حب بعد مصاعب❤

الحلقه 27❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 27💗

انس ببرود:قررت نطلقوا بعد شهر
ميرال بصدمه:شنووو
انس بعصبية:كيف شنوا انتي تحبي سالم وانا مش مستعد نعيش مع وحده قلبها عند غيري وتساير فيا بس
ميرال:انس انت فهمت غلط
انس بعصبيه:شنو الي غلط بلاش كذب تحبيه سالم ولا مزال
ميرال سكتت
انس بعصبيه وصوت عالي:جااااوبي
ميرال هزت راسها
انس:ها شفتي يعني انا مانألفش في كلام كم عندي حاليا انتي ترقدي في دار وانا في دار وقدام اهلنا والناس نقعدوا زوجين ونحبوا بعض بس بعد شهر نقولوا ما تفاهمناش
ميرال بحزن:تمام
انس ركب وعدا لي الدار
اما ميرال قعدت تبكي ع حظها الي ديما ضدها

عند سالم يهدرز مع هله
سالم:امي وباتي بعدين في الليل نبيكم في موضوع مهم
يونس وميرال شافوا لي بعضهم:تمام
سالمه:سالم طلعنا انا وتغريد مكسدين رجب ما يبيش
سالم بابتسامة:حاظر
سالمه باست خده:تهبلل انت
كلهم قعدوا يضحكوا
يونس:رجب
رجب ساكت وسرحان
يونس بصوت عالي:رجبب
رجب فطن:نعم باتي
يونس:نكلم فيك كنك سرحان
رجب:شي نعم
يونس:نحس فيك لك فتره مش ع بعضك ونادر ما نسمعوا صوتك
رجب قعد يبكي
كلهم انصدموا وخافوا:شن في
رجب يبكي بعبره:في شي صاير بكرا انقوله لكم
مريم بخوف:شن في يا رجب طيحتلي قلبي قول توا
رجب ناض:بكرا ح تعرفوا
طلع رجب بسرعه وهوا يبكي ركب سيارته وعدا
يونس:بسم الله انشاءالله خير
تغريد:ياربي استر
كلهم:يارب

عند ريان لبست وشالها وائل للشركه عدت طول خشت ع مكتب سعد
ريان بابتسامه:صباحو حبيبي
سعد بابتسامة:صباحو
ريان:شن جوك
سعد:تمام بي شوفتك وانتي
ريان:تمام سعودي
سعد:قلبه
ريان:انا نبي نقترح عليك فكره وما نبيكش تعصب
سعد:شن هيا
ريان بربكه:انت تبي تتزوجني ولا لا
سعد باستغراب:اكيد شن السؤال هذا
ريان:باهي كم مزال ع ولادة ايه
سعد باستغراب:مزال 6 شهور عليش
ريان:6 شهور مش واجد نرجوا هدا كله
سعد باستغراب:باهي والمطلوب
ريان بربكه:نطيحوا البيبي الي في بطن ايه
سعد بصدمه وصوت عالي:شنووو
ريان بخوف وربكه:اهدا بس حبيبي لو طاح البيبي هك ح ينزل عليها الطلاق وتتزوجني وكان ع البيبي نجيبلك 10 بدل الواحد
سعد سكت شويا:ريان اليوم ما نبيش نشوفك بكرا تعالي نحكوا في حديقة##
ريان بصدمه:عليش
سعد:نبي نقولك كلام مهم بكرا
ريان:باهي
طلعت ريان اما سعد حس الدنيا بتوقف ه اللحظه

فات باقي الوقت

انس قاعد فوق في الدار وما طلعلش وميرال قاعده لوطه ودموعها ينزلن بس

الساعه 1:30 نزل انس وجا قعد ع الصالون مقابل ميرال ويشوف لي التلفزيون بدون اي تعبير اي ميرال وميرال كانت تشوفله وتمسح في دموعها دق الباب
انس ناض وعدا فتح الباب لقاهن تسنيم وساره جايبات معاهن صفره كبيره فيها غذاء
انس:عليش متعبات رواحكن
تسنيم:مافيهاش تعب انتم عرسان هدا من عميمه ناديه
انس بضحكة:باهي صحيتن
خدا انس منهن الصفره وهنا عدن خش حطاها في المطبخ ورد لي ميرال
انس برفعة حاجب:أمي دزت غذاء كان بتاكلي قاعد في المطبخ
ميرال شافتله:وانت
انس:ما عنديش نيه
ميرال:حتا انا مش ح ناكل
انس:براحتك انا طالع
ميرال:تم
طلع انس وقربع الباب وميرال تنهدت وقعدت حاطه يدها ع راسها
رن تيلفونها
ميرال بفرحه:الو ماما حبيبي رايفت عليكم واااااجد
سعاد بحزن:حتا نحنا با بنتي رايفنا عليك واجد وخصوصا عصام
ميرال بحزن:يا روحي
سعاد:شن جوك مع انس
ميرال بابتسامه مصطنعه:كويسين
سعاد:باهي الحمدالله اهم شي مرتاحه
ميرال في عقلها"هابا عليك راحه😂♥️"
ميرال:لا تمام ماما عطيني عصام
سعاد:تمام
سعاد:عصااام تعال تبيك ميرال
عصام جا يجري من فوق:توييينزي
ميرال دموعها نزلن:توينزي رايفتلككك
عصام:حتا انا طلعتي غاليه عليا
ميرال بضحكة:بارد
عصام:شن جو انس معاك
ميرال بغصه:كويس
عصام:يجي شورك قوليلي
ميرال:ربي يخليك ليا
عصام:وليا هاكي امي
سعاد:باهي باي مانعطلكش
ميرال:سلمي ع بابا ونجاح واااجد
سعاد:يوصل
سكرت ميرال من امها وقعدت مكسده بروحها في الصاله