رواية قد سرق... قلبي ♥ (مكتملة)

قد سرق قلبي ❤

رواية
قد سرق قلبي
#part  23
تجلس تالا بصحبة فاطمه ونسرين داخل غرفتهاا يقومون بالمراجعة الاخيرة قبل ليلة الامتحان فتقطع تالا حالة الصمت وهي تنظر الي فاطمه قائلة
مالك يافاطمه سرحانه في ايه
فاطمه:  بعد ان رمت القلم علي المكتب  مفيش حاجه يا تالا
نسرين: بصراحه تالا معاها حق انتي فيه حاجه شغلاكي اوي من يوم ما رجعتي من الخطف ده وانتي متغيره وعلي طول سرحانه
فاطمه:  متشغلوش بالكم ذاكروا انا كويسه متقلقوش
تالا:  احكي يافاطمه احنا هنا مفيش حد غريب وسطينا 
فاطمه: مش عارفه بس فيه حاجه  غريبه كده شدتني من ناحيه ياسين اول مره احس بالاحساس ده
نسرين:  احساس قصدك. يعني  حب وكده ولا  ايه
فاطمه:  مش  عارفه بس اول مره  ابقي مطمنه اوي من نظرات حد ليا
تالا: انتي بتتكلمي بالغاز ليه يبنتي فهمينا وحده وحده انتي بتتكلمي عن ايه بالظبط
فاطمه:  لما كنت بين ايديه وهو بيفوقني لما خفت من ادهم. وقت ما مسكني وحط المسدس في دماغي عشان يتحامي فيا
نسرين:  اوبااااا لا بقي ده انتي تحكيلنا ايه اللي  حصل
فلاش باك
ارتمت فاطمه واستدنت علي ياسين بينما ذهب الجميع للخارج ليلحقوا بادهم
ياسين:  بخوف وقلق فاطمه. يافاطمه فوقي  متقلقنيش عليكي اكتر من اكده.
فاطمه:  مازالت مغما عليهااا ولم تجب
ياسين:  يابوي اعمل ايه دلوك. فوقي يافاطمه وعهد الله ما قادر اشوفك. اكده. فوقي مترعبينيش عليكي أكتر من أكده
بدات فاطمه تفيق رويدا رويدا
ياسين: بفرح اي ده انتي فتحتي عيونك الحلوين دول الحمدلله  اطمني يا فاطمه متخافيش انا ياسين
تالا:  سرحتي في ايه تاني يافاطمه
فاطمه:  اسفه معاكم بعد ما فوقت علي ايديه  وهو بيبصلي  حسيت من نظراته ليا انه بيطمني ده غير كمان اني سمعته وهو بيفوق فيااا كان. خايف عليا اووي ومش  عارف يعمل ايه وقتها حسيت اني مطمنه اوي
نسرين: ايوة يابنتي بس انتي ناسيه ان هو السبب اصلا في كل اللي حصلك
تالا: بس المرة دي مكانش هو السبب ده ادهم ابن عمه
فاطمه: سيبك مني انا يا تالا انتي عملتي ايه في موضوعك مع عادل
تالا:  لسه والله يا فاطمه  مش عارفه اعمل ايه او حتي اخد قرار نهائي
فاطمه:  ايوة صح  نسيت اقولكم ان عادل هو اللي انقذني من ادهم لما هددني بالمسدس ده طلع كويس اوي وجدع كمان انا شكلي كده ظلمته لما قلت انه سمج وملزق
نسرين:  ايه ده مش مصدقه والله  فاطمه بتقول كده  علي عادل
فاطمه: ههههههه بت ما تولعيهاش
نسرين:  تالا انتي مش لاحظه حاجه 
تالا: حاجه  ايه
نسرين: لما يوسف كان واقف جنب عادل ملحظتيش ان يوسف نظراته ليكي كانت قليله تفتكري يوسف عرف بخطوبتك ولا ايه تفسير اللي بيحصل ده
تالا: اه لاحظت كده  فعلا بس مش  عارفه  ده تفسيره ايه يوسف اه شخص محترم وفيه المواصفات اللي اي بنت تتمناها بس انا كل اللي بينه وبينه كان مجرد. نظرات مش عارفه تفسيرها لحد. دلوقتي اذا كانت نظرات اعجاب بشخصيته ولا نظرات ايه
نسرين: طب وعادل
تالا: عادل مش هقدر احكم علي مشاعري من ناحيته دلوقتي بس هو  برضو شخص متفهم وناجح. في حياته ومحترم والحركه اللي عملها دي لما سافر ورا بابا وحمزة كبرته في نظري اووي
فاطمه: وانتي يا نسرين عملتي ايه في موضوعك مع علي
نسرين:  انا نهيت الموضوع  مع علي خلاص
فاطمه: باندهاش نهيتي الموضوع  نهيتيه ازاي مش  فاهمه
نسرين: قلتله اننا مش  هينفع نتكلم. مع بعض في الموبايل او حتي نخرج ونتاقابل لان الحب مش. كده  وان مش معنب انا بابا وماما وثقواوفياا وسابوني علي رحتي اني اخون ثقتهم فياا واعمل حاجه  تغضب ربنا  وكمان تزعلهم مني...
