رواية قد سرق... قلبي ♥ (مكتملة)

قد سرق قلبي

رواية
#قدسرق قلبي
#part16
تلاشي الليل سريعاا ومع فجر يوم جديد. اجتمعت عائله دكتور عبدالرحمن صباحاا لتناول الافطار  فخاطب دكتور عبدالرحمن تالا وفاطمه قائلا
دكتور عبدالرحمن: انتوا رايحين الجامعه ياتالا انتي وفاطمه
تالا: اه يابابا رايحين
دكتور عبدالرحمن: طب تعالواومعايا بعد ما تخلصوا فطاركم هوصلكم في سكتي
تالا: لا يابابا شكرا الحق انت وقتك عشان متتاخرش
دكتور عبدالرحمن: ليه يا بنتي ما تركبوا معايا
فاطمه: لا يابابا روح انت اصل نسىرين بتجيلنا تروح معانا فمش عايزين نعطلك
دكتور عبدالرحمن: طب تالا كنت عايز اتكلمك معاكي في موضوع كده
فاطمه: احم بتوزعني يادكتور ههههه ماشي
دكتور عبدالرحمن:  بوزعك ايه الالفاظ دي يافاطمه انتي بتجيبي الحاجات دي منين
فاطمه: من التوحيد والنور يابابا
تالا: هههههه روحي يلا انزلي لنسرين عشان واقفه بقالها كتير تحت وانا هشوف بابا وهحصلك
فاطمه: موافقه بس بشرط
دكتور عبدالرحمن: وايه شرطك بقي يا غلباويه انتي
فاطمه: تحكيلي انت قلتيلي ايه يابابا عشان بالي يرتاح
تالا: ههههههه ماشي ياستي يلا بقي عشان نسرين عمال ترن عليا اهي
فاطمه: اوكي ماشي 
خرجت فاطمه واغلقت الباب خلفهاا بقوة دون قصداا
فاطمه: محادثةنفسها  ياخبر انا اسفه يابابا ههههههه
دكتور عبدالرحمن: البنت دي شغاله في مافياا ولا ايه انا مش فاهم حاجه
تالا: متاخدش عليها يابابا هي مجنونه شويه
دكتور عبدالرحمن: يكون في عونك عليها ياتالا يابنتي
تالا: هههههههه اعمل ايه بقي مضطرة استحمل جنانها ده
دكتور عبدالرحمن: طب ياحبيبتي اسمعيني كويس في اللي هقولهولك ده
دكتور عبدالرحمن: اتفضل يايابابا.....
علي الناحيه المقابله لهم واسفل العمارة بالتحديد تقف فاطمه مع نسرين  يتبادلان الحديث والضحكات ينتظران تالا
فاطمه: تالا جايه دلوقتي بس ادعيلها هي دلوقتي بتنحاسب
نسرين: ههههه يخرب بيتك فقرك ايه اللي بتقوليه ده
فاطمه: قاعده مع بابا تقريبا كده  بيتكلموا في موضوع شخصي شويه
نسرين: وهو ده وقته عايزين ننجز
فاطمه: قال يعني هتطلعوا دكاترة ده انتوا لو جبتوا مقبول تحمدوا ربنا
نسرين: المقبول ده للفاشلين اللي زيك
فاطمه:  قلتي ايه ياعنيا عشان مسمعتش
نسرين: هههههه بقول ان انا وتالا فعلا فاشلين
فاطمه: ناس تخاف متختشيش
نسرين: اهي تالا جت اهي
فاطمه: اثبت مكانك ياشبح انت ومن سكات كده  قوليلي بابا قالك ايه
تالا: يخرب بيتك اديني فرصه  حتي اسلم علي نسرين.
