رواية قد سرق... قلبي ♥ (مكتملة)

قد سرق قلبي ❤

رواية
قد سرق قلبي
#part25 والاخير!!! 🔥
عاد ياسين برفقة احمد. ويوسف وهو ينتابه الخوف والقلق الشديد علي اخيه وعندما وصل الي المستشفي هرول مسرعااا كالمجنون الي ان اصطدم بعمه مصطفي فخاطبه قائلا
فهد اخوي!!!!! فهد جراله ايه ياعمي طمني
الحاج مصطفي: بعد ان امسك به اهدااا ياولدي فهد زين الحمدلله مفهوش حاجه
ياسين:  بعصبيه مفهوش حاجه كيف فهد اخويا ماله ياعمي
الحاج تمام:  متخافش يا ياسين فهد زين الحمدلله انا لسه دلوك طالع من عنده اول ما الدكتور واللي معاه يخرجوا من جوة هاخدك ونروحوا نطمنوا عليه
ياسين:  بعد ان اخذ نفس عميق بجد يابوي ولا بتقول أكده عشان تطمني
الحاج مصطفي: بجد  يا ياسين وهنكدبوا عليك ليه
بعد. لحظات أتي احمد ويوسف فاستقبلهما الحاج تمام  قائلا
تعبتوا روحكم ليه يا احمد انت ويوسف
احمد: تعب ايه. يا ابو فهد. متقولش أكده احنا اهل
يوسف: طمنا علي فهد ياعمي  تمام عامل ايه دلوك
الحاج تمام:  الحمدلله بقي زين فيكم الخير ياولد الحاج محمود
بعد لحظات خرج الدكتور فاعترضه. ياسين قائلا
طمني يادكتور فهد اخوي عامل ايه دلوك
الدكتور :  الحمدلله بقي كويس متخافش ده كسر بسيط. كده في الرجل
ياسين: يعني ينفع ادخله دلوك
الدكتور: اه ينفع طبعا مينفعش ليه
دخل ياسين ثم تبعه احمد ويوسف بينما نظر الدكتور الي الحاج تمام والحاج مصطفي قائلا
مين فيكم والده
الحاج تمام: انا يادكتور
الدكتور: طب ممكن تتفضل معانا علي الخزنه  عشان رسوم العمليه لان دي مستشفي خاص
الحاج مصطفي:  وقف يا تمام يمين بالله ما انت دافع جنيه واحد فهد ده ولدي كيف ادهم بالظبط
الحاج تمام:  تشكر ياخوي
ياسين:  اكده يافهد تخضنا عليك ياخوي
فهد:  الحمدلله علي كل حال يا ياسين انا يعني كان بيدي ده كل حاجه بامر الله وكل اللي يجيبه ربنا كويس
احمد:  الف سلامة عليك ياعم فهد
فهد: الله يسلمك  يا احمد
يوسف:  الحمدلله انها جت علي قد اكده ولعله خير
فهد: الحمدلله قدر الله وما شاء فعل
ياسين:  قولي يافهد هو ايه اللي حوصل
هم. فهد بالحديث لكن قاطعه شخص قد اتي قائلا
اتفضل يا بيه
المحقق:  استاذ فهد حمد الله علي سلامتك ممكن بس تجاوبني علي كام سؤال كام 
فهد:  اتفضل يا بيه
المحقق:  انت ليك اي اعداء
الحاج مصطفي:  يابيه اعداء مين ده فهد الناس كلها في البلد بتحبه وده راجل بتاع ربنا
المحقق:  معلش ياحاج مصطفي بس دي اجراءات لازم اعملهاا
فهد؛:  له مليش اي اعداء واللي حصل ده مش خابر حصل كيف
المحقق:  طب قبل ما تخرج بالعرببه اتاكدت ان  الفرامل بتاعتها  كان مبروطه كويس
فهد:  ايوة اتاكدت منها زين
المحقق:طب بتتهم حد معين
فهد: ما اقدرش اتهم حد الظلم ظلمات يابيه
المحقق: طب خد امضي علي اقوالك
ياسين؛:   مندهشاا فرامل  فرامل ايه انا مش  فاهم حاجه واصل
المحقق:   انا هفهمك لما كشفنا علي العربيه بعد الحادثه اتاكدنا ان الفرامل كانت سايبه خالص وده ملهوش غير تفسير واحد ان اللي حصل ده حصل بفعل فاعل 
ياسين: بزهول فعل فاعل
طب  ياتري مييين اللي
يستجرئ  يعمل أكده!!
