رواية قد سرق... قلبي ♥ (مكتملة)

قد سرق قلبي

رواية
#قد سرق قلبي
#part15
تقف نسرين امام العمارة التي يسكن بها دكتور عبدالرحمن في انتظار صديقتها تالا واختها التؤام فاطمه
نسرين: بعد ان نظرت في هاتفها ياخبر دي الساعه داخله علي 8 اما اتصل علي تالا بقي
امسكت هاتفها وقامت بالاتصال علي تالا فاجابتها تالا قائلة
تالا: ايوة يانسرين نازله اهووو
نسرين: يلا ياتالا كل ده بتلبسي
تالا: يابنتي انا عل السلم اهو دقيقتين بالظبط واكون عندك انا وفاطمه
نسرين: اوكي باي
تالا: باي
اغلقت نسىرين هاتفهاا وسىرحت للحظات تتذكر ما قاله لها علي  مبتسمة الي ان جاءتها تالا وفاطمه فقطع تفكيرهاا
فاطمه قائلة: اهلا باللوز
نسرين: اهلا بقناة الجزيرة
تالا: ههههههه دي قناة الجزيرة ارحم يا بنتي
فاطمه: ما تبس يا شبح منك ليه الله
نسرين: شبح ههههه
تالا: متاخديش  عليها هي لما بتجوع بتعمل كده
فاطمه: اه صح يابنات ايه رايكم نخرج النهارده بعد الجامعه
تالا: مش عارفه بس لو فيه وقت معنديش مانع
نسرين: انا دايسه معاكي في اي حاجه عادي
فاطمه: اوكي اتفقنا
نسرين: اه صح عارفين انا شفت مين امبارح في الجامعه
تالا: ايه ده انتي رحتي الجامعه اصلا
فاطمه: ازاي يا بنتي رحتي الجامعه ده مشوار السفر هدنا
نسرين: اصل كان عندي شيت لازم اسلمه
تالا: شفتي مين بقي
نسرين: علي ويوسف
فاطمه:  ايوة بقي الله يسهلك نسرين: بس بقي
تالا: سيبك منها كملي وبعدين
نسرين: مش هتصدقوا كانوا واقفين مع مين
تالا: مين
نسرين: عارفه البت شيري اللي كلمتك عنها
تالا: اه عارفاهااا
نسرين: كانوا واقفين معاها بيتكلموا فوق الربع ساعه كده
فاطمه: الحقوا طيب لاحسن تشقطهم منكم هههههه
تالا: وانا مالي بيهم اصلا انا مش فارقه معايا
نسرين: اكتفت بالصمت.
تالا: سكتي ليه يانسرين ما تردي
نسرين: بصراحه كده علي وقفني امبارح واعترفلي انه بيحبني
تالا: بتتكلمي بجد
فاطمه: اللعب يلا
نسرين: اه بتكلم  جد اول ما اخلص المحاضرة الاولي هجيلك واحكيلك قالي ايه
فاطمه:  حظكم بقي اني عندي عملي كنت حفلت للصبح
تالا: خلاص هستناكي
نسرين: اوكي  تاكس
فاطمه: جامعة القاهرة ياسطا
سائق التاكسي:  اتفضلوا
____~______~________~___________
يقوم محمود بلم اغراضه للذهاب الي الجامعه باسيوط فيحادث نفسه قائلا
ميتاو اخلص الجامعة دي عشان ارتاح واشتغل
يااه ميتا تيجي  اللحظة  دي والاقي  شغلانه زينه ثم بعد ان صمت  قليلا نهض من  مكانه قائلا
ايوة صح  ده الدكتور صاحب يوسف عرض عليا شغل هناا انا ازاي كنت ناسي حاجه زي دي
_فلاااش باك_
دكتور عبدالرحمن: انت في كلية ايه يامحمود
محمود: انا في رابعه حقوق جامعة اسيوط يادكتور