فاطمه:  ليه بقالكم سنه مشفتوش بعض ولا ايه هههه
نسرين: ههههههه ازيك. يا تالا
تالا: الحمدلله يانسىرين
فاطمه: هنخلص اليوم سلامات ولا ايه
تالا: بعد ان نظرت في ساعتهااا ياخبر ده الساعه داخله علي 8 يلا بينااا
نسرين: طب ثواني  هوقف تاكس
فاطمه:  خلاص بابا نزل اهووو يلا نركب معاه
تالا: ماشي يلا يانسرين
دكتور عبدالرحمن: كويس اني لحقتكم تعالوا بقي اما اوصلكم
نسرين: ميرسي جدا  يا اونكل
فاطمه: اعملي حسابك يا تالا في الجامعه هتحكيلي
تالا: بطلي رغي بقي ماشي قلت
نسرين: مجنونه مجنونه يعني
دكتور عبدالرحمن:  فاطمه بس زن ياحبيبتي مش هيبقي البيت وهنا كمان
فاطمه: امرك ياكبير
تالا ونسرين: هههههههه
دكتور عبدالرحمن: مش قلتلك. ياتالا زعيمة مافيااا
فاطمه: انا يابابا زعيمة مافيااا
دكتور عبدالرحمن: استني معايا مكالمه 
فاطمه: اوكي يابابا
_________________________
يقف محمود مع بعض اصدقائه امام كلية الحقوق بجامعه اسيوط وعلي الناحيه المقابله لهم يقف ثلاثة من الفتيات احداهن تشير علي محمود. قائلة
احدي الفتيات: يابنات مش ده محمود
فتاة اخري:  اه محمود قريبك يا نجلاء
نجلاء:  لا ده من عندنا من نفس البلد مش قريبي
احدي الفتيات:  هو مش بييجي الجامعه كتيرة ليه يا نجلاء
نجلاء: مش عارفه يا دعاء بس تقريبا كده يعني بيشتغل في الارض بتاعتهم او حاجه زي كده
احدي الفتيات: وانتي مركزة معاه ليه اوي كده. يادعاء
دعاء: لا والله مش قصدي حاجه انتي فهمتي ايه ياندا انا بس مش بشوفه كتير في الجامعه فعشان. كده. سالت
نجلاء: تلاقيه جاي يشوف اللي ناقصه من المحاضرات
دعاء: فعلا هو كان بيسال صحابه علي محاضرات من شويه
ندا: طب بس عشان شكله خد باله اننا بنتكلم عليه
........
محمود: يعني انت عايو تفهمني انك. بتنزل الجامعه كل يوم ومش معاك المحاضرات يا اسلام
اسلام: يا ابني ما انت عارف انا مليش في جو المحاضرات ده انا بنزل افطر انا والعيال وناخد لفتنا في الجامعه وبعدين بروح السكن
محمود: ياريت كان عندي وقت زيك كده مكنتش فوت محاضرة واحده
اسلام: فكك ياعم بلا محاضرات بلا وجع قلب
محمود: ايه اللي انت بتقوله ده اومال هنذاكر ازاي ولما ييجي الامتحان نقول ياريتنااا
اسلام:  طب ما تشوفهاا في المكتبه يا ابني
محمود: رحت ملقتهاش كامله
اسلام: طب تعالي بس نفطر دلوقتي وبعدين نشوف حوار المحاضرات ده
محمود: افطر ايه يا اسلام انا جاي من سوهاج لاسيوط عشان افطر وامشي انا لازم اجيب المحاضرات دي قبل ما اسافر سوهاج تاني
اسلام: ايه ده انت هترجع سوهاج النهارده برضو
محمود: ايوا ياعم عشان الاسبوع الجاي ده هجيب حاجتي عشان الامتحانات خلاص مش باقي عليها غير اسبوعين هبقي اسبوع وانزل
اسبلام:  ياعم كنت ريحتلك يوم معانا وبعدين سافرت
محمود: مش هينفع يا اسلام اسيب امي وعاصم المهم دلوك انا همشي ولو عرفت حد معاه المحاضرات كامله
ابقي كلمني
اسلام: ماشي انت هتركب قطر كام
محمود: اي قطر هيطلع دلوك هركبه عشان الحق وقتي بدري
اسلام: ماشي ياحودة توصل بالسلامه
محمود: الله يسلمك
اسلام: تعالي بقي اما اوصلك
محمود: ماشي ياعم تشكر يلا بينااا
________________~_________
داخل مقر شركة دكتور عبدالرحمن النجار
حمزة: خلاص يا يوسف انت وعلي انتوا كده المفروض عرفتوا كل حاجه فاضلكم بس حاجه واحده انكم. تطبقوا الحاجات دي عملي
يوسف:  تمام. يا استاء حمزة احنا بس مسالة الوقت هي العائق الوحيد قدامنا دلوك.