___________________
عاد دياب من عمله مجهدااا فهم بالصعود لغرفته ليرتاح قليلا فاعترضته والدته قائلة انت جيت يادياب
دياب: ايوة ياما جيت وطالع اريح شويه أكده عشان هنسافروا باليل أكده انا وسعد ولد عمي نروحوا نجيبوا بضاعه جديده
ام دياب: طب كنت عايزه اتحدتت معاك في حاجه اكده بس مادام تعبان ياولدي خلاص قوم. ارتاح دلوك وبعد  أكده نبقي نتحدتوا
دياب: بعد ان جلس خير يا ام دياب قولي سامعك اهااا
ام دياب:  طب اوعدني ياولدي انك مش هتدايق من اللي هقوله ده ولا تتصرف تصرف عفش
دياب:  بتوتر هو في ايه يا امي
ام دياب:  ابوك شاف فرحه مرتك. وهي جايه من الامتحان واتعارك معاهااا عشان طلعت من الدار من غير اذنه وقالها مادام عملتي أكده من وراي يبقي ملكيش قعاد معاي بس فرحه مرتك ربنا يكملها بعقلها كمان وكمان ياولدي قالتله حاضر ياعمي هعمل اللي قلتلي عليه بس مش دلوك لما ياجي دياب ميصحش اخرج من الدار من غير اذن جوزي
دياب: ماشي  يا ام دياب  انا مش  خابر ابوي ليه بيعمل مع فرحه أكده مع انها معملتش حاجه عفشه
ام دياب: مش خابره ياولدي بس انت خابر ان ابوك كان عاوز يجوزك بت عبدالرشيد يمكن بيعمل معاك اكده عشان شايف انك لويت دراعه بجوازك من فرحه
دياب:  هو اللي يتجوز انسانه بيحبها ورايدها يبقي لوي دراع كيف ده فهميني انتي يا ام دياب عشان خلاص الواحد. علي اخره وفاض بيه ع الاخر
ام دياب:  متدايقش نفسك. يادياب يا ولدي انا بس قلت اقولك عشان تشوف هتعمل ايه مع ابوك
دياب: اسمعيني زين يا امي انتي  وابوي فوق دماغي من فوق وحقكم عليا هتاخدوه وبزياده كمان انا مش  قليل الاصل بعد ما كبرتوني وعملتوني راجل اتخلي عنكم او حتي اقاطعكم  بس وبرضك. فرحه مرتي اللي بحبها وكرامة مرتي من كرامتي واللي يهين مرتي يبقي بيهيني..... وانا مش هسمحك باكده.... انا هاخد مرتي ونمشوا من اهناااا تصبحي على خير يا ام دياب
ام. دياب: يادياب اسمعني ياولدي
دياب: بعد. ان صعد للاعلي معلش يا ام دياب مش عاوز حديت تاني في الموضوع  ده سبيني دلوك
ام دياب:  وانت من اهله يادياب وبعدهالك ياهمام هتفضل لحد ميتا تنكد علي ولدك وعلينااااا
دخل دياب غرفته فاصابه الفزع عندما وجد فرحه تقوم بالتقليب في ملابسهااا فامسك يدهاا بخوف وحب قائلا ايه اللي بتعمليه ده يافرحه
فرحه:  مبعملش حاجه يادياب
دياب  : قوليلي الاول عملتي ايه في الامتحان
فرحه: بزعل تمام
دياب:  اقعدي يافرحه عشان نعرف نتكلم انا عرفت باللي ابوي عملوا معاكي
فرحه:  محاولة اخفاء دمعتهاا خلاص يادياب
دياب: انتي رايحه فين يافرحه
فرحه: هروح بيت ابوي انا كل ده ساكته ومتحمله عشانك بقول لنفسي استحملي يافرحه عشان دياب ده برضو جوزك وبيحبك بس خلاص يادياب معدتش قادرة استحمل اهانه ولا تجريح من ابوك اكتر من أكده ومش هسمح لنفسي برضو  ان افرق بينك وبين ابوك او اخليك تخرج عن طوعه.
دياب: اخرج عن طوعه ايه اللي بتقوليه ده يا فرحه
فرحه:  اسال ابوك يا دياب وهو يقولك انا بت ناس يادياب وابوك مجابنيش من الشارع عشان يعمل معايا أكده وان طول الوقت ده ساكته ومستحمله عشان شايفه انك. بتحبني بس دلوقتي خلاص وكيف. ما قلتلك. أكده. مادام. وجودي في الدار هيسببلك المشاكل مع ابوك يبقي وهيخليك تخرج عن طوعه كيف ما بيقول يبقي تطلقني يا دياب 
دياب:  بزهول اطلقك ايه اللي انتي بتقوليه ده يافرحه
فرحه:  انا اسفه يادياب بس هو ده الحل الوحيد!!!!!
