حب بعد مصاعب❤

الحلقه 20❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 20💗

سالم:ح نحكي مع الزفت انس
هاني بصدمه:كيف
سالم:نبي نعديله ونحكي معاه ونفهمه الي صاير بينا انا وميرال مرات يتفهم ويفسخ الخطوبه
هاني:وكان قال لا
سالم:مش ح يقول لا لأنا يعرفني وكان في بينا هدرزه وهك يعني مش ح يردني
هاني:باهي انشاءالله يصير كيف ما تبي
سالم:يارب
هاني:وامتى بتعديله
سالم:الساعه 5:00 نرن عليه ونتفق معاه نتلاقوا في كافي
هاني:اها كويس
قعد سالم يدخن وعنده امل انس يوافق

فات باقي الوقت مافيش شي صار

الساعه 4:30 سعد لبس وعدا دق باب حوش هل ايه(رائد كلمه وقاله تعال)
فتحله رائد
رائد:اوو سعد
سعد:رائد شن جوك
رائد:تمام وانت
سعد:الحمدالله من الله بخير
رائد:تفضل المربوعه
خشوا رائد وسعد للمربوعه
رائد:توا انجيك
سعد:خوذ راحتك
طلع رائد عدا للصاله لقا ريان وامه وايه قاعدات
رائد بحده:ريان ديري قهوه سعد جا
ايه انصدمت وقلبها طاح
ريان:تمام
عدت ريان ادير في قهوه
لحظه
(اكيده كلكن تقولن ايه باتها عايش عليش خوها يتصرف تصرفات الأب بات ايه كبير في العمر ومعتمد ع ولده رائد في كل شي وهوا كويس مع بناته بس ما يحبش الغلط وكان ما يدخلش في امورهن واجد يسأل بس كل شي مسلمه لي رائد🔥🔥)
ايه بربكه:رائد عادي نحكي مع سعد شويا
رائد باستغراب:كيف مش عساس بتطلقي
ايه بربكه:صح بس نبي نقوله كلمتين
رائد بتفكير:اوكي الحقيني
عدا رائد وبعد شوي ايه لحقاته خشت للمربوعه ومنزله راسها
ايه:السلام عليكم
سعد بتقزز:وعليكم السلام
رائد ناض:عندي تليفون انديره ونجي
سعد:خوذ راحتك
طلع رائد وايه جت قعدت مقابله سعد
سعد:شن تبي
ايه نزلن دموعها(دموع التماسيح🙂🔥)
ايه:سعد انا حاولت واجد نحبك حاولت وطلعت انس وذكرياته من حياتي وقعدت متعوده ع وجودك وانرايفلك لما تطلع ونخاف عليك بعد اطول كنت معجبه بيك واجد والإعجاب بداية الحب بس لما شفت انس في المستشفى لقيت روحي مزال نحبه وكل الي كنت نشعر بيه معاك راح فجأه وقعدت نفكر في انس واجد ولقيت روحي مزال نحبه
سعد ويتقطع من جوا:باهي والخلاصه من كلامك
ايه:امس حكيت لي اهلي وقلتلهم اتفقنا نسيبوا بعضنا عشان الفتره الأخيره صارن بينا مشاكل واجد وماتفاهمناش نبيك انت تقول لي رائد نفس الشي
سعد ضحك بي هزوه:ههههه
ايه باستغراب:كنك
سعد:انتي تطلبي مني نستر عليك بي طريقه غير مباشره صح
ايه ودموعها ينزلن:لا فهمتني غلط
سعد بعصبيه:اي غلط وانتي تخوني فيا ومزال عندك عين تشوفي لي وجهي وتطلبي مني نستر عليك
ايه:بس
خش رائد بعصبيه وعروق رقبته باينات:صار هك يال...
ايه وسعد انصدموا
ايه بخوف وربكه:رائد انت
رائد ما خلاهاش تكمل كلامها عطاها كف بي اقوه قوته
ايه وخرت من قوة الكف اما سعد ف كان يشوفلها بي برود
رائد بعصبية وعيونه حمر:نحنا اديري فينا هك وتنزلي راسنا انتي متزوجججججه عارفه شن معنى متزوجه انتي تخوني في راجلك للدرجه هذي انتي واطيه ومنحطه
ايه تبكي وتشهق:مش بيدي يا رائد حبيته وما قدرتش ننساه حاولت واجد
رائد بعصبيه:سكري فمك سكرررريه ماعش تحكي الكلام هذا قدامي
ام ايه وريان سمعن الصوت جن يجرن
ام ايه بخوف:شن في ايه كنك تبكي
رائد:تعالي يا امي شوفي بنتك شن دايره
ريان عرفت إنه رائد عرف وقعدت خايفه ع ايه
ام ايه بخوف:شن دايره
رائد:تحب في واحد ثاني وهيا متزوجه وتطلب من سعد يتستر عليها
ام ايه انصدمت:ايه الكلام هذا صح
ايه نزلت راسها وهزت راسها بي معنى صح
ام ايه قعدت تبكي:حسبي الله فيك حشمتينا مع الراجل انتي مستحيل تكوني تربايتي مستحيل
رائد قدم من ايه بعصبيه وقعد يضرب فيها لعند طاحت وجا راسها ع الطاوله وطاحت لوطه وداخت وراسها يصب في دم واجد
كلهم انصدموا
ريان تبكي:لااااا ايه
ام ايه تبكي:الله يربحك اختك يا رائد تموت شيلها للمستشفى
رائد ببرود:خليها تموت مش اختي انا متبري منها
ريان تبكي:الله يربحك يا رائد شيلها للمستشفى تموت راسها ينزف
سعد ماعش قدر يتحمل:عدي جيبي عبايتها يا ريان
كلهم انصدموا
ريان بفرحه:بتشيلها
سعد هز راسه عدت ريان تجري للدار تجيب في عبايه لي روحها ولي ايه
رائد بصدمه:بعد كل الي داراته فيك تبي تشيلها للمستشفى
سعد:مش وقت الكلام هذا انتوا نسيتوا ولدي في بطنها
ام ايه ورائد سكتوا لأنه صح كلامه
(سعد يكذب مش عشان الولد مزال يحبها بي رغم الي داراته كله مزال يموت فيها ولما شاف منظرها هك ما قدرش يتحمل ودار البيبي سبله💔🔥😣)
جت ريان لابسه عبايتها ولبست ايه عبايتها ورفعها سعد وركبت ريان معاه وعدوا بيها للمستشفى
اما ام ايه ورائد قعدوا ام ايه تبكي وتدعي تنوض اما رائد ف كان متحشم إنه هذي تكون اخته طلع من الحوش وهوا مضايق