حب بعد مصاعب❤

الحلقه 35 والاخيرة❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 35 والاخيرة💗

ميرال طلعت من يالا البنات وردت
ميرال:الو
انس:شن جوك يا قلبي
ميرال بابتسامه:امم تمام وانت
انس:تمام قتلك
ميرال:نعم
انس:نبي القميص البيج والسروال الكحلي طلعيهن ليا
ميرال:تمام تعال يالا باب الشاليه
انس:تم
سكرت ميرال منه وعدت للدار الي فيها الدبش طلعت قميص وسروال انس وكانت لابسه سروال اسود معاه تيشرت وردي حطت الوشاح حط وبخت عطرها وطلعت برا لي انس لقاته واقف ومتكي ع الساس
ميرال بابتسامه مدتله دبشه:هاك
انس خداه منها الدبش وابتسم بي حب:صحيتي
ميرال:سلمك
انس حك راسه بتوتر:امم بتطلعن تكسدن برا
ميرال:اها ع الساعه 1:00 هك
انس:تمام حتا نحنا بنطلعوا
ميرال:تموم
انس:خلاص خشي
عدت ميرال وانس قعد يشوفلها ومبتسم وعدا للشباب

عند سناء في حوش هلها قاعده في الدار تبكي وأختها قاعده معاها
اختها:خلاص يا سناء ماعش تبكي بتموتي روحك من البكاء
سناء تبكي:حوشي خرب منعم طلقني وبابا ماعش عنده ثقه فيا هوا وماما الحقير انس خرب عليا حياتي
اختها بعصبيه:ما حد لاه علاقه بالي صار معاك انتي بس الي مسؤوله ع تصرفاتك انتي شن دخلك ايه تتزوج انس ولا تنتحر عليش خربتي حوشك بي يدك شوفي توا ايه مشلوله وطايحه في مكان واحد حتا ولدها الي حامل بيه الدكتور قال حالته خطيره دارواها ابرة ثثبيت الله واعلم يعيش ولا لا وانتي منعم طلقك وخذاه منك عويلك خلاااص يا سناء كافي شر وكافي حقد
سناء تسمع في كلام اختها وتبكي

الساعه 1:00 عند البنات يهدرزن
نجاح:هيا نطلعوا
ميرال:امم يا بنات خاطري في دقوق
تسنيم:نعليا حتا انا
بنات:حتا نحنا
ميرال:والله توا انكلم انس انديروه بنموت خاطري فيه
بنات:تمام
عدت ميرال ورنت ع انس
ميرال:انس قتلك
انس:قولي
ميرال:خاطري في دقوق
انس بضحكه:توا
ميرال:امم اها
انس:باهي وتن الحاجات توا نقول للشباب يولعو الحطب وانتن اعجنن الخبزه
ميرال بفرحه وعفويه:نجك ليا
انس بابتسامه:وليا يا عمري
ميرال تحشمت:باهي توا نخبر البنات
سكرت ميرال منه وعدت للبنات
ميرال:هيا نعجنوا ونوتوا الحاجات انس قال توا يكلم الشباب يولعوا الحطب
بنات بفرحه:تم
عدن البنات للمطبخ

عند انس عدا للشباب
انس:اووي
شباب:نعم
انس:البنات قالن يبن دقوق
عصام:نحلف عليها ميرال هيا الي قالت
انس بضحكه:اها هيا كيف عرفت
كريم:عشان غالي عليها واجد
انس برفعة حاجب:اها هيا
رجب:تعال نولعوا الحطب انا وياك يا كريم
كريم:تم هيا
عدوا كريم ورجب يولعوا الحطب والباقي عدوا فرشوا ع الشط عشان يهدرزوا

عند البنات
ميرال:خلاص توا العجنه واتيه والصلصه والماينونيز كل شي واتي والمشروب صح
بنات:اها
ميرال:هيا كل وحده ترفع حاجه نعدوا
رفعن البنات كل وحده حاجه وعدن طرحن يالا الشباب بينهم مسافه بسيطه بس رتبن الحاجات بي طريقه حلوه
كريم:ولعنا الحطب جيبن الخبزه
ناضت نجاح ومدتله الخبزه
كريم خداها منها ويشوفلها
هيا نزلت عيونها وكشخت عليه وعدت
حط كريم الخبزه ع الحطب وجا قعد مع الشباب