حب بعد مصاعب❤

الحلقه 15❤

( الڪاتـبـةة ژوژو الطـشـهـه 💕 )

(حـب بـعـد مـصـا؏ـب 🥺♥️)

الحلقه 15💗

يشوف ايه وسعد وبات سعد ماشيين جا انس وقعد يمشي ايه شافاته وقعدت تشوف فيه وخلاص انس مش مدور بكل فات وعدا خشه مكتبه اما سعد ف كان يشوف لي نظرات ايه ولقاها تشوف فيه وشافله هوا قبل لا يخش مكتبه لقاه عادي فايت ومش مدور قلبه انكسر من نظرات ايه ركبوا السياره وروحوا بيه لي حوشهم

فات باقي الوقت عادي

انس يشتغل في مكتبه وحاس بي توتو عشان اليوم بيخطبوله

الساعه 12:00 عند ميرال وهلها يفطروا قاعدين
ميرال:بابا
عبدالسلام:نعم
ميرال:عادي بعدين في العشيه نعدي لي حنين لنا واجد ع بعض وامس قالتلي تعالي كسدي وانا مرايفه عليها واجد
عبدالسلام:خلاص عدي عصام بعدين شيلها
عصام:تمام
ميرال فرحت
قعدوا يفطروا وهك

في حوش انس هله وعيت عمه يفطروا(كالعاده الصبايا بروحهم والرجاله بروحهم)
تسنيم:زعما ميرال بتوافق
ساره: انشاءالله توافق
ناديه:نحنا اليوم نخطبوها ونحكوا مع هلها وهك واكيده بعد كم يوم يعطونا الرد
تسنيم:امس يا عميمه بعد حكيتي مع انس شن قال
ناديه:ما قال شي رد ببرود الي تريحكم ديروها
ساره:اووف امتى يرد لي عقله بس
تسنيم:كان ميرال وافقت وتزوجها ح يعقل وتوا نشوفوا
ساره:مدام إحساسك هك متأكده انشاءالله صح
تسنيم:الايام بينا

عند سالم ناض فرحان وعنده طاقه إيجابية عدا لقاه هله يفطروا
سالم:صباح الخير
كلهم باستغراب:صباح النور
جا سالم وقعد معاهم ويفطر
مريم:شن سر ه الفرحه
سالم:فرحان هك وخلاص
سالمه:هابا ع الكذب فرحان عشان بيخطبوله ميرال
كلهم انصدموا فيها وقعدوا يضحكوا
سالم:امتى تخلي طولة اللسان هذي وتبطلي تحكي كلام اكبر منك
سالمه:قلت حاجه كذب انا
سالم سكت
سالمه:ها معناها ماعش تهزب
قعدوا يضحكوا

عند ايه جت لي سعد في الدار وجايبتله صفرة الفطور
ايه:وهدا فطور لي أحلى زوج
سعد ببرود:شكرا
ايه:قعمز ع حيلك وافطر
سعد قعد ع حيله وايه حطتله الصفره ع الطاوله الي جنب السرير وقعد يفطر شوي شوي
ايه:امتى نروحوا لي حوشنا
سعد:مزال مش اليوم ممكن بعد بكرا
ايه:وعليش مش بكرا
سعد:عشان باتي بيعزم بكرا عشان طلعتي بالسلامه
ايه:اها اوكي

عند انس يشتغل في مكتبه دق الباب
انس:تفضل
خشت الممرضه
الممرضه:دكتور انس في وحده امبدري جت وعطتني هالرساله وقالتلي نعطيها لك
انس باستغراب:من وماقالت شن اسمها
الممرضه:اسمها ايه
انس انصدم:تمام شكرا تقدري تمشي
الممرضه:ولو
طلعت الممرضه
انس بعصبيه:شن مزال تبي
فتح الرساله ولقاها مكتوب فيها"بعد 4ايام نبي نحكي معاك في موضوع مهم نتلاقوا في مطعم##الساعه 5:00 العشيه يوم السبت سلام"
انس قراه الرساله وعزقها في سطل الكناسه حشاكن وقعد يشتغل وهوا مش مدور الموضوع بكل