حب بعد مصاعب❤

الحلقه 26❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 26💗

جت حنين يالا ميرال:افردي وجهك وابتسمي ع الأقل
ميرال:اووف متوتره بكل
حنين:عادي هذا شي عادي وانتي عروسه اكيد ح تتوتري
جت ساره
ساره:كنك ميرال
ميرال:كني
ساره:نحس فيك متوتره واجد
حنين:ها حتا ساره لاحظت
ساره:ارخي روحك بس
تسنيم جت:مشاءالله يا ميرال طالعه تحفه
ميرال ابتسمت:من ذوقك
عدت نجاح ولعت اغنيه ليبيه وقعدن البنات يرقصن وميرال تشوف من بعيد وتحاول تبتسم

عند انس واصحابه انس رن ع ساره
انس:ها شنو نخش
ساره:اها خلاص 10 دقائق وتعال
انس:تم
سكرت ساره من انس وعدت تجري خبرت امها بعدها عدت لي ميرال
ساره:انس جاي راه
ميرال بصدمه:قصدك بيخش
ساره:اها
ميرال بتوتر:تمام
ناديه جت لي ميرال:الله واكبر عليك يا بنيتي
ميرال:تسلمي عميمه
بعد 10 دقائق
المنشطه:العريس بيخش
قعدن الخيمه كلهن يلبسن في اوشحتهن خش انس لي باب الصاله الجواني جاته ساره
ساره:مشاءالله طالع حلو
انس بابتسامه:تمام خلاص نخش
ساره:اها
خش انس وقعد يمشي بي خطوات واثقه وكانوا مولعين اغنية(هلا بي ريحة هلي)انس قعد يمشي لعند قرب من الكوشه وكانت امه بس قاعده الباقيات مصبيات جيهة الكوشه ولابسات اوشحه
انس باس راس امه:راضيه عليا
ماديه:الله يرضى عليك دنيا واخره
ابتسم انس وقرب شاف ميرال وذاب في شكلها كيف طالعه بس مسك روحه قدم بأس راسها
انس بابتسامه مزيفه:مبروك
ميرال بابتسامه مزيفه:الله يبارك فيك
جا انس قعد يالا ميرال وميرال كانت ترجف ومتوتره بكل
انس بابتسامه مزيفه مسك يدها وعصر عليها بقوه:يدك مصقعه اهدي عليش التوتر هذا كله
اما ميرال ف حست بي شعور سمع بعد انس مسك يدها:يدك ساخنه
انس ضحك ع خوفها
جتهم المصوراتيه:هيا جاهزين تصوروا
ميرال بصوت واطي:من جابها هذي
انس بتكشيخ:حتا انا مش عارف
ساره جت:انس المصوراتيه جابها زياد هديه لكم
انس وميرال شافوا لي بعضهم
ساره:هيا صبو
صبوا انس وميرال وقعدوا ياخدوا في لقطات عفويه بعدها صورورا معاهم العيله(ناديه وسعاد ونجاح وساره وتسنيم وفجريه وسمر)

عند سالم قاعد ع البحر وقدامه سكير ايه ما تنصدمنش يسكر ودموعه ينزلن وقافل تيلفونه هاني ويقين يرنوا عليه يطلعلهم مقفل خايفين عليه

عندهم في الصاله
انس:خلاص هيا
ميرال بتوتر:باه
انس مد يده لي ميرال
ميرال شافت لي يده ومدت يدها مسكوا في ايدين بعضهم وقعدوا يمشوا ونجاح وحنين وسعاد قالبتنها مناحه وصلوا لعند جيهة الباب البراني
انس:عدي جيبي الكاب
عدت ساره تجري جابت الكاب
ميرال دموعها ينزلن حظنت امها
سعاد تبكي:ربي يسعدك يا بنيتي
بعدها ميرال حظنت حنين
حنين تبكي:مش ح نخليك كل يوم نجيك
كلهم قعدوا يضحكوا
تسنيم:خلاص يا ميرال مكياجك توا يخرب
فجريه حظنتها:ربي يسعدك
ميرال بابتسامه:يارب
ميرال:باي
هلها:باي
طلعت ميرال مع انس برا لقوه عبدالسلام وعصام واقفين جيهة الباب الخارجي
عبدالسلام حظن ميرال ودموعه ينزلن:ربي يسعدك يا بابا
ميرال دموعها ينزلن:يارب راضي عليا يا بابا
عبدالسلام: الله يرضى عليك دنيا واخره
انا انس كان يشوفلهم ومتاتر
عصام حظنها وقعد يبكي
كلهم انصدموا
عصام:توا من انابش في الحوش
ميرال تبكي وتضحك:ربي يخليك ليا
عصام مسح دموعه:وليا يارب
عصام بجديه:اسمع يا انس
انس:نعم
عصام:ردبااالك تزعلها ولا تشكي منك حطها في عيونك
انس بابتسامه:انشاءالله ربي يقدرني
عبدالسلام:خلاص توكلوا
مسك انس يد ميرال وميرال حطت الكاب ع وجهه وانس قعد يمشي يالاها وصلوا لعند السياره ركبها وسكر الباب
زياد بصوت عالي:أحلى زفه لي انس
انس:فكونا من المعيله
طلعن صبايا متاعات هل العريس وركبوا السيارات وتحرك انس بي ميرال واصحابه وراه قريب 25 سياره ودايرله زفه تهبل بكل بعد حوالي 20 دقيقه وصلوا انس وميرال لي الفندق والباقيين روحوا(طبعا إبراهيم قال لي انس أول يوم اقعدوا في فندق عشان الأقارب قاعدين والدنيا زحمه وبكرا تعالوا لي حوشكم وحجزلهم)