دكتور عبدالرحمن: عظيم حقوق كلية جميلة بس عاوزك تجتهد علي نفسك شويه عشان بكره وبعده لما تشتغل وتفتح مكتب محاماة تبقي فاهم مجالك وحابه
محمود: ان شاءالله يادكتور
دكتور عبدالرحمن: انت طبعا ساكن  في اسيوط مش كده عشان الجامعه
محمود: لا والله يادكتور انا مش بروح الكليه دايما بس ساعات بنزل اشوف اللي ناقصني من المحاضرات وارجع اذاكر هناا
دكتور عبدالرحمن:  ربنا معاك ياحبيبي ويوفقك
محمود: ربنا يكرمك يادكتور
دكتور عبدالرحمن: ايه رايك تيجي تشتغل معايا في شركة الادويه بتاعتي
محمود:  ايوة بس حضرتك انا دلوك بدرس في حقوق مش هفهم حاجه في الادويه ده اولا ثانيا بقي انا مينفعش اهمل امي واخويا واسافر مصر بس والله انا اتمني اني اشتغل مع حضرتك ودي حاجه تشرفني
دكتور عبدالرحمن: مين قالك انك هتشتغل في القاهرة انت هتشتغل معايا هنا في سوهاج
محمود:  كيف ده عااد
دكتور عبدالرحمن: انا عندي شركة ادويه هنا لسه جديده محتاج معايا شباب محترمين ومجتهدين زيك كده  قلت ايه
محمود: موافق يادكتور بس هشتغل ايه انا ما افهمش حاجه في الادويه
دكتور عبدالرحمن: هتمسك مساعد سكرتير يعني هتراجع  وراه حسابات اظن سهله اهي
محمود: خلاص موافق يادكتور
دكتور عبدالرحمن: ده الكارت بتاعي لما تقرر كلمني
ثم تدخل والدته قائلة: محمود انت لابس اكده ورايح علي فين بدري أكده
محمود: بعد ان افاق علي صوتها:  رايح اسيوط يا امي اشوف المحاضرات اللي نقصاني دي واجيب جدول الامتحانات ومعاود طوالي
ام محمود: طب يا ولدي ربنا يستر عليك ويجيبك بالسلامه 
محمود: الله يسلمك يا ام محمود
ام محمود: يلا بقي علشان تفطر قبل ما تمشي
محمود: ماشي روحي انتي يا امي وانا هكمل لبسي و هحصلك دلوك
______&_______&__________&______
يجلس دكتور شادي في مكتبه وامامه قهوته ويقوم بالتقليب في هاتفه ثم بعد لحظات دق احدهم الباب فاجاب من الداخل قائلا
دكتور شادي: ادخل
دخلت سالي وهي مرتدية زي انيقاا جعلها تبدو اجمل بكثير قائلة: صباح الخير يا دكتور
دكتور شادي: وهو ينظر اليها في اعجاب صباح الخير ياسالي اتفضلي
سالي: ميرسي جدا يادكتور
دكتور شادي: تشربي ايه
سالي: لا ميرسي انا بس جايه لحضرتك عشان اقولك حاجه مهمه وامشي علي طول
دكتور شادي: حاجه ايه دي
سالي: بخصوص شيري
دكتور شادي: اه عرفتي حاجه يعني
سالي: اه
دكتور شادي: عرفتي ايه
سالي: شيري بتحب واد صعيدي معانا في الكليه اسمه يوسف
دكتور شادي: يوسف قصدك. يوسف اللي بيقعد في اول بنش دايما ده
سالي: اه  بس في حاجه تانيه
دكتور شادي: ايه هي
سالي: يوسف مش بيحبهاا ودايما بيصدها ويتهرب منهااا
دكتور شادي: عظيم اوي كملي
سالي: بس هو ده كل اللي اعرفه
دكتور شادي: طب كويس اوي
