رواية قد سرق... قلبي ♥ (مكتملة)

قد سرق قلبي

رواية
#قد_سرق_قلبي
#part 12
تلاشي الليل سريعااا وبصحبة زقزقة العصافير تسللت الشمس الي منزل الحاج حمدان لتوقظ الجميع واحد تلو الاخر بعد ان ملئت المنزل نور ودفئاا
يجلس الحاج حمدان مرتدياا جلبابه وعممامته التي تعكس طابعه الصعيدي الحاد بصحبة ابنه الاكبر جودة وحفيده الاصغر مالك
جودة:  اتوحشتك قوي يابوي انت وامي  والدار ده كمان وحشني هو وكل شبر فيه
الحاج حمدان: ما انت اللي طولت في الغربه ياولدي قلتلك تعالي واشتغل معايا اهنا انت اللي مراضيش
جودة: مينفعش اسيب شغلي اللي هناك يابوي ما انت خابر زين ان الكفيل ابتاعي  بيعتمد عليا في كل حاجه ولو انا سبته ومشيت شغله هيقف وبيته هيتخرب
الحاج حمدان: بكيفك ياجودة ياولدي
جودة: سلم على جدك حمدان وبوس يده يامالك
مالك:  ماشي يا بابا ازيك ياجدي
الحاج حمدان: هههههه تعالي يامالك ياولدي لاحسن اتوحشتك قوي
ثم يخرج دكتور عبدالرحمن من غرفته بعد ان انهي صلاته ويصطدم بالحاج حمدان وجودة فيلقي عليهم السلام قائلا
دكتور عبدالرحمن: السلام عليكم ياحاج حمدان انت وجودة
الحاج حمدان: وعليكم السلام صاحي بدري ليه اكده يا دكتور مريحتش اعصابك اكويس ليه
دكتور عبدالرحمن: ياسيدي اعصاب ايه انا كده نمت كتير كمان
جودة: طب يابوي هروح اخلي امي وياسمين يحضرلكم افطار
دكتور عبدالرحمن: لا لا فطار ايه انا مش بفطر دلوقتي متتعبش نفسك ياجودة
الحاج حمدان: وده اسمه كلام يادكتور تعب ايه عاااد اجري ياجودة خليهم يعملوا أكده
دكتور عبدالرحمن: استني ياجودة  هو انت مش عندك ارض ياحاج حمدان
الحاج حمدان: ايوة عندي ياجي عشرين فدان
دكت عبدالرحمن: ياسيدي ربنا يزيدك ويرزقك خيرهااا
الحاج حمدان: امين ياارب تشكر يا دكتور
جوجو: عاوز تشتري ارض ولا ايه يادكتور
دكتور عبدالرحمن: لا ياجودة ارض ايه انا شغال في الادويه انا بس كنت هخرج مع والدك نروح الارض بتاعتكم نشم شويه هوااا
الحاج  حمدان: بس أكده انت تؤمر يا دكتور
دكتور عبدالرحمن: الامر لله وحده ياحاج
الحاج حمدان: طب ياجودة تبقي تبعتلنا الفطار مع سليم عند الغيط القبلي
جودة: حاضر يا بوي
هم الدكتور عبدالرحمن بالذهاب هو والحاج حمدان لكن استوقفته فاطمه قائلة
فاطمه: بابا هو حضرتك رايح فين
دكتور عبدالرحمن: رايح مع عمك. حمدان مشوار صغير كده  لحدالارض بتاعته نشم شوية هوا
فاطمه: طب ممكن اجي معاك عشان انا زهقت من القعده في البيت
نسرين: ايه ده هتروحي من غيري دي كده خيانه
ادم: وانا يابابا وانا يابابا
دكتور عبدالرحمن: بسسس ايه الدوشه دي يا ادم والله لو عمكم حمدان قال ينفع تيجي يبقي مفيش مشكله انكم تيجوا
الحاج حمدان:   لا طبعا مفيش مشكله اللي عايز ياجي فيكم معانا يتفضل
سليم: خلاص يا بوي بما ان ده بقي مطلب جماعي روح انت دلوك انت والدكتور عبد الرحمن وانا بعد اما يفطروا هجبهم واجي حتي يكون علي ويوسف هما كمان صحيواا ونتلم كلنا اهناك
جودة؛: فكرة زينه قوي
الحاج حمدان: زين ياولدي ماشي ابقي هاتهم الغيط القبلي وتعالي ورانااا