___________________
يجري حسام خلف اخته مداعباا له فتهرول مسرعة الي الداخل وهي تبتسم فتصدم بوالدتها التي نهرتها قائلة
انتي يابت مش هتكبري خالص بتجري ليه كده
الاء: بابتسامة حسام هو اللي بيجري ورايااا وعاوز يضربني
ام حسام:  قوم ذاكرلك. كلمه تنفعك ولا عاوز تسقط تاني زي السنه اللي عدت
الاء:  مداعبة له انتي نسيتي السنه اللي سقطها في الثانويه برضو ياماما
حسام: انتوا بتلقحوني لبعض ولا ايه  لعلمكم بقي انا السنه دي هتطلع. بامتياز كمان وهتشوفوا
الاء:بابتسامه   انا عارفه سبب الامتياز ده يا ماما  اقول
حسام:بابتسامه بس يا الاء بس يا حبيبتي اعقلي الله يهديكي
ام حسام: قولي يا الاء
الاء: مبتسمه اصل حسام بيحب في قصة حب
حسام: ربنا ما يحرمك من الهبل اسمها بيحب في قصه حب ما تصدقيهاش ياماما حب وايه كلام.فارغ ايه انا مش بتاع الكلام ده
ام حسام: مين دي ياحسام عشان نخطبهالك
حسام: لنفسه وبعدين في الاحراج ده
الاء: بهزار ما ترد ياروميو يعني سكت
حسام: بعد ان قام بالركض خلفها  قدامي ع اوضتك ده انتي فضيحه والله هههههه
الاء: سيب شعري ياض هضربك
حسام:  كده تسيحيلي قدام ماما
الاء: طب قولي ايه حكايتك مع سلمي بالظبط
حسام: مش عارف والله يا الاء انا ليه مركز معاها اوي كده سلمي صحبتك من بين كل البنات اللي عرفتها هي الوحيده اللي قدرت تسيطر عليا وتستحوذ علي تفكيري
الاء: بس سلمي غير كل البنات اللي تعرفها ياحسام
حسام: عشان كده انا مشدودلها  بس قوليلي يا الاء  مش بتحكيلي حاجه عني ولا حد.لمحتلك باي  حاجه
الاء: يا ابني الكوبيات دي اللي كل شويه والتاني بتتكسر دي ايه  افهم انت بقي
حسام: كوبايات ايه
: شوف انا بقولك ايه وانتي بتقوليلي ايه
الاء:  ياعم الذكي انت مش  سلمي كل ما بتشوفك بتتوتر وترتبك
حسام: اه وده علاقته ايه بانها بتحبني او معجبه بيه 
الاء: معناه انهااا معجبه بيك وعلى فكره اطمن بتتكلم عنك معايا دايما  بس هي مش  عاجبها حكاية البنات كتير اللي انت بتكلمها دي
هم. حسام بالحديث لكن قاطعه رنين هاتف الاء  فخاطبته قائلة  ايه ده البت دي بتيجي علي السيرة ولا ايه استني هرد عليهااا
حسام:  امشي ولا ايه 
الاء:  لا خليك عادي  بس متتكلمش
حسام:  ماشي
الاء:  ايه ياسلومتي
سلمي: الحقيني  يا الاء فيه مصيبه
الاء:  ياساتر يارب مصيبة ايه خير يا بنتي
حسام: لنفسه  متوترا ربنا يستر هو في ايه
سلمي:  فيه عريس جايلي النهارده  يا الاء  وبابا وماما موافقين عليه وانا مش  عارفه اعمل ايه
الاء:  طب انا جايالاك حالاااا باي
حسام: بقلق مالها سلمي يا الاء
الاء: مصدومه سلمي جالها عريس
حسام:  بحزن عريس
______________
كاد. احمد برفقة يوسف من الوصول الي منزلهم. وببنما هم في الطريق رن هاتف يوسف فاخرجه واجاب عليه قائلا؛: ايوة علي معاك
علي:  ايه ياوسف وصلتوا الصعيد ولا لسه
يوسف:  ايوة من بدري كمان ودلوك لسه واصل البيت
علي:  طب طمني علي فهد عامل ايه دلوقتي
يوسف: الحمد لله بقي زين قوي وخرجنا كمان من المستشفي
علي: طب ياعم الحمد لله  جت سليمه  كان نفسي اجي معاكم واطمن عليه بنفسي بس اللي حصل ده هو اللي منعني اني اجي
يوسف:  ياعم كتر خيرك وبعدين اللي عملته معانا مش  قليل الا قولي صح عملت ايه في موضوعك مع نسرين  هتسيب الموضوع  اكده
