حب بعد مصاعب❤

الحلقه 2❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 2💗

الساعه 10:00عند انس وصحابه قاعدين يلعبوا بعدها انس طلع برا يدخن جاء جهاد
جهاد:من لما جيت عرفتك مضايق وهذا الدليل كملت باكو كامل في نص ساعه
انس تنهد بقوه:هلي رايحين مصرين واجد ع موضوع الزواج
جهاد:شن فيها من عيب صح انت كبير مواليد 90 خلاص اهو انا وخالد واحمد كلنا خاطبين وفرحنا قريب
انس:انت عارف انا عليش رافض
جهاد:لعند امتى تذكر في الماضي خلاص انسا الماضي وعيش حياتك
انس:مش قصة الماضي ولا شي بس انا انخذلت وماعش نبي انجرب مره اخره خلاص كاره جنس حواء كله نحس فيهن نفس الشي وماعش عندي ثقه في وحده
جهاد:حتا صوابع اليدين مش كيف بعض في كل مكان في بنت ناس وفي قليلة اصل غلط تفكيرك كله بنات الحلال واجد و ح تلقا فرح امك وباتك يبوا يشوفوك عريس كمل نص دينك مافيش احلى من الحلال
انس:انا جايه في بالي فكره كان فتحولي الموضوع مره اخره انقولها لهم
جهاد:شن هيا
انس:.........
جهاد انصدم

عند ميرال قاعده في دارها تكلم في حنين صاحبتها
حنين:شن جوك انتي وسالم
ميرال:تمام قاعدين بكرا بيجوا عيت خالي
حنين:نسألك سؤال جاوبيني بي صدق
ميرال باستغراب:اكيد بس شن هوا
حنين:انتي تحبي سالم ولا مجرد إعجاب  وتعود 
ميرال:انحبه واجد سنه ونص حتا هيا
حنين:اممم باه عندك فيه ثقه
ميرال باستغراب:اها اكيد وثقه عمياء اخره كنك اليوم انتي
حنين بربكه:ش شي أسئله عاديه عشان مكسده
ميرال بضحكه:مبردك  شن الجامعه امتى تفتح
حنين:قالوا بعد شهر
ميرال:اممم اها عارفه بابا نحس فيه مهموم ومضايق
حنين:كنه
ميرال:مش عارفه يسرح واجد
حنين:اكيد مشاكل شغل ماتفكريش واجد
ميرال:اكيد
قعدت ميرال تحكي مع حنين وهك

عند سناء ومنعم
سناء:نعومي
منعم:نعم
سناء بابتسامة خبث:انس خوك 
عليش رافض فكرة الزواج
منعم:انتي عارفه والعيله كلها عارفه عليش الاستعباط
سناء:مش قصة استعباط بس هوا موضوع صار من سنه يعني مفروض ينسا
منعم:ديريلي قهوه وغيري السيره
سناء:حاضر
عدت سناء للمطبخ وهيا مبتسمه

عند عصام واصحابه
عصام:والله إنك غشاش ياحامد
حامد:تي عدي ملح ديما تخسر وتقول غش
عصام:تعال هنا ياوجه البومه
علي:خزي مش قتلك فوته اللقب هذا
عصام:تي هذا مش لقب هذي حقيقه
شباب كلهم:ههههههههه
شاب:تي  من وين  تجيب فيها خفة الدم هذي
عصام:من  مركز الهلال الاحمر
حامد:مافيكش جو
عصام:انا مروح وجوهكم
شباب:وجهك
عدا عصام وهوا ماشي في الطريق شاف محل مواد غذائيه لفت نظره جايبين غزل البنات وااجد عدا عصام خش المحل
عصام:معليش عطينا6طروف
صاحب المحل:تم
مدله صاحب المحل6 طروف غزل وكانن اكياس كبار بكل
خلص عصام صاحب المحل وعدا ركب سيارته وجا لي حوشهم لقاه امه وباته في الصاله
عصام:السلام عليكم
عبدالسلام وسعاد:وعليكم السلام
عصام:وين ميرال ونجاح
سعاد:في دارهن
عصام بصوت عالي:ميرااال نجاااح
سمعن صوته نجاح وميرال ونزلن
ميرال بفرحه:هيييي غزل
عصام:جبتها لكن
ميرال ونجاح:نجكك
عصام بغرور:بش تعرفني كريم
ميرال:صح انت كريم بس ماعش تشوف روحك
عصام:ها انشوفك انتي مش روحي
قعدوا يضحكوا