سليم: ماشي يا ابو جودة
خرج الحاج حمدان هو والدكتور عبدالرحمن  وصعد جودة للاعلي غرفته بينما اكمل سليم حديثه مع فاطمه ونسرين
سليم: احنا نفطروا الاول وبعدين نبقي نروحوا كلناااا قلتوا ايه
فاطمه: فكرة زينه قوي هههههه
سليم: بقيتي تعرفي تتحدتي زيينا اهاا
فاطمه: ههههه يعم مش اوي دي كلمة كده حفظتهاا
نسرين: بس تسدق والله لهجتكم دي جميله اوي
سليم: والله ده بس من زؤقك
علي الناحيه المقابله لهم تقف شيماء وتضع يدهااا اسفل خدهاا وتنظر الي سليم في غيظ شديد وعندما يقع نظره عليهاا يبتسم قائلا
سليم:   محاولا مداعبة شيماء علي فكره بلدنا جميلة وهتعجبكم قوي
نسرين: هي فعلا جميله اوي
شيماء:وهي تنظر الي سليم بغيظ  صباح الخير يابنات يلا عشان تفطروا لاحسن الفطار عندينا لو اتاخر بيبقي ماسخ ويسد النفس
نسرين:  مش فاهمه
سليم: تقصد تقولك
شيماء: ملكش صالح انت وبعدين انت واقف اهناا ليه عيب ميصحش وقفتك اكده معانااا
سليم: بعد ان ابتسم ماشي خلصوا افطار وشيعولي عشان اخدكم ونروحوا الارض
نسرين: اوكي ماشي ميرسي اووي يا استاذ سليم
سليم: علي ايه يعني دي اقل حاجه ممكن نعملوهاا عشانكم
شيماء: محادثة نفسهاا حسابك امعايا بعدين يا سليم
سليم: عن اذنكم دلوك ولما تخلصوا ابقوا قولولي انا قاعد بره
_____&_______&________&________&_
علي الناحيه الاخري
تقف فرحه امام المرأة تصفف شعرهااا وهي تنظر الي نفسها في اعجاب شديد وفجأة رن هاتفهااا فاجابت عليه
فرحه:  ايوة يا دياب
دياب: صباح الخير يافرحه
فرحه: صباح الخير يادياب
دياب: كيفك دلوك يافرحه
فرحه: زينه الحمد لله انت عامل ايه يادياب
دياب: زين يافرحه الحمد لله
فرحه: صاحي بدري ليه عاد
دياب: انت ناسيه اننا هنروحوا سوهاج النهارده ولا ايه يافرحه
فرحه: سوهاج هنروحوا سوهاج نعملوا ايه عااد
دياب: عشان تقيسي الفستان بتاع الفرح يافرحه
فرحه: ايوة يادياب بس انت قلت لابوي او طاهر اننا هنروحوا سوهاج ولا ايه
دياب: قلت لعمي عمران لما كنا في كتب كتاب احمد وهو وافق وكمان قالي ابقي اجي اخدك
فرحه: طيب انا دلوك هروح اجهز حالي ع بال انت ما تاجي وايوة صح انا هعدي اطمن علي فاطمه قبل ما نروحوا سوهاج
دياب: ومترحيلهاش ليه بعد اما ناجي يافرحه
فرحه: هتكون سافرت يادياب هما هيسافروا النهارده علي مصر
دياب: خلاص ماشي يافرحه انا مسافة السكه واكون عندك
فرحه: تاجي بالسلامه
دياب: ايوة صوح قبل ما اقفل اتوحشتك قوي يافرحتي
فرحه: بزياداك عاد انت بتحب  تكسفني ولا ايه
دياب: اكدب يعني والله اتوحشتك قوي يافرحتي
فرحه: بابتسامه بزياداك عااد مش بعرف ارد انا علي الكلام الزين ده
دياب: طيب هسيبك انا دلوك. عشان تقومي تكملي لبسك
فرحه: ماشي  يادياب مع السلامه
دياب: سلام
_____&_______&________&_________&
علي الناحيه الاخري
بالقرب من جامعة القاهرة تقود شيري سيارتها برفقة صديقته سالي متجهين الي الجامعة
شيري: سالي هو يوسف جه الجامعه الكام يوم اللي انا غبتهم دول
سالي: يادي يوسف بتاعك ده لا ياستي مجااش
