حب بعد مصاعب❤

الحلقه 31❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 31💗

ثاني يوم الصبح عند ميرال وانس الساعه 6:30 رن منبه انس ناض غسل وجهه وعدا لي غرفة ميرال
انس:ميرال هيا نوضي
ميرال ناضت:تمام
عدت ميرال الحمام وانس خش خداه دبشه من الدولاب ونزل لوطه عشان يبدل
ميرال طلعت طلعت عبايه خليجيه لونها أسود بشت وطلعت معاها وشاح لونه قهوي محروق دارت ميكب حلو بخت عطرها ولبست كندرتها ونزلت لي انس لقاته لابس سروال وقميص
ميرال:انا لبست
انس شافلها بابتسامه ع الجنب:حلوه عليك العبايه
ميرال:تسلم
انس:خلاص هيا وقت توا الساعه 6:50 دقيقه نعدي انزل الشناطي
ميرال:تمام
عدا انس نزل الشناطي ودار برمه بسيطه قال مرات نكونوا ناسيين حاجه او هك انس نزل
انس:خلاص كل شي تمام
ميرال:تمام عطيني نمسك معاك شنطه
انس مدلها الشنطه الصغيره ونزلوا لوطه لقوه تاكسي
انس:السياره امس سلمتها لي صاحبها
ميرال:اها أوكي
ركبوا في تاكسي شالهم للمطار عدوا قعدوا ع الكراسي انس عدا لي كافي المطار شراه قهوه
انس:قهوه
ميرال خدتها منه
قعدوا يشربوا في القهوه بعد 10 دقائق نادوا ع الرحله ركبوا في الطياره ميرال جيهة الروشن وانس يالاها قعدوا ساكتين
انس:الرجعه سمحه مش كيف المشيه
ميرال:اها بكل انا متحمسه
انس بضحكه:هبله
قعدوا ساكتين ميرال نعست ورقدت وانس سارح ميرال طاحت ع كتف انس ورقدت عليه انس كان سارح بعد شافلها راقده ع كتفه ابتسم ودخللها شعرها الي طايح من الوشاح
الساعه 10:35 وصلوا لي مطار ليبيا
انس:ميرال نوضي وصلنا
ميرال ناضت لقت روحها ع كتف انس وجهه قعد احمر:صاح ما حسيتش بالوقت
انس بضحكه:وكيف تحسي بيه وانتي راقده
ميرال:ينزلوا قاعدين هيا ننزلوا
نزلوا ميرال وانس من الطياره لي مطار ليبيا
انس:توا انرن ع منعم يجينا توا اكيد قاعد في شغله
ميرال:تمام
رن انس ع منعم
انس:الو منعم
منعم:اوو الحمدالله ع السلامه
انس:الله يسلمك كيف عرفت
منعم:الشفره ليبيه عليك غباء
انس بضحكه:نسيت بكل المهم انا وميرال قاعدين في المطار تجينا
منعم:تم 10 دقائق نكون عندكم
انس:منور
منعم:مش بينا
سكر انس.من منعم وقعدوا هوا وميرال يرجوا فيه
بعد 10 دقائق جاهم منعم قرب من انس وحظنه
منعم:الحمدالله ع السلامه
انس:الله يسلمك
وخر منعم من انس ومد يده لي ميرال:حمدالله ع السلامه
ميرال بابتسامه:الله يسلمك
رفع منعم مع انس الشنطه وعدوا لي سيارة منعم ركبوا وعدوا وصلهم لي الحوش وعدا شغله انس وميرال ركبوا حوشهم طول عشان لوطه مرقدين خشوا الحوش
ميرال ابتسمت بي راحه:هدا وين ارتحت
انس:حتا انا
ميرال:ندير دوش سريع ونرقد طول نحس في روحي ليا سنه مش راقده
انس بضحكه:حتا أنا كيفك بس انتي رقدتي في الطياره
ميرال اذكرت إنها رقدت ع كتف انس انحرجت:اها باهي راقيه فوق انا
انس:تمام
عدت ميرال فوق سلحت عبايتها دارت دوش سريع لبست توته لونها حني وجففت شعرها وطاحت رقدت
انس دار دوش في الحمام الي لوطه ولبس الديشمبر وعدا فوق عارف إنه ميرال رقدت خداه لبسه من الدولاب ونزل لوطه لبسها ورقد في دار المقعد