فاطمه: طب وهو قالك ايه
نسرين: علي انسان متفهم جدا  وهو تقبل الموضوع  عادي
تالا:  معاكي  حق يا نسرين هو ده فعلا الحب واللي بيحب حد  بجد بيتقي ربنا فيه وان اي بنت لازم تحافظ على نفسهاا ومتخونش ثقة اهلهاا فيهاااا
فاطمه:  طب ذاكروا يلا  لاحسن انتوا اصلا فاشلين وهتسقطوا وتجبوها في فياا
نسرين:  هههههه متخافيش
تالا:  بطلي رغي منك. ليهااا ويلا فعلا نذاكر لاحسن لو سقطنا بابا وانكل ماجد هيعلقونا
_______________
يجلس يوسف وعلي وامامهم بعض الكتب والمحاضرات التي يقومون بمذاكرتهااا قبل الذهاب الي اولي امتحانتهم  صباحا
علي: يوسف بقولك ايه
يوسف: بابتسامه ماتقولش وذاكر  ده. انت لو بتذاكر قد ما بتتكلم. كده  كان زمانك. بقيت الاول علي الدفعه
علي:  ياعم ما احنا من ساعة ما رجعنا واحنا بنذاكر  مفهاش حاجه يعني  لما نريح شويه ونتكلم مع بعض
يوسف:  انا عارف مش هخلص من زنك. اتكلم. عاوز تقول ايه
علي: طب تعالي معايا المطبخ نعمل كوبايتين شاي
يوسف:  يعني  هنعمل احنا الاتنين شاي ده انت بني ادم غريب
علي: ياعم عشان ارغي معاك
يوسف:  امري لله  اديني اهوو جيت معاك. المطبخ احكي
علي:  مداعبا ليوسف متخافش ياجو مش. هاخد من وقتك كتير كلها ساعه
يوسف: ساعه وجاي علي نفسك ليه كده  اقولك مش مهم. الامتحان احنا نبات في المطبخ ده مبسوط كده 
علي:  الصراحه اوي هههههه
يوسف: بعد ان امسك. سكينا مداعبا بها علي هتتكلم ولا لا
على: طب ارمي البتاعه دي عشان بس ما تعورنيش
يوسف:  رميتها اهوو اتكلم. يلا
على:  لما كنا في بيت دكتور عبدالرحمن  لاحظت انك. بتبص لتالا بعدم اهتمام مش زي ما كنت بتبصلها لما كنا عندكم. في الصعيد هو ايه اللي حصل؟!