علي:   ما انت عارف يا يوسف ان نسرين رافضه فكرة اننا نتكلم او حتي نتاقبل  عشان كده  بقي انا قررت اني هفاجئها وهروح  اتقدملهااا
يوسف:  تتقدملها  طب مش  ممكن عشان انت لسه طالب وبتدرس ابوه يرفضك
علي:  حتي لو رفضتني هبقي عملتي اللي عليا ومادام. انا بحبها يبقي هتقدملها مرة واتنين وعشرة لحد ما  باباها يوافق
يوسف:  عارف اكتر حاجه عجباني فيك ايه ياعلي حماسك واصرارك وتمسكك بالشئ اللي انت بتحبه ده بجد اثبتلي انك راجل لان الراجل هو اللي بيضحي ويعافر عشان حلمه وعشان الحاجه اللي بيحبها مش يستسلم وييئس من اول موقف
علي:  مش عيب انك تترفض العيب انك تستسلم ومتحاولش لو موقعتش وقمت مش هتوصل وزي ما بيقولوا يا يوسف الوصول للقمه بيبدا من القاع
يوسف: كلامك زين قوي ومنطقي
علي:  وانت عملت ايه او رسمت حياتك مع مين تالا ولا شيري
يوسف:  انا حكايتي اصعب ممما تتخيل واحد قابل بنت عن طريق الصدفه واعجب بيها وبشخصيتهااا في بداية طريقه وبعدهااا بمفيش قابل واحده تانيه. بشخصيه تانيه حبته ولجئتله هو دون عن  الكل فمن الصعب اني احدد موقفي او احساسي اتجاه حد بالسهوله دي ياعلي اوقات كتير بيكون الاختيار صعب  لما الانسان يتحط في مقارنه بين حاجه بيحبها وحاجه معجب بيهااا لان الفرق شاسع بين الحب والاعجاب وبناء علي  اللي جاي هجاوبك علي سؤالك
علي:  ياعم خير ان. شاء اللع وده في الاول والاخر نصيب واللي ليه نصيب في حاجه هياخدهااا
يوسف:  معاك حق بس ابقي طمني وقولي عملت ايه لما تروحلهم البيت
علي:  ماشي  ياجو يلا سلام
اغلق يوسف هاتفه ثم حادث نفسه قائلا.... يبختك ياعلي علي الاقل عرفت انت عايز ايه....... اما انا فمش عارف احدد انا عايز ايه.....ويمكن ده اصعب تحدي ومقارنه  هخوضها في حياتي!!!
_________________
يجلس دكتور شادي في منزله امامه حاسبه الخاص به  وبالقرب منه اخته الصغري شمس فتحضر له والدته القهوة قائلة
القهوة ياشادي
شادي:  تسلم ايدك. ياماما
ام. شادي:  ممكن اتكلم معاك شويه ولا مشغول يا حبيبي
شادي:  اتفضلي ياماما
ام شادي:  هو انت لسه  شاغل نفسك. بموضوع شيىري
شادي: بعد ان اغلق الحاسوب  لا ياماما موضوع شيري صفحة واتقفلت
ام. شادي بفرح:  طب ايه رايك. في نغم بنت عمك. شوكت جميله ودكتورة زيك وكمان نعرفها ونعرف باباها ومامتها كويس
شمس:  نغم لا لا ياشادي نغم قال ملقتيش الا البنت دي ياماما
شادي: استني بس ياماما  مالها نغم يا فاشله انتي
شمس: انا فاشله. ده انا السنه جاي  هدخل طب بشري  وابقي اشطر دكتورة في مصر كلهااا
شادي: ههههه عاجبني اوي حماسها ياماما  بس مقلتليش برضو  مالها نغم؛!
شمس: مش بطيقها بحس كده  ان مناخيرها في السمااا
شادي: بصي ياشمس انتي لسه صغيرة ياحبيبتي مش عاوزك بعد. كده. تحكمي علي حد. من غير ما تبقي عارفاه كويس ادي لنفسك مجال انك  تعرفيه كويس عشان من خلال معرفتك للانسان هيتحدد حكمك عليه وعلي شخصيته
ام. شادي:  افهم من كلامك انك. موافق يا شادي
شادي:  بابتسامه موافق علي ايه ياماما انا بس بوضح لشمس ثم بعدين يعني انا في حد تاني خالص في دماغي
شمس:  ايوة بقي يادكتور اكيد دكتورة زيك
شادي:  لا هي مش  دكتورة ولا حاجه  لسه برضو لحد دلوقتي مفهمتيش حاجه  من اللي علمتهولك الانسان مش بشكله ولا بمكانته ولا بماله ولا باي حاجه غير باخلاقه وروحه الحلوة الشكل مع الوقت بينتهي والمكانه كمان اللي بيفضل الحاجات الجميله اللي جوانا....