شيري: غريبه اوي هيكون راح فين يعني
سالي: مش عارفه ده حتي كمان الواد صحبه ده اللي بيمشي معاه دايما هو كمان مبيجيش
شيري: انتي بتتكلمي جد
سالي: اه والله مش بييجي هو الاخر
شيري: طب وبعدين انا هفضل في الحيرة دي كتير انا لازم اعرف هو راح فين
شيري: والله يابنتي انتي غريبه اوي سايبه كل اللي اتقدمولك دول وماسكالي في يوسف بتاعك ده
شيري: طب استني اركن العربيه
سالي: ايه ده ياشيري ده دكتور شادي واقف قدام المبني
شيري: طب ما يقف انا مالي بيه
سالي: حرام عليكي اللي بتعمليه فيه ده صعبان عليا جداا
شيري: انزلي طيب ولا هتباتي في العربيه
سالي: نزلت اهووو
وسرعان ما اقترب منهما دكتور شادي  قائلا:
صباح الخير
شيري: لم تظهر اهتماما
سالي: محاولة تفادي الموقف صباح الخير يا دكتور
شادي: حمد لله على السلامة يا شيري
شيري: الله يسلمك يا دكتور
دكتور شادي:  الف سلامة علي خالتك ياشيرين
شيري: باندهاش وحضرتك عرفت منين
سالي: محاولة انقاذ الموقف دكتور شادي سال عليكي لما مجتيش الكام يوم اللي عدوا دول انا قلتله انك رحتي تشوفي خالتك عشان تعبانه شويه
شيري: اه ميرسي جدا يادكتور  عن اذنك بقي
سالي: عن. اذنك يادكتور شادي
وقف دكتور شادي ثابت مكانه محاولا ايجاد تفسير لكل ما يحدث قائلا؛:  ياتري ايه اللي غير شيري اوي كده  معقوله يكون في حد في حياتهاااا انا لازم اعرف اذا كان فيه حد في حياتها ولا لا ومين الحد ده
____&______&_______&_______&____
علي الناحيه الاخري
داخل مقر شركة النجار للادوية والمستلزمات الطبيه
يدخل حمزة مرتدياا بدلته السوداء  التي تعكس وسامته وتظهر اناقته حاملاا حقيبته في يده
حمزة: صباح الخير يا انسه هالة
هالة: صباح الخير يافندم
حمزة: هي هبة مجتش النهارده ولا ايه
هاله: اه يافندم مجاتش وبلغتني اني اقول لحضرتك
حمزة: تبلغيني ايه
هاله: هي قالتلي  اقول لحضرتك ان والدتها تعبانه وهي لازم تبقي جنبها اليومين الجايين دول
حمزة: لا الف سلامه عليها
هاله: الله يسلمك يافندم....
هم حمزة بالدخول لمكتبه لكن استوقفته هالة قائلة
هاله: استاذ حمزة.. انا اسفه بس كنت عايزه اقول لحضرتك حاجه كده  بس خايفه لاحسن هبة تعرف وتزعل يعني أكمني قلتلك
حمزة: حاجة ايه دي
هاله:  بكسوف هو بصراحه كده  والدة هبة هتعمل عملية بعد كام يوم وهي ممعهاش تمن العمليه دي... فقلت اقول لحضرتك يمكن حضرتك تقدر تساعدهااا
حمزة: طيب تمام هي جايه بكره ولا لا
هاله: اه جايه بكرة ان شاءالله
حمزة: طب تمام لما تيجي بكره  متنسيش تفكريني
هاله: ماشي يافندم
حمزة: وهاتيلي الملفات اللي علي مكتبهااا انا هخلصهااا مكانهااا
هاله: لا يافندم متتعبش نفسك انا هخلصهااا ميرسي جدا
حمزة: هاتيها بس انا كده كده محتاج اراجعها تاني
هاله: اوكي يافندم هبعتها لمكتب حضرتك
_____&________&________&_______
علي الناحيه الاخري
في احدي الاراضي الخاصه بالحاج حمدان المنشاوي  اجتمع الجميع يتبادلان الحديث والضحكات ويستمتعون بالزرع الاخضر والهواء النقي....