علي: فعلا زي ما قال يوسف كده   مسالة الوقت دي هتكون اكبر عائق لاننا بندرس وعلي بال ما بنطلع من الجامعه وبنيجي هنا مش  بنلاحق
حمزة: انا عارف كده كويس عشان كده انا عرفتكم بس بعض الاساسيات وبعدين لما تمتلكوا الوقت الكافي هنبتدي نطبق اللي انا شرحتهلكم ده
دكتور عبدالرحمن:  ازيكم يا شباب
يوسف وعلي: الحمدلله يادكتور
يوسف: دكتور بعد اذنك. ممكن اقول حاجه
دكتور عبدالرحمن: اتفضل يا يوسف
يوسف: دلوك استاذ حمزة شرحلنا بعض الاساسيات في طرق ادارة الشركه بس في مشكله مكناش واخدين بالنا منها انا وعلي
دكتور عبدالرحمن: مشكله ايه دي
يوسف: دلوك الامتحانات بتاعتنا مش  فاضل عليها غير اسبوعين بس وكده مش هنلحق حتي نذاكر ولا نراجع علي اللي احنا درسناه
دكتور عبدالرحمن:  اه يعني عاوزين تيجوابعد الامتحانات مش كده
يوسف:ايوا  يادكتور
دكتورعبدالرحمن:مفيش مشكله المكان مكانكم ومفتوحلكم في اي وقت علي: ميرسي اووي يا دكتور
دكتور عبدالرحمن:بالتوفيق ياحبايبي
يوسف:تشكر يادكتور نستاذن حضرتك.دلوك
دكتورعبدالرحمن:اتفضلواا
_______________________
داخل منزل الحاج حمدان
تجلس ياسمين بغرفتهاااا امامهاابعض من الكتب تقوم بمذاكرتهااا فيقطع تركيزهاا والدتها قائلة
ياسمين يا ياسمين
ياسمين: من الداخل ايوة يا امي جايه اهااا
ام جودة: شوفي مين علي الباب يابتي
ياسمين: حاضر يا امي قايمة اهاااا
وصلت ياسمين الي الباب وقبل ان تقوم بفتحه  حادثت نفسها قائلة: تلاقيه سليم ولا ابوي
ثم. بعد ان فتحت تفاجائت باحمد امامه فتبسمت قائلة: احمد ايه المفاجأة الزينه دي
احمد: كيفك يا ياسمين
ياسمين: بكسوف الحمدلله زينه ادخل يا احمد
ام جودة من الداخل: مين يا ياسمين
ياسمين: ده احمد ولد عمي يا امي
ام. جودة: طب قوليله يدخل يا ياسمين
ياسمين:  حاضر يا امي
احمد: اتوحشتك قوي يا ياسمينتي
ياسمين: بزياداك. عاد ولا انت  بتحب تكسفني دايما أكده
احمد:  بقولك اتوحشتك ردي زين اومال
ياسمين: وانت كمان يا احمد وحشتني قوي
احمد: بزياكي عاد انتي علي طول بتكسفيني أكده هههههه
ياسمين: بتتريق عليا يا احمد ماشي ماشي
احمد:  بهزر معاكي يا ياسمينتي حرام ولا ايه لما اهزر مع مرتي
ياسمين: له ياعم هزر براحتك
احمد: كيفك يامرت عمي
ام جودة: الحمدلله يا احمد انت كيفك وكيف ابوك وامك وشيماء
احمد: بخير والله يامرت عمي اومال عمي فين هو وسليم
ياسمين:عمك. في الشغل من بدري هو وياسين زمانه جاي دلوك
ام جودة: هعملك الشاي علي بال عمك ما ياجي
احمد: ماشي يامرت عمي
ياسمين:  قولي بقي بقالك كام يوم مبتجيش ليه بقي
احمد:  معلش والله ياسمين كنت بخلص ورق أكده
ياسمين: ورق ايه ده يا احمد
احمد: بصراحه كده مكنتش عايز اقولك عشان متدايقيش بس خلاص مش هينفع اخبي عليكي أكتر من أكده
ياسمين: يامري في ايه يا احمد وقعتي قلبي
احمد: ههههههه اطمني متخافيش مفيش حاجه  كنت بخلص ورق السفر يا ياسمين
ياسمين: انت مش لسه اجازتك فيهااا كتير سفر ايه دلوك عاد
احمد: اهاا عمي وسليم وصلوا اهم
احست ياسمين بخجل من والدهااا واخيهاا فهمت بالدخول فاستوقفهااا احمد قائلا: خجلانه من ايه انتي مرتي يا ياسمين وغير أكده بنت عمي
سليم:  كيفك يا احمد