ام. شادي:  مين. دي يا شادي اللي بتتكلم عنهااا
شادي:  لما ييجي الوقت المناسب هقولك ياماما لان الحاجات دي مش عايزه تسرع او استعجال!!! حتي اكون انا كمان قدرت اتاكدت من مشاعري واعرف انا عاوز ايه وهرتبط بمين
_________________
تعالت الاصوات والضحكات داخل منزل الحاج محمود بقدوم. احمد ويوسف وفجاءة دق الباب فقام يوسف ليري من الذي قد طرق الباب قائلاا هقوم.شوف مين.يابوي
الحاج محمود: تلاقيه عمك.حمدان وسليم
يوسف:بعد ان فتح اتفضل ياعمي اتفضل ياجودة
الحاج.حمدان:يزيد فضلك ياولدي ابوك جوة ولا فين
يوسف: ايوة ياعمي اهلا وسهلا
سليم:بهزار  ايه ياعم وانا شفاف مش شايفني خالص
يوسف:  هههههه ودي تاجي لا طبعا نورت يا سليم
الحاج محمود: يا اهلا وسهلا اتفضل ياحمدان اتفضلوا اقعدوا
جودة:كيفك ياعمي انت ومرت عمي وشيماء
ام يوسف: بخير ياولدي
جودة:اومال احمد فين عاد مش هنا ولا ايه
يوسف: له راح مشوار اصغير اكده وجاي دلوك
الحاج حمدان: طب يامحمود احنا مش اغراب انا هدخل في الموضوع علي طول احنا جايين نطلبوا يد شيماء لسليم ولدي قلت ايه يامحمود
الحاج محمود:  هقول ايه ياحمدان شيماء بتي وسليم ولدي  بس الراي في الاخر راي شيماء
جودة:  ايوة ياعمي مقلناش حاجه بس ده واد عمهاا وهو اولي بيهااا
الحاج محمود:  واد. عمه ويشرفها طبعا بس ده برضو الكلام اللي انا قلتله لبدر واد خالتها لما جاني وطلب يدها قدام. سليم اكده ولا مش  أكده ياسليم
هم الحاج حمدان بالحديث لكن قاطعه دخول بدر ووالدته قائلا سلام عليكم
الجميع: وعليكم السلام
الحاج محمود:  زين انك جيت يابدر من غير ميعاد عشان الكلام. يبقي قدامك
بدر: كلام ايه انا مش فاهم حاجه
الحاج محمود:  سليم واد اخوي طالب يد شيماء وانت كمان طالب يدها وانا عشان محدش فيكم يزعل مني ولا يقول اني بديت حد عليه انا هجيب شيماء وسطيكم دلوك وهي اللي هتختار محدش فيكم غريب واحد واد عمهااا والتاني واد خالتها
جودة:  بدر فوق راسنا من فوق بس برضك واد عمها اولي بيها ياعمي
ام بدر:  وبرضك واد خالتها اولي بيهااا
الحاج محمود:  بدر وسليم الاتنين عندي كيف احمد ويوسف وانا مش هقدر احكم في حاجه  زي دي شيماء هي اللي هتحكم وتختار
بدر:  كلامك زين ياعمي محمود وشيماء بنت خالتي سواء اختارتني او اختارت سليم انا هفرحلها قوي
الحاج. محمود: عداك العيب يابدر قوم يا يوسف نادي لشيماء وهاتها وتعالي
يوسف:  حاضر يا بوي
دخل يوسف لشيماء فوجدها شاردة الذهن تحادث نفسها:
يامرك يا شيماء هتعملي ايه دلوك
يوسف:  شيماء تعالي معايا كلمي ابوكي عاوزك
شيماء:  بتوتر طب قولي يا يوسف اتصرف كيف انا مش  عارفه اعمل ايه دلوك
يوسف: الامور دي مش عايزه تسرع خدي كفايتك في التفكير
شيماء: ايوة بس المفروض ان ابوك عاوزني اختار واحد منيهم دلوك وخايفه اسبب احراج للتاني اللي هيترفض فمش عارفه اعمل ايه
يوسف: قوليله سبني يومين افكر يابوي  واقولك وبكده تبقي رضيتي الطرفين مؤقتا لحد ما نشوف هنعمل ايه او انتي تختاري مين
شيماء: بابتسامه فكره زينه قوي يا يوسف
يوسف:  يلا طيب لاحسن اكده عوقنا عليهم خالص
دخل يوسف وفي يده اخته شيماء التي استحوذ الخجل والتوتر ملامحهااا  قائلا
شيماء: سلام عليكم
سليم:  يكتفي بالنظر اليها
بدر:  كذلك
القليل: وعليكم السلام
