حب بعد مصاعب❤

الحلقه 30❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 30💗

بعد مرور 4 أيام الي صار:

ردوا أهل يقين ع أهل سالم بالموافقه وسالم حدد الفرح بعد شهر وقال ما يبيش جو بيان وهك كل شي بسيط وتلبيسه ما داروش تلبسيه نظام جو هله ولبسوها الدبله بس بس الفرح ح يكون كبير ويقين فرحانه بكل ميلاد وفوزيه بيقعدوا معاها لعند يتم الفرح وهيا فرحانه بيهم دايرتهم زي باتها وامها وسالم يجي في اليوم مرتين بس ويعدي

انس وميرال جوهم حلو بكل مع بعضهم 24 ساعه يطلعوا وانس يدهور في ميرال وجوهم حلو عايشين اصدقاء وكيف الخوت ما حدش حب الثاني ولا شي لأنه الي يصير بينهم ما يجيبش مشاعر ونسرين تعطي في ميرال نصائح بس ميرال كانت تتجنب في نصائحها لأنها متحشمه أما ياسين مزال ما فتح لي انس الموضوع

ورد في الاربعه أيام هذينا تعودت عليهم وانطلقت شويا وبدت تاكل معاهم مره مره لما يكونوا رجب وسالم قاعدين انا رجب كان كل ما يشوفها يحس بالذنب

أما سعد امه ادورله ومزال ما لقتله وهوا حاليا لاهي في شغله ونسا ريان وايه لأنه الي دارنه ينسيهن مهما كان يحبهن

ريان كل ليله تبكي والخطه الي خططنها هيا وسناء مزال ما دارنها

اما ايه ترجي في موعد مرواحت انس وميرال

كريم ه الفتره قاعد مع هل ميرال مع عصام

الساعه 12:00 الصبح عند ميرال ناضت دارت جوها لبست=سروال وردي ستان معاه تيشرت كحلي ورفعت شعرها فوق ونزلت للمطبخ خشت دارت دحي وطلعت تن ومربه وهريسه وجبنه وكل المعلبات وحطتهن ع الطاوله ودارت شاهي أحمر شافت للطاوله وابتسمت وعدت للدار تنوض انس
ميرال:انسس هيا نوض نفطروا
انس ناض:تمام
عدت ميرال للصاله وقعدت ع الصالون  انس جا وشاف للطاوله
انس:اووو مدلعتنا اليوم
ميرال بابتسامه:حبيت نغير
انس:سلم يدك ننزل نجيب خبزه ونجي
ميرال:تمام
نزل انس جاب الخبزه من الكوشه الي لوطه وجا قعدوا هوا وميرال ع الطاوله يفطروا

عند هل سالم يفطروا كلهم قاعدين حتا سالم معاهم
يونس:امس ماصارش من مشيتنا توا بعد الفطور نشوفوا الدكتور
ورد:تمام
مريم:انشاءالله خير
كلهم:يارب
سالم ناض:صحه
كلهم:سلمك
طلع سالم وعدا لي يقين
مريم:بعد شهر قرب الفرح
يونس:اها قرب
مريم:باهي سالم بيبني حوش ولا يشري
يونس:اكيد يشري البني في شهر ما يلحقوش
مريم:اها اكيد

عند هل انس وعيت عمه يفطروا قاعدين
مروان:خلاص اليوم في العشيه نعدوا غادي لي الحوش تما فيه كل شي
سلوى وتسنيم وعمر:تمام
ناديه:انشاءالله عتبة خير
سلوى:يارب
رن تليفون تسنيم ناضت وعدت للدار
زياد:أنا شبعت
ناض زياد وعدا وراها تسنيم خشت الدار
تسنيم بابتسامه:تمام شن جوك انت كنت نغطر..
زياد انصدم وجن جنونه خش يجري للدار خداه منها التليفون وعزقه في الساس قعد طراطيش
تسنيم انصدمت وقعدت تشوفله
زياد بعصبيه لعند عروق رقبته باينات:تكلمي يا كلبهه
تسنيم بخوف:زياد ان ت فاهم غ غ لط
زياد بعصبيه:سكري فمككك كيف فاهم غلط نسمع فيك تكلمي في ولد
تسنيم دمعوا عيونها:والله هذا صديق بس
زياد ضرب يده في الدولاب:حتا ولو صديق ولا نم نفس الشي
تسنيم بخوف:وطي صوتك يسمعوك
زياد بعصبيه:سكري فمك
تسنيم بعصبيه:انت شن دخلك بيا عليش العصبيه هذي كلها
زياد مسكها كن كتوفها وقعد يهز فيها:لأنه بديت نحب في امككك
تسنيم انصدمت:شنووو
زياد:اها من يوم ما شفتك في الفرح في الحمام وانتي كا فارقتيش بالي نحس بي شعور حلو لما نشوفك بديت نحبك وانتي تكلمي في فرخ ولد الحرام من هذاااا
تسنيم بربكه:باهي أهدا ارجوك وعد ماعش نكلمه خلاص
زياد:ديري الي يريحك
طلع زياد وقربع الباب اما تسنيم قعدت مصدومه
تسنيم بصدمه:معقوله زياد يحبني كيف بس