احمد: زين الحمدلله كيفك انت ياسليم  انت وعمي
الحاج حمدان: زين ياولدي
ياسمين: عن. اذنك يابوي
الحاج حمدان: اقعدي يا ياسمين انتي خجلانه من ايه ده احمد واد عمك وجوزك
احمد: ما انا بقولها أكده والله ياعمي مش  مصدقه هههههه
سليم: خلاص سبها علي رحتها يابوي
احمد:  قومي يا ياسمين شوفي مرت عمي علي بال ما اتكلم مع عمي كلمتين وامشي طوالي
ياسمين: حاضر
سليم: كلمتين ايه انت مش هتمشي من اهنا الا لما تتغدا معانا
احمد: غدا ايه عاد ده انا بس قولت اجي اسلم عليكم عشان مسافر
الحاج حمدان: مسافر كيف ده ومسافر ميتا اومال
احمد: النهارده ياعمي باليل
سليم: كيف ده يا احمد انت مش اجازتك فاضل فيها شهر
احمد: ايوا يا سليم بس دلوك الكفيل اللي انا شغال معاه مسافر هو وولاده وبيصفي شركاته واتصل بيااا وقالي تعالالي في اقرب وقت علشان تاخد فلوسك
الحاج حمدان: طب زين قوي انك هتاخد افلوسك اهااا
سليم: ايوا بس دلوك فيه مشكله يابوي احمد. ولد عمي عقده لسه فاضل فيه سنه كمان هيعمل ايه في السنه دي هناك من غير شغل
احمد:  ربك هيعدلها ان شاءالله ياسليم
سليم:  والله انا مش عارف ايه اللي بيحصلنا ده نخلصوا جامعه وجيش وبعد أكده نتغربوا ونقضوا حياتنا كلها في الغربه
الحاج حمدان: وانت اتغربت فين عااد ده انت مفارقتنيش دقيقه واحده ههههه
احمد: هههههههه علي قولك ياعمي
سليم: مش بتكلم. عني بتكلم. عن شباب مصر كلهااا
اللي عمرهاا كله بيضيع في الغربه
احمد  : الحمدلله احنا احسن من غيرنا ياسليم
الحاج حمدان: عن اذنك يا احمد ياولدي هريح اشويه خد رحتك البيت بيتك
احمد: اتفضل ياعمي
سليم:  طب ياعم بما انك. امسافر مش هحرمك من القعدة مع مراتك عشان متفتكرليش دي خصوصا يعني لاننا هنوصلوا النسب من تاني
احمد: هههههه ماشي ياسليم.
___________________
تقف تالا بجوار فاطمه في انتظار ياسمين يتبادلان الحديث
تالا: اتصلي بنسرين شوفيها اتاخرت ليه كده
فاطمه: اهي جايه هناك أهي
تالا: اوكي
فاطمه: قوليلي بقي بابا كان عاوزك في ايه
تالا: انتي مبتنسيش حاجه خالص
نسرين:  اسفه يابنات اتاخرت عليكم
تالا: ولا يهمك يلا بيناا بقي
فاطمه: بصي انا زنانه ومش هسكت الا لماتحكيلي بابا كان عاوزك في ايه
تالا: انتي شغاله في الbbc ولا ايه خايفه يفوتك خبر
فاطمه: هاها المفروض اضحك صح
نسرين: قوليلها ياتالا واخلصي من زنهااا
تالا: هقولك. علشان تلحقي تنشري الخبر في جرنان بكره
فاطمه: هههه ايه العسل ده انجزي يا جميل
تالا: كان بيقولي ان اونكل شوكت جاي عندنا النهارده هو وعادل ابنه عشان يتقدملي
فاطمه: مين عادل الولا الملزق ده ياريتني ما سالتك ههههههه
نسرين: طب وانتي رايك ايه يا تالا
تالا: مش عارفه بس زي ما قال بابا كده  هقابلهم عادي واللي فيه الخير  يقدمه ربنا
فاطمه: طب نغير الموضوع ده عشان انا مبحبش الواد ده ولما بسمع سيرته بتخنق
نسرين: هههههه ده انتي بتحبيه اووي
فاطمه: حبه برص انا احب ده ده انا احب العما ولا احبه
تالا: محاولة استفزازهاا متكدبيش يافاطمه باين في عينيكي اهو انك. بتموتي فيه
فاطمه: تالااااااااا  كلمه زياده هقتلك واقتله واقتل نسرين واسلم نفسي
نسرين: ههههه وانا مالي الله
تالا: طب ثواني يابنات ارد علي ماما بتتصل
-____________________