الحاج محمود  : دلوك يا شيماء سليم واد عمك طالب يدك وبدر واد خالتك كمان موافقه علي مين فيهم
شيماء: بتوتر وخجل وهي تنظر الي سليم خلسة مش عارفه يابوي
الحاج حمدان:  متخافيش ياشيماء قولي انتي رايده مين فيهم الاتنين ولدي محدش غريب ومحدش فيهم هيزعل
شيماء:  بعد ما تمالكت نفسهااا مش خابرة ياعمي صدقني بس سبوني يومين تلاته افكر واسبلكم ردي مع ابوي
الحاج محمود:  خلاص اطلعي انتي دلوك علي اوضتك يا شيماء وانا يومين بالكتير قوي وهبلغكم الرد
الشاي يا يوسف
سليم: بحزن لنفسه انتي لسه هتفكري يا شيماء مكانش العشم يابت عمي
يوسف:  حاضر يابوي
بدر: نستاذن احنا دلوك ياجماعه
الحاج محمود: خليك قاعد يابدر هتمشي ليه طوالي أكده
بدر:  معلش يا عمي ورايا مشوار مهم
الحاج محمود:  خلاص اديك سمعت شيماء بودنك يومين وهسبلك الرد مع خالتك ان شاءالله وانت يا سليم  هتعرف رد بت عمك من ابوك  حمدان
_______________
داخل منزل دكتور عبد الرحمن تجلس تالا برفقة فاطمه ونسرين وادم  يتبادلان الحديث والضحكات
ادم:  مشيرا الي نسرين وفاطمه. انتوا حرمييين مش هديكم شوكلاته تاني
تالا: ههههههه سرقوا منك ايه يا ادم
ادم:  الكيمو كونوا اللي انتي جبتهولي هما الاتنين سرقوه وكلوه
تالا:  معلش يقلبي دول مفاجيع هجبلك غيره
نسرين: احنا مفاجيع ياست تالا
ادم: وحرميين كمان انا عاوز الكيمو كونوا بتاعي
تالا: خلاص يا ادم هجبلك غيره يلا روح قول لماما تجبلك كارتون
نسرين:  فاطمه انتي محكتيلناش صح ايه اللي كان موقفك مع ياسين
فاطمه:  بابتسامه ياسين
نسربن: اه مقلتلناش يعني كنت واقفه معاه تعملي ايه وهو اصلا عرف ازاي انك في جامعة القاهرة
فاطمه:  بصي ده موضوع كبير اوي بس هلخصهولك
تالا:  ماشي انا كمان عاوزه اعرف
فاطمه:  لما كنت بكلمك ياتالا فيه واد قليل الادب كان بيعاكسني لما شرشحتله هههههه كان هيضربني بالقلم بصراحه انا غمضت عيني خفت لما لاقيته هيضربني بالقلم بس اتفاجئت لحد مسك ايد الواد ده وبيقوله هي دي رجوله انك. تمد. ايدك علي بنت بصيت لاقيته ياسين كنت هتجنن ده جالي امتا وازي وليه بس حاجه فرحتني اوي الصراحه
همت تالا بالحديث لكن استوقفها دخول والدتها قائلة
تالا كلمي باباكي في المكتب عاوزك ضروري
تالا: حاضر ياماما
فاطمه: بابا ومكتب اوبااا شكل الموضوع خطير ههههه
نسربن:  كملي بس قالك ايه او انتي قلتيله ايه.
فاطمه:  قالي انتي كويسه فيكي حاجه  الواد ده اذاكي  بس لحد ما طبيتي عليا انتي وتالا
نسرين:  ايوة بقي يافوفا
فاطمه:  بس انتي عارفه انا ابتديت احس اني بحبه بس مش عارفه اذا كنت متاكده ولا لا
فجاءة رن هاتف نسرين فاجابت عليه قائلة
الوو ايوة يا ماما
الام:  انتي فين يانسرين
نسرين: قاعده مع فاطمه وتالا
الام: طب تعالي بسرعه ياحبيبتي فيه ناس عندنا في البيت وجايين يتقدمولك
نسرين: ناس ناس مين دول
الام.: مش عارفه يلا متتاخريش عشان  هما مستنيين مع باباكي باي
علي الناحيه المقابله
دكتور عبدالرحمن:تالا  انتي طبعا  خلصتي امتحانات واظن ان الامور كلها الحمد لله بقت تمام وانك خدتي كفايتك من التفكير في موضوع خطوبتك من عاد
تالا: اه يابابا
دكتور عبدالرحمن:  طب يا بنتي موضوعك انتي وعادل خد وقت  كتير اوي وهو اجازته خلاص خلصت  ومسافر سويسرا في طيارة الساعه 8  التلات الجاي ده فكان عايز يعرف ردك اذا كنتي موافقه او لا  قلتي ايه!!!