يوسف:  ده انت مركز بقي
علي:  بابتسامه عيب ياجووو
يوسف: لو كنت سمعتني وانا بتكلم مع عادل كنت عرفت انا ليه ببصلها كده 
علي:  مال عادل باللي بقوله
يوسف:  هقولك
فلاش باك
يوسف:  استاذ عادل هو حضرتك تقرب لدكتور عبد. الرحمن
عادل: لا بس هو صاحب بابا اوي ونعرفهم ويعرفونا من زمان
يوسف:  والله  بحسبك حد. قريبه
عادل:  لا بس ان شاءالله هيبقي حمايا يعني انا اتقدمت لتالا ومستني منهاا موافقه
تغيرت ملامح. يوسف وارتبك. كثيراا ثم عاود. تماسك نفسه قائلا
ربنا يتمم بخير ان شاءالله
علي:  يا ابني انا بكلمك. رد عليا
يوسف:  معاك. يا علي
علي:  طب وانت مش  زعلان ان عادل اتقدم لتالا
يوسف:  بص. ياعلي اكدب عليك. لو قلتلك اني ما ادايقتش في الاول بس لما فكرت كويس لاقيت ان اللي بيني وبين تالا كان مجرد. اعجاب بشخصيتهااا مش اكتر من ا گده تقدر تقول  ان تالا هي البنت الوحيده اللي قدرت تغير فكرتي عن الصورة اللي كنت واخدها عن بنات القاهرة..... يعني. اللي كان شاددني لتالا شخصيتها واحترامهااا و رغم انها من عيلة راقيه الا انها محافظه علي نفسهااا ولبسهاا كمان واسع  ومحترم اما بقي حب او غيره اكدب عليك لو قلتلك اني حبتهااا
علي:  طب سؤال اخير معلش استحمل رخامتي
يوسف:  ياعم اسال ميهمكش احنا اصحاب عيب عليك ما تقولش أكده
علي:  انت مش  ملاحظ. برضو  ان من يوم ما شيري ظهرت في حياتك وانت متغير سيبك من ان عادل هو اللي خلي احساسك ناحية تالا يتغير ممكن تحكيلي
يوسف:  شيري انا مش. لاقي تفسير لحد. دلوقتي  للي بيحصل بيني وبينهااا  ولا عارف برضو  احدد احساسي ناحيتهااا بس هي فعلا قدرت تجذبني ليهااا  مش هقولك. بجمالها لان انت عارف ان الجمال مش مقياس للحب عارف انت لما تلاقي حد محتاج. لمساعدتك ويلجئاك انت دون عن الكل اهوو هو ده بالظبط احساسي ناحية شيري حسيت من كلامها ليااا انهااا فعلا محتاجاني جنبهااا
علي:  بس يا يوسف شيري متنفعكش وانت عارف كده. اكتر مني
يوسف:  بص ياعلي متحكمش علي حد من الخارج اي حد في الدنيااا مهما كان وحش او ماشي في سكه غلط بيبقي محتاج الانسان اللي يوجهه ويقوله ده صح وده غلط زي الغرقان كده. لما بيبقي متعلق بقشه عشان  ينجااا من الغرق
علي: قصدك. يعني  انك. ورا شيري لحد ما تغيرهاااا
يوسف:  بالظبط مش عيب يا  علي ان الانسان فينا يحاول يغير من عيوبه العيب انه. يبقي عارف العيب فين فيه وساكت عليه وشيري من  جواها طيبه  جدااا  بس هي كانت مستنيه فرصه عشان  تتغير... والحمد لله انهاا وقعت فيا انا مش في حد يستغلها ويستغل طيبتهاااااا
علي: طب ياعم بعد الكلام الجميل ده انا ما اقدرش اقول حاجه  غير ان يبختهاا بيك
يوسف:  هي مين دي
علي: هههههه اللي هتبقي من نصيبك
يوسف: طب يلا بقي نكمل مذاكرة لاحسن اول مادة دي صعبه جدا!
________________
تجلس الاء اخت حسام امام مكتبها تقوم بالشجار مع اوراقهااا قائلة
ده انتي مادة بنت كلب دي رابع مرة اذاكرك فيهااا وبرضو  مش  عاوزه تتلمي انا كان ايه اللي دخلني زفت تجارة مالها تربيه يعني
فيدق حساب الباب قائلا
الاء انتي نمتي ولا لسه بتذاكري
الاء:  لا صاحيه ادخل ياحسام
حسام:  بعد. ان قام بالدخول انا عملتلك. قهوة كويس انك. منمتيش وايه الكركبه اللي علي مكتبك دي انتي بتتخانقي مع المواد ولا ايه
الاء:  يا ابني ده مادة استغفر الله العظيم دي رابع مرة اذاكرها وبرضو بنسي اللي ذاكرته
حسام: طب اشربي القهوة كده  وروقي وان شاءالله هتعرفي تلميهااا
الاء: محادثه نفسها غريبه ايه الاهتمام المفاجئ ده اكيد. عاوز مصلحه ياحسام
حسام: بتقولي حاجه يالولو
الاء: بابتسامة لا خالص ميرسي علي القهوة ياعم.  انت خلصت مذاكرة ولا ايه
حسام: لسه بس زهقت من كتر المذاكرة قلت اما ارغي معاكي شويه
الاء:  عارف ياحسام انا مبسوطه اوي انك بقيتي تتكلم معايا ورجعنا تاني اصحاب زي زمان
حسام:  قوليلي بقي في حد تاني اتعرضلك او حتي دايقك
الاء:  لا ياسطا متخافش اختك راجل
حسام:  ههههههه اختك وراجل طب ازاي
الاء:  يعني اللي هيقربلي مفيش غير الجزمه فوق دماغه
حسام:  ماشي يا لولو بقولك ايه  هي البت صاحبتك دي مجتش ذاكرت معاكي ليه
الاء:  بابتسامه صاحبتي قول انك جاي تسال علي صحبتي مش علي اختك.