داخل منزل الحاج حمدان
يقوم جودة بتغيير  جلبابه بينما تعاتبه زوجته قأئلة
ممكن افهم انت مش بتتكلم معايا ليه ياجودة
جودة: بعصبيه عايزاني اتكلم معاكي كيف بعد ما عليت صوتك عليا قدامي امي وابويااا
حنان:  انا اسفه بس انت استفزتني ياجودة
جودة: عندنا اهنه غير عنديكم في مصر مينفعش المرة تعلي صوتها علي جوزها المرة اهنه تقول حاضر ونعم وبس ثم انا خلاص خدت القرار الاخير اني هشتغل اهنا في بلدي
حنان:وهتشتغل ايه ومع مين
جودة: هشارك ادهم ولد الحاج مصطفي في محجر كبير
حنان: بعد ان وضعت يدها علي قلبهاا ادهم
جودة: مندهشاا مالك اتخضيتي أكده لما سمعتي اسم ادهم انتي تعرفيه ولا ايه
حنان: محاولة انقاذ الموقف لا معرفوش بس انت واثق في الشخص ده
جودة: ايوة واثق فيه ده صاحبي من واحنا صغار
حنان: محادثة نفسهاا ربنا يستر لاحسن ادهم ده مبيجيش من وراه غير الشر
جودة: انا نازل دلوك عشان رايح اوصل احمد ولد عمي المطار ابقي عشي العيال قبل ما يناموا
حنان: اتعشوا وناموا من بدري
جودة: زين قوي عن اذنك
_________________
يجلس ياسين داخل محل للموبيليا والاخشاب يراجع بعض الحسابات وهو يتصبب عرقاا فيدخل اليه احد العمال فبخاطبه ياسين قائلا
هو مين اللي راجع الحسابات امبارح ياعم احمد
العامل: استاذ ادهم ولد عمك
ياسين: ادهم طب روح انت ياعم احمد وابعتلي ادهم بسرعه.
العامل: حاضر يا يايسن بيه
ياسين: محادثا نفسه عمله تعملها دي يا ادهم الكلب
بعد قليل دخل ادهم قائلا
عمي احمد. قالي انك عاوزني
ياسين: فيه عشرة الاف جنيه ناقصه من الخزنه راحت فين يا ادهم
ادهم: وانتي بتسالني انا ليه انا ما اعرفش حاجه عن اللي بتقوله ده
ياسين: بصوت عالي لان محدش غيرك. عمل أكده
ادهم: انت بتعلي صوتك علي يا يايسن قدام العمال
ياسين: اسمع زين يا ادهم انا خابر زين ان محدش غيرك عمل أكده وياما عملت أكده وانا جدعنه مني كنت بعديهالك وساعات كنت بدفعهااا من جيبي وكل ده عشان ابوي وعمي ميخسروش بعض ويفضوا الشراكه اللي ما بينهم بس انت طلعت واحد كلب مبتقدرش حد
فهد: صوتكم عالي ليه أكده
ياسين: مفيش حاجه يافهد
ادهم: لا فيه اخوك بيقول اني سرقت عشرة الاف جنيه
فهد: صوح الكلام ده. يا ياسين
ياسين: صوح ولا مش صوح عاد خلصنا يافهد وانت يا ادهم مش عاوز اشوف وشك في المكان ده من النهارده
ادهم: اكده. يا ياسين ماشي انا همشي بس هدفعك تمن اللي انت بتعمله معايا ده غالي قوي
ذهب ادهم مسرعااا.. ثم تبعه فهد ابن عمه. في محا ولة منه لانقاذ الموقف
________________
وصل احمد مطار القاهرةة ثم قام بتوديع كل من والده وابن عمه الاكبر جودةة وجلس ينتظر  قيام الطائرةوهو يحادث نفسه قائلا
هتوحشيني قوي يا ياسمين عارف انك دلوك. بتبكي عشان انا مسافر بس انا غصب عني والله يابت عمي ربنا وحده اللي يعلم انا بحبك قد ايه ثم فاق علي صوت المذيع الداخلي وهو يقول الي  السادة الركاب الطائرة ستقلع بعد عشرة دقائق  فحمل حقيبته عندما  وصل الي الطائرة وبدا بتسلق سلمهااا   رن هاتفه برقم مجهولا مما اضطره ان يجيب عليه قائلا
ايوى انا احمد انت متاكد من  اللي بتقوله ده
المتصل:ايوة 
احمد:يابوي والعمل  ايه دلوك هات العواقب  سليمه يارب
✍️  علي محمد