_______________
عاد محمود من الجامعه بعد ما انهي امتحانات نصف العام فاستقبلته والدته بالاحضان قائلة حمد الله على السلامه يامحمود نورت الدار ياولدي
محمود: الله يسلمك. يا امي
عاصم:  ايه ده حودة وصل حمد. الله على السلامه ياعم
محمود: الله يسلمك عامل ليه واخبار امتحاناتك ايه
عاصم: زين قوي  الحمدلله وانت
محمود: الحمد لله  بس لولا ربنا بعتلي المحاضرات دي انا كنت اتسوحت السنه دي ولا ياعاصم مش هتقولي علي  اللي بعتهااا
عاصم: هقولك بس مش  دلوك
ام. محمود:  روح يلا غير خلقاتك وتعالي عشان الوكل جاهز
محمود:  ههههه وكل والله وحشني  وكلك يا امي
ام. محمود:  طب يلا روح غير خلقاتك
محمود: انتي كمان مش  هتقوليلي مين هي دي اللي حاطه عينك عليها ليا يا ام محمود
هتعرف كل حاجه في وقتها كيف ما قلتلك وكمان ليكي عندي مفاجاءة هتعجبك قوي
محمود:  مفاجاءة ايه دي
هقولك بس مش دلوك لما ناكلوا الاول
عاصم:  ايوة اهم حاجه الوكل لاحسن الواحد واقع من الجوع
محمود: لنفسه ياتري مين هي البت دي اللي امي بنقول عليه وايه المفاجأة اللي هي مخبياهااا
_________________
تجلس شيري بصحبة سالي في احدي الكافيهاات يتبادلان الحديث
شيري:  قوليلي بقي انا ملاحظه الفترة الاخيرة دي انك. مركزة مع شادي هو ايه الحكايه ياجميل
سالي:  بكسوف هااا وانا هركز معاه ليه يعني  بس
شيري:  من غير بس يا بنتي مش  عيب انك. تحبي ولا حتي تعبري عن حبك للي بتحبيه اهم حاجة بس يكون حبك للشخص ده مجاش من فراغ
سالي: مش فاهمه
شيري:  يعني فيه بنات كتير اوي بتحب وهما مش عارفين يعني ايه حب يعني اللي بتحب عشان عندها فراغ عاطفي واللي بتحب عشان كانت لسه خارجه من قصه حب فلقت حد. تنسي معاه حبها القديم فبتتعود عليها وهي واهمه نفسها بانها بتحب لكن الحب اللي بجد لما تلاقي ان اللي بيحبك ده بيحبك لعيوبك قبل مميزاتك او لما بيلاقيكي ماشيه في طريق غلط بيرجعك منه لانه خايف عليكي
سالي: اه قلتيلي افهم من كده ان الواد الصعيدي ده هو اللي ورا التغيير الجامد ده اللي حصلك مش.كده
شيري: اولا اسمه يوسف ثانيا اه يوسف اللي قدر يغيرني للانسانه اللي انتي شايفاها دلوقتي وبسرعه وبسهوله كمان عشان كده  انا مغلطتش لما قلتلك عليه قبل كده  انه الملاك اللي نزل من السمااا عشان ينقذني من شر نفسي... بس انا مستغربه
سالي: مستغربه من ايه
شيري: مداعبة لها رغم انه ملاك لكنه نشال
سالي:  بدهشه نشال سرق منك ايه.
شيري:  قدر  يسرق قلبي
سالي:  ههههه ده انتي واقعه لشوشتك
شيري: مقلتليش حكايتك ايه مع شادي.