سالي: ممكن اقول حاجه بس خايفه اتعدا حدودي مع حضرتك
دكتور شادي: عادي ياسالي اتفضلي
سالي: يعني حضرتك الله اكبر زي القمر وكمان دكتور واي بنت تتمناك متدايقش من اللي شيري بتعمله
دكتور شادي: لا مش مدايق ولا حاجه 
سالي: طب عن اذنك بقي
دكتور شادي: اتفضلي
خرجت سالي بينما ظل دكتور شادي يحادث نفسه قائلا
مش عارف طلعلنا منين يوسف ده كده الموضوع باظ رسمي وانا مش لازم اسكت اكتر من كده  انا لازم اعمل حاجه مش هينفع السكات ده بس انا وضعي ميسمحش اني احط نفسي في مواجهة مع طالب... طب والحل
_____&_________&__________&_____
يجلس الحاج حمدان برفقة العائلة يتبادلون الغداء فيسود الصمت المكان الي ان يقطع سليم الصمت قائلا
كنت عايز افاتحك في موضوع أكده يابوي
الحاج تمام:  خير موضوع ايه ده
سليم: وهو ينظر الي والده بتوتر بصراحه أكده انا
جودة: مالك ياسليم مش علي بعض ليه
شيماء: تكتفي بالابتسامه
سليم: بصراحه أكده انا عاوز اخطب يابوي
الحاج تمام: تخطب من فين
سليم: من البلد عندينا يا حاج
جودة:  بت مين يا سليم
ياسمين: انا اقولك يابوي
سليم: يبتسم خجلا قائلا وانتي تعرفيها منين عاد
الحاج حمدان:  وبعدين امعاك انت واختك قولي مين دي وبزياداكم احنا قاعدين علي الوكل
سليم:  شيماء بت عمي محمود
جودة: يبقي زين ما اختارت والله ياسليم ياخوي شيماء بنت عمك زينه قوي
حنان: تكتفي بالنظر اليه بعدم رضااا
الحاج تمام: خلاص بكره نشوفوا عمك محمود ونخطبهالك
جودة: انا سمعت كلامك يابوي ومش مسافر تاني خلاص وكمان قررت اني هقعد هنااا
حنان: نقعد هنا ايه لا ايه اللي انت بتقوله ده ياجودة انا مقدرش اعيش في الصعيد.
ام جودة:  ومالها الصعيد يعني يابتي ماهي بلد جوزك وبلد عيالك
حنان: اسفه يا طنط مش هقدر اعيش هنا ده انا اليومين اللي بجيهم اجازة ببقي قاعده بالعافيه
جودة: قصدك ايه عااد
سليم: بالراحه ياجودة ياخوي
حنان: قصده انت عارفخ كويس ياجودة انا مش هقعد هنا يانسافر السعوديه ياترجع وتشتغل عند بابا
جودة: واشتغل عند ابوكي ليه وانا معايا مالي اللي اقدر افتح بيه بدل المشروع ميه في بلدي
حنان: انت حر بقي
جودة:  بقولك ايه انا مش فاضي للكلام الماسخ ابتاعك ده وهتقعدي هنا يعني هتقعدي هنااااا
حنان: وانا قلتلك مش هقعد هنااا
الحاج حمدان: بزياداكم عااد هتتخانقوا في بعض قدامي ولا ايه 
جودة:  امشي اطلعي علي اوضتك ولما ارجع من بره يبقي لينا كلام تاني
ام جوده: سيبك منه يابتي اقعدي كملي وكلك
حنان: ولا اكل ولا زفت هو ابنك خلي فيها اكل عن اذنكم
همت حنان بالصعود الي غرفته وتبعتهاا والدة زوجهاا في محاولة منها لتهدئة الموقف
ثم. خرج جودة بعد ان صفع الباب خلفه بقوة قائلا
د ي بقت عيشه تزهق!!!!
