:بخجل بزياداك يادياب انت علي طول أكده بتحب تكسفني مش متعوده انا علي الكلام الزين ده
دياب:مبتسما انتي تستاهلي أكتر من أكده كمان يافرحه
فرحه:بقولك ايه احنا هنقضوها غزل ولا ايه يلا يا بابابا علي شغلك اجري
دياب:ههههههه بقي أكده يافرحه طب ايه قولك بقس اني مشن نازل الشغل وقاعدلك.اهنا
فرحه: بفرح بجد
دياب:هههههه انتي ما صدقتي
فرحه: طب انا هنزل تحت عند مرت عمي وانت اول ما توصل الشغل ابقي كلمني عشان هقولك علي حاجه أكده تجبهالي وانت جاي
دياب: عيوني ياست البنات
فرحه:مداعبة له لا ياعم مش عاوزه عيونك انا عاوزه شوكلاته
دياب:ههههههه ماشي يافرحه  عايزه ايه تاني بقي
فرحه:مش عاوزه غير انك تخلي بالك من نفسك
دياب:سبيها علي الله يلا سلام يا ست البنات
فرحه: بفرح ست البنات مرة واحده
دياب:ايوة واجملهم كمان
فرحه: بحبك يادياب
دياب: وانا  كمان يافرحه يلا سلام لاحسن عمك همام  لو اتاخرت اكتر من أكده هيولع فياااا
فرحه: هههههه ماشي سلام
خرج دياب بعد ان طبع قبلة علي جبين زوجته بينما قامت فرحه بتنظيف شقتها
_________________
يجلس الحاج محمود بصحبة زوجته وابنته شيماء يتناولون الافطار
فتخاطب شيماء والدها قائلة
مالك يابوي مدايق ليه قوي أكده
الحاج محمود: وهدايق ليه عاد مفيش حاجه يا شيماء يابتي
شيماء: بس شكلك بيقول غير أكده في ايه عااد
الحاج محمود: قلبي واكلني علي احمد قوي مش خابر ليه ما اتصلش لحد دلوك
ام يوسف:  اطمن ياحاج دلوك.يتصل ويطمنا الغايب حجته معاه
شيماء:  كيف ما قالت امي أكده يابوي متخافش ان شاءالله خير
الحاج محمود: يارب يابتي
ثم رن جرس الباب فقامت شيماء لتفتح الباب
الحاج محمود: ده تلاقيه سليم انا قلتله يعدي عليا الصبح عشان هنروحوا سوهاج
شيماء: بعد. ان فتحت الباب سليم
سليم:  وهو يطيل النظر الي عينيهاا يابوي ياريت الواحد يصطبح بالعيون الحلوة دي كل يوم
شيماء؛:  بعد ان ضربته بكوع يدهااا ادخل وبطل قلة ادب
سليم: ههههه ماشي
ام يوسف: تعالي ياسليم
سليم: صباح الخير ياعمي
الحاج محمود: صباح الخير ياسليم
ام يوسف: اقعد بقي افطر مع عمك وبت عمك علي بال ما اجبلكم الشاي
سليم: يدوم العز يامرت عمي
شيماء:تكتفي بالنظر اليه مبتسمه
ايوة صوح انت رايح فين دلوك يا ابوي
الحاج محمود: رايح سوهاج اشتري شويه حاجات أكده واقضي مصلحه أهناك
سليم: احمد.اخباره ايه ياعمي وصل ولا لسه طمني عليه
الحاج:محمود: والله ياولدي لسه مكلمنيش لدلوك
سليم: لعله خير ان شاء الله ياعمي ودلوك يتصل
الحاج محمود: يارب ياولدي
سليم: وهو ينظر الي شيماء  يوسف كمان وحشني قوي قوي مش خابر ليه مش مقدر ده ولا خابر اني بحبه
شيماء: تكتفي باخراج لسانها
الحاج محمود: ليه هو زعلك في حاجه ولا ايه
سليم:مستغلا للفرصه ولو زعلني ياعمي ده برضك واد عمي وما اقدرش ازعل منه لاني بحبه
شيماء: بابتسامه مش خابره ايه قصه الحب الجديده دي اللي بينك وبين يوسف
فتقطع حديثها دخول والدتها وهي تحمل الشاي قائلة
وانتي تتحشري ليه بين واحد وولد عمه انتي غيرانه ولا ايه
سليم:ههههه صوح تلاقيها غيرانه
الحاج محمود: اشرب الشاي ياسليم
سليم: حاضر ياعمي
شيماء: طب عن اذنكم همشي انا دلوك.عشان عزة مستنياني
سليم: طب ما ناخدوكي معانا  في سكتنا بالعربيه انتي وصحبتك
شيماء: له مش مستاهله المدرسه قريبه يلا عن اذنكم
الحاج محمود:اتفضلي يا بتي
خرجت شيماء واغلقت خلفها والدتها الباب...بينما ظل الحاج محمود وسليم يتحادثون......وهما بتناولون الافطار....استعداد للرحيل
