حب بعد مصاعب❤

الحلقه 33❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 33💗

جهاد:واحد اسمه احمد## من عائلة## يسكن في ##
انس بصدمه:متأكد
جهاد:اها تعرفه
انس:تي هذا نفس عائلة مرت خويا
جهاد بصدمه:متأكد
انس:اها هيا اسمها سناء## ##وهوا اسمه احمد####
جهاد بصدمه:الي في بالي في بالك ولا لا
انس:اها اسمع توا انا بنعديله
جهاد:تكي عليا نعدي معاك
انس:تم
سكر انس منه وهوا مصدوم شاف لي ميرال الي دايخه ومش معاه بكل حس روحه ظلمها حس روحه تهور وندم بكل
انس ناض:انا طالع توا انجي
ميرال هزت راسها
انس ركب سيارته وعدا لي جهاد

عند تسنيم رنت ع ساره
ساره:الو نيمو
تسنيم:شن جوك
ساره:تموم وانتي
تسنيم:تمام سارونا بنقولك ع شي
ساره:شن في قولي
تسنيم:انا وياك متعودات نحكوا أدق التفاصيل لي بعضنا صح
ساره باستغراب:اها صح شن في
تسنيم:انا درت صديق........وهذا كل شي
ساره بصدمه:وعليش ما خبرتيني إلا توا
تسنيم:نسيت باهي انت شن رايك في الموضوع
ساره:حتا انا فيه شي صاير بنقولك لك
تسنيم:شن هوا
ساره:زياد قالي نشريلك اللبسه الي عاجبتك ونطلعلك للمحلات بس بشرط تقولي لي تسنيم زياد يدور في بنت وقالي شوفيها مرات عندها صاحبتها وقوليلها زياد قال هك
تسنيم بصدمه:احلفي
ساره:وحق ربي هي
تسنيم بابتسامة خبث:انا فهمت شن في راس زياد
ساره:شن هوا
تسنيم:زياد قال هكي عساس عشان انا نتنرفز وهكي المهم هوا بيقعد عساس بيخليني نغار وهك
ساره:بس حسيته يحبك صح او بدا يحبك
تسنيم:مش عارفه كيف صار هكي انا وزياد كنه ديما عرايك وضحك وجو يعني علاقة عويل عم وقريب الخوت وهوا كيف يحبني
ساره:اسمعي نيمو مافيش حاجه اسمها زي خويا خوك الي جاباته أمك بس راه زياد ولد عمك ولما شافك في الحمام اكيده حس بي مشاعر وفتح عيونه عليك اليوم هذاك وخلاص ع قولته قعد يفكر بيك ولما شافك تكلمي في ولد غار
تسنيم:توا انا شن اندير
ساره:حاولي تحرقيه تخليه يغار عشان يعترفلك وح تتقربةا من بعضكم واكيده ح تحبيه ولنقنكم ماشينن مع بعضكم نعليا تقعدي مرت خويا
تسنيم بضحكه:خيالك واسع تمام
قعدن يهدرزن

عند انس عدا لي جهاد وقعد يبيي طلعله زياد ركبوا السياره
جهاد:توا بنعدوا لي حوشهم
انس:اها
عدوا وقعدوا ساكتين لعند وصلوا الحوش
انس:انا توا ننزل خليك هنا نركبوه معانا
جهاد:تم
نزل انس وعدا يدق الباب فتحله راجل كبير في العمر انس لما شافه انصدم
انس بصدمه:عمي ناجي
ناجي:أهلين انس كيف حالك
انس:تمام الحمدالله وانت
ناجي:تمام تفضل
انس:زيد فضلك احمد قاعد
ناجي:اها
انس:معليش كلمه ليا
ناجي:تم
انس قعد يستنى في احمد وهوا مصدوم شوي وطلع احمد
انس شافه عرفه وانصدم
احمد بربكه:انس
انس:نبيك في موضوع
احمد بربكه:تمام
انس:مع سلامه ياعمي ناجي
ناجي:مع سلامه
ركب احمد مع انس وجهاد في السياره وتحركوا وهما الثلاته ساكتين لعند وصلوا لي حديقة فاضيه
انس:انزلوا هي
نزلوا هما الثلاته
انس:صار انت يا احمد
احمد بربكه:شنو
انس عطاه بوكس:مع من تعاملت
احمد بخوف:شنو
لحظه نحكيلكن
(احمد يبقى ولد عم سناء وانس لما فتحله ناجي عرف الموضوع طول لأنه في فرح منعم شاف ناجي واحمد حتا هوا شافه في فرح منعم بس مش عارف اسمه)
انس بعصبيه:عليش داز لي مرتي رساله بالكذب
احمد:ع شن تحكي انت
انس عطاه بوكس لعند وخر من قوته:مش فاضي لي أم الاستعباط تحكي ولا شنو
احمد بخوف:سناء قالتلي دير هك
انس بصدمه:شنو
احمد:سناء رنت عليا وقالتلي نبيك في خدمه قلتلها تفضلي قالتلي سلفتي تبي تخرب حوشي نبيك ادزلها الرساله هذي عشان يخرب حوشها وتطلق كان ما اتطلقت حوشي يخرب بي سببها وانا قلتلها تم عطيني الرقم ودزيت
انس حط يده ع راسه بصدمه:تحكي جد ولا تبصر
احمد:وحق ربي كيف ما نقولك
انس عطاه بوكس:والله مش راجل كان راجل ما سمعتش دوت صبايا وادير هكي
جهاد مسك انس:خلاص فوته وانت توكل وماعش تدخل في شي ما دخلكش بيه ه المره فوتناها مره اخره حسابك عسير
احمد هز راسه وحط يده ع خشمه لأنه معبي دم من بوكسات انس عدا الطريق عشان يروح
انس بعصبيه:شن مصلحتها ال## سناء
جهاد:هدي روحك
انس بعصبيه:كيف نهدا وانا ظلمت بنت الناس معايا ومافي كلمه ما سمعتها لها ومديت يدي عليها توا مريضه طايحه في الحوش شن ندير بسسس
جهاد:اعتذر منها وفهمها كل شي
انس:تي مستحيل ترضى صعب بكل انا طعنتها في شرفها
جهاد:جرب مش خاسرين شي وكان قلتلها هك حتا كان ما سامحاتك المهم تعذرك لانه حتا انت ماعندكش ذنب
انس:قولك هكي
جهاد:اها هك
انس:تم هيا
ركبوا السياره وانس وصل جهاد حوشهم وعدا للحوش