Love You, Zindagi (COMPLETED)

Hota hai ye sabko ek baar...

Roon fone sunkar muskuraane laga, shaadu kisi kaam ki wajah se apna fone roon ko de kar gaya tha, tab hi aashi ka fone aaya. Wo zanaana side ki taraf gaya, aur jab usne aashi ko dekha, to who apni nazren hataana hi bhool gaya, aashi bahut zyaada khoobsurat lag rahi thi.

Jab aashi ne shaadu ke badle roon ko dekha to roon ne shaadu ka fone use dikha diya. Marta kya na karta ki surat thi, usne apna camera roon ki taraf badha diya aur kaha "if possible ye shaadu ya zaahir ko de dijiye aur kahiye ki bhaiyya ki photos le"

Roon ne bina kuch kahe camera liya wahaan se chala gaya, kuch der baad aashi ke fone par kisi ka fone aaya, aur usne jo khabar suni usse uski cheekh nikal gayi, wo daud kar gulchi ke paas pahunchi aur usne jo khabar fone par suni wo unhe sunaadi,wo bahut khush ho gayin thi.

Unka result jo dus din baad aane waala tha, wo aa gaya tha, aur sab log paas ho gaye the, aur usne top kiya tha kisi aur ke saath, usne ye khush khabri nazir ko bhi sunaayi, aur usne shaadu ko fone kia aur khush khabri sunaayi, us taraf roon tha usne kaha mere result ka kya hua? Tab aashi ne kaha tum bhi paas ho gaye ho. Aashi ne pehli baar roon ko tum kaha tha.

Shaadi bahut achche se chal rahi thi, par aashi bechain phir rahi thi, usne aaj pehli baar heel pehni thi jiski wajah se uske paanv may dard ho raha tha, wo chupke se bahar aayi aur gaadi ki taraf chaldi, roon ne jab use gaadi ki taraf jaate dekha, to woh bhi uske peeche chal diya, wahaan jaakar usne jo dekha use hasi aa gayi, aashi apne chappal utaar kar gaadi may rakh rahi thi, aur usme se sneakers pehen rahi thi, jab roon ko usne wahaan dekha to hairaan reh gaya, aashi ko thodi mushkil ho rahi joote pehenne ke liye, uske kapdon ki wajah se, tab roon ne kaha "laao main pehna deta hoon, warna tumhara dress kharaab ho jaayega, aashi bahut hichkichaane ke baad maan gayi.

Roon ne bahut aaraam se use joote pehnaaye, aashi ne shukriya ada kiya, jaise hi roon jaane waala tha, aashi ne use pukaar liya. Uski pukaar sunkar roon thoda chaunk gaya, aur jab palat kar dekha tab aashi ne kaha "kya tumhe choodiyaa utaarna aata hai?"

Roon ne haan may jawaab diya, kyunki wo apni ma ki madad karta tha, so use pata tha, wo aashi ke paas aakar dheere dheere uski choodiyaan utaar raha, aashi pehli baar uske itni karib thi, use kuch ajeeb lag raha, par kya kare use choodiyaan kisi haal utarwaana tha.

Roon ne chudiyaan asaani se utaar di. Aashi ne kaha "tumhe sorry aapko... practice hai kya choodiyaan utaarne ki?" is par roon ne kaha "haan main mamma ki help karta hoon, aur tum mujhe tum keh sakti ho, aap kehne ki zarurat nahi" aashi ne haan may sir hilaaya aur muskuraadi.

here's the next chapter

please vote, like and comment.

JazakAllah khair

Tamzeen