__________________
تجلس تالا في غرفتها وحيدة شاردة الذهن تفكر في الذي دار بينها وبين عادل
فلاش باك
عادل:  انا والله العظيم اتغيرت فعلا عن زمان وبقيت شخص  غير اللي انتي كنتي تعرفيه قبل كده
تالا:  حاجه جميله ان الانسان مننا يعرف فين الحاجه اللي مش كويسه فيه ويغيرها
عادل: بالظبط وانا اهو اتغيرت وبقيت شخص تاني غير اللي كنتي تعرفيه زمان وسبب تغييري ده اني بحبك واللي بيحب حد بجد بيتغير علشانه
تالا:  فعلا الحب بيصنع معجزات وشئ جميل ان الانسان يتغير للاحسن ويشوف سلبياته فين ويعالجها
عادل:  انا مش هرخن عليكي اكتر من كده  بس فكري كويس في كلامي لان ده جواز  وانتي الوحيده اللي هتبقي مسئوله عن قرارك بس ياريت قبل ما تقرري تفكري كويس لان احيانا التسرع بيخليناا نندم
تالا:  ان. شاء الله
ثم تدخل عليها اختها فاطمه فتقطع تفكيرها قائلة
تالا انتي سرحانه في ايه
تالا: بفكر في اللي قالهولي عادل مش عارفه ليه حاسه اني ظلمته لما قلت عليه انه رخم وملزق
فاطمه:  اوباااا هو عرف يضحك عليكي بكلامه
تالا: لا علي فكره  المرة دي حسيت من طريقة كلامه انه حقيقي اتغير وانا لحظت التغيير ده كمان
فاطمه: لحظتي ايه متبقيش طيبه اوي كده استني لما تعرفيه اكتر
تالا: مش عارفه بقي انا هصلي استخارة وامري لله
فاطمه: اه صحيح طب ويوسف
تالا:  مش كنتي معجبه بيه
تالا: فاطمه متلغبطنيش اكتر ما انا متلغبطه سبيني دلوقتي ممكن
فاطمه: ماشي بس انا شايفه ان يوسف بيحبك وغير كل ده مش ملزق ولا بتاع بنات
تالا: يووه يافاطمه قلتلك مش عايزه لغبطه انا متشتته دلوقتي
فاطمه: خلاص انا خارجه اهوو بس متستعجليش خدي كفايتك في التفكير
تالا: ماشي
خرجت فاطمه بينما ظلت تالا مكانها غارقة في تفكيرهااا..... تارة في ما قال لها عادل وتارة فيما راته من يوسف من نظرات تحمل الكثير من المعاني.. التي لا تعرف تفسيرها حتي الان
_____________
عاد يوسف من الجامعه فقام بخلع ملابسه وجلس ليرتاح قليلا فجاءة رن هاتفه برقم مجهول  فلم يبالي له واكمل نومه.. فرن هاتفه ثانية مما اضطر ان يجيب عليه قائلا
الووو مين!؟
المتصل: يوسف
يوسف: ايوة انا يوسف مين. حضرتك
المتصل: مش عارف صوتي
يوسف: وانا كنت اعرفك قبل سابق عشان اعرف صوتك
المتصل:  انا شيري يا يوسف
يوسف: نهض مندهشاا شيري وانتي جبتي رقم منين
شيري: اللي بيحب حد بيعمل المستحيل علشان يوصله
يوسف: مندهشاا حب!
شيري:  اه حب يمكن انت دلوقتي شايفني في نظرك اني قليله اوي بس والله العظيم انا بحبك بجد وبعمل كل ده عشان بحبك انا عارفه اني مينفعش انا اللي ابدا واقولك كده عشان انا بنت بس اعمل ايه مش  قادرة اتحكم في قلبي ولا مشاعري
يوسف: بس انتي متعرفنيش كويس يعني ازاي حبتيني بالسرعه دي
شيري: بص يا يوسف  الحب ملهوش وقت محدد ييجي فيه   الحب بييجي ف ثانيه وانا من اول مرة  شفتك فيهاا وانا قلبي ارتحلك جداا وحسيت من ناحيتك. احساس عمري ما حسيته قبل كده... انا مش عارفه ده حصل امتا ولا ازاي بس اللي انا متاكده منه بجد اني بحبك
يوسف: بعد ان صمت قليلا مش عارف اقولك ايه يا انسه شيري بس
شيري: بس ايه
يوسف:  طب ممكن انام دلوقتي عشان راجع من الجامعه تعبان وبكره نتكلم ان شاء الله في الموضوع ده
شيري: اوكي اتفضل
يوسف: سلام
شيري: باي
اغلق يوسف هاتفه والقاه بجواره وغرق في تفكيره فحادث نفسه قائلا
مش عارف ليه حاسس ان شيري احساسها فعلا صادق ده غير كمان انها جريئه ايه اللي يخلي بنت تجيب رقم ولد وتكلمه غير انها فعلا بتحبه.... امممممم ايوة بس شيري طينتها غير طينتك يا يوسف طب والعمل دلوك......