_______&_________&______&_______
وصل يوسف برفقة علي مقر شركة دكتور عبدالرحمن للادوية والمستلزمات الطبيه
فخاطب يوسف السكرتيرة قائلا:  مساء الخير يافندم
السكرتيرة: مساء النور
يوسف: لو سمحتي عاوز اقابل دكتور عبدالرحمن
السكرتيرة: اقوله مين يافندم
يوسف: قوليله يوسف المنشاوي بتاع كلية صيدلة هو علي
السكرتيرة: طب اتفضلوا اقعدوا
علي: ميرسي جدا  يافندم
علي الناحيه المقابلة لهم
يجلس دكتور عبدالرحمن علي مكتبه وعلي مثل عادته يقوم بمراجعة الاوراق والملفات الخاصه بشركته فيقطع تركيزه صوت الباب فيجيب من الداخل اتفضل
هبة: اسفه.يادكتور بس فيه ناس عاوزين يقابلوا حضرتك بره
دكتورعبدالرحمن:ناس مين دول
هبه:مش عارفه  هما قالولي علي اساميهم وقالولي ان حضرتك منتظرهم
دكتورعبدالرحمن:اساميهم ايه
هبة:يوسف وعلي يافندم
دكتورعبدالرحمن:اوكي دخليهم
هبه:اوكي يادكتور
بعد لحظات  خرجت السكرتيرة واغلقت الباب خلفها قائلة الدكتور في انتظاركم اتفضلوا
نهض يوسف قائلا: ميرسي جدا
دخل يوسف وعلي الي مكتب الدكتور عبدالرحمن فاستقبلهم دكتور عبدالرحمن  قائلا
ازيكم يا شباب عاملين ايه
يوسف وعلي معا: الحمدلله يادكتور
دكتور عبدالرحمن: اتفضلوا اقعدوا
يوسف: ميرسي جدا يادكتور
دكتور عبدالرحمن: انا هشرب قهوة تشربوا ايه بقي
يوسف:  ميرسي جدا يادكتور ملهوش لزوم
دكتورعبدالرحمن:لازم تشربوا  حاجه  ميصحش يا يوسف 
يوسف:خلاص يادكتور  انا هشرب  قهوة  زيادة
علي: وانا قهوة  مظبوطه
دكتور عبدالرحمن:كويس اوي ان انتوا جيتم  كنت هزعل لو مجيتوش
علي:مينفعش نتاخر علي حضرتك يادكتور
يوسف:ممكن سؤال يادكتور من فضلك
دكتورعبدالرحمن:اتفضل يا يوسف
يوسف: دلوك احنا هنشتغلوا مع حضرتك ايه
دكتور عبدالرحمن:مداعبا ليوسف زين انك قلتي أكده
يوسف وعلي:ههههههه
يوسف:زين قوي حضرتك بتتحدت زيينا اهااا ههههه
دكتور عبدالرحمن:علي فكره انا اصلا صعيدي والدي الله يرحمه  كان من اسيوط بس احنا طبعا انا واخواتي وولادي منعرفش حاجه عن اسيوط لاننا طلعنا لقينا نفسناا هنا
يوسف: زين قوي
علي: طب يادكتور معلش يعني
دكتورعبدالرحمن: اتفضل
علي: احنا معندناش الخبرة الكافيه اننا نشتغل زي الناس اللي عند حضرتك دي وده هيكون بالنسبالنا اكبر عائق
دكتورعبدالرحمن:ياسيدي متشلش هم حاجه انتوا هتشتغلوا معايا هنا في الشركه وانا هخلي حمزة يدربكم علي طبيعة الشغل واللي هيستاهل فيكم الترقيه هرقيه
يوسف: اكده تمام كده كل حاجه وضحت
بعد لحظات استدعي دكتورعبدالرحمن سكرتيرته ثم بعد ان اتت اليه نظر اليها قائلا لو سمحتي يا هبة ابعتيلي حمزة بسرعه
هبه:اوكي يا فندم
دكتور عبدالرحمن: دلوقتي حمزة هياخدكم وهيوريكم كام حاجه كده  مبدايا يعني في الشركه....  وربنا يوفقكم
_______&________&_________&_______
يجلس حسام بصحبة ابن خالته الاكبر معتز وفجاءة يهتز هاتفه مما يضطره ان يجيب عليه قائلا
ايوة يا سهاااا ازيك
سهاااا: الحمدلله  تمام
حسام: في جديد ولا ايه
سهاااا:  اه  طبعا عشان كده بتصل بيك