حسام:  بخجل لا لا لا مش كده  خالص انا قلت يعني تذاكر معاكي  بدل ما انتي قاعده تتخانقي مع الورق اللي قدامك ده
الاء:  بعد ان امسكت القلم وصوبته ناحيته   ولا ياحسام اعترف بسرعه انت عايز ايه من سلمي بالظبط
حسام:  هههههههه  هي المحاسبه هتخليكي تقتلي اخوكي
الاء:  بابتسامه خلاص متخافش مش هعملك. حاجه بس قولي بتسال علي سلمي ليه
هم. حسام بالحديث لكن قطع حديثه. رنين. هاتفه داخل غرفته فهرول مسىرعااا وهو يقول
لا متاخديش في بالك انا بس عاوزها تذاكر معاكي
الاء:  مذاكرة برضووو واحده اول ما تشوفك بتتوتر ووشها بيقلب الوان وقربت تخلص علي كل الكوبايات اللي في البيت  وانت دلوقتي بتسالني عليهااا  يخرب بيوتكم انتوا ايه حكايتكم بالظبط... ما ابقاش انا الاء لو معرفتش ايه حكايتك ياحسام انت وسلمي
________________
تلاشي الليل سريعاااا واقتربت الساعه من الثانية عشر ظهرااا يقف سليم امام مدرسة الحرية الثانوية للبنات ينتظر خروج ابنة عمه شيماء
شيماء: مالك ياهاله مبوزه ليه أكده.
هاله: بتوتر هبوز ليه عاد ما انا زينه اها
شيماء:  عملتي ايه في الامتحان
هاله: حليت الامتحان بس فيه كام. نقطة أكده في السؤال التالت خبطت فيهم
شيماء: نقطه يلي تتنقطتي وقعتي قلبي انا قلت ماعرفتيش تحلي حاجه
هاله:  هههههه بصي أكده. شوفي مين واقف قدام المدرسه
شيماء:  بعد ان نظرت يمينا ويسارااا هيكون مين يعني
هاله:  يا بنتي اهو عند العربيه اللي هناك دي
شيماء:  بعد ان وقع نظرها علي سليم يامري ده سليم ايه اللي موقفه هناك. أكده. هو مستني مين
هاله:  تلاقيه واقف يعاكس البنات او واقف يشوفله عروسه زينه كيفه اكده
شيماء: بعد ان ضربتهااا اتلمي ياهاله واد عمي مش أكده سليم واد عمي زين ومحترم
سليم:  مسرعاا  بعد ان وقع نظره عليهاا شيماء
شيماء:  كيفك. ياسليم وايه اللي موقفك اهنا
هاله: طب انا همشي دلوك  يا شيماء  ابقي اتصل بيااا عشان عاوزاكي
سليم: مداعبا لها  انا زين الحمد لله  واقف اشوفلي عروسه زينه ايه عندك عروسه لواد عمك زينه وجميله زيك أكده
شيماء:  بغيظ البنات كتير بس انت شاور
سليم: بفرح بهزر معاكي ياشيماء عملتي ايه طمنيني
شيماء: بدلال ملكش. صالح
سليم:  بزياداكي عاد بهزر معاكي عملتي ايه في الامتحان
شيماء:حليت زين الحمدلله
سليم: يااه ميتاا واخر يوم في الامتحان ياجي
شيماء: انا اللي اقول اكده هو انت اللي بتمتحن ولا انا
سليم:  انتي بس انا بقول اكده عشان خطوبتنا يا شيماء
شيماء:بدلال  وكسوف خطوبة ايه دي مين قالك اني موافقه عليك  اصلا
سليم: بغرور وما توافقيش عليا ليه انتي هتلاقي احسن مني ولا ايه ده.انا بنات البلد.كلاتهاا هتموت عليااا 
شيماء: بهزار الا واحده وانت عارفها زين
سليم: مين دي اللي اتجنت وترفض سليم ولد تمام دي اكيد.واحده.معندهاش نظر
شيماء: واضعة يدها علي قلبهااا انا معنديش نظر ياسليم
سليم: مداعبا لها  وحد قالك اني طالب يدك ولا ايه
شيماء: اومال انت من شويه طلبت ايه اوردر
سليم: هههههههه عسل قوي والله ياشيماء
شيماء:طب احنا قربنا علي البيت ما تاجي
سليم:مش دلوك.بس عاوز اقولك حاجه قبل ما امشي
شيماء: حاجة ايه دي