علي:  متفكرش كتير انا عندي الحل
يوسف: بعد. ان افاق علي دخوله حل ايه وانت هنا من امتا
علي: من اوا المكالمه وعلي فكرة مكانش قصدي اسمعك والله بس انت صوتك كان عالي
يوسف: طب انت شايف ايه علي:   استني هظبطلنا كوبيتين قهوة عشان نعرف نتكلم
يوسف:ماشي
________________
اقتربت الساعه من الرابعة عصرااا يجلس حسام امام هاتفه يتصفح بعض مواقع التواصل الاجتماعي فيقطع تركيزه دخول اخته اليه وهي تبكي
حسام: مالك يا الاء بتعيطي ليه
الاء: في واحد حقير في الشارع عاكسني وحاول يمسك ايدي
حسام:  بعصبيه مين ده تعرفيه ولا لا 
الاء: لا اول مرة اشوفه
حسام: طب اهدي خلاص متعيطيش
الاء: ماشي  عن اذنك بقي
حسام:  ياتري مين ده اللي عمل كده  والله ما اعرفه لاقتله؛ !!!
ثم صمت قليلا وتذكر ما قاله له ابن خالته معتز
فلاش باك
معتز: يا ابني فوق من اوهامك دي واللي انت بتعمله حرام عليك انت معاك اخوات بنات خاف عليهم
حسام:  ياعم هو انتي شايفني كل يوم مع واحده استغفر الله العظيم معتز بقولك ايه هتقعد تانب فيا كده كل شويه هقوم امشيى
معتز:  انا بقولك كده عشان  لو انت مش  خايف علي نفسك خاف علي اخواتك البنات عشان ميجيش يوم ويترد فيهم اللي انت بتعمله ده
افاق حسام ثانية قائلا؛:  معاك حق يامعتز فعلا اللي انا  عملته اهو اتردلي في اختي عشان كده  بقي انا من النهارده ومن اللحظه دي قررت ابطل اللي انا بعمله ده
اما بقي موضوع البت دي فخلاص من اللحظه دي انا شيلته من دماغي
وبينما هو كذلك رن هاتفه
فاجاب عليه قائلا
ايوة ياسهااا
سها: ايه يامان مقلتليش يعني عملت ايه مع البت دي
حسام: بقولك ايه ياسها انسي الموضوع انا فكتني من الحوار ده اساسا
سها: ايه ده خفت ولا ايه
حسام: لا مخفتش بس فوقت
سها: فوقت من ايه
حسام: فوقت من الوهم اللي انا كنت عايش فيه فقت من الذنوب الكتير اللي ياما شلتهاااا فقت من حاجات كتير اوووي كنت مغيب لما كنت بعملهاااا
سها: ايه ده حسام اللي بيقول كده انا مش مصدقه
حسام: متصدقيش ليه  حرام.يعني  لما  الانسان مننا يعرف غلطه ويصلحه
سها: انت ايه اللي غيرك فجاءة كده يا حسام
حسام:  اللي غيرني فجاءة اتمني انه يغيرك انتي كمان وتفوقي من اوهامك دي وتعيشيها صح ولو مرة
سها:  لا ده الموضوع شكله كبير اوووي
حسام: ولا كبير ولا صغير خلاصه الكلام يا سهاا انا اتعلمت درس ولا يمكن انساه ان فعلا كما تدين تدان.... عن اذنك
___________________
يجلس احد. رجال وهدان وبجوارهم اسلحتهم يتحدثون بصوت منخفض
احد.الرجال:بقولك ايه ياصالح فيك من يكتم السر
صالح: عيب عليك يارجب سرك في بير
رجب:بصراحه أكده.الريس وهدان بيسرقنا في كل عمليه بنعملوهااا
صالح:.قصدك ايه يارحب
رجب:انت فاهم قاصدي زين
صالح:اللي بتفكر فيه ده واعر قوي ولو الريس وهدان سمعك قول علي نفسك يارحمان يارحيم
رجب: انا ميت اصلا من ساعة ما ادبست في تار وقتلت شخص برئ ولمل كمان اتحرمت من بيتي وعيالي فمش فارقه معايا اللي فارق معايا دلوك حاجه وحده بس اني اجيب حقي من وهدان لان اللي انا فيه دلوك بسببه
صالح:اعقل يارحب ما تضيعش روحك
رجب:قلتلك انا ضعت من زمان لما عيني اتعمت وقتلت روح عارف يعني ايه قتل روح ده عند ربنا عذابه شديد.قوي  وانا كفايه عليا لحد أكده مش هكمل امعاكم وهرجع لربنا يمكن يتوب عليااا ويرضي عني