الحاج حمدان: الارض دي بقي ورثتها عن ابويا الحاج منشاوي الله يرحمه
دكتور عبدالرحمن: الله يرحمه
علي الناحيه الاخري
تجلس تالا برفقة اختها فاطمه واخيها ادم وصديقتهما نسرين
نسرين: الله الجو هنا جميل اوي
فاطمه: ههههه وهيحلو اكتر دلوقتي
نسرين: اشمعنا
فاطمه: بصي كده  وانتي تعرفي
نسرين: قصدك يعني عشان يوسف وعلي جايين طب وانا مالي بيهم
تالا: ما تبس بقي ده انتي خطفك كان اريح
فاطمه: هههههه عاوزين تخلصوا مني عشان  انا الوحيده اللي فاهماكم
نسرين: طب اتلمي عشان تقريبا كده بيبصوا عليناا
ادم: تالا تالا عاوز اقولك سر
تالا: انت كمان عندك. اسرار دي خربت خالص
ادم: انا عايز اخطب
تالا: ههههههه تخطب مرة واحدة
فاطمه: انا سمعت خطوبه مين ده اللي خطب او اللي هيخطب
نسرين: ادم اخوكي
ادم: ايه ده انا قلتلك سر يا تالا قلتيلهم ليه
تالا: انا قلت حاجه ياهبل انت اللي عليت صوتك
فاطمه: دومه حبيبي قولي انا انتيمتك عاوز تخطب مين وانا اخطبهالك
ادم:  لا انتي هتبوظيهالي انا هقول لتالا بس
تالا: جدع ياخطيبي مين بقي اللي عاوز تخطبها
ادم:  حنين بنت عمو جودة
فاطمه: اللعب يلا ده انت مش سهل
نسرين: بصراحه عرفت تنقي يا ادم
ثم اتت شيماء وياسمين وقطع حديثهما
شيماء: ممكن نقعد معاكم
تالا: اه اوي اوي احنا كنا هنندهلكم اصلا دلوقتي وكويس انكم جيتوا
علي الناحيه المقابله
يقف يوسف وعلي كل منهما ينظر الي نسرين وتالا ويبتسمااا
يوسف: مركز قوي انت مع نسرين نقولوا مبروك ولا لسه
علي: وانت مالك ياعم انت الله ما انت كمان مركز مع تالا ولا تحسبني مش عارف
يوسف: وطي صوتك هتفضحناااا
علي: ههههه مش انت اللي استفزتني
يوسف: طب يلا بينا يا عم روميوا نعدوا علي محمود نجبوه واهو بالمرة اعرفك عليه
علي: ياعم حرام عليك عايزنا نسيب المكان الجميل ده ونروحوا لصحبك اتقي الله فيا شويه
يوسف: بطل حديث ويلا بينااا
علي: وهو ينظر الي نسرين: اشوف فيك يا يوسف ياولد الحاج محمود
علي الناحيه المقابله
وصلت فرحه بصحبة دياب
ثم بعد ان قام دياب بالتسليم علي الدكتور عبد الرحمن والحاج حمدان جلس ينتظر زوجته فرحه التي ذهبت تطمئن علي فاطمه وتسلم علي الجميع
بينما جلس سليم اسفل شجرة بمفرده شارد الذهن يفكر في الذي قالته له شيماء اثناء كتب كتاب شقيقته ياسمين
سليم: شيماء معاهاا حق في كل كلمة قالتهاالي وحقها كمان انها تخاف مني انا ازاي كنت هغصب اختي انهاا تتجوز ياسين وهي مش رايداه.. انا غلطت في حق ياسمين اختي كتير قووي وجه الوقت اللي لازم اصحح فيه غلطي ده.... انا مش عارف وقتها انا عملت اكده كيف انا زي ما يكون كنت مغيب او فاقد الوعي
علي الناحيه المقابله
تنظر اليه شيماء وهي تحادث نفسهااا قائلة ياتري سليم قاعد لوحده ليه وايه اللي شاغل تفكيره أكده  انا خابره زين انا سليم بيحبني وعاوزني بس هو دلوك بيفكر في ايه.. معقوله يكون بيفكر في كلامي اللي قلتهوله ده