حسام:  احكي يا شهرزاد
سهاااا: بص يامعلم البنت دي بنت دكتور كبير اوي اسمه عبدالرحمن النجار صاحب مجموعة شركات النجار للادويه تمام 
حسام:  فل اوي كملي
سهاااا: جبتلك رقمها ومتسالنيش جبته من مين
حسام:  جبتيه منين يا بت انجزي
سهاااا:  ملكش دعوة انا ليا طريقتي
حسام: طول عمرك جامده يابت
سهاااا: عيب عليك ياحوس ده انا سهااا
حسام: هههههه طب طيري انتي دلوقتي
سهاااا: اشطا بعتلك رقمها في مسج باي
حسام: باي
معتز: ايه يا ابني اللي انت بتعمله ده حياتك كلها بنات في بنات يا ابني فوق من الاوهام اللي انت عايش بيها دي
حسام: يا ابني انت عبيط هو في حاجه في الدنيا دي احلي من انك تعرفلك كام مزة كده  يروقوك
معتز: اه فيه عارف ايه انك تتقي الله في انت بتعمله ده انت يا ابني معاك اخوات بنات فمتخليش اللي انت بتعمله ده يترد فيهم قولي ياحسام انت بتصلي اسف علي بجاحة السؤال بس انا بقولك كده من خوفي عليك
جربت مرة تفتح مصحف وتقرا فيه طبعاا لا  عارف ليه عشان انت خلاص البنات واللي انت بتعمله عموا قلبك عن طريق ربنا
حسام: ياعم هو انا كل ما اجيلك تعملي شيخ ارحم امي مش كده
معتز: اعمل عليك شيخ ليه انا بقولك  اللي يخلصني من ربنا
حسام: انت ليه كل ما اكلمك عن البنت دي تدافع عنها بالطريقه دي
معتز: انا عايز افهم حاجه وحده بس دلوقتي وحده محترمه زي دي  ومحافظه علي نفسها مدايقاك في ايه ده  واللي هي عملته ده دليل علي تربيتهاا واحترامها واي بنت محترمه هتعمل اللي هي عملته ده انا مش عارف هتستفيد ايه من اذيتك ليهاا
حسام: طب قولي انت اعمل ايه ارجع حقي ازاي
معتز: سبها في حالها ياحسام بلاش تئذيها الراجل هو اللي يحمي بنت مش  يخوفها او يفكر انه يئذيهاا  فكر للحظات بس ان فيه حد بيعمل كده  مع اختك هيكون ايه رد فعلك لما تعرف
حسام: ده انا اقتله
معتز: طيب قول نفسك بقي وفوق من الاوهام دي وارجع لربنا عشان لما تيجي تتجوز ربنا يجمعك بالانسانه اللي تصونك وتحافظ عليك الدنيا يصحبي داين تدان.!!!!
_____&________&_______________&___
علي جانب من الطريق يصدم ادهم. بجودة قائلا
جودة اخيرا عرفت اشوفك
جودة:  كيفك. يا ادهم.
ادهم: زين الحمدلله  كيفك. انت
جودة: الحمدلله ياصحبي اتوحشتك قوي يا ادهم
ادهم: بنفاق وانت كمان ياغالي
جودة: اومال علي فين أكده
ادهم: عندي مشوار امهم قوي
جودة: طب معطلكش انا
ادهم: عطلة ايه عاد قولي بس مالك مدايق أكده زي ما يكون خسرت املاكك كلها في البورصه ههههه
جودة: يخربيت فقرك لساك زي ما انت مش هتعقل واصل
جودة: خلاص شوف انت وراك ايه دلوك ونتقابلوا باليل علي القهوة
ادهم: محادثا نفسه ماشي ياجوز الغاليه
جودة: سرحت في ايه
ادهم: له مفيش خلاص ماشي
ذهب جودة ناحية ارضهم بينما اكمل ادهم  سيره وهو فرحااا بقدوم زوجة جودة التي كانت ذات يوم علي علاقة به قائلا
ده لو جودة عرف ياحنان انك متجوزاه عشان تغيظيني انا. مش بعيد يطلقك ويرميكي رمية الكلاب وانا هو ده اللي عاوزه بس مش دلوك لما اخلص الاول من ياسين....