صالح: بكيفك يارجب عن اذنك.هروح اراقب المكان لاحسن الحكومه تطب عليناا ولا حاجة
رجب:اذنك امعاك ياصالح
خرج.صالح بينما سجد رجب علي الارض وظل يبكي ويتوسل الي الله ان يتوب عليه
علي الناحيه المقابله له وصل
صالح الي مكان وهدان فخاطبه قائلا
الحق ياريس وهدان رجب شكله اتجن وعاوز يسبنا ويمشي
وهدان:طب ما يغور هيفرق امعانا في ايه
صالح:يغور كيف عاد ده عارف كل حاجه عننا ومش بعيد يخرج من اهنا ويدل الحكومه علي مطرحنا وساعتها حبل المشنقه يتلف علي راقبينااا
وهدان:  خلص عليه قبل ما يعمل أكده
صالح: مش دلوك ياريس بعد ما نخلصوا من العمليه الواعرة دي نبقوا نقروا الفاتحه علي روحه
وهدان: عفارم عليك ياصالح طول عمري بقول عليك انك دراعي اليمين وهتمسك كبير المطاريد مطرحي بعد.أكده
صالح: ربنا يطولنا في عمرك يا كبيرناااا
وهدان:المهم دلوك  خد الرجاله واجهزوا عشان هنطلعوا الليله نستنوا ياسين قبل ما يدخل علي الكمين
وهدان: امرك يا كبيرنااا
_________________
رجع محمود الي منزله بعد يوم عمل شاقااا في الارض واستلقي علي سريره وكاد ان يروح في النوم
فدخلت اليه والدته قائلة:  متنامش دلوك يامحمود كلك لقمه ياولدي وبعد أكده ناام
محمود:  مليش نفس والله يا ام محمود متتعبيش نفسك
ام محمود: مالك ياولدي مدايق ليه أكده
محمود: مفيش حاجه يا امي متخافيش انا بخير بس موضوع المحاضرات ده مدايقني شويه
ام. محمود:  انت مش رحت اسيوط عشان تجيبهم مدايق ليه عاااد
محمود:  للاسف ملقتش المحاضرات كامله والكتاب صعب اني اذاكر منه حاجه
ام. محمود: طب والعمل دلوك محمود: ان شاء الله خير
ثم.دخل عاصم قائلا
انتوا هنا وانا عماال انادي
ام محمود: تنادي ليه هو انت غريب عن الدار ولا ايه
عاصم: ههههه والله انتي عسل يا حاجه
ام محمود: ده انت اللي عسل ياعاصم ايه الورق اللي انت شايله في ايدك ده
عاصم:  دي محاضرات في بنت ادتهمني وانا جاي وقالتلي اديهم لمحمود
محمود: بفرح محاضرات  بتتكلم جد ياعاصم
عاصم: ايوة بتكلم جد عد الجمايل بقي
محمود: مين اللي اداك المحاضرات دي ياعاصم
عاصم: مش هينفع اقولك مين عشان هي قالتلي  مقولكش علي اسمهاااا
محمود:  ماشي هات المحاضرات دي كده
عاصم: خد. اهي بقولك يا امي انا جعان قوي
ام. محمود:  يلا يا محمود عشان  نتغدا كلنا يا ولدي
محمود: وهو يقوم بالتقليب في الورق بفرح كلوا انتوا يا ام محمود دلوك انتي وعاصم وانا هحصلكم
ام. محمود: مش هناكلوا من غيرك
محمود: حيث كده بقي يلا بينااااا
________________
يقف ثلاثه من الاشخاص امام منزل بعيدااا عن القرية يتحدثون ويتشاورون في امر ماااا
الشخص الاول:   فهمت هتعمل ايه
الشخص الثاني:  ايوة فهمت وزين قوي انك قولتلي في الوقت المناسب احسن ما كنت هروح أكده علي عماي
الشخص  الثالث:  احنا لازم نحط. ايدينا في ايد بعض عشان  الخطه بتاعتنااا تمشي كيف ما احنا مخططينلهاااا
الشخص  الاول: خلاص كل واحد فيكم. عرف هيعمل  ايه
الشخص الثاني:  متخافش انا عارف هعمل ايه
الشخص الثالث:  ان شاءالله كل حاجه هتمشي زي ما احنا مخططينلهااا.... والكلب ده نهايته علي ايديناااااا
✍️   علي محمد