اتمني والله انه يكون فكر زين في كلامي بس انا كان لازم اشد عليه قوي أكده عشان يعرف بغلطه ويغير شويه من طبعه القاسي ده اللي شربهوله عمي حمدان
علي الناحيه المقابله
فرحه: طب يابنات عن اذنكم هشوف دياب وراجعالكم
تالا: اتفضلي يافرحه
نسرين: هو يوسف راح فين هو وعلي يا شيماء
شيماء: مادام مشيوا أكده طوالي يبقي راح يشوف محمود ولد عمي سالم
فاطمه: الحب ولع في الدره يا سعديه.
نسرين: يعني ما قدرش اللي خطفك ده يخليكي عنده شهرين تلاته
تالا: تلاقيه قال انا ناقص مصايب دي لوحدها  رئيسة مافيااا 
فاطمه: تعرفوا الواد اللي خطفني ده رغم اني بكرهه اوي الا انه قمر اوي
نسرين: اختك دي مجنونه رسمي يا تالا
شيماء: قصدك علي ياسين ولد تمام
ياسمين: وهي تعرفه منين يا شيماء عاد
تالا: هو كان يقصدك ليه يا ياسمين
ياسمين: كان متقدملي وانا رفضته فحب انه ينتقم مني قال اخطفها يوم كتب كتابها بس حظ فاطمه بقي انهل هي اللي اتخطفت مكاني
فاطمه: حظ حظ ايه يا ياسمين  قولي نحس فقر هههههه
شيماء: ياربت افتكرنا حاجه زينه اهو الحاج تمام اهاا ابو ياسين جه دي العرببه بتاعتهم
علي الناحيه المقابلة
دياب: قوليلي يافرحه
فرحه: مداعبة له اقولك يافرحه ليه اني فرحه
دياب: زافرا ايه اللي بتقوليه ده يافرحه ما اقصدش اكده
فرحه: بابتسامة  وطي صوتك يادياب انا بهزر امعاك
دياب: بكيفك يافرحه والله 
فرحه: خلاص يادياب ماتزعلش والله بهزر امعاك
دياب: بابتسامه طيب يافرحه
علي الناحيه المقابلة
الحاج تمام: سلام عليكم يارجاله
الحاج حمدان: وعليكم السلام يا ابو فهد اتفضل اقعد
الحاج تمام: ازيك يا دكتور عبدالرحمن
دكتور عبدالرحمن: الحمدلله ازيك انت ياحاج تمام
الحاج تمام: زين الحمد لله انا كنت رايح سوهاج لقيتكم قاعدين قلت اما اميل اسلم عليكم واتسفلكم كمان مره على اللي حوصل ده
الحاج حمدان: خلاص يا ابو فهد حوصل خير وياسين ولدنا برضه
الحاج تمام: ده العشم برضك. يا ابو جودة
الحاج حمدان: سليم ياسليم
سليم: مازال شارد الذهن ولم يجب  ثم  افاق وجاء مسرعا قأئلا: ايوة يابوي
الحاج حمدان: روح هات الفطار مع جودة اخوك عشان عمك تمام والدكتور عبدالرحمن
سليم: حاضر يا بوي
علي الناحيه المقابلة
رن هاتف فاطمه فذهبت ناحية السيارة لتتحدث في هاتفهااافاستندت عليهااا قائلة
فاطمه: وهي تنظر في مراة السيارة ايوة يا شاهندااا و
من. داخل السيارة راهااا ياسين فقام بفتح زجاج السيارة قليلا فنظر اليهااا قائلا: حالا ما قلبتي العرببه تسريحه
فاطمه: بفزع بسم الله الرحمن الرحيم بيطلعوا امتا دول
ياسين: شفتي عفريت ولا ايه
فاطمه: ده العفريت عند دمه عنك. يا خطاف البنات