سليم:انا فكرتك.في كلامك زين لما كنا كلنا في الارض وطلع معاكي حق ان البنت زيها زي الولد بالظبط وليها الحق انها توافق او ترفض وعرفت كمان ان الاخ لازم يكون سند لاخته ويقرب منيهاا ويكون لها صاحب قبل ما يكون اخ  باكده اخته هتحبه وهتحترمه وهتحكيله كل حاجه وهي مطمنه عارف اني غلطت في حق ياسمين.اختي لما كنت هغصبها علي سليم بس غصب عني انتي خابره ان الطبع الحامي ده.شربهولي عمك.حمدان.
شيماء: زين قوي انك.فهمت اكده وبعد الكلام الزين اللي انا سمعته منك.دلوك......ههههه اوعدك.اني هفكر في الموضوع
سليم: بغيظ اخفي من وشي ياشيماء لاحسن اولع فيكي لسه هتفكري
شيماء: وهي تجري ناحية منزلهم متزقش اكده....بعد.الامتحانات يسهلها ربنا
سليم: ماشي يا شيماء عن.اذنك دلوك
ادار سليم ظهره وابتعد قليلاا عن شيماء بينما وقفت شيماء تنظر اليه وهو يبتعد عنهاا الي ان التفت خلفه ثانية مما جعله يصطدم بها واقفه تنظر اليه فيبتسم ويكمل سيره
بينما خجلت شيماء مما حدث وهرولت الي الداخل قائلة: يامري ده ايه الاحراج ده
______________
انهي فهد. صلاته ثم جلس بجوار اخيه ياسين الذي قد خيم الحزن علي ملامحه منذ رحيل فاطمه وما كان سيحدث له من وراء ادهم
فهد: وهو يطيل النظر الي ياسين شارد الذهن مالك يا ياسين سرحان في ايه عااد
ياسين:  والله يافهد مش عارف ايه اللي بيحصل ده زي ما يكون الواحد في حلم او كابوس
فهد: كابوس قصدك ايه فهمني.
ياسين:  صعبان عليا قوي عمي مصطفي ذنبه ايه عاااد
فهد: ذنبه ان خلف واحد. كيف ادهم الشر والحقد ملوا قلبه وعينيه وخلوه يفكر يئذي اقرب الناس ليه
ياسين:  انت خابر انا كنت بحب ادهم قد ايه وكنت بحكيله اسراري وبعتبره اخوي مش  واد عمي مش قادر اصدق اللي حوصل ده
فهد:  روق اكده يا ياسين ومتشلش جواك حاجه ولو دورت في الدنيا هتلاقي كتير العفش والزين
ياسين:  عارف يافهد البت بت الدكتور دي صعبانه عليا قوي  انا السبب في كل اللي حوصلها ده حتي لما ادهم كان ساحب عليها السلاح يمين بالله لو كنت طولته وقتها كنت قتلته كله الا اذية الحريم بحس اللي بيمد يده علي بنت او حرمه مش راجل الراجل  صوح هو اللي يخاف انه يئذي بنت ويطمنها  مش خابر كيف عميت لما سبت ادهم. يحرضني علي خطف ياسمين
فهد: خلاص يا ياسين اللي حصل حصل  وزين انك معترف بغلطك وبتحاول تصلحه بس قولي انا ملاحظ اكده انك كنت ملهوف قوي علي فاطمه وكنت خايف عليهااا وكان باين الخوف ده في عينيك لما دخلنا ولقناك بتفوقهااا
ياسين:  بعد ان احس بخجل مش  خابر بس اول مره في حياتي ابقي خايف علي حاجه أكده ومتبت فيهااا ومش عايزهاا تضيع مني كيف الطفل الصغير لما بيشبط في حاجه هو بيحبهاا وخايف انها تضيع منه
فهد:  انت حبتها يا ياسين مش أكده
ياسين:  بتوتر مش خابر بس يمكن ارتحتلها
فهد: علي العموم ده نصيب ولو كانت من نصيبك هتطولهااا ولو كنت فعلا رايدهااا مش عيب ولا حاجه انك تتقدملها العيي انك تدخل من الطريق الغلط
ياسين:  معاك حق يا فهد
فهد:  طب تعالي نخرجوا نروحوا سوهاج نشتروا شوية حاجات أكده وبالمرة تغير جووو وتحكيلي علي كل اللي مدايقك
ياسين:  طيب هروح اغير خلقاتي واحصلك
فهد:  ماشي  وانا كمان هروح اشوف عمك مصطفي وابوك لو كانوا عايزين حاجه ع بال ما تغير خلقاتك
_________________
داخل سرايا النيابه بمحافظة سوهاج يقف ادهم ماثلا امام النيابه لاستجوابه فيما حدث....