سالي: بصي هقولك وامري لله بصراحه كده انا كنت بحبه من اول محاضرة بس لما عرفت انه بيحبك وكده قلت خلاص هنسي الموضوع لاني مينفعش اخسرك يا شيري
شيري: يبنتي ما انتي عارفه اني مش بطيقه ههههه
سالي: هههه اوكي هكملك بعدين الفتره الاخيرة دي لاقيته مهتم بيا جدا لما بيلاقيني واقفه اهزر واضحك بيقولي كده غلط متهزريش مع ده متعمليش ده لما فكرت وحسبتها مع نفسي لاقيت ايه اللي يخلي دكتور يعمل كل ده مع طالبه الا اذا كان بيحبها ده غير نظراته ليااا
شيري: افهم. من كده ان  انتي بتحبي شااادي
سالي:  مش عارفه احدد اذا كنت بحبه او معجبه بيه بس هو اول حد. مش بس يسرق قلبي ده سرق  قلبي وكل اعضائي كمان
شيري: ههههههههه يخرب عقلك
سالي : معاكي حق  الحب ده حاجه جميلة اوي بتصنع معجزات يعني انا عمري ما كنت هتغير لولا اني حبيت يوسف
سالي: معاكي حق الحب فعلا احساس جميل بس لما يبقي في النور مش في الضلمه
______________
داخل محكمة جنايات سوهاج
يقف كلا من ادهم ورجب ووهدان وجميع رجاله ماثلين امام القاضي في انتظار الحكم عليهم
علي الناحيه المقابله لهم
يجلس كلا من الحاج مصطفي  والحاج تمام  وياسين
ادهم: لنفسه وهو ينظر الي والده في خجل وحزن  سامحني يابوي انا حاسي باللي جواك دلوك
ثم تعالت الاصوات داخل ساحة المحكمة مما دعا القاضي بالتخبيط قائلا
سكوت لو سمحتوا
الحاجب:  محكمه
القاضي: بعد الاطلاع علي القضيه وسماع اقوال الشهود حكمت المحكمه حضوريا علي كلا من
وهدان. فايز وهدان وزناتي السيد محمود وعلوان مرعي الدمنهوري
وصالح جلال الدمنهوري بالاعدام شنقااا
الحضور:  يحي العدل
القاضي: سكوت لو سمحتم
كما حكمت المحكمه حضوريا علي كلا من  رجب مرسي عامر وشعبان اسماعيل البكري وخلف ابراهيم شاكر  بالسجن15 عاما مع الشغل  النفاذ 
ادهم: بخوف وقلق ضيعتك.نفسك بنفسك يا ادهم الحقد والغل هما اللي عموا عينيك ياريت ما كنت
عملت اكده
كما حكمت المحكمه حضوريا:  علي المتهم
ادهم مصطفي محمد. تمام بالسجن ثلاث سنوات  رفعت الجلسه
اقترب الحاج مصطفي من. ادهم. قائلا:  انت اللي ضيعت نفسك. ياولدي بعمايلك خليت الشيطان يضحك عليك وطاوعته لحد ما كرهك في واد عمك اللي كان بيعتبرك كيف اخوه  وخلاك. كنت عاوز تئذيه بس شفت يا ولدي ربنا مبيظلمش حد  ربنا يسامحك. يا ادهم
ادهم: سامحني يابوي
سامحني:  يا ياسين.
ياسين: بصدر رحب مسامحك يا ادهم انت برضك. كيف فهد عندي  ومش زعلان منك ياواد  عمي المهم شد حيلك انت راجل ووقت وهيعدي
ومش عيب اننا نغلط العيب اننا نبقي عارفين الغلط ونكمل فيه شد حيلك هيعدوا ان شاءالله
ادهم:  لا اله الا الله
الحاج مصطفي:بحزن سيدنا محمد رسول الله
_______________

عاااد الحاج مصطفي والحاج تمام وياسين  من المحكمه
فيصتدم  بفهد واقفاا مستندا علي عكازه
فهد: خير يابوي حكمت بايه علي  ادهم.
الحاج مصطفي:  3 سنين  خليه يتربي عشان يعرف ان  الله حق احنا ناس ياولدي دايما في حالنا ومش بتوع مشاكل ولا بنحبوه
فهد: لعمه طب مدايقش نفسك ياعمي وال3 سنين مش حاجه هيعدوااا
ياسين:  احنا هنبقوا نزوروه دايماا ياعمي متخافش اعتبر ادهم. في سفر وهيعاود
الحاج مصطفي:  مين قال اني زعلان انا مبسوط انه. اتسجن هناك السجن هيربيه زين ويعمل معاه اللي انا مقدرتش اعمله
فهد:  بتاع البربد جه وسابلك الجواب ده ياعمي
الحاج مصطفي  : جواب جواب ايه
فهد: مش خابر مفتحتوش
الحاج. مصطفي:  طب افتحه أكده نشوف فيه ايه ولا مين اللي باعته يا فهد
فهد: حاضر ياعمي
قام فهد بفتح الجواب وعندما   بدا في قراءته  تغير وجهة واصابهااا الزهول... فلم. يستطع تكملته
الحاج مصطفي: مالك يافهد هو الجواب ده في ايه
ياسين:  وريني اكده يا فهد امسك. ياسين الجواب وعندما وقع نظره علي ما كتب بداخله اندهش ايضااا قائلا؛؟:   ايه ده. ياعمي انت عندك. بنت
الحاج مصطفي:  مزهولا بنت
✍️ علي محمد
كنتم مع قد سرق قلبي الجزء الاول الي اللقاء في الجزء الثاني... نلتقي علي خير باذن الله.... دمتم بخير.... في امان الله ♥