ياسين: وبعدين في الغلط ده عااد
فاطمه: غلط هو انت لسه شفت غلط ده انا هطلع عينيك
ياسين: اللهم طولك ياروح
فاطمه: اكتر من كده
ياسين: انت عايزة ايه دلوك
فاطمه: انت اللي بتراقبني ليه
ياسين: واراقبك ليه ميت  في دباديبك وانا ما خابرش
فاطمه: لما مش ميت في دباديبي ممكن اعرف خطفتني ليه
ياسين: غلطه انتي اتخطفتي غلطة يا بومه يا فقريه يلي بوظتيلي خطتي
فاطمه: انا بومه يا خطاف البنات انت
ياسين: وبعدهالك عاااد انا همشي من المكان ده لاحسن لو قعدت اهنا دقيقه واحده هرتكب اجنايه
فاطمه: انا اللي همشي لاحسن انت واحد مجرم وبتخطف البنات وانا مش مستغنيه عن عمري
ياسين: يابوي زي لهطة القشطه بس لسانهل اطول منيهاا
فاطمه: بابتسامه مخفيه وكمان بتعاكس ده انت نهارك اسود معاياااا
ياسين: انا همشي من اهنا لاحسن انتي شكلك لسانك طويل وهتفضحيناا
فاخذ سيارته وابتعد قليلا بينما رجعت فاطمه الي نسرين وباقي البنات
علي الناحيه المقابله
اصطدم محمود بفرحه ودياب عندما راهم يجلسان سويااا يتبادلان الحديث والضحكات.... فاقترب منهما قائلا
محمود: كيفك يافرحه كيفك يا دياب
دياب:زين الحمد لله كيفك انت يا محمود
محمود: زين الحمد لله يعني انتوا هنااا
فرحه: جيت اسلم على فاطمه والبنات وهنروح دلوك انا ودياب نقيسوا فستان الفرح
محمود: ربنا يتمملكم علي خير يارب
فرحه: عقبالك يامحمود
محمود: ربنا يخليكي يافرحه مش محتاجين اي حاجه طيب
دياب: تشكر يامحمود
فرحه: طب عن اذنكم بقي يابنات عن. اذنك يامحمود
محمود: اتفضلى يافرحه
يوسف: محادثا نفسه الحمد لله ان محمود قدر يعدي المحنه دي انا كنت خايف اوي لاحسن اول ما يشوفهم مع بعض جرحه القديم يتفتح ويرجع تاني للاكتئاب ويعمل في نفسه كيف ما كان عاوز يعمل قبل سابق
علي الناحيه المقابلة
تالا: انتي كنتي بتتكلمي مع مين عند العرببه
فاطمه: هقولكم بعدين لان دي بجد بالنسبااي مفاجاءةمكنتش اتوقعهااا ____&_____________________&_______
علي الناحيه الاخري
يقف حسام امام كلية العلوم يتحدث في هاتفه بينمااا علي الناحيه المقابلة له تقف فتاة تنظر اليه من بعيد لبعيد خشية منها ان يراهااا
حسام: ايوة يعني ايه ياسهااا مش هتعرفي تساعديني ولا ايه
سها: انا مقلتش كده  انا بقولك اصبر بس يا حسام عليا يومين عشان والله العظيم الفترة دي مشغوله اووي
حسام: مشغوله اوكي مااشي
سها: الو الو ياحسام ياحسام
حسام: مشغوله قال هتعمليلي فيها مهمه انا غلطان اصلا اني عملت لواحده زيك قيمة
وبينما هو واقف يحادث نفسه اقترب منه معتز ابن خالته قائلا
انت واقف بتكلم نفسك ليه يا حوس
حسام: ايه ده معتز انت هنا يعني
معتز: جيت اخلص مصلحه كده  وقلت اما اعدي عليك وكويس اني ما تعبتش علي بال ما لقيتك
حسام: طب تعالي نقعد علي الكافيترياا نشرب حاجه
