حب بعد مصاعب❤

الحلقه 1❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 1💗

الساعه 1:30عند ميرال واهلها قاعدين يتغذوا
عصام:لنقنا غذاء صح سلم ايديك ياسعودي
سعاد بضحكه:سلمك ضروري اتشفط انت
عبدالسلام:شن جو قرايتك ولا يوم هك ويوم هك
عصام:ميه ميه والدكتور قالي كلام فرحني
كلهم:شن هوا
عصام:قالي حتا السنه الجايه انا وياك مع بعضنا
كلهم انصدموا وضحكوا
ميرال:ياغبي قصده الدكتور ح تاخد معاك الماده يعني قاعد معاه قصدا إنك فاشل
عصام:حي علمااا وانا نقولا شكرا يادكتور
نجاح:غبي والله
عصام:طالعلك

عند انس وهله قاعدين يتغذوا حتا هما
ساره:ماما بعدين بيجني صاحباتي
زياد عيونه قلوب:اي خليهن يتفضلن
كلهم استغربوا فيه
زياد بربكه:قصدي خليهن يجن
ساره بضحكه:ماشاورتكش انا
زياد:انا نعطي رأي ضروري
ساره:بارد
زياد:تعالي سخنيني
جو يجروا من الدروج عويل منعم إبراهيم ويارا
إبراهيم ويارا:عمو انس عمو انس
انس:تعالوا ياحبايب عمو
يارا:عمو انس إبراهيم يضرب فيا
انس:عيب ياإبراهيم مش قتلك ماعش تضرب أختك
زياد:انتوا جايين تجروا لي انس بس ونحنا مش عمامكم
يارا:انا نحب عموا انس
ناديه:عشان انس يحب العويل الصغار وحتا عويل منعم ديما مدلعهم عشان هك يحبوه
زياد:منورين ياعويل سناء
ساره بضحكه: مش عارفه عليش تكرهها
زياد:هك ماتنزمطش باره بككل
إبراهيم:عيب يازياد العويل قاعدين
زياد:باهي سكتت

عند ميرال وهلها تغذوا وقعدوا يهدرزوا

الساعه 5:00
ميرال:عصومي
عصام:نعم
ميرال:انا ونجاح مكسدين بككككككل
عصام:باهي والمطلوب
ميرال:طلعنا ندهوروا
عصام:من عيوني هيا إلبسن
ميرال ونجاح فرحن وعدن يلبسن
سعاد:ربي يخليك لهن ويخليكم لنا
عصام:انشاءالله ياسعودي ويخليك لنا انتي وعبدو
عبدالسلام وسعاد بضحكه:انشالله

عند ميرال عدت دارها لبست=سروال بوي فريند ازرق ومعاه قميص بنفسجي ووشاح بيج وكندره بيج دارت ميكب خفيف وبخت عطرها 🤤❤️
رنت ع سالم
سالم:الو حبيبتي شن جوك
ميرال:تمام باقلبي وانت
سالم:تمام بعد سمعت صوتك شن اديري
ميرال:بنعدوا ندهوروا مع عصام انا ونجاح
سالم:اممم وكان قتلك ماتعديش
ميرال:مستحيييل اصلا انا نخبر فيك ماناخدش في رايك
سالم بضحكه:عليك طولة لسان فيك انا نبصر معاك عدي وغيري جوك بس لازم نشوفك
ميرال:تمام توا بعد نقعدوا في مول او أي مكان نقولك بس تعال قدامهم كأنك جاي بالصدفه مانحبش جو اللقاءات
سالم:حاضر ياقلبي
لبست ميرال ونزلت بعدها نزلت نجاح وطلعن مع عصام

عند انس عدا لي المستشفى وقعد يشتغل

عند ميرال ونجاح ومعتصم قعدوا يدهوروا شويه بعدها عدوا لي كافي في مول طلبوا كريب وقعدوا ياكلوا شوي هك وجا سالم
سالم وعيونه في ميرال:اووو عيت عمتي قاعدين هنا صدفه سمحه صح
كلهم:اهلين سالم
عصام:تفضل حماتك بتحبك
سالم شاف لي ميرال:اكيد بتحبني
جا سالم وقعد معاهم
عصام:شن ادير في المول
سالم:جاي نسترزق(قصدا يكحل😂💗)
ميرال فنصت فيه
سالم:انبصر معاكم جاي ندهور انا وصحابي
ميرال ابتسمت
نجاح:وين البنات كنكم ماعش جيتونا
سالم:قالوا بكرا بيجوكم