_____&_____&_________&______&___
داخل منزل الحاج همام
تخاطب ام دياب زوجة ابنهاا قائلة فرحه يافرحه
الحاج همام:  المحروسة بتاعة ابنك نايمه لدلوك انتي بتنادي علي مين
ام دياب:  نايمه نايمه خلاص يا ابو دياب عروسه جديده برضك. انا افتكرتها صاحيه عشان أكده ندهت عليهاا
نزلت فرحه مسرعة من علي السلم فكادت ان تسقط ارضاا قائلة:  جايه يامرت عمي اهاااا
الحاج همام:  انتي نايمه لدلوك ليه يافرحه مش عارفه ان فيه شغل في الدار ولا ايه
فرحه: لا مؤاخذه ياعمي بس كنت بكوي هدوم دياب ولما سمعت مرت عمي بتنادي نزلت جري اهااا
الحاج همام:  اسمعيني زين يافرحه انا اهم شي عندي دلوك انك تاخدي بالك كويس من شغل البيت وتقفي مع مرت عمك وبزياداكي جلعك الماسخ ده
احست فرحه بسوء معاملة الحاج همام لهاا فضاق صدرها قليلا فحادثت نفسها قائلة:  انت السبب يابوي انك جوزتي في البيت ده ادياب راجل زين ما قلتش حاجه بس ابوه راجل واعر قوي ومش طايقني مش عارفه ليه
فتفيق علي صوت زوجها دياب قائلا لوالده
لو سمحت يابوي فرحه مرتي وبزياداك تجريح فيهااا فرحه واخده بالها مني ومن امي كويس اوووي وان كنت هتعاملها كده  فانا هقعدهاا في بيت لوحدهااا وحقك انت وامي عليااا انا مش ناسيه بس بلاش اللي انت بتعمله ده
ام دياب: بزياداك ياولدي
دياب: يلا يافرحه اطلعي علي اوضتك دلوك
فرحه: ماشي عن اذنك ياعمي عن اذنك يامرت عمي
الحاج همام: والله عال  ياولد  همام لما حرمه  تتحكم  فيك  وتخليك  عاوز  اتسيب ابوك  وامك 
دياب: ده مش  تحكم يابوي وقلتلك قبل سابق وهقولهالك كمان الجواز ده مودة ورحمه وفرحه امانه وانا لازم اصون الامانه دي  عن اذنك ياحاج
احست فرحه بسعادة شديدة عندما سمعت من زوجها هذه الكلمات فقالت بفرح شديد
ربنا يخليك ليا يادياب وعشان كلامك الزين ده انا هنسي اللي حوصل ده وكأني مسمعتش حاجه واصل... كله يهون لاجلك يا دياب
دياب:  متزعليش من ابوي يافرحه هي الناس الكبيرة كلها طبعها اكده
فرحه:   ازعل كيف من ابوي ده كيف ابوي عندي وكفايه ان ربنا كرمني براجل زين زيك أكده بيحبني وبيخاف علياااا
دياب:  ويخليكي ليا يارب يافرحتي
فرحه: مش هتغير خلقاتك
دياب: هنام شويه دلوك وعلي المغرب أكده ابقي صحيني عشان عندي مشوار امهم!!!!
__________&______&_________&_____
وصل ادهم الي وهدان وجلس يتحدثون في نواياهم الشريرة يتبادلون الحديث فخاطب ادهم وهدان قائلا
عد دول أكده ياريس وهدان
وهدان:  مش هعد وراك يا ادهم ميصحش أكده
ادهم:  له عد الحق ميزعلش يا ريس وهدان
وهدان:  ماشي خد يا صالح عد دول أكده
صالح:  ماشي يا ريس
ادهم:  كيف ما قلتلك اهم حاجة عندي العمليه التانيه دي يعني تصحصح امعايااا انت ورجالتك
صالح: دول  عشرة الاف جنيه ياريس وهدان.
ادهم:  الباقي هتاخدوه لما العملية تتم علي خير
وهدان: بس العملية التانيه دي صعب قوي ومحتاجه مصاريف اكتر من أكده ومش خابر هنعملوهاا ازاي دي
ادهم: اتصرف يا ريس وهدان بس خد بالك لزمن العمليتين يتموا في يوم واحد. والا كل اللي احنا خططناله هيبوظ..... ولو باظ الخساير هتكون كبيرة اوووي واولها انت ورجالتك
✍️ علي  محمد