معتز: لا مش  وقته بس قولي بقي مالك يا ابني وشك باين عليه التوتر كده ليه
حسام: ابدا مفيش
معتز: عليا انا ده ابن خالتك وحافظك ما تتكلم يعم
حسام: بصراحه كده يا معتز بفكر انتقم من البنت دي اللي كلمتك عنهااا ومش عارف اوصلهااا لحد دلوقتي
معتز: يا ابني سيبك منها وبعدين انت بتقول انها محترمه يعني انسي اصلا انك توصل لقلبها وبعدين يا حسام دي بنت  وانت راجل والراجل ميجيش علي بنت واذا كان علي اللي عملته ده بصراحه كده متزعلش مني من حقهااا واي بنت محترمه مكانها هتعمل كده واكتر كمان
حسام: بس دي خلت شكلي وحش قدام الدفعه كلها لما ضربتني بالقلم
معتز: يعني انت مسكت ايدهاا وعايزهاا تقول فيك شعر احمدربنا اصلا انها ما قالتش لاهلها او حتي قالت للعميد كان زمانك دلوقتي  في الشارع
حسام: بقولك ايه خلصت المصلحه دي ولا لسه
معتز: اه خلصت ليه
حسام: ما اشوفش وش امك هنا تاني ده بدل ما تساعدني بتديني محاضرة
معتز: انا قلتلك الصح وانت حر بقي
حسام: غور ياعم غور عيل فقر
معتز: فقر عشان بقولك متجيش علي بنت ماشي ياسيدي عن. اذنك بقي
حسام: اول ما اروح من الجامعه هعدي عليك يلااا
معتز: ماشي مستنيك
ذهب معتز بينما وقف حسام يفكر في الذي قاله له معتز الي ان جاء الدكتور وذهب الي المحاضرة
_____&_______&_________&_________
علي الناحيه الاخري
داخل احدي المنازل المهجورة
يجلس وهدان برفقة رجاله يتبادلان شرب الحشيش  وخلفهم اسلحتهم
وهدان: ياسين لحد دلوك ما ادناش فلوس العمليه اصبروا يا رجاله
احد رجاله: ومش هيديك حاجه يا ريس وهدان عشان العمليه اصلا باظت
وهدان:  واحنا ذنبنا ايه عاد يا صالح احنا عملنا اللي قال عليه ونفذناه بالحرف الواحد
صالح: اللي تشوفه ياريس وهدان
ثم بعد لحظات دق الباب فاسرع صالح ليري من
وهدان: ميييبن
صالح:ده ادهم ولد الحاج مصطفى
وهدان: ادهم وده ايه اللي جابه دلوك دخله يا صالح واطمن ان محدش جايه وراه لاحسن نروحوا في داهيه
صالح: ماشي يا ريس وهدان
ادهم: كيف يا معلم وهدان
وهدان: زين الحمد لله يامرحب بالغالي اقعد
ادهم: له انا جايلك في كلمتين وماشي طوالي
وهدان: خير يا ادهم
ادهم: انت غلطت غلطة كبيرة انت ورجالتك ما تتداوش وعمي تمام ورجالته مش هيسبوكم في حالكم
وهدان: مش خابر تقصد ايه
ادهم: اقصد انك لو ممشتش من المكان ده في اسرع وقت  هتصحي تلاقي الحكومه فوق دماغك انت ورجالتك
وهدان:ومين  اللي هيدلهم علي  مطرحنا
ادهم:عمي تمام  من ساعة ما عرف  بعملة ياسين وانه عمل أكده  من وراه  وهومتحلفلك  انت ورجالتك
وهدان: زين انك قلتلي حاجه زي دي
ادهم: فتح عينك كويس قوي يا ريس وهدان عشان انا عايزك امعايا في عملية كبيرة قوي هتنقلك انت ورجالتك نقله تانيه 
وهدان: عملية ايه دي
ادهم:  هتعرف كل حاجه في وقتهاااا
✍️  علي محمد