في مكان ثاني
سعد بعصبيه:وين حاجات الي كانن هنا
ايه طلعت من الدار بخوف:شنو
سعد بعصبيه:قتلك وين الدبش الي كان هنا
ايه:اها في الدار
سعد بعصبيه:ماعش تحركي حاجه بذون اذني
ايه قعدت تبكي
سعد:هذا الشي الي فالحه فيه تبكي بس يانعن بو الزواجه الي هك
ايه:عليش تغيرت عليا ياسعد شن درتلك من لما تزوجنا وانت دايرني خدامه انطيب وانظم بس
سعد:هك بي مزاجي انا عاجبني هك
عدت ايه دارها تبمي بالعبره وهيا ندمانه ع حاجات واجد
ايه:كلمه ياريت ماتنفعش💔

عند حوش انس ساره جايتنها صاحباتها قاعده معاهن
زياد جا من برا:سارونه تعالي
ساره استغربت:شوي بنات ونجي
بنات:خوذي راحتك
عدت ساره لي زياد
ساره:سمعتك قلت سارونه زعما شن وراه هالدلع
زياد:شي ياقلبي شن جو صحباتك
ساره:اهااا انت تسأل ع صحباتي مش عليا
زياد:باهي صاحبتك بسمه جت
ساره بضحكه:اها
زياد عيونه قلوب:باه باه
طلع زياد وهوا فرحان
(طبعا زياد لا يحب بسمه ولا شي معجب بيها بس هوا اي بنت يلقاها يعجب بيها مزال ماحبه ولا وحده😂🙂💗)

عند ميرال في الكافي
ميرال:هيا ياعصام نعدوا
عصام:هيا
صبوا كلهم
سالم:انا ماشي مع السلامه
كلهم:مع السلامه
عدا سالم وركبن البنات وعدن مع عصام ووصلوا لي حوشهم
بنات وعصام:السلام عليكم
عبدالسلام وسعاد:وعليكم السلام
نجاح:ماما بكرا عيت خالي يونس بي يجونا
سعاد:اهلين بيهم خليهم يجو
ميرال ونجاح عدن دارهن يبدلن

عند انس الساعه7:00روح لي حوشهم وخشا الصاله ولقاه هله كلهم قاعدين حتا سناء مرت خو منعم
انس:السلام عليكم
كلهم:وعليكم السلام
جا انس وقعد معاهم
سناء:اهلين انس شن جوك
انس:تمام الحمدالله وانتي
سناء:كويسه
زياد:قررت نتزوج
كلهم قعدوا يضحكوا
زياد:كنكم
ناديه:توا انت متاع زواج
زياد:معقوله ياناديه هازيه عليا
ناديه بضحكه:لا مش هازيه بس انت مزال صغير ومش عاقل مزال طايش
سناء:واصلا من بنت الناس الي نزرطوها فيك حرام
زياد:كيف ماتزرط خويا منعم فيك
سناء انقهرت لأنه هيا وزياد مايحبوش بعض
انس وساره شادين ضحكتهم
ناديه:وكنه وليدي توا يعقل مزال صغير
زياد:تي نجك ليا ياست الكل انا نبصر ناقصني زيجه وصداع راس زوجوا انس
انس شاف لي زياد بتفنيصه
ناديه:صح انس مفروض تزوج خلاص راك كبير مواليد 90
انس غمتله:انا مسكر عليها السيره هذي
إبراهيم:صح كلام امك انت حتا حوشك واتي مزال بنت الحلال بس
انس غمتله وصبه طلع
ساره قالت لي زياد بصوت واطي:ياريتك ماجبتش السيره
زياد:لعند امتى يقعد يذكر في الماضي
ساره بحزن:الله لا يسامح الي كان السبب

انس طلع من الحوش وهوا غامتله مايحبش يسمع سيرة الزواج بكل عدا ركب سيارته ورن ع صاحبه
جهاد:اوو طيري شن جوك
انس:ميه ميه وين قاعد
جهاد:قاعدين أنا والشباب عند خالد
انس:تم جايكم
سكر انس من جهاد وعدا لي صحابه

عند ميرال وهلها قاعدين يهدرزوا كلهم
ميرال:بابا كنك نحس فيك مش ع بعضك
عبدالسلام بحزن:شي يابابا
عصام:صح ياباتي حتا انا حسيتك في اليومين هذينا تسرح واجد شن فيه
عبدالسلام:مشاكل في الشغل نفكر فيهن بس
ميرال:انشاءالله ينحلن يا بابا ويوفقك في شغلك
عبدالسلام:نجيها بنيتي الي تدعي لي باتها

عند انس عدا لي حوش خالد خش لي المربوعه
انس:اووو صوني من ورايا
جهاد:لا مش من وراك نحسابوك عندك مناوبه ليليه
انس:لا قاعد
جا انس  قعد معاهم وقعدوا يلعبوا

يتبعع....

طبعا هذي نبذه بسيطه وعشان اول حلقه قصيره مزال في شخصيات اخره وفي أحداث واجد رايكن وتفاعلكن💗