وكيل النيابه:  لسه برضو  مصمم ان المخدرات اللي حطتها لياسين في العربيه بتاعته وهو مسافر قنا وهو بدلهااا واتخلص منها متعرفش  عنها حاجه
ادهم: بثبات ايوة ما اعرفش عنها حاجه
وكيل النيابه:  طب بلاش المخدرات وخطف بنت الدكتور عبدالرحمن النجار رجل الاعمال  دي كمان مش عايز تعترف انك عملتها
ادهم: انا مليش صالح. بخطفها اللي عمل أكده وهدان ورجالته عشان يطلبوا فديه من ابوهااا
وكيل النيابه:  طب لو كلامك صح رفضت ليه تدلنا علي مكان وهدان ورجالته
ادهم: والعرق يتقاطر من جبينه انا مش خابر مطرحهم فين وهو ده كل اللي اعرفه
وكيل النيابه:  بس انت حاولت الهرب وسحبت سلاح علي فاطمه بنت الدكتور عبدالرحمن وحاولت تقتلهااا   ايه مصلحتك ايه في قتلهااا
ادهم:  وانا هقتلها ليه يا بيه انا عملت أكده. لما لقتهم كلهم اتفقوا عليا وعايزين يسلموني للحكومه
وكيل النيابه:  متحاولش تتذاكي عليا احنا معانا الدليل بالصوت والصورة كمان يعني الانكار مش هيفيدك بحاجه
ادهم: بصوت منخفض ايه يا ادهم هتشيل الليله لوحدك ولا ايه
وكيل النيابه:  سكت ليه ما تتكلم قول يلا فين وهدان ورجالته  عشان  موقفك. في القضيه خليك فاكر انت كده بتتستر علي مجرم هارب من العداله وبكده هتكون شريك معاه في كل جرايمه فمتتعبنيش معاك وقول فين وهدان ورجالته
ادهم:  انا مش خابر فين مطرحهم وهدان ورجالته ملهمش مطرح. ثابت كل شويه بيغيروا مكان 
وكيل النيابه: اديك وقعت بلسانك وده دليل على انك علي علاقه بوهدان
ادهم:بتوتر انا بسمع من الناس اكده انا مليش صالح بيه
وكيل النيابه:  يعني  مش  عايز تعترف ولا حتي عايز تدلنا علي وهدان واللي معاه انا دلوقتي هخليك تعترف
احس ادهم بخوف شديد مما سيحدث له واكتفي بالصمت
وكيل النيابه: دخلي يا ابني الراجل اللي بره
العسكري: حاضر يافندم
ادهم:  محادثا نفسه بعد ان تمكن الخوف والقلق منه واحتل ملامحه ياتري مين ده اللي هيخلني اعترف
بعد. لحظات فتح العسكري الباب
وكيل النيابه:  اقفل يا ابني الباب وراك
ادهم: بعد ان وقع نظره علي ذلك الرجل  ارتعب قائلا  انت!!!!!!!!!
وكيل النيابه: ايه رايك مفاجاة مش كده!!!!!